Kohë qirinjsh

[Agim Metbala]

Më 08.05.2013, ndërroi jetë artisti i madh shqiptar (piktor, poet, shkrimta)...profesor i imi e miku i jetës, Mr. Budim BERISHA, oshte një pedagog i vërtetë, punëtor i palodhshëm në kërkim të talentëve të artit në përgjithësi...me shuarjen e jetës së tij fizike, humbi shumë arti shqiptar...Past ndjesë e u preft i qet mes engjujsh...figura e tij poliendrike, do të jetoj mes nesh me shekuj...
Poezinë ia kam kushtuar për së gjalli, e meritonte...

TË KËRKOJ NË BARDHËSITË
(Piktorit Budim Berishës)

Dhe ti nuk ka nevojë të flasësh
Shesheve të dehura
Asnjë fjalë goje
Atelieja jote ka romane
Të pashkruara
Që presin lindjen
E brezit në agim...

Dhe ti vetëm hesht
E dora jote e djathtë
Me brushën magjike
Shëndosh zemrat
Spërkat kaltërt – kaltëri horizontit
Duke verbuar terrin
Pa mëshirë deri në varr...

Dhe ti prapë hesht
Natën dielli ta rrezon ballin
Bardhësitë metaforat
Zbusin pëllumbat e egër
Kukuvajkat trembin
Dora e përgjakur në kapixhik
Çizmja e rëndë digjet
Përjetësisht largohet me terrin...

Në relief lakohet emri yt
Unë të shohë në bardhësitë e qiellit
Atje, atje të kërkoj miku im
Në tokë, në tokë jo kurrsesi...

26.09.2003

@ Agim METBALA

[Agim Metbala]

MOZAIK I PËRKRYER
(Poetit për fëmijë Mehmedali Hoxhës)

Sa herë dëshiroj të të parafytyroj
Parafytyrimi im digjet nga bukuria jote
Sa herë dëshiroj ta imitoj buzëqeshjen tënde
Fytyrës sime i humbet zbukurimi
Sa herë në bisedë tentoj t’i përdorë fjalët tua
Mendimet më ngatërrohen totalisht
Sa herë mundohem të bëhem xhentlëmen si ti
Vetja më duket palaço
Dhe variant pas varianti
Më në fund kuptova
Se ti ishe një mozaik i përkryer
Me transferzale astronomike
E me copëza nga gjithësia...

29.07.2007

@ Agim METBALA

[Agim Metbala]

AUTENTICITETI SHQIPTAR
(Akrostik nipit Altin)

Autenticiteti shqiptar, në sy të vezullon
Largëndijimin ta perfeksionosh shpirtit
Ta ndjesh Kosovën në çdo çast
Itinerarit të rrugëve të Nyrenbergut
Ndërto e bindi të tjerët në pastërti...

Marsho jetës me guximin e të parëve
Ekuilibrin vazhdimisht krijo me dashuri
Tërhiqi koordinata e transverzale me llogari
Besimin kërko me nder e me drejtësi
Ashtu do e mbron emrin dhe fisin
Lartësive të ngjitesh me punë e djersë
Ardhmërinë do ta puthish në mes të ballit...

12.05.2013

@ Agim METBALA

[Agim Metbala]

ITINERARI I RREZIQEVE
(Veprimtari Agim Hasku)

Itinerari ytë jetësor
Kishte shumë të panjohura e rreziqe
Në çdo shteg korre nga një sukses
Dhe kurrë nuk u vetëkënaqe...
.................................................. ..
Mendimet i kthejë në retrospektivë
Në vitet e egra të ’70-ve
Notat i zije me lehtësi
E gishtat të lëviznin telave të gitarës
Ëndërroje ëndrrat e ndaluara
E natën lexoje romanet e dënuar
Po, kështu ishe miku im...

Duke vazhduar itinerarin e rreziqeve
Svidat ishin kënaqësitë e tu
E rreziqet të kalitnin përditë
Guximin e mbaje nën sjetull zi gazetën
E në komunikim tolerancën...

Të njoh mirë miku im
Ehoja jote në parlamentin
Ku është folur gjuha e huaj
Shumë vetave ua shqeve timpanët e veshëve
Duke i hedhur në ajr zogjët e të vërtetës
Kur të tjerët i aplaudonin të keqes...

Shteg pas shtegut korrje fitore
Por ti prap nuk u vetëkënaqe miku im
Vazhdove itinerarin e rreziqeve
Diferencimet dhe demonstratat të gjetën
Në krye të komunës
Me maturi e përgjegjësi personale
Mbete i pashlyeshën në kujtesë...

Dhe prapë nuk u vetëkënaqe
Kur dushku zu të çeli
E malet tona u hijeshuan
E kur miqt e tu iu dorëzuan frikës
(e mbajë mend atë mbledhje ilegale)
Si çdo herë granit, pranove detyrën - vdekje
E urëlidhjes në mes qytetit e drangojëve ndër male
Dhe për herë të parë të pashë të kënaqur në fitore
Kur në çdo hap të priste thika e plumbi
Guximin prapë e mbaje nën sjetull si gazetën...

Dhe prapë nuk u vetëkënaqe miku im
E kur mjekët ta vizatuan pentagramin e infarktit
Lutjet e miqve i përcillje me buzëqeshje
Dhe prapë në krye të kolonës
Për t’i vënë këmbën tanksit rus
E për ta shtrënguar dorën me Vesli Kllarkun...

Ti kurrë nuk u vetëkënaqe miku im
Sa të pati zili edhe vet Zoti
Dhe të morri me vete në pakthim
E neve për jetë ngushëllim...

Fli tash qetë miku im
(edhe për vdekje ke zgjedhur hije e vend të bukur)
Ke lënë vepra për njëqindë vjet!

17.10.2004

[Agim Metbala]

Simboli i çlirimit të Kosovës, komandanti Legjendar Xhelal HJADA - TONI, krenaria e Rahovecit dhe i Kosovës, sot u shpall Hero kombëtar...sot ishte ditë krenarie për secilin rahovecas, mbase Toni u nderua me titullin që e meritoi...

JETËN NGA VDEKJA E
SHNDËRRUAT NË BALADË
(Kolonel Tonit)

Shtegëtove metropoleve t’Europës
Duke kërkuar shokë
Të fjalës, besës dhe pushkës...
Ju kokën e patët këtë tokë
Këtë tokë e patët më tepër se jetën
Ju që frymë merrnit nga poret e kësaj toke
Lulëkuqet i ushqenit
Me gjakun e damarëve
U vendtakuat
Aty ku është ndarë zemra në dysh
Aty ku u këputën lulet e rinisë
Aty ku flenin ëndërrat tona
Aty ku ishte shpresa jonë
Duke ecur labirinteve të rrezikshme
Aty te binjaku Siamez i Murit Kinez...

I dëbuat djajtë
Dhe me forcën tuaj
Shkritë aezbergjet gjigant
Që shtireshin si të pathyeshëm
Dhe mbi Kosovë sollët flladin e pranverës
Malet i hijeshuat
Hapët shtigjet e reja
Dhe jetën nga vdekja e shndëruat në baladë...

Ti flenë i qetë engjëll
Ëndrrat Tua
Tash janë jeta e brezave të rinj
Epopeja jote shashtrisë gjakatarët
Padrejtësia do t’i vrasë ngadalë
Sot emri Ytë mallërohet në përvjetore
Anë e mbanë Kosovës
Duke u rritë me rritën e saj...

Qershor 2002

[Agim Metbala]

Me secilën vjershë, tregim…për fëmijë, me secilën poezi për të rritur, me secilin aforizëm të sajuar…kam bërë përpjekje maksimale që te lexuesi të transmetoj dhe të dërgoj energji pozitive, ta frymëzoj e ta cis të mendoj drejtë ndaj fenomeneve natyrore e shoqërore, jam përpjekur t’i dërgoj mesazhet e fuqishme të cilat do t’a arientonin në qëndrime dinjitoze e të shëndosha…(një detyrë jo edhe aq e lehtë), dhe tani vërtet ndjehem i lumtur kur veten e kthej mbarapa mbi dyzet vite të shkrimeve të mia, që nuk jam korritur asnjëherë me lexuesin, me veten, me kohën…kështu së paku unë mendoj e koha është vlerësuese e të gjithë neve, sigurisht edhe për mua…

[EXODUS]

Po... nje 'dritare e re' edhe per mua. Falemnderit, Zoteri!

.............................

NOSTALGJIA

Këmbët humbin drejtëpeshimin
Ëndrrat marrin trajtën e përnatshme
E dhembja ngre fole në sy...

07.04.2012

[Agim Metbala]

Po... nje 'dritare e re' edhe per mua. Falemnderit, Zoteri!

.............................

Ju falenderohem edhe unë z. Exodus për lexim e vlerësim...

[Agim Metbala]

TË DUA NË DREJTËPESHIM
(Akrostik nipit tim Leonit)

Linde i shëndetshëm në tokën e vikingëve
E gjak shqiponje damarëve të gufon
Orbitën ta kesh Kosovën përjetë
N’ëndërr e në zhgjëndërr fiksim parësor...

Mbushi mushkëritë me oksigjen për maratonë
Ecjen shndërroje në vrapim të gjatë
Tregoi botës gjenezën tënde
Bardhësinë e pastërtinë tonë shekullore
Ashtu të dua, vazhdimisht në drejtëpeshim
Lartësive të ngjitesh fronit të dijes
Akuamarin, diamant i im i çmuar...

05.05.2013

[dielli1]

...bukur bukur,komplimente.....