Kohë qirinjsh

[Agim Metbala]

JETA IME

Në ditarët, librezat, indeksët
Pentagrame me triumfe i kam renditur kohës
Për t’u nxjerrë punë gjurmimesh pasardhësve...

Ushlat duarve më janë trashur
S’e besoj se do t’i ha as toka
To do mbeten suvenirët e nderit...

Si kërmilli letrës kam lënë anagrame
Ta rrjepi iks herë lëkurën si këmishat e vjetra
Brezat ta deshifrojnë vullnetin...

Kam tentuar ta ndaj drejësinë
Me dhimbjen e mishit dhe eshtrave të mi
Dosjet e gjalla i kam lënë hapur për studim...

Pleqërin do ta ngarkojë me grabujë
T’i mbledhi në një vend ëndrrat
Ata që vijnë t’i deshifrojnë enigmat e kohës...


14.10.2004

[Agim Metbala]

NË PRITJE

Kosovë amfiteatër i hapur
Aktori ka harruar aktrimin
Kurkush nuk ka nevojë më për aktrim
Jeta ka mësuar secilin në aktrim të natyrshëm
Lypsin s’mundet kush ta aktroj më mirë
Mund të jesh vetëm surogat i rospihës
Kënaqësinë e hajnit s’mund të ndjej askush më mirë
As pakuptimësinë e krimit se krimineli...
Kosovë amfiteatër i hapur si në Akropol...

Të gjithë të lodhur deri në alivanosje
Me padurim pritet të mbydhet perdja
Me vetëm katër shkronja FUND
E aktorët të luajnë rolin e vet teatrove...

04.10.2004

[Ke-ler]

Shume e bukur,shume e ndjere.

[Agim Metbala]

Shume e bukur,shume e ndjere.

Edhe Juve falemnderit shumë...

[Agim Metbala]

PARADOKS

Çuditërisht, edhe sot paskrupullt
Veshi përputhet në birat e dyerve
E syri vjedh shikimin nëpër dritare
Nga vrasësit e djeshëm të kauzës
E barrierë e ecjes sonë të sotme...

[Ilirana]

SONTE

Pëshpëris me errësirën
Qetësia përqafon frymëzimin
Ah, sikur ta ndjeje dëshirën time
Bile një çast drithërimën
Pulsin, pulsin të lëshuar në ler...

Sërish pshpëris me errësirën
Sonte ti fle, unë roje
Ëndrrat e kqija t'i trembi...
Ta puthi mëngjesin në ballë
Atëherë kur ti hap sytë
Do të prehem i dehur
Nga bukuria jote përrallore...

13.08.2010

I nderuari Zoti Agim Metbala,
ka kohe qe lexoje shkrimet e juaja...edhe pse ketu nuk kame qene aktive... shkrimet e juaja kane diq te veqante e ne to eshte i meshtjeullur nje mister, qe te ben te mendosh se cili ishte ."Botschafti i juaj"?.....
Desha thjeshte te ju theme: Ju lumet penda, eshte kenqesi te lexosh shkrimet e juaja!

me nderime
nje mergimtare

[Agim Metbala]

I nderuari Zoti Agim Metbala,
ka kohe qe lexoje shkrimet e juaja...edhe pse ketu nuk kame qene aktive... shkrimet e juaja kane diq te veqante e ne to eshte i meshtjeullur nje mister, qe te ben te mendosh se cili ishte ."Botschafti i juaj"?.....
Desha thjeshte te ju theme: Ju lumet penda, eshte kenqesi te lexosh shkrimet e juaja!

me nderime
nje mergimtare

@

E nderuar z. Ilirana, së pari më vjenë mirë se jeni lexuese e rregullt e shkrimeve të mia...më vjenë mirë se i vlerësoni...e dyta, POEZIA, vërtet është gjini letrare shumë e rëndë (sigurisht nëse poeti dëshiron të reflektoj tek lexuesi porosinë dhe mesazhin...)...ajo duhet të sajohet me serizitet, të pajiset me krahasime e figura stilistike që lexuesin ta joshin në lexim, mendime nxjerrje të përfundimit...atëherë poeti ka arijtur detyrën që vetes i ka parashtruar...apo siç thoni Ju: "mbështjellur me një mister"...
Ju falenderohem edhe një herë për vlerësim e lexim...

[Agim Metbala]

BORXHI

Sindromat shumëzohen
Si në epruvetën me temperaturë të shtuar
Me katalizatorë të shumëfishtë
Për ne që deri dje ishin trupa të huaj
Si në ëndërr, zhgjëndërr
Mjeteve të informimit
Dhe nga goja e ekspertëve
Është bërë përditëshmëri
Si të mbrohemi nga sëmundjet
Deri dje të turpshme
Na i prishën çekanët e veshëve
dhe na i vërbuan thjerrëzat
Numrat serike të vjedhjeve sheshazi
Tenderi është bërë fjalë
Më e përdorur mbrenda ditës
E njerëz të hutuar pas saj
Harruan edhe gjenezën e vet...

Secila tragjikomedi ka fund
Nesër do të zgjohen të gjithë
Pak sa të lodhur
Dhe do ta vajtojnë kohën e shkuar huç
Brezat që do të vijnë
Do ta paguajnë shtrenjtë...

Borxhin dikush duhet paguar...

[Agim Metbala]

MIQ TE MI POETË

Miq të mi poetë
I rrokën yjet në vargje
U bënë shandanë nëpër mote
E me monologje e dialogje
Ttrembën të keqen
Sot ecin vertikalisht...

Miq të mi poetë
Ecën kufijve pa pasaportë
Kur ata ishin të hekurta
E të ftohtë si akullnaja
Nuk e thyen lapsin
Nuk e mbyllën gojën
Kur lapsi e fjala me vdekje
A jetë peshohej
Sot u shpallën kozmopolitë...

Miq të mi poetë
Nuk iu tremben as vdekjes
Shkuan grykave të malit
Se jeta vdekje
Për ta ishte vdekje e tmerrshme
Sot fotografitë e tyre
Janë futur në abetare...

[Agim Metbala]

JU LUTEM,Rahoveci, sofra, fb,

Ju lutem pashë të madhin Zot
Në emër të klithjeve të foshnjeve
Që edhe toka u dridhë para tyre
Ju lutem pashë të madhin Zot
Në emër të lot të nënave
Që edhe oqeani u përkulë para tyre
Ju lutem pashë të madhin Zot
Në emër të gjakut të dëshmorëve
Që edhe bota u dhuroi epitafe
Ju lutem pashë të madhin Zot
Në emër të fëmijëve që do të lindin
Të lindin si secili fëmijë pa krisma
Ju lutem pashë të madhin Zot
Në emër të Kosovës të përgjakur deri në gjunj
Të mbjellim jasemina dhe karafila të kuq
Dhe të kthehemi kah lind dielli...

Në atë çast edhe Zoti edhe bota
Do të bashkohen tok me ne
NË RILINDJEN E KOSOVËS!


2000