Isa Boletini (1864-1916)

[Davius]

Isa Boletini, atdhetari dhe udheheqesi per clirim dhe bashkim kombetar

U vra ne 23 janar te vitit 1916

Me 23 janar te vitit 1916 u vra pabesisht Isa Boletini, "Hero i Popullit", nje nga pasardhesit e rilindesve shqiptare, i cili dha nje kontribut te rendesishem ne luften e armatosur per liri dhe shtet kombetar, ku u dallua si organizator dhe mbeshtetes i programit per mevetesine. Ai u vra nga malazezet ne Podgorice ne nje moshe te re, ndersa ishte nje nga perkrahesit e revolucionit xhonturk te vitit 1908 dhe nje nga organizatoret e Kuvendit te Ferizajt (1908), qe luajti rol te rendesishem ne shpalljen e Kushtetutes.

Isa Boletini ishte nje nga figurat qendrore ne kryengritjet e viteve 1910-1912, ku bashkerisht me udheheqesit e tjere te trojeve shqiptare, brenda dhe jashte kufijve, arriten shpalljen e Pavaresise me 28 Nentor 1912, ne Vlore. Ai dha nje kontribut te vecante ne delegacionin shqiptar qe shkoi prane Konferences se Ambasadoreve ne Londer per mbrojtjen e teresise tokesore te shtetit shqiptar. Ne shume intervista dhene mediave te asaj kohe dhe ne takime me figura te politikes evropiane, ai mbrojti me force aspiratat per ruajtjen e trojeve te vendit. Isa Boletini dha nje ndihmese te cmuar ne luften clirimtare te popullit te Kosoves per t'u shkeputur nga sundimi serb dhe per bashkimin e Kosoves me shtetin ame. Ishte pikerisht per keto perpjekje, te cilat sollen edhe vrasjen e tij pabesisht, ne nje moshe te re, ne 23 janar te vitit 1916.

KOHA JONE

[Edvin83]

Eh, iken ata shqiptare te mocem...keta te tashmit jane disa pa moral e nder!

[padrilla]

paska qen taman trim

[kacaku basket]

paska qen taman trim

Po pse sot po e merr vesh ti?Apo historine tone se ke kap nai here me dore?Shqiptar qeke dhe ti

[alibaba]

Fjalët e para në këtë artikull janë anti-malësore.

Malësisë duhet t'i kthehet nderi që e meriton. Përse nuk përtojnë që t'ia fusin kot "nga Mitrovica"?

Po çfarë Mitrovice more. Ai s'ka lidhje me Mitrovicë.

Isa Boletini është lindur e rritur në fshatin Boletin të krahinës "Shalë e Bajgorës".

Nuk ka kurrëfarë lidhje me Mitrovicë.

[extreme]

Isa Boletini nje nder heroit me te mdhej te kombit shqiptar , njeri i cili i ka meritat me te mdhaja per pavarsine e shqiperis , dhe sot flitet aq pak per te sapo desha ta hap nje tem per te por me vije mir se kjo tem tash me po egzistoke ketu .


Pritet qe se shpejti te behet rivarimi i eshtrave te heroit ne Fshatin boletin , deri ne fund te muajit maj qeveria e kosoves ka ultimatum qe te bej organizimin e heroit ton me te madh , por siq po shihet qeveria osht e zanun me tendera , eshtrat e hroit qendroin tash e 8 vite mas lufte te pa varosura nga pamundesia e rivarimit per shkak se fshati Boletin gjindet ne veri te Mitrovices ne komune e zveqanit , kur te kaloj ultimatumi i dhen qeveris atehere ne kusherit Boletinasit me popullin do ta organizojm rivarosjen e tij , I ndjeri Presidenti Rugova pas luftes e ka organizuar kthimin e eshtrave te tij ne Kosove .

[iliria e para]

Pjese nga filmi dokumentar

[martini1984]

[QUOTE=extreme;2249084]Isa Boletini nje nder heroit me te mdhej te kombit shqiptar , njeri i cili i ka meritat me te mdhaja per pavarsine e shqiperis , dhe sot flitet aq pak per te sapo desha ta hap nje tem per te por me vije mir se kjo tem tash me po egzistoke ketu .

Absolutisht,dhe tu rrit nera.Por pikerisht per heronjte flitet pak,se ju intereson tradhtareve te kombit.Qe nga 1912 dhe perjashto Nolin ne 1924 ke pasur vetem shkaterrues te kombit.Baca nuk u puthte me Serbin dhe e shiste veten patriot te flakte,por kur flaka po digjte Kosoven dhe Shqiperine bashke tregoi se cfar vlere ka te jesh i pavarur.Por ishin burra atehere,dhe jo lapangjose si sot.
Mire do banet,dhe shendet.

[extreme]

Skenderbeu , Isa Boletini , Adem Jashari , 3 njerzit qe shqiptaret i kan pas dhurat nga Zoti .

[petrol]

Skënder P. Luarasi
Dokumente të panjohura për Isa Boletinin (1864-1916)
Shtatëmbëdhjetë vjeçari u pagëzua në zjarrin e luftës më 22 prill 1881 rreth Prizrenit e sidomos në betejën e Slivovës, ku ndër të vrarët nuk ishin të pakët ata prej Boletinit. Por emri i Isait i kapërceu kufijtë e Perandorisë Osmane kur kosovarët po organizonin Lidhjen e Pejës që të mbroheshin jo vetëm prej shtypjes së Sulltanit por edhe nga kurthet e komitaxhinjve serbë, që për hir të carit rus përkraheshin nga hyqymeti turk.
Pas dy vjetëve nëpër male Isai me familje u kthye më 1897 në kullën e djegur në Boletin dhe iu vu rindërtimit të saj e ngrehjes së një shkolle për kalamajt e fshatit. Po këtë mot Isanë e vizitoi publicisti gjerman Karl Estrahjer i cili në librin e tij ''Përshtypje udhëtimi'' të botuar më 1899, mbasi i bën Isait një portret të mrekullueshëm, shton: ''E ka kundërshtuar qeverinë dhe tani rron i kërcënuar nga të katër anët prej saj dhe prej armiqve, ndërsa vetë është i rrethuar nga një grusht shokësh besnikë, vetëm nja tridhjetë veta, por që lenë kokën për atë. Na erdhi keq për këtë Gec fon Berlihingen shqiptar''.
(Pa hyrë drejt e në temën tonë, japim në parantezë sqarimin se Gec fon Berlihingen qe udhëheqësi i kryengritësve fshatarë gjermanë kundër princërve dhe klerikëve, më 1525, që vdiq i burgosur më 1530. Biografia e tij i shërbeu Gëtes të shkruante dramën Gec fon Berlihingen, që është përkthyer edhe shqip. Shkrimtarët anglezë e kanë krahasuar Isa Boletinin me heroin e tyre popullor Robin Hudin, italianët e kanë quajtur ''Garibaldi i Ballkanit'' dhe Fan Noli e ka mbajtur për aq të madh sa edhe Uashingtonin.)
Ne nuk do të merremi me sharjet e shpifjet e serbomëdhenjve për trimin shqiptar, por do të botojmë fare shkurt ç'i ka raportuar konsulli sërb i Prishtinës Kryeministrit në Beligrad, në dy dokumente rezervat të panjohura gjer tani.
Në raportin Rez. Nr.154, datë 1 tetor 1902, mbasi siguron kryeministrin sërb se ''Shemsi Pasha i lufton pa mëshirë shqiptarët'' dhe i përshkruan me radhë kullat që ushtria ka bërë rrafsh me tokën, fshatrat që ka djegur e shtëpitë që ka plaçkitur, drithin e bagëtitë që ka rrëmbyer për të ushqyer ushtritë dhe sidomos terrorin që shkakton në gjithë trevat veriperëndimore të Kosovës, konsulli vazhdon:
''Tani në Mitrovicë, në rendin e ditës është çështja e shkuarjes së Isa Boletinit në Stamboll. Mytesarifi i Prishtinës është lëvduar se do ta bindte Isanë të shkonte në Stamboll. Këtë e ka marrë përsipër Shemsi Pasha, i cili thotë se ka pasë urdhër që ''gjallë a vdekur '' do ta shpjerë në Stamboll…Nga qeveria e këtushme më patën njoftuar se sot me siguri Isai do të niset me tren për Shkup e Stamboll. Në stacionin e Prishtinës kanë dalë Bajram Curri dhe shumë krerë shqiptarë për t'i uruar ''Udhë e mbarë!''
Mirë po Isai në vigjiljen e nisjes më 30 shtator i telegrafoi Jilldizit të mos e presë… dhe u kthye nga Mitrovica në Boletin dhe në kundërshtim me urdhrat e autoriteteve, duke shtënë me pushkë. Kjo është fitorja e tij më e re që ia ka ngritur kredinë jashtëzakonisht në sytë e shqiptarëve, kurse atë dhe partizanët e tij i ka lartësuar përmbi çdo gjë.
Jam informuar se pas dëbimit të korierëve të konsullit rus nga Mitrovica, kur Isanë e thirrën në Stamboll, ai iu përgjegj sekretarit të sulltanit telegrafisht: ''Në Stamboll nuk vij. Po të mos më lenë të qetë, do të kushtroj 15.000 shqiptarë, do të kaloj kufirin serb e do të djeg e vras sa mundem. E di se atje do të gjej varrin, por më mirë të përfundoj burrërisht se të jem i mbytur në Bosfor.''
Megjithatë, kanë filluar parabisedime të reja me atë, që të vejë në Stamboll si ''mysafir i Sulltanit''.
Konsulli e mbaron këtë raport: ''Lajmet e fundit nga këta vende janë pak ngushëlluese për ne - ato tregojnë se Turqia nuk ka menduar seriozisht ta nënshtrojë kryeneçësinë shqiptare.''
Në raportin Rez.Nr.164, datë 20 tetor 1902, konsulli shkruan : ''Dje kam pasë nderin t'ju dërgoj telegramin shifër mbi lëvizjen e fundit në Mitrovicë që synon të pengojë ardhjen e konsullit rus në këtë qytet, zotin Shçerbin. Udhëheqës i njohur i shqiptarëve Isa Boletini ka vendosur ta ndjekë çështjen deri në ekstremitet… Ai tani konsiderohet i shkarkuar nga kujdeset kundrejt hyqymetit turk. Deri tani qe vetëm vasal rebel i Sulltanit, kurse sot u shkëput plotësisht nga varësia e pushtetit të tij dhe u shpall i pavarur.
Sulltani i ka pemtuar ambasadës ruse që do ta internojë Isanë në Anadoll… Ai e ka kuptuar tradhëtinë e Sulltanit dhe don të hakmerret. ''Besa, për këtë kam me ia ba nji sherr të atillë Sulltanit që s'ia ka ba kush prej shumë kohe'', kështu është betuar Isai para krerëve shqiptarë që janë partizanë të tij.
Sikurse kam njoftuar me telegramin e djeshëm Isai tubon me shpejtësi shqiptarët nga qarku i Mitrovicës, Jenipazarit, Pejës e Prishtinës në kullën e Boletinit. Partizanët e tij flasin hapur se do ta sulmojnë kufirin sërb. Deri më 18 tetor në mbrëmje ia kishin arrirë 4.500- 5000 shqiptarë të armatosur dhe vazhdojnë gjithnjë të vijnë.
Si do të dalë Sulltani nga kjo situatë, pasi tanimë nuk mund të shtyhet ardhja e konsullit rus në Mitrovicë, do të shohim… Tani kur shqiptarët akoma s'e kanë marrë veten nga ekspeditat e Shemsi Pashës kundër tyre, t'i detyrojnë me forcë ushtarake të nënshtrohen. Duke pasë thyer Isa Boletinin, Abdyl Hamiti do të shpëtojë nga kryengritjet shqiptare…Mulla Zeka është vrarë…tani sikur të asgjësohej edhe Isa Boletini (këtë duhej ta kishim vrarë pa mëshirë me qëllim që të trembeshin të tjerët), atëherë nuk do të gjendej udhëheqës i tillë kryelartë shqiptar që të guxonte t'i kundërshtohej Sulltanit dhe në çast të grumbullonte dhjetë deri në pesëmbëdhjetë mijë kryengritës të armatosur mirë.
Ne sërbët duhet të kemi kujdes kufirin tonë dhe të veprojmë që zoti Shçerbin të vijë sa më parë në Mitrovicë. Atëherë Sulltani do të ishte i detyruar të marrë masa vendimtare ushtarake kundër Isa Boletinit dhe ushtrisë së tij sepse me pavendosmëri dhe masa gjysmake do të vihej në rrezik edhe vetë jeta e konsullit.
Unë që në fillim të kësaj kryengritje vazhdimisht kam lajmëruar qeverinë mbretnore që konsulli rus duhet të vijë sa më parë në Mitrovicë. Kjo duhet bërë jo vetëm për prestigj e dinjitet të Rusisë në syt e turqve e të shqiptarëve, por edhe për arsye të shqiptarëve të sanxhakut të Prishtinës që duan të pengohet hapja e konsullatës ruse në Mitrovicë... Nga vetë zyrtarët e lartë turq dëgjoj gjëra të tilla të tmerrshme. Mbi çështjen e kësaj kryengritje do të kem nderin t'ju njoftoj vazhdimisht''.
Brenda 20 ditëve, nga 1tetori 1902 deri 20 tetor 1902, dhjetë raporte, çdo dy ditë nga një, i ka dërguar konsulli sërb nga Prishtina kryeministrit sërb në Beligrad.

(Botim i vitit 1982)