Maqedoni-Shqiperi: Ceshtja e vizave

[Cimo]

Pse maqedonasit kane te drejte?

Mentor Nazarko

Gjithçka që ndodhi në lidhje me të ashtuquajturën "çështje të vizave maqedonase", do të mund të quhej "furtunë në gotë". As dy vendet nuk do të shkojnë shumë larg me debate në distancë, por as dhe çështja në diskutim nuk ia vlente të trajtohej siç u trajtua, veçanërisht në Shqipëri.

Eshtë shkruar shumë për këtë furtunë në gotë dhe mund të duket se nuk ka më se ç‘të shkruhet. Mendoj se po, pra ka akoma dhe më çfarë të shkruhet. Për shembull, dhe mund të duket paradoksale, se Maqedonia kishte të drejtë në atë që bëri. Më saktë në atë që nuk bëri, por thjesht kërcënoi se do ta bënte.

Sepse pikërisht ky është momenti i parë që i bën të pajustifikueshëm dhe të shpërpjesëtuar reagimet në opinionin publik shqiptar dhe më keq akoma në institucionet tona: Maqedonia nuk e vendosi regjimin e vizave. Por jo vetëm kaq. Maqedonia aktualisht është duke shkelur një ligj të vetin, të miratuar me dy të tretat, që në maj 2007, efektet e të cilit do të fillonin në 1 janar dhe nuk po e vendos detyrimin e parashikuar në këtë ligj, që shtetasit shqiptarë të merrnin viza në ambasada. Pra, edhe ky është element pozitiv në sjelljen e Maqedonisë ndaj nesh. Sigurisht ajo është duke e bërë këtë për interesin e vet: në fund të vitit agjencia maqedonase e lajmeve jepte në mënyrë triumfante lajmin se hotelet e saj janë mbushur me shtetas shqiptarë. Bilanci i shkëmbimeve midis dy vendeve tregon varësinë e industrisë hoteliere maqedonase nga shqiptarët. Pra, Maqedonia nuk do ta vendoste regjimin e vizave, edhe sikur ne të mos reagonim. A nuk mjafton kaq për të treguar se Maqedonia nuk bëri asgjë kundër nesh dhe reagimi ndaj saj ishte i pajustifikuar, madje dhe nga ish-ministra të Jashtëm? Por le të shtojmë argumente të tjerë.

Maqedonia nuk tha apo nuk thotë se vendosja e regjimit të vizave është e pashmangshme, për shkak të faktit se është një hap para nesh në marrëdhëniet me BE-në. Kjo afërsi vetëm e detyroi atë të miratonte ligjin për të huajt, që parashikon marrjen e vizave ekskluzivisht në konsullata, pa përmendur shqiptarët. Por ky ligj maqedonas, i miratuar me dy të tretat, d.m.th. gati ligj kushtetues, nuk pengon që midis dy vendeve të firmoset një marrëveshje dypalëshe, që përfundimisht e heq regjimin e vizave në kufi apo dhe pagesave të taksës në kufi, siç është rasti i sllavëve të Maqedonisë. Madje, maqedonasit kanë kërkuar prej kohësh që të miratohet kjo marrëveshje, por ne nuk kemi dashur apo kemi përtuar ta nënshkruajmë.

Po kush janë tjetër arsyet e Maqedonisë? D.m.th., përse Maqedonia ishte brenda së drejtës së vet për të bërë atë që bëri?

Maqedonia thjesht lajmëroi publikisht se do të vendoste regjimin e vizave me Shqipërinë, gati-gati duke parashikuar reagimin zyrtar të Shqipërisë që do pasonte. Fiks atë që mund t‘i interesojë. Në një kontekst si ai ballkaniku i sotëm, kur Maqedonia e gjendur e shtypur nga shqiptarët nga dy anë, nga grekët, nga serbët dhe bullgarët, ndërsa ajo do të ketë presione të tmerrshme pse pranon të njohë pavarësinë e Kosovës, i duhej një gjest që do të interpretohej si antishqiptar. Duhet të mbajë ekuilibrat me sllavët e tjerë, me Serbinë dhe minoritetin agresiv serb brenda në kufijtë e saj.

Maqedonisë i duhet një furtunë e tillë, për të treguar dinjitet në marrëdhëniet me jashtë. Nëse nuk do ia tregojë atë Shqipërisë, kujt do ia tregojë? Madje, për të qenë të sinqertë, Maqedonia megjithëse është e kontrolluar nga ekonomia greke, prapëseprapë guxon më shumë sesa ne ndaj Greqisë. Pra, tregon dinjitet më shumë se ndaj grekëve: vendos emrin e aeroportit, nuk ndryshon emrin e vendit të vet, imponon kompanitë celulare të mbajnë tarifa më të ulëta etj., etj.

Maqedonisë i duhej të tregonte në një farë mënyre pakënaqësinë ndaj Shqipërisë, që në kontestin e saj me Greqinë duket se ka zgjedhur të mbajë anën e Greqisë. Në një emision të "Top Show", ministri i Jashtëm, Basha, i lejoi vetes madje të konsideronte si të gabuar dhe që provokonte opinionin publik grek, "vendosjen e emrit Aleksandër i Madh aeroportit të Shkupit". Thellësisht e gabuar nga ana jonë kjo preferencë pro Greqisë. Dakord, ne nuk mund të mbajmë anën e Maqedonisë në publik, por ama nuk ka asnjë arsye pse të mbajmë të Greqisë. Madje duhet të koordinohemi me Maqedoninë, për të frenuar ekspansionin politik, ekonomik dhe kulturor të Greqisë në rajon. Ekspansion që i interpretuar në terma zhvillimi, në disa raste frenon zhvillimin e vendeve tona. Midis Shqipërisë, Maqedonisë nga një anë dhe Greqisë në anën tjetër, ka interesa ekonomikë drejtpërdrejtë të kundërt, siç është rasti i rrugëve ndërkombëtare të energjisë, transportit etj., etj.

Gabimet tona në rastin e vizave

Ne nuk e morëm vesh lajmin e miratimit të ligjit maqedonas për të huajt që në majin e vjetshëm dhe pasojat e tij në regjimin aktual të vizave. O ambasadori ynë atje nuk njoftoi, ose ai njoftoi në kohë dhe kancelaria jonë e injoroi. Edhe PDSH-ja duhet të njoftonte. Apo pse jo edhe opozita shqiptare, BDI.

Nëse institucionet tona dinin efektet e këtij ligji, janë akoma dhe më shumë fajtorë pse nuk filluan negociimin e një marrëveshjeje dypalëshe. Maqedonasit e kanë kërkuar dhe në mënyrë të veçantë ata kanë reaguar ndaj diskriminimit të sllavëve të Maqedonisë në kufirin tonë.

Shqipëria gaboi dhe në mënyrën e reagimit. Janë deri diku të kuptueshme mosdijenitë e atyre që komentojnë ngjarjet rajonale, por thellësisht të pakuptueshme të atyre që kuptojnë, pra të politikanëve tanë, të ministrave të Jashtëm apo dhe të atyre që janë mbi ta. Sepse, paradoksalisht dhe reagimi i tyre i shpërpjesëtuar i shkoi në favor të Maqedonisë.

Përfundim

Maqedonia është shtet shumë më serioz se ne. Nuk e tregojnë këtë rrugët më të mira, mungesa e ndërtimeve pa leje, administrata fiskale funksionale, mungesa e propagandës vetëfshikulluese e tipit të opozitës së djeshme, se "Shqipëria është parajsa e trafikut të drogës", megjithëse e njëjta drogë që kalon nga Shqipëria vjen prej Maqedonisë. Nuk e tregon vetëm me kapacitetet për të administruar konflikte më të forta ndëretnike, megjithëse me asistencën ndërkombëtare. Apo me bujqësinë e vet që furnizon Shqipërinë dhe Kosovën, me rendimente disa herë më të larta se bujqësia jonë. Maqedonia e tregon me dinjitetin në marrëdhëniet ndërkombëtare. Guxon dhe tregon dinjitet me grekët, më të mëdhenj dhe më të rëndësishëm se të gjithë ne, por pse jo dhe me Shqipërinë?

[Jedrifi]

per ne te KOSOVES nuk ka viza per MAQEDONI po shum shpejte nuk do te ket ase per BE se na jemi ata qe do ti QLIROMI te gjithe SHYPTARET

pershendetje prej Gjilanit
www.youtube.com/jedrifi

[drity]

Macedonia becomes FYROM due to visas

Tirana, 12:22

Albanian national television called Macedonia by its provisional name FYROM late Thursday in a protest of Macedonia's plans to change visa issuance procedures.

Makfax correspondent said Albanian national broadcaster commented the latest decision by Macedonian foreign ministry to issue visas at the embassy in Tirana. The broadcaster didn't use Macedonia's constitutional name, but he used FYROM reference instead.

The broadcaster made it clear that visa issuance alterations are doing disservice to Macedonia's economy.

Other media in Albania said the two neighboring countries are likely to reach a compromise and facilitate the visa regime, but most media blame Macedonia of improper move towards Albania.

Albanian tour-operators claim up to 80 percent of travel agencies work with Macedonia. /end/

http://www.makfax.com.mk/look/agenci...4&NrSection=10

[Korcar-L1]

Kategori të caktuara të shtetasve shqiptarë lirohen nga vizat e Maqedonisë

Marrëveshje për një regjim të ri vizash për shtetasit shqiptarë parashikon lirimin nga vizat fëmijët, pensionistët dhe qytetarët e Shqipërisë që posedojnë në pasaporta viza shengen.

Këto lehtësime nënvizohen në marrëveshjen që Ministria e Jashtme po punon këto ditë me një grup ekspertësh dhe punonjësisht të ministrisë, bëjnë të ditur burime të MPJ për agjencinë e lajmeve INA. Projekt-marrëveshja do t`i dorëzohet Ministrisë së Jashtme shqiptare deri në fund të këtij muaji.

Këshilltari shtetëror për punë konsullore në Ministrinë e Jashtme, Savo Sibinovski deklaroi se kjo marrëveshje është një hap përpara liberalizimit të plotë të regjimit të vizave midis dy vendeve dhe heqjen e plotë të tyre.

Sipas tij, marrëveshja për regjimin e ri të vizave parashikon që popullata e rajoneve kufitare në një distancë deri në 50 kilometra të hyjnë në Maqedoni me lejekalimi të posaçme, të cilat do të mundësojnë kalime të pakufizuara.

Sibinovski tha se planifikohet hapja e një përfaqësie diplomatike të Maqedonisë në një vend në afërsi të kufirit. Ai tha se qytetarët shqiptarë me origjinë maqedonase nuk do të lirohen nga ky regjim vizash. (INA)

[Faik]

Maqedonia Perserit: Shqiptaret viza ne Ambasade

http://www.balkanweb.com/sitev4/index.php?id=14916

[BOKE]

E paskem fajin ne edhe per vizat maqedonase. lol

Strasburg, Ministri i jashtem maqedonas: Shqiperia s'respektoi ligjin per vizat


(Dërguar më: 23/01/08) Shefi i diplomacisë së Maqedonisë Antonio Milloshoski është marrë në pyetje para parlamentarëve evropiane lidhur me regjimin e ri të vizave i cili zgjoi reagime nga Tirana zyrtare.

Milloshoski tha se në Bruksel gjatë muajit shkurt do të mbahet një takim kryeministror dypalësh ku pritet të sqarohet problemi sa i përket çështjes së vizave. Ai përsëriti qëndrimin e tij se me Shqipërinë nuk ka një regjim të ndryshëm vizash, por ka ndryshuar vetëm vendi ku merren ato.

"Që prej fillimit të këtij viti ne nuk jemi më në pozitë për të lëshuar viza në dogana dhe në kufinj. Por sipas ligjit të miratuar nga parlamenti i mëparshëm, në mars të vitit 2006, dhe për shkak të afateve dhe parimeve që na janë dhënë nga Komisioni Evropian, Maqedonia është sot e detyruar të ndërtojë një rrjet për lëshimin e vizave vetëm në ambasadat dhe konsullatat tona", tha Milloshoski.
Kryetarja e delegacionit europarlamentar për Evropën Juglindore ka pyetur se sa e vërtetë është se Shqipëria vetë diskriminon në kufi qytetarët e Maqedonisë që nuk janë shqiptarë. Milloshoski denoncoi mënyrat selektive të Tiranës, e cila sipas shefit të diplomacisë së Maqedonisë nuk ka respektuar ligjin e një viti më parë për heqjen e vizave me fqinjin.

"Për qytetarët e Maqedonisë, “de jure”, qeveria e Shqipërisë hoqi një vit më parë vizat, por “de fakto”, ata kanë vazhduar të kërkojnë taksë hyrje për ata qytetarë të Maqedonisë që futen në Shqipëri për turizëm, biznes apo arsye të tjera, por atje ka një qasje selektive, sepse taksa e hyrjes iu kërkohet vetëm qytetarëve të Maqedonisë që nuk janë shqiptarë, për maqedonasit, turqit, romët etj, por jo maqedonasve me origjinë shqiptare", theksoi Milloshoski.

BallkanWeb

[Ujku'80]

30% e popullsis maq esht shqiptare, ne jemi nje nga vendet qe i njohem emrin zyrtar, i lejojme te perpunojn mallrat ne portin e durrsit dhe kta plerat tallin b... me ne.heqin vizat per pensionistet dhe kalamajt. Ky birisha do denjoj ta ngrej zerin e mos te lejoj qe ky cop vend te na mar neper kemb. Shqiptaret presin heqjen e vizave me be e kta plerat duan te na izolojne, te na ndajn perseri nga bota, e te na largojne nga kosova. Z lulzim, cprisni akoma, a jeni apo jo perfaqsuesi i shqiperis ne bote ?

[Davius]

Ti sqarojme disa gjera, dhe te mos merren gjerat me eufori:

Maqedonia eshte kandidate per anetaresim ne BE, dhe ka kohe qe ka shkruar MSA-ne me BE-ne, dhe miratimi i ketyre ligjeve eshte dicka e patjetersueshme ne procesin e mbrojtjes se kufijve te saj, njekohesisht kufijeve te BE-se.

Shqiperia si shtet, i cili eshte teper larg nga Maqedonia ne rrugen per ne BE, bie ne ato shtete, ku qytetaret e saj duhet te pajisen me viza per te hyre ne Maqedoni. Ligji nuk vlen vetem per Shqiperine si shtet, por per per nje numer shume te madh shtetesh tjera, ku fatkeqesisht aty ben pjese edhe Shqiperia. Kur sjellet nje ligj, ne ligj nuk shkruan, se ky ligj vlen per te gjitha shtetet e atij eshaloni, pervec Shqiperise. Kush mendon keshtu se Maqedonia e ka kete ligj vetem per Shqiperine, eshte mungese njohje normash e ligjesh. Mjafton nje student juridiku t'ja percjellesh kete lajm dhe te jep nje komente teper te mirefillite dhe sqarues. Ai eshte nje ligj global qe perfshine te gjithe ato shtete qe i takojne nje kategorie te caktuar shtetesh. Por ceshjta zgjidhet me marreveshje bilatereale ne mes qeverise se Maqedonise dhe qeverise se Shqiperise. Njejte sikur Maqedoni ka pasur me pare marreveshje me Bullgarine, kur ishte kandidate per ne BE, ku qyetaret e Maqedonise kane leviz vetem nje pasaporte ne drejtim te Bullgarise, deri me 31 dhjetor 2006, ku me 1 janar 2007, Bullgaria edhe zyrtarisht u be anetare e BE-se.

Andaj, stop euforise. Sepse fundja s'eshte faji i Maqedonise pse Shqiperia eshte shume hapa me pas ne rrugen e anetaresimit te vendit ne BE, sikur te ishte me larg, ky problem nuk do ta prekte.

[Cimo]

Vizat me Shqiperine, Maqedonia terhiqet: ne fuqi vendimi qe ka qene

“Tani per tani regjimi i vizave per shtetasit shqiptare mbetet i njejte, siç ka qene. Dy ministrite jane ne bisedime me eksperte te veçante per te zgjidhur sa me shpejt kete çeshtje”, konfirmon zedhenesi i Ministrise se Jashtme

Maqedonia terhiqet per ceshtjen e vizave dhe le ne fuqi per qytetaret e Shqiperise regjimin qe ka qene deri tani, pa asnje ndryshim. Lajmi eshte bere I ditur nga zedhenesi i Ministrise se Puneve te Jashtme te Maqedonise, Sasho Kokallanov per Agjencine Telegrafike Shqiptare. “Tani per tani regjimi i vizave per shtetasit shqiptare mbetet i njejte, siç ka qene. Dy ministrite jane ne bisedime me eksperte te veçante per te zgjidhur sa me shpejt kete çeshtje”, tha zedhenesi Kokallanov.

Sipas ligjit te ri te Maqedonise qe ka hyre ne fuqi me 1 janar dhe do fillonte te zbatohej per shtetasit shqiptare me 1 shkurt, Maqedonia nuk do te jepte me viza ne kufi, por ne ambasadat dhe konsullatat e saj. Maqedonia e ka justifikuar kete vendim me faktin se eshte nje nga direktivat e BE-se vendosja e regjimit te vizave por edhe me faktin se ky ligj "i ofron" Shqiperise "lehtesim vizash te ngjashem me ate qe BE i ka dhene nje kategorie te caktuar qytetaresh te Maqedonise". Por vete ambasadori I BE-se ne Maqedoni Ervan Fuere mohoi publikisht qe BE te kete kerkuar dicka te tille, ne te kundert Fuere ka thene se nga Maqedonia kerkohet krijimi I lehtesirave me vendet fqinje. Fuere e ka quajtur kete e Maqedonise si nje keqkuptim te paster dhe ka kerkuar rishikimin e vendimit. Pas Fueres kane ardhur edhe reagime te tjera nga zyrtare te larte europiane te cilet kane theksuar se çeshtjet e regjimit te vizave zgjidhen permes marreveshjeve dypaleshe.

Balkanweb

[Alienated]

Vizat me Shqiperine, Maqedonia terhiqet: ne fuqi vendimi qe ka qene

Brukseli kritikon Maqedonine per vendosjen e regjimit te ri te vizave me Shqiperine. Zedhenesi i komisionerit per Drejtesi dhe Ceshtje te Brendeshme, Riccardo Mosca, deklaroi per gazeten "Utrinski Vesnik" se Maqedonia nuk eshte e detyruar te vendose regjimin e vizave me Shqiperine. Sipas tij, rregullorja e BE-se nuk lejon nxjerrjen e vizave ne pikat kufitare, por ky detyrim per momentin nuk e ndalon Shkupin qe ta vendose. Riccardo Mosca, zedhenesi i komisionerit Fratini theksoi se Maqedonia dhe Shqiperia duhet te pergjigjen per marredheniet e tyre. "Eshte e qarte se behet fjale per nje vendim politik te autoriteteve maqedonase dhe eshte ne duar te tyre nese do te miratohet nje vendim i tille, ose jo", deklaroi Mosca. Fratini do te vizitoje Maqedonine muajin tjeter, per te disktuar per lehtesimin e regjimit te vizave me Maqedonine.

Top Channel