Berisha nje i papergjegjshem?

[Rycki2001]

Nëse Berisha do të dijë ta shfrytëzoj situatën koha po punon për të dhe për opozitën. Por dhe një gjë : Socialistët po hahen me njeri-tjetrin por kur vjen puna per te ruajtur karrigen dhe b... ata bashkohen sepse kan aq pisllëqe saqe e dinë që nese ato merren vesh ata do të këmbenin koltuqet me prangat. Rasti më i fundit; mbrojtja qe i bënë Klosit dhe fraza e majkos drejtuar Berishës qe...e sheh Berisha nuk të ecën aleancat e tua fluide...apo diçka e tillë ku shprehet cinizmi i pushtetarëve të sotën.Me pak fjalë ai i thotë Berishës që nuk ke ç'na bënë. Dhe nga të gjitha këto lodra vetëm njëri është fitues Nano. Dhe askush nuk do ta besoj por ne që kemi nënshtetesinë shqiptare do kemi për kryetar shteti një hajdut, një agjent të grekëve, një ....Bile pasi ai të jetë bërë president ne do vazhdojmë të diskutojmë -Po si është e mundur se Evropa tha....
Po por çfarë thotë Athina se. Dhe Berisha përsëri do akuzoj. Jo më Klosin por vetë Nanon (për të faktet janë edhe më të thjesht dhe më të njohur...) Dhe kështu loja do të vazhdoj... Veçse opozita nëse e ndalon këtë lojë ajo mund të ndaloj sot. Nesër është vonë. Por Berisha as nuk ka mundur as nuk do të mundet nëse nuk nuk arrin të bashkoj te djathtën dhe të "zgjoj" popullin si më 1992. Ndjenjat demokratike ende nuk kan vdekur tek shqiptarët....
Rycki

[Anton]

Kryetari i PD, Sali Berisha i paraqet parlamentit dosjen e zezë të kreut të mafies shqiptare

Kalendari i krimeve të Fatos Klosit

Zbardhet aktiviteti i Fatos Klosit, nga vrasja e Azem Hajdarit, tek trafiku i armëve, thyerja e arkës së Shërbit Informativ Kombëtar, trafiku i drogës, grabitja e Thesarit. Një raport me data preçize dhe emra të implikuarish në aferat e kreut të mafies shqiptare, Fatos Klosi

Si ish-Kryetar Shteti duhet të siguroj të gjithë punonjësit e ndershëm të Shërbimit Informativ Kombëtar, spiunët e mirë që zbatojnë me korrektësi ligjin, se unë kam patur dhe kam një respekt të palëkundur dhe vlerësim të veçantë për ata dhe punën e tyre të çmuar, dhe se e konsideroj të pazëvendësueshëm rolin dhe veprimtarinë e tyre në shërbimin e mbrojtjes së interesit publik dhe kombëtar, pra të sigurisë së vendit.

Por nuk mohoj se kam konsideratë të kundërt për ata spiunë, që, duke dhunuar ligjin dhe shfrytëzuar specifikën e detyrës së tyre, shndërrohen në demonë të errësirës, fundërrina të vërteta të shoqërisë që i takojnë.

Kërkesa jonë për largimin e Fatos Klosit nga detyra, nuk është e re. Kjo kërkesë në mënyrë të përsëritur është bërë nga ne kohë më parë, për shkak të aferave të tij kriminale. Por do të paraqes para jush dhe shqiptarëve shkaqet madhore, që shtyn grupin e Partisë Demokratike të bëjë këtë kërkesë.

Parlamenti i parë pluralist shqiptar në vitin 1991, në përputhje me Rezolutën 750 të Këshillit të Evropës "Për shkrirjen e policive sekrete që kanë përdorur metoda çnjerëzore" shkriu Sigurimin e Shtetit si institucionin e krimit, të persekutimit, të burgosjes, të torturës dhe ekzekutimit pa gjyq të qindra mijëra shqiptarëve gjatë gjysëm shekulli diktaturë. Por pas emërimit të Fatos Klosit në dhunim të hapur të Rezolutës 750 të Këshillit të Europës, u rikthyen në këtë shërbim ish-punonjës të të gjitha rangjeve të policisë sekrete hoxhiste, të cilët përbëjnë sot 97% e të gjithë punonjësve të SHISH-it.

Më 12 Shtator të vitit 1998, u ekzekutua pranë selisë së PD nga vrasës me uniformë një ndër themeluesit kryesorë të Partisë Demokratike, deputeti Hajdari.



Inkriminimi i Klosit në Vrasjen e Shekullit



Ne akuzojmë Klosin si organizator kryesor të vrasjes së deputetit Hajdari dhe sepse:

- Në një takim të zhvilluar në fundin e Gushtit ’98, në hotel Turizmin e qytetit të Tropojës F. Kërrnaja i është drejtuar Skënder Gjinushit, në prani të disa personave, me një ndër sharjet më të rënda, duke i kërkuar lirimin e Halil Haklaj dhe Isamedin Haxhia nga burgu, të arrestuar po atë muaj me një furgon me armë në rrethin e Gramshit. Po në këtë bisedë, Kërrnaja, sipas dëshmitarëve, i premton Gjinushit eleminimin e Hajdarit.

- Një javë pas kësaj bisede, Fatos Klosi është paraqitur personalisht në Gjykatën e Gramshit dhe gjykimin e përcaktuar për javën e parë të tetorit për Haklajn dhe Haxhinë e ka afruar në javën e parë të shtatorit. Klosi ka realizuar lirimin e tyre, duke i paraqitur të dy të arrestuarit si punonjës të Shërbimit Informativ, të cilët trafikun e armëve, sipas tij, e bënin për llogari të këtij Shërbimi. Sot, është provuar se të dy ata, një javë pas lirimit, morën pjesë në ekzekutimin e deputetit Hajdari. Të gjitha këto janë denoncuar më dt. 12 Shtator të vitit 1998.

- Ne akuzojmë Klosin si organizator kryesor të ekzekutimit të deputetit Hajdari, sepse me datë 12 Shtator, paradite dhe mbasdite, dhe jo në darkë, ai me makinat e tij dhe makina të tjera, njëra prej të cilave drejtohej nga Bedri Ahmetaj, ka larguar nga godina e Shërbimit Informativ Kombëtar të gjithë dokumentat e rëndësishme të këtij Shërbimi, sepse parashikonte atë që kishte përgatitur.

- Natën e 12 Shtatorit, skuadra e pushkatimit, sipas dëshmitarëve okularë, ishte e pajisur me radio të SHIK-ut. Ne e kemi denoncuar këtë më 12 Shtator dhe më vonë, kurse Klosi as edhe bashkëpunëtori i tij Rakipi, gjer sot, nuk e ka mohuar dot.

- Ne akuzojmë Klosin si organizator kryesor të vrasjes së shekullit, sepse menjëherë pas ekzekutimit të zotit Hajdari, ai është zhdukur nga Tirana dhe sipas kryeministrit të asaj kohe, ai kishte deklaruar se ndodhej në Maqedoni, në të vërtetë ai mashtron, sepse ndodhej jo në Maqedoni, por në një qytet të jugut të Shqipërisë, 180 Km larg nga Tirana. Mashtrimin e autoriteteve zyrtare nga Klosi e kemi denoncuar disa herë, Klosi nuk e ka mohuar dot. Përse u zhduk dhe u struk në Himarë dhe çfarë e shtyu atë të mashtrojë se ndodhej në Maqedoni? I takon drejtësisë ta qartësojë.

Ne akuzojmë Klosin si organizator kryesor të vrasjes së deputetit Hajdari, sepse më datë 14 Shtator, Klosi, ka urdhëruar thyerjen e arkës së Shërbimit Informativ Kombëtar. Arka është thyer nga punonjës të këtij Shërbimi dhe janë zhdukur pa asnjë gjurmë qindra mijëra marka dhe monedha të tjera të forta perëndimore, shpërbleu me ta vrasësit apo ndërtoi me to vilat e restorantet e tij, është çështje e drejtësisë.

Për thyerjen e Arkës së Shtetit ka dijeni të plotë qeveria, opozita e ka ngritur në mënyrë të përsëritur.

- Ne akuzojmë Klosin si organizator kryesor të vrasjes së deputetit Hajdari, sepse ai së bashku me Rakipin dhe Tiranën, më 10 Gusht 1999, në kundërshtim flagrant me zotimin e këtyre dy të fundit para gjykatësve ndërkombëtarë, për mbajtjen në burg dhe hetimin e Fatmir Haklajt, pas identifikimit të këtij të fundit nga dëshmitarë okularë, e liron atë për ta likujduar shtetërisht më vonë. Këtë ne e kemi denoncuar në shtyp, por edhe para gjykatësve ndërkombëtarë.

- Klosi përpunoi informatorë të tij për dëshmi të rreme në procesin "Hajdari" si edhe shndërroi në dëshmitarë anëtarë të skuadrës së pushkatimit, si Muldaka, veprime këto të denoncuara me fakte në PD. Fatos Klosi manipuloi vrasësin Salihi, nëpërmjet drejtorit të Zbulimit, Meçe, i cili ishte takuar rregullisht me të.



Zonja dhe Zotërinj,

Shërbimi Informativ Kombëtar u shndërruar në shërbimin e terrorizmit shtetëror.

Vrasja e deputetit Hajdari përbën aktin kulmor të veprimtarisë terroriste shtetëror të Fatos Klosit, por nuk është e vetmja. Akte të tjera të shëmtuara rëndojnë mbi të. Ne ju garantojmë juve, por edhe terroristin Fatos Klosi, se ato nuk do të jenë kurrë dosje të mbyllura, por me qëllim që të veprojë ligji dhe që autorët dhe dëshmitarët e këtyre akteve të shëmtuara të mos eleminohen siç ndodhi me shumicën e vrasësve të deputetit Hajdari. Këto dosje do të hapen në kohën e duhur.



Fakte të shndërrimit të SHIK në institucionit kryesor të krimit të organizuar



Ne kemi kërkuar shkarkimin e Klosit, sepse në një kohë kur Shqipëria është shndërruar në megalopolin e krimit të organizuar, trafiqeve kriminale, Klosi ka shndërruar Shërbimin Informativ Kombëtar në institucionin kryesor të krimit të organizuar në tërësi dhe trafiqeve kriminale të drogës, armëve në veçanti. Dhe për këto e kanë akuzuar raporte të agjensive më serioze, të bëra publike në të gjitha gazetat kryesore të të gjitha metropoleve të mëdha perëndimore.

Por, unë do të ndalem në raste konkrete dhe emra konkretë, në vitin 1999, në Rinas, njësiti i antidrogës konstatoi se makina e Drejtorit kryesor të SHIK-ut, Lesku, me shofer Arjan Hysenin, mori ngarkesën e drogës, për ardhjen e të cilës kishte njoftuar INTERPOLI. Drejtori i Kontrollit të SHIK-ut, Arben Saliasi, i njoftuar nga policia se makina me ngarkesën e drogës hyri në oborrin e SHIK-ut, kontrolloi dhe gjeti rreth 70 kg kokainë në makinë dhe vendosi në arrest disiplinor shoferin e Leskut dhe Lulëzim Mbrastarin, oficer i këtij Shërbimi. Makina u mbajt e bllokuar para zyrës së Klosit. Por Klosi urdhëroi lirimin e shoferit të Leskut dhe Mbrastarit. Ky i fundit gjatë natës e mori kokainën dhe iku nga Shqipëria.

Opozita denoncoi trafikun e drogës, ndërsa Rakipi, ish-agjent i Sigurimit të Shtetit mbylli dosjen e padronit të tij.

Qindra mijëra dollarë ka vjedhur Fatos Klosi nga trafiku i armëve. Në Shkurt të vitit 1999, Klosi urdhëroi Besnik Hodon përgjegjës për armatimin dhe Bardhyl Kasullin, magazinier, të nxjerrin nga magazinat e SHIK-ut mijëra armë, të cilat të ngarkuara në disa makina u zhdukën, së bashku me makinat, u shitën kundrejt vlerës rreth një milion dollarë dhe të cilat nuk u inkasuan ndonjëherë në arkën e shtetit. Klosi për t’i mbyllur gojën Kontrollit të Shtetit, shpërbleu kreun e tij me një veturë luksoze.

Ne kërkojmë largimin e Klosit, sepse ai nuk është vetëm autor i akteve të shëmtuara të terrorizmit shtetëror, i trafiqeve kriminale të të gjitha llojeve, por është dhe hajduti ordiner i buxhetit të shtetit. Më 24 Dhjetor 1998, Fatos Klosi zgjati dorën e hajdutit në Thesarin e Shtetit. Në kundërshtim me ligjin transferon nga zëri 0,5 në zërin 0,3 shumën që e konvertoi në 53.3 mijë dollarë, e merr vetë dy netë para Vitit të Ri dhe nuk jep asnjë destinacion për fatin e tyre. Për këtë akt, punonjës të ndershëm të Shërbimit Informativ më njoftuan mua, kryeministrin Majko dhe zëvendëskryeministrin Meta.

Pasi siguruam dokumenta dhe informacionin e nevojshëm, e denoncuam, paratë u kthyen vetëm gjashtë muaj më vonë, pasi u qarkulluan në vilat e hajdutit.

Komisioni i SHIK-ut kërkoi ndjekje nga Prokuroria, por Rakipi, bashkëpunëtor në të gjitha krimet e Klosit, mbylli dosjen.

Në vitet 1992-1997, Shërbimi Informativ Shqiptar në bashkëpunim të ngushtë me shërbimet perëndimore bëri që Shqipëria të jeptë një kontribut qenësor dhe ndër më të rëndësishmit në luftën kundër organizatorëve të terrorit islamik. Fatos Klosi, pasi erdhi në detyrë, u vërsul si bishë kundër këtij shërbimi, vetëm e vetëm se ai e kishte ndjekur Klosin si bashkëpunëtor të një shërbimi tjetër, shpifi dhe dizinformoi mbarë opinionin shqiptar dhe ndërkombëtar se Shërbimi Informativ kishte lidhje me organizata terroriste, se ai ishte shndërruar në arenën e veprimit të tyre.

Nuk do të analizoj as akuzat e bëra ndaj tij në sallën e gjyqit, por do të shtroj vetëm këto pyetje:

Çfarë e shtyu Klosin të paraqitej në Marikaj në takim me një oficer policie dhe përse nuk e thirri atë në zyrat e tij, por shkoi aty ku i tha ky oficer policie?

Përse Klosi hesht për këtë takim disa muaj me radhë dhe e pohon atë vetëm kur u bind se kishte dokumente?

Përse mohoi dhe çfarë e shtyn të mohojë rekrutimin në sigurimin e shtetit të personit të përmendur nga Haxhia, ndërkohë që dokumentet provojnë përkatësinë e tyre, pseudonim, vitin e rekrutimit dhe më shumë se kaq.

Fjala e plotë e Kryetarit të PD mbajtur mbrëmë në parlament




Keshtu po, tani lind pyetja nga i ka marre GSH ato fjalet e e Berishes se Klosi eshte agjent?

Te kete genyer nuk e besoj?

Te kete folur Berisha sic e ka zakon kot mbas votimit te nuk shkoi si e kishte menduar?

Nuk po marr vesh gje.

Pra:

Ka aq akuza e fakte permbi Klosin sa nuk ka asnje nevoje ti shtohet nje pa fakte te pakundershtueshme.

Mjafton te provohet lidhja e tij ne Vrasjen e Azemit plotesisht.

[tear-drops]

politika shqiptare eshte kaq e erret dhe kaq e pakuptueshme sa nuk merret vesh se kush u sherben cilave segmente.
per mendimin tim anton as mos u mundo te nxjerresh ndonje konkluzion.
Berishes nuk i falet qe nuk e crrenjosi komunizmin qe nuk hapi dosjet qe ne fillim, por nuk kishte se si perderisa ishte per vete komunist.
mjere populli i shkrete cfare po i bejne. pas nja 20 vjetesh do duket se kush i ka sherbyer ciles ngjyre.

pershendetje

[tear-drops]

Faktet Berisha i percjell ne ate tavoline ku merren vendimet per Shqiperine, dhe kjo tavoline nuk eshte kuvendi shqiptar.

me fal albo por kjo gje eshte shkelje e rende e sovranitetit te shqiperisedhe eshte gabimi me i rende dhe me i pafalshem qe mund te beje nje politikan. vendimet per shqiperine duhet te merren ne kuvendin popullor dhe vetem aty.

Anton, Berisha ka hequr dore nga populizmi pasi shqiptaret jane shume pak te zhvilluar nga ana politika dhe nuk arrijne te kuptojne pergjegjesite e tyre si shtetas. .... dhe une e kam pranuar kete fakt me kohe.

Albo me vjen shume keq qe ti flet per popullin tend keshtu. nuk e di kur ke ikur ti nga shqiperia por mund te te them se shqiptaret jane te pjekur por fatkeqesia e tyre me e madhe eshte klasa politike qe po i torturon qe po i djeg. eshte ajo klase politike te ciles nga deshira me e madhe per te shpetuar nga nje diktature represive ja lane ne dore endrrat dhe fatin e tyre. dhe berisha ka hequr dore nga populizmi jo se shqiptaret nuk marrin vesh por sepse ai eshte karte e djegur, i diskretituar qe lepin ate qe vjedh per dhjete vjet me radhe dhe qe ua ngre qimet e kokes perpjete njerezve sa here qe permendet emri i tij. ai dhe nano jane figurat me te diskretituara te pol shqiptare.

Ne nje vend si Shqiperia, nuk behet fjale per sekrete pasi te gjitha dihen dhe shqiptaret si popull kane prirje per spiunlleqe fale 50 vjet komunizem.

sa te lehte e paske mo albo te nxjerresh te tilla konkluzione. bravo te qofte se e ndrite.
dihen te gjitha jo nga spiunlliqet por se behen te gjitha sheshit dhe per nje vend kaq te vogel kjo eshte normale.
here tjeter kujdes pak ne shprehje sepse askush ste jep te drejten te shash keshtu popullin tend meqe dhe faqja jote mban titullin SHPIRTI I SHQIPTARIT.

komunizmi i ka rrenjet shume te thella dhe eshte si ato shushunjat qe ta pijne gjakun pafundesisht deri sa mos te te mbetet asnje pike.
te gjithe me kete forum po perpiqemi qe te tregojme qe sido qe te jemi ka mbetur nje fije krenarie per origjinen dhe qe kemi nje identitet kombetar dhe qe na shqetesojne fatet e shqiperise. dhe kjo eshte dicka per tu admiruar. mos e mino me keto shprehje sepse pastaj asgje nuk do kishte kuptim duke filluar qe nga domeni jot. do duhej te ndryshoje titull.

me respekt
tear drops

[SUPERSTAR_N1]

une jam 1 demokrat i flakte dhe them qe Berisha eshte shume i pergjegjshem dhe eshte politikani me i mire ne shqiperi

[glaukus 001]

SUPERSTAR_1 gezuar 1 Prillin edhe ty , po ate fjaline e mesiperme do ishte me me vend ta vije tek rubrika e humorit.

Berisha ashtu si gjithmone vazhdon te beje akuza publike per perfitime politike. Edhe sikur te kete te drejte tashme atij veshtire se i besohet. Megjithse ka mbi 10 vjet ne politike, Berisha vazhdon te veproje si amator , si nje shpirtlig qe merret me fjale si grate e keqia.
Vete Partia demokratike ne vitet e saj e ka ndjere peshen e autoritarizmit te tij qe nxorri armiq partie si dikur shefat e shoket e tij komuniste. Thirrjet e tij te herepashershme per revanshizem i kane shtuar me teper pasigurine shqiptareve per nje jete normale. Si malesor atij i mungon burreria, si politikan - toleranca dhe deshira e bashkepunimit te sinqerte.
Per gjendjen ku jemi sot nuk duhet pare larg , por pikerisht ngjarjet e 1997 te cilat ndoshta mund te ishin shmangur po te kishim qeveritare te pergjegjshem.
Shume shqiptare jane te lodhur me berisha e nano te cilet jane simbole te asaj se si NUK duhet te jete politikani.
termi "doreheqje" nuk njihet shume nga politikanet tane qe kujtone se kane lindur te udheheqin popullin . Kjo mund te coje ne grumbullim te madh urrejtjeje dhe tension qe mund te marre forma te ndryshme te dhunshme ...
Ne qe jemi larguar nga vendi nuk bejme gje tjeter vecse llafe e fjale vreri , po kush luan me fatet e popullit do ta gjeje nje dite .

... eshte thjesht ceshtje kohe ...

-----------

[alumni]

Berisha: Deputetet e Dushkut, aleatet tane liberale

Deputetet e "Dushkut" mese fundi jane bere objekt lakmie edhe nga maja e piramides blu. Pas terheqjes se PAD nga koalicioni qeveritar, kupola drejtuese e PD ka intensifikuar veprimtarine per te "rekrutuar" deputetet e kesaj partie. Rasti me i suksesshem duket se eshte ai i deputetit Prec Zogaj. Disa dite me pare PD-ja e votoi Zogajn per Kryetar te Kuvendit perballe Servet Pellumbit. Kryetari i PD, Sali Berisha, i cili ka sulmuar ne menyre mjaft te ashper rezultatin e dale nga zgjedhjet ne zonen e Dushkut, nuk ka ngurruar ditet e fundit qe ne emer te zgjerimit te bashkepunimit me partite e qendres liberale, te kerkoje te beje aleance me perfituesit e ketyre mandateve. Pavaresisht kesaj, Berisha shprehet se nuk sheh asnje kontradikte midis sulmeve te tij te ashpra ne adrese te rezultatit te dale nga zona e Dushkut dhe fteses qe deputetet, qe moren mandatet ne kete zone, te behen pjese e koalicionit "BF". "Ketu nuk ka asnje kontradikte, sepse fatura e Dushkut ne fakt eshte e Fatos Nanos. Nuk do te bejme asnje aleance me Nanon. Perkundrazi, zgjerimi i forcave liberaldemokrate dhe spektrit opozitar eshte shume i mirepritur", theksoi Berisha.

Korrieri, 05/07/2002

[Albo]

tear_drop

1. Shqiperia ka 5 vjet qe ka humbur sovranitetin, dhe Berisha nuk ka sec te mbroje, duhet qe ta fitoje serrisht ate sovranitet qe u perket shqiptareve, jo grekerve dhe serbe.

2. Nuk dua te bej koment mbi "pjekurine politike te shqiptareve" por po te them se Berishes bravo i qofte qe harxhon gjithe energjite, kohen dhe karrieren e tij, me nje popull qe nuk di te vleresoje perkushtimin e nje politikani. Jane te paket ata intelektuale shqiptare qe ndermarrin sakrifica te tilla.

3. Sa per mentalitetin shqiptar, e njoh me mire sec e njohin ata qe e jetojne ne Shqiperi. Eshte me e lehte ti shikosh gjerat nga larg, dhe Interneti mundeson qe une te jem me i mireinformuar mbi ate qe ngjet ne Shqiperi, se ata 3 milion shqiptare qe shohin e degjojne, ate qe ju servirin baronet e mafies qe i kane blere edhe mediat.

4. Tear_Drop, po flasim per politike dhe jo sa e dua une apo ti Shqiperine. Te duash Shqiperine nuk do te thote ti besh qejfin vetes apo te tjereve. Gjerat thuhen sic jane, dhe askush nuk duhet te mbylli syte para te vertetave. Perpara se te ndryshosh nje realitet per mire, duhet ta pranosh ate, me te gjitha te mirat e te keqijat e veta. Dhe une i ngelem besnik cdo presje qe kam shkruajtur me siper.

Gjithe te mirat !

[Anton]

Te nderuar,


une me ate pyetje :

e kisha fjalen vetem per ate akuzen e re te Berishes ndaj Klosit.

kaq

Fjalimi i tij ne parlament eshte shume i mire.

Per Berishen ne pergjithesi kemi pas hapur nje teme tjeter.

[Shanon]

Per mendimin tim (mos mu hidhni ne gryke ju te tjeret) Berisha nuk eshte i papergjegjshem. Eshte njeri i ndershem por kurrsesi fale kesaj vetie smund te jete politikan, si dhe i beson verberisht idealit qe ka vene ne koke aq sa ska njeri ti nderroje mendjen.



thjesht, shkurt, qarte dhe bukur