Futbollistët shqiptar nëpër Europë

[Davius]

Aris i Selaniku: Duam Edvin Muratin!


Tek Iraklis ndihen disi të qetë pas pohimit të trajnerit të tyre, Savas Kofidhis, se Murati mund t'i shërbejë ndonjë ekipi tjetër. Si për të mbështetur këtë deklaratë, gazeta "Sport Day" botonte këto ditë në listën e largimeve të klubit selanikas futbollistin tonë Edvin Murati. E vërtetë?. Askush nuk mund të thotë po ose jo. Futbollisti ynë ka një kontratë, të paktën edhe vitin e ardhshëm me Iraklis, dhe ndërprerja e saj është padyshim në dëm të klubit bardheblu.Eshtë interesant fakti se me Muratin po ndodh ashtu siç ka ndodhur edhe një vit më parë. Edhe atëherë gazeta greke "SportDay", duke iu referuar burimeve nga klubi selanikas, shkruante: "Shumë gjëra dëgjohen ditët e fundit për Edvin Muratin. Dëgjohet se do të shkojë tek PAOK-u, por edhe se disa skuadra qipriote interesohen për të".

Mirëpo, në tërë këtë histori ka një shteg daljeje për Muratin, gjithnjë nëqoftëse ai don të largohet nga klubi bardheblu. Drejtuesit e rinj kanë thënë se nuk janë në gjendje të mbajnë në gjirin e tyre një futbollist me një kosto të lartë sa ç'është Murati. Ndaj, ata kanë thënë se do të ulin diçka nga shuma që merr shqiptari. Mirëpo, kjo ulje e pagesës në kontratën e nënshkruar më parë mes të dy palëve i jep të drejtë futbollistit të bëjë zgjedhjen e tij. Sapo është publikuar lajmi i largimit të tij nga Iraklis, drejt futbollistit shqiptar kanë vërshuar kërkesat e shumta. Në Selanik dhe jo vetëm atje, të gjithë i njohin vlerat e Muratit. Ai ka qenë një nga futbollistët më të mirë të viteve të fundit në kampionatin grek. Ndaj, si i tillë, për të nuk kanë munguar edhe kërkesat e klubeve të ndyshme. Janë vërtetë disa skuadra qipriote që kërkojnë ta bëjnë pronë të tyre futbollistin tonë, por Murati ka kërkesa edhe jashtë Greqisë. E ndërsa kërkohet Murati, për t'u dhënë zgjidhje shumë problemeve, skuadra tjetër selanikase, Aris, ka shpallur publikisht kërkesën e vet për asin shqiptar. Sot, kjo kërkesë është bërë publike nepërmjet medias .

"Duam Muratin", shkruan një gazetë vendase, duke iu referuar drejtuesve të Arisit, të cilët e bëjnë këtë kërkesë, duke u nisur nga vlerat e tij si futbollist. Ata pranojnë se nuk kanë biseduar me futbollistin shqiptar, por thonë se e mirëpresin në gjirin e tyre. Aris, skuadra selanikase, nuk është e panjohur për futbollistët tanë. Për ngjyrat e saj kanë luajtur më parë edhe Sokol Kushta e Mirel Josa. Veçanërisht i madh ka qenë kontributi i futbollistit tiranas Artur Lekbello, i cili për disa vite ka qenë një ndër lojtarët më të mirë të kësaj skuadre. Aris është ringjitur sivjet në kategorinë A, pas dy sezoneve, që ka qëndruar në kategorinë B. Por, që Aris të marrë Muratin, duhet që ky i fundit të zgjidhë problemet që ka me Iraklis. Sipas klubit bardheblu, thuhet që ky ka shpallë divorc me shqiptarin, por ky i fundit ende nuk e ka thënë fjalën e tij. Nëse Murati pranon të largohet nga Iraklis, atëherë ai i ka dyert hapur tek Aris, ku aktualisht luan një tjetër futbollist shqiptar, 21 vjeçari Kristi Vangjeli.

[Davius]

Iraklis Fortuzi, "divorc" në heshtje

Një vit më parë teksa nënshkruante kontratën e re për Iraklis, Indrit Fortuzi thoshte: "Iraklis m'i jep të gjitha ato që kërkoj dhe me këtë që them nuk nënkuptoj vetëm paratë...". Dhe Iraklis vërtetë i dha Fortuzit gjithçka, por edhe futbollisti ynë i dha Iraklisit shumë më tepër se sa ata prisnin nga "Zogu". Por, pas një viti, gjërat kanë ndryshuar. Një dëmtim, pastaj dhe një ndërhyrje kirugjikale në këmbë, kanë ndryshuar tërësisht atë çfarë është thënë më parë. Gjithçka është bërë e qartë pas një prononcimi për mediat vendase të trajnerit të Iraklisit, Savas Kofidhis. Në javën e 30 të të kampionatit grek, të gjithë prisnin një aktivizim të sulmuesit shqiptar, pasi për kampionatin gjithçka kishte përfunduar, Iraklis kishte zënë vendin e 4 t, ndërsa kundërshtari i tyre, Kalithea, kishte siguruar rënien në një kategori më poshtë. Ishte rasti më ideal për të aktivizuar bjondin shqiptar, i cili i mungonte atij kampionati që nga java e 4 t, pra 26 javë pa luajtur. Por Kofidhis nuk e bëri një gjë të tillë, edhe pse mediat një ditë më parë kishin konfirmuar aktivizimin e sulmuesit bardheblu.

Të gjitha këto ishin veprime domethënëse për ato që do të ndodhnin më vonë. Menjëherë pas përfundimit të kampionatit, Kofidhis u shpreh për mediat vendase se nuk do të kishte nevojë për kontributin e sulmuesit shqiptar gjatë sezonit të ri. Kjo shkaktoi irritimin e të gjithëve, përveç presidentit dhe trajnerit të Iraklisit, të cilët mesa duket e kishin përcaktuar më parë se çfarë do të bënin. Në skenë ata nxorën sulmuesin danez Kristiansen, duke paralajmëruar në një farë mase edhe të ardhmen e Fortuzit. Por, këtë gjë ata nuk mund ta bënin dot kollaj, sepse sulmuesi shqiptar kishte edhe një vit kontratë me klubin bardheblu. Siç ndodh zakonisht në raste të tilla, përdoren metoda të ndryshme për t'ia arritur qëllimit. Nga ajo e përjashtimit, Iraklisi tashmë është djegur sepse është detyruar disa herë të paguajë shpërblimin e lojtarëve të larguar në këtë mënyrë, të cilët i kanë ngritur problemet në gjykatën e FIFA s. Duhet pranuar se nuk ka ndodhur kështu me Indrit Fortuzin.

Mediat vendase bëjnë të ditur se futbollisti ynë është thirrur ditët e fundit në "klubin e Selanikut" dhe zyrtarisht një nga drejtuesit e Iraklis, Kostas Ikonomidhis, ka biseduar me Fortuzin. Mësohet, gjithashtu, duke iu referuar mediave vendase, se Ikonomidhis i ka propozuar sulmuesit shqiptar mundësinë e zgjidhjes së parakohëshme të kontratës, e cila përfundon vitin e ardhshëm. Madje zoti Ikonomidhis mësohet t'i ketë propozuar futbollistit tonë zgjidhjen më ideale, duke i thënë shqiptarit se Iraklis do të shlyej të gjitha detyrimet që ka ndaj futbollistit shqiptar. Nuk dihet ende nëse ka ndonjë përgjigje pas kësaj bisede. Të paktën nuk është bërë publik prononcimi i vetë Fortuzit. Mbase heshtja për këtë gjë është zgjidhja më e mirë. Nëse ka ndodhur kështu, pra nëse Fortuzi ka rënë dakord me atë çfarë ka biseduar me Ikonomidhisin, atëherë futbollisti shqiptar mund të shkojë atje, tek ai ekip, që i plotëson më mirë interesat e tij. "Sport Day", gazeta e njohur greke, ashtu si për Muratin, edhe Fortuzin e vë në kolonën e të larguarve nga Iraklis. Por largimi nuk është edhe aq i kollajtë. Kur dy shqiptarët kanë ende edhe një vit kontratë me bardheblutë, e vetmja rrugë e zgjidhjes, është dëshira e këtyre të fundit.

[Watchtower]

nder talentet me te fundit shqiptar. Futbollist i porsa blere nga Rosenborg premton te jet nje nder mesfushoret me teknik qe ka patur shqiperia.

Per te pare nje klip qe eshte marre nga praktika e rosenborgut mundet te jete dhe loje miqesore, clickoni me poshte dhe pastaj clickoni at qe thote "Se Hykas kjemperaid" qe eshte e dhjeta ne liste.

http://www.rbk.no/info/article54365.ece


wikipedia thote kete per jahmirin

Jahmir Hyka (born 8 March 1988) is an Albanian football midfielder currently playing for Rosenborg B.K. and the Albanian under-19 national team. He signed for the Norwegian club in February 2006 from Dinamo Tirana. At only 168cm and 57kg he has been nicknamed the Albanian Maradona. [1]

[Davius]

Igli Tare i ofrohet Kievos

Pas mbërritjes së Makinuas, drejtuesit e Lacios i janë rikthyer merkatos për të gjetur një sistemacion të ri për Igli Taren. Duke qenë se shqiptari nuk ka pranuar të shkojë te Breshia në Serinë B, lacialët në përpjekjet për të bindur që të largohet, tani mësohet se ia kanë ofruar ekipit të Kievos. Veronezët marrin pjesë në turin paraeliminator të Ligës së Kampioneve, mirëpo shpresat për të kaluar në fazën e grupeve duket se janë zbehur shumë pas humbjes 2-0 në Sofje ndaj Levskit. Megjithatë, drejtuesit e Kievos janë në kërkim të një sulmuesi, madje janë të interesuar edhe për Erjon Bogdanin, i cili mund të shkonte nëse verdheblutë do të kualifikoheshin për në fazën e mëtejshme të kompeticioni më të rëndësishëm evropian për klube. Drejtuesit e Kievos janë kontaktuar nga homologët e tyre të Lacios dhe kanë diskutuar për emrin e Igli Tares, që i është ofruar verdhebluve. Nuk ka ende një përgjigje zyrtare nga ana e Kievos për këtë çështje, megjithëse klubi është i zënë me impenjimin historik në Evropë. Sidoqoftë, detyra më e vështirë e drejtuesve të Lacios është të bindin Igli Taren të largohet, gjë që sipas medias italiane është diçka shumë e vështirë për t'u arrirë. Sidoqoftë, përpjekjet do të vazhdojnë deri në fund të merkatos, ndërkohë që mbetet për t'u parë nëse shqiptari do të ndryshojë ose jo mendim.

[Qerim]

Memelli, “zoteria tregolesh”
11 Gusht Migen Memelli shenoi tre gola mbreme ne ndeshjen e Kupes UEFA, midis Bran Bergen dhe Advidaberg te Suedise, ne nje barazim dramatik 3 3. Sulmuesi shqiptar ishte heroi i takimit per skuadren norvegjeze, e cila nuk arriti te ruante epersine e cmuar dhe tani do t’i duhet te kerkoje detyrimisht fitoren ne fushen kundershtare. Pasi ka shenuar tri here, si asnje shqiptar tjeter ne skuadrat e huaja, Memelli thote se Bran do te fitoje edhe ne Suedi, e nderkohe mendimi i tij shkon natyrshem edhe nje skuader tjeter, kombetarja e Shqiperise. Me shume se kurre, ne keto momente e pretendon nje vend ne grupin kuqezi, ndonese, pa “arrogancen” e zakonshme te fituesit shton se nuk ka ndermend te rrahe gjoksin por thjesht do te prese qe ne Shqiperi te kujtohen edhe per te. Megjithe golin e turit te pare, kunder Glentoranit, Memelli eshte ngjitur ne kuoten e kater golave, duke qene golashenuesi me i mire i kompeticionit evropian deri tani.

Migen, tre gola ne nje ndeshje te Kupes UEFA, ndoshta as nuk e kishit enderruar

E vertete, por tani eshte nje realitet. Jam jashtezakonisht i lumtur, megjithese pesova nje demtim qe me detyroi te largohesha nga loja para kohe.

Mund t’i pershkruani golat?

Dy te paret ishin me koke, ndersa i treti ishte vertet i bukur. Shenova me nje gjuajtje te forte, nga jashte zones, ne trekendesh. Portieri nuk pati asnje shans.

U demtuat rende?

Nuk e di, neser (sot) do ta marr vesh me mire, por mendoj se nuk do te jem ne gjendje te luaj ne ndeshjen e kampionatit kunder Valerenges. Besoj se vetem nje ndeshje do te mungoj.

Si eshte atmosfera rreth jush tani?

Ne keto momente qe po flasim jam ne shtepi, por po pres nje ekip nga televizioni kryesor i Norvegjise, qe do vijne te me intervistojne. Meqe me dhimbte kemba u largova me heret nga stadiumi. Por mora shume vleresime, perfshire edhe cmimin “Lojtari me i mire i ndeshjes”. Edhe trajneri ishte shume i kenaqur me mua dhe i vjen keq qe do mungoj ne kampionat.

Si shpjegohet qe nuk e ruajtet fitoren?

Pasi shkuam ne 2 0, mendoj se pati nje fare nenvleresimi dhe u ndeshkuam. Por mendoj se do te fitojme ne Suedi dhe shpresoj te shenoj edhe atje, e pakta nje gol.

Ju eshte hapur oreksi?

Me oreks nuk kam qene asnjehere keq (qesh). Por, tani synoj per me shume. Mendoj se kam mundesi te permiresohem e te shenoj me teper gola.

Mendoni se tani ka ardhur koha per kombetaren?

Ajo qe mendoj une eshte se tani jam ne forme te shkelqyer dhe natyrisht qe e deshiroj thirrjen ne kombetare. Por nuk eshte ne doren time dhe nuk kam ndermendte bej telefonata ne Shqiperi qe t’u tregoj golat e t’u them te me marrin ne kombetare. Shpresoj qe trajneri Oto Baric te me kete ne konsiderate tani. Nese me therret, do ta falenderoj dhe do te bej gjithcka per ta merituar kombetaren.

Tani keni shenuar kater gola ne Kupen UEFA dhe dy here keni qene “Lojtari i ndeshjes”, nje telefonate duhet t’ju vije

Baric eshte njohes i mire i futbollit dhe ai e di qe nuk jane vetem golat tregues. Ju thashe qe pervec golave jam ne forme shume te mire dhe nuk do ta zhgenjeja sikur te me therriste.

Intervistoi:

Dritan Ikonomi

[Davius]

Kur Hasi zbulonte talentin belg

Jetmir Halilaj
j.halilaj@gazetashqiptare.com

Besnik Hasi është protagonisti i një prej zbulimeve më të mëdha të talenteve që kanë luajtur në kampionatin belg. Mbrojtësi i përfaqësueses shqiptare është impenjuar gjatë gjithë kohës me futbollin e luajtur, por gjithsesi ai ka meritën që ka ngjitur në pidestalin më të lartë të futbollit belg një sulmues si Branko Strupar. Ka qenë futbollisti shqiptar ai që në vitin 1994 u ka sugjeruar drejtuesve të Genk të blinin sulmuesin kroato-belg. “Kur nënshkrova për skuadrën e Genk, drejtuesit e klubit më pyetën nëse unë njihja ndonjë sulmues të mirë, por që të mos kushtonte shumë – ka thënë Hasi – Menjëherë më shkoi në mendje emri i Branko Strupar. Isha përballur me të disa herë në kampionatin kroat, ai aktivizohej tek Shpansko, ndërsa unë tek Samobori në ato kohë”. Megjithatë nuk mjaftoi vetëm kaq, pasi u desh insistimi i Hasit që lojtari të bëhej pjesë e skuadrës së Genk.

“Unë propozova Strupar dhe drejtuesit ma dëgjuan fjalën – është shprehur Hasi – Megjithatë ata nuk u bindën gjatë provave që dha lojtari. Më thanë se është shumë i ngathët dhe shumë i ngadaltë, por unë insistova dhe arrita t’i bindja. Për fat gjërat shkuan më mirë nga sa e prisja, sepse Strupar shënoi me Genk 33 gola që në sezonin e tij të parë”. Sulmuesi me origjinë kroate është shpallur golashënuesi më i mirë në Belgjikë në vitin 1998 e ka fituar dy kupa dhe një kampionat me fanelën e Genk. Megjithatë ai nuk harron se një pjesë e mirë e këtyre arritjeve ka meritë edhe Besnik Hasi. Strupar, i cili tashmë është larguar nga futbolli tregon edhe një të vërtetë tepër interesante për sa i përket mardhënieve me Hasin: “Kur luanim në kampionatin kroat raportet e mia me Hasin kanë qenë si mos më keq – shkruan Strupar në autobiografinë e tij - Unë e kisha gjithmonë të vështirë ta kaloja atë, ndërkohë që edhe unë i hapja jo pak probleme shqiptarit.

Disa herë jemi zënë bashkë dhe kur unë filloja ta shaja në gjuhën kroate ai ma kthente shqip. Mund ta prisja nga çdo njeri një ndihmë aq të madhe, por jo nga Hasi. Megjithatë ai tregoi se përveçse një futbollist i shumë i mirë është edhe një njeri i jashtëzakonshëm. Marëdhëniet e mia me Hasin sot janë nga më të mirat”. Strupar dhe Hasi ishin dy shtyllat kryesore të skuadrës së Genk-ut në atë kohë. Përpara se sa të mbërrinin ata, skuadra luhatej në vendet poshtë mesit të tabelës, ndërsa vitin që bleu dyshen shqiptaro-kroate, Genk u shpall nënkampione e Belgjikës.

[Qerim]

Bomberi shqiptar e fillon me gol sezonin e ri në Superligën greke
Tiranë, 21 gusht - Ka startuar ditën e shtunë dhe të diel kampionati Helen “Super Liga”, kampionat në të cilin aktivizohen shumë lojtarë shqiptarë, një nga ata i cili është konfirmuar tashme si lider është edhe futbollisti ynë Alban Bushi.

Sulmuesi shqiptarë dhe rekordmeni i shënimit të golave me kombëtaren “kuqezi”, ka marrë në dorë fatet e klubit të vet ku edhe ai aktivizohet “Kallamarias”. Skuadra nga Selaniku është përballuar në ndeshjen e sajë të parë ne ishullin e Korfuzit me skuadrën vendase “Kerkyrën”, dhe ku ka njohur edhe humbjen e parë të këtijë sezoni. Një humbje kjo aspak e merituar dhe e diktuar nga gjyqatri i kësajë ndeshjej. Paraqitja e Kallamarias ka qënë me të vërtet impresionuese dhe me dirigjent futbollistin Alban Bushi ka kërcënuar portën e vendasve që në fillim të kësajë përballjej, madje në pjesën e parë Bushit i është ndërhyrë në mënyrë të parregullt nga Korfuzanë brenda zonës së 16 metrave. Gjë e kanë konfirmuar me të madhe edhe komenatorët radiofonik dhe televiziv grek. Megjithatë lojtari ynë nuk është mjaftuar me kaq dhe pas humbjes së dy rasteve të pastra ballë përballë me porjerin, i cili ka qënë vendimtar në eliminimin e gjuajtjeve të Bushit, ka arritur që në pjesën e dytë dhe pas një perjudhe kohe sulmi nga ana e Kallamarjas, ka arritur të shënojë edhe golin e tijë të parë në këtë premjerë të Super Ligës greke. Më pas Bushi ka pasur edhe dy raste të tjera për shënim madje përsëri një nderhyrje brenda zonës së reptësisë dhe penallti më e besueshme se ajo e para, por gjyqtari i ndeshjes është treguar i rreptë me shqiptarin por edhe klubin e tijë Kallamarias. Megjithatë Bushi pas përfundimit të ndeshjes ka deklaruar për televizionin publik grek “NET”, se: “ Përsa i përket ndeshjes e meritonim barazimin, por kjo na u privua nga gjyqtari kryesor. Luajtëm shumë mirë në një fushë shumë të vështirë siç është ajo e Korfuzit, por nuk u shpërblyem për lojën e bërë dhe kjo jo për fajin tonë por të disa personave të cilët skanë të bëjnë me atë që luhet nga këmbët e futrbollistëve. Gjithsesi loja e treguar në fushën e blerët dhe kompaktësia që kemi në skuadër do të sjellë edhe rezultatet pozitive. Përsa i përket aspektit personal jamë i kënaqur që e fillova me gol sezonin e ri, dhe gjithashtu falenderojë drejtuesit dhe trainerin që më ka besuar mua një rol kaq të vështirë si ai i golashënuesit. Shpresojë që besimin e tyre tju a shpërblejë duke shënuar gola në fushë çdo të diel”, ka përfunduar Bushi i cili është shpalluar në përfundim të ndeshjes edhe MVP i kësajë përballjeje, vleresim i bërë nga gazetarët pjesmarës në këtë ndeshje.
Plarent Shehu

[inter_forever]

TERAMO (serie C) ka marre sulmusin 30 vjecar Florian Myrtaj . Sulmusi shqiptar ka lozur me pare me ekipet Modena, Sassuolo, Reggiolo, Alzano, Cesena, Verona, Catanzaro e Perugia .

Perfundoi ne serie C ky Myrtaj . Te haje ndonje cope buk andej se shume lojtar medioker eshte .

[Qerim]

Zvicër/ Jurgen Gjasula dhe St.Gallen kryesojnë Axpo League





Katër skuadrat kryesuese të Ligës profesionale Zvicerane, siç njihet ndryshe Axpo League, i zhvilluan takimet e javës së 10-të në mesjavë. St. Gallen, skuadër për të cilën debuton Jurgen Gjasula, luante në fushën e saj ndaj Schafhausse. Vendasit fituan 3-1, ku motori i skuadrës ishte mesfushori shqiptar. Sion dhe Grasshopers e mbyllën takimin e tyre në barazim 2-2. Kështu që në krye të klasifikimit mbetet e vetme pas 10 ndeshjes St. Gallen. Në vendin e dytë ngjitet kampionia FC Zurich që fitoi në fushën e saj 2-1 ndaj Lucernë. Për skuadrën vendase shënoi Blerim Xhemaili minutën e 26-të duke e ngritur rezultatin provizor në 2-1. Ansi Agolli hyri sekondat e fundit në lojë kurse shqiptari tjeter Sulejmani u aktivizua që nga minuta e 73-të në vend të shënuesit të golit të vetëm për Lucernë N’Tiamoah. Në minutën e 78-të ai u ndeshkua me karton të verdhë për veprime antisportive. Për vizitorët nuk u aktivizua as Sokol Maliqi, as Genc Mehmeti, që të dy të dëmtuar
Altin Ngjela

[angert]

Tifozat Kuq e zi

o tifozat kuq e zi
emri juaj esht djaleri
keni bes e krenari
doni shprt doni atdhe
rrnofshi shqipe ne at fole
o tifoza vllezer t mi
ju,pershndes ,po varg,e vi
prej kosove ne qamri
kuq e zi e doni ngjyren
mir po e kreni ju detyren
at detyr qe i thon ,kombtare
rrnoft skuadra jon shqiptare
ju tifoza ,flak,e re
mos gaboni shpres me pre
neper bot lshohuni rrke
si vetima me rrufe
kahdo shkon skuadra ,par
kahdo luan me nderkombtar
ju tifoza ju petrita
thot shqipnija lum qe u rrita
lum qe u kam o djem e vasha
kuq e zi me vija t trasha
me at shtof te tifozris
qe shqipnija e ka qendis
kuq e zi kah esht etnike
se me ju bahet qelike
mos e lshoni mos e lshoni
turr e vrap,n stadiume vloni
brohoritni,urra urra
djem e qika gra eburra
kudo n bot ta mbajm vullnetin
ah ti dridhim tok e detin
kombe t botes, e n fitore
t lidhim besen dora dore
kah europes t shkon shqipnija
t shkon skuadra e djelmnija
me umbush rruget shqipe t lehta
tifozri me fjal te nxehta
e me, kris kanga e tupani
larg shqipnis ti ndjehet zani
shum tifoz ne per taborre
brohori veq per fitore
kampion me u ba botrore


ket keng lirike e,ka shkruar poeti xhelal ferizi
poet qe esht edhe vet tifoz i flakt i futbollit dhe i kombtares

rrnoft shqipja e shqipnis futbolli yne ne krye te tabeles botrore

kontakti me poetin
esht integro_fat@hotmail.com