Maqedoni-Shqiperi: Ceshtja e vizave

[RaPSouL]

Vendosja e vizave, reagojne shqiptaret ne Maqedoni

Oda Ekonomike e Maqedonise veriperendimore I kerkoi qeverise Maqedonase te terheqe kete vendim per shtetasit e Shqiperise.

Vendosja e regjimit te vizave nga Maqedonia per shtetasit shqiptare ka sjelle reagimin e ashper te qarqeve shqiptare ne Maqedoni. E para qe ka reaguar ka qene Partia e Bashkimit Demokratik Shqiptar e cila pas ketij vendimi sheh nje reagim pozitiv te qeverise se Shkupit ndaj kercenimeve Serbe se do te izoloje Kosoven ne rast shpallje te pavaresise. Sipas BDSH vendimi qe te aplikohen vizat ndaj qytetareve te Shqiperise ne menyre analogjike si shtetet e BE-se deshmojne se kjo logjike antishqiptare merr edhe dimension strategjik ne kete moment kur te gjitha vendet qe synojne integrimet euro-atlantike duhet te permbushin kriteret e funksionimit ne perputhje me vlerat perendimore. PDSH e cileson vendimin si nje provokim te rradhes ne vazhden e provokimeve te Qeverise se VMRO-PDSH.Nderkohe Oda Ekonomike e Maqedonise veriperendimore I kerkoi qeverise Maqedonase te terheqe kete vendim per shtetasit e Shqiperise. Perderisa shtetet fqinje jane edhe partneret me te medhenj te vendit tone ne ekonomi, nje vendim i tille do te kete rrjedhoja serioze ne ekonomine tone. Prandaj, kerkojme nga Qeveria ta shfuqizoje vendimin dhe te heqe regjimin e vizave, per te ndihmuar levizjet pozitive ekonomike te cilat tashme dallohen qarte ne Maqedoni", thuhet ne njoftimin e Odes Ekonomike te Maqedonise Veriperendimore.

(news24)

[Shkupi]

Stupiditeti i qeveritareve si duket nuk ka te mbaruar.Te dehur nga "dobesia" momentale brendashqiptare ne Maqedoni ky vendim i vllades makedone paraqet nje goditje e drejteperdrejte komunikimit gjithshqiptar brenda trekendeshit Tirane,Prishtine,Shkup dhe ndodh pikerisht ne keto caste vendimtare per gjithe kombin shqiptar.Ky vendim anakronik ndodh ne momentin kur ministri francez per ceshtje evropiane flet per inkluzimin e ballkanit perendimor ne strukturat evropiane e aty eshte edhe Shqiperia edhe Maqedonia por edhe Kosova. Eshte vendim i rradhes gjenerohet nga vetedija e stepave siberiane dhe eshte vazhdimesi e ndjenjave antishqiptare te lidershipit te Shkupit zyrtar. Vizat per shqiptaret e ballkanit vijne ne castin kur te dy vendet rrespektivisht te tre vendet(ne kete vendim perfshihet edhe Kosova ne castin postpavaresise) jane para portave te Evropes.

Vizat makedone jane ne kundershti te plote me frymen e fqinjesise se mire dhe qellimit te perbashket per evropianizimin e kesaj hapesire.Qeveritaret makedon duhet te sqarojne se si ndodhi qe ky vendim te vlen vetem per shtetet shqiptare ne rajon e jo per Serbine e cila akoma nuk ka nenshkruar marreveshjen per asocim me BE e ne anen tjetere kete tashme e ka bere Shqiperia te ciles edhe i futen vizat. Qe vendimi eshte antishqiptar flet edhe sqarimi i MPJ-se se qeverise se Grujevskit se vizat burojne nga obligimet e axhendes evropiane .Ky vendim eshte i palogjikshem edhe ne aspektin ekonomik sepse pikerisht shqiptaret e Shqiperise dhe Kosoves shpenzojne qindra miliona euro ne Maqedoni.Nuk duam te besojme se interesi i ndjenjes stepike urale e shumadiane ka mbisunduar mbi ate ekonomik dhe te bashkejeteses ne kete cep te ballkanit.

[Lioness]

Terhiqet Gruevski: Të shtyhet afati për vizat me Shqiperine

Presioni i qarqeve shqiptare detyroi mbrëmë Kryeministrin Nikolla Gruevski të deklarojë tërheqjen nga aplikimi i procedurave të reja të pajisjes me vizë për shtetasit shqiptarë deri në gjetjen e zgjidhjeve të reja

Shtyhet për një afat të papërcaktuar vendosja e regjimit të vizave ndërmjet Shqipërisë dhe Maqedonisë. Presioni i qarqeve shqiptare detyroi mbrëmë Kryeministrin Nikolla Gruevski të deklarojë tërheqjen nga aplikimi i procedurave të reja të pajisjes me vizë për shtetasit shqiptarë deri në gjetjen e zgjidhjeve të reja. Ky vendim është marrë pas një takimi kokë më kokë që shefi i qeverisë së Shkupit zhvilloi mbrëmë me kreun e Partisë Demokratike Shqiptare, Menduh Thaçin, aleat në qeverisje. Lajmi është konfirmuar për mediat nga vetë Thaçi, që në përfundim të këtij takimi ka zhvilluar një bisedë telefonike me ministrin e Jashtëm të Shqipërisë, Lulzim Basha, të cilin e ka siguruar “për zgjidhjen e çështjes së vizave për shtetasit shqiptarë dhe heqjen e procedurave, deri në gjetjen e zgjidhjeve të reja për çështjen e vizave mes dy vendeve”. Ndërkohë, vetë Gruevski nuk ka preferuar të bëjë dje asnjë deklaratë për mediat. Nga ana tjetër, agjencitë maqedonase të lajmeve konfirmojnë se tashmë do i lihet rrugë e hapur negociatave dypalëshe. Megjithatë, bëhet e ditur se tërheqja e Gruevskit nuk është e formës përfundimtare, por se shtyrja për një afat të papërcaktuar e regjimit të vizave me Shqipërinë synon gjetjen e një të mesmeje të artë për dy vendet.

Zv/kryeministri

Sekretari i përgjithshëm i PDSH-së dhe zv/kryeministri i qeverisë, Imer Aliu konfirmoi gjithashtu mbrëmë rreth orës 19:16 faktin që Shkupi zyrtar ka pranuar shtyrjen e aplikimit të regjimit të vizave. Sipas tij, falë negociatave mes Thaçit dhe Gruevskit është vendosur që zgjidhjet e qëndrueshme për këtë çështje të gjenden në një takim të nivelit të lartë ndërqeveritar ndërmjet Maqedonisë dhe Shqipërisë, që pritet të zhvillohet gjatë muajit shkurt në Tiranë. “Muajin e ardhshëm në Tiranë është paraparë realizimi i një takimi të nivelit të lartë ndërqeveritar për të gjetur zgjidhje të qëndrueshme për këtë çështje, konform standardeve evropiane dhe në interes të qytetarëve të Maqedonisë dhe Shqipërisë”, - theksoi zv/kryeministri i qeverisë së Maqedonisë, Aliu.

Ministri i Jashtëm

Zhvillimet e mbrëmshme në Shkupin zyrtar ishin të paparashikuara, pasi nëpërmjet një deklarate për shtyp rreth mesditës, Ministria e Jashtme e Maqedonisë i mëshoi rishtazi nevojës së vendosjes së regjimit të vizave me Shqipërinë. Njoftimi në fjalë këmbëngulte mbi nevojën e zbatimit të ligjit të ri për qëndrimin dhe lëvizjen e të huajve për të gjitha shtetet me të cilat Maqedonia ka politika të vizave. MPJ-ja maqedonase angazhohej për politikë sa më të lehtë me të gjithë fqinjët, por me respektim të marrëveshjeve bilaterale dhe parimeve të BE-së. “Na vjen keq që në vitin 2007 Shqipëria njëanshëm është tërhequr nga marrëveshja bilaterale për udhëtime të ndërsjella. Ripërtëritja e kësaj marrëveshje bilaterale edhe më tej është pjesë e konsultimeve të dy ministrive të punëve të jashtme, mbledhja e fundit e të cilave në nivel profesional u mbajt më 14 dhjetor vitin e kaluar në Tiranë”, - thuhej në deklaratë, ku nënvizohej gjithashtu se marrëveshja për qarkullim kufitar mes Maqedonisë dhe Shqipërisë nga viti 1997 ende është në fuqi dhe se ajo mundëson kalim të kufirit vetëm me leje të posaçme, e ka të bëjë me qytetarët që jetojnë në rripin kufitar në gjerësi prej 30 km, që i përfshin komunat kufitare.

Balkan

[brooklyn2007]

Ja beme 7 me 2 kesaj rradhe maqedonasve. Urime diplomacise shqiptare

[Lioness]

Ja beme 7 me 2 kesaj rradhe maqedonasve. Urime diplomacise shqiptare

Shyqyr de, se kete behar mos vete nje fundjave ne Struge te takoj ca miqte e mi qe kam nja tre vjete e ca pa i pare.

Qytet i bukur

[Cimo]

Arber Xhaferri: Ligji do te zhvleresohet

E Shtune, 12 Janar 2008

Si e konsideroni qendrimin e institucioneve maqedonase per ashpersimin e regjimit te vizave me Shqiperine?

Une mendoj se ky vendim eshte nje gabim dhe, mbi te gjitha, nuk eshte ne interes te vete shtetit maqedonas. Une, nga ana tjeter, nuk mendoj se nga ky gabim duhet te bejme drame dhe te bejme analiza te thella gjeostrategjike apo te tjera, thjesht eshte nje gabim ordiner, qe se shpejti do te korrigjohet. Shqiperia nuk ka nevoje qe te ndihet inferiore nga ky gjest, por te vazhdoje me pergjigjen e saj, konstruktive dhe dinjitoze, pa marre parasysh se ngacmime te tilla shqetesojne. Nese do te merrte masa reciproke, Shqiperia, jo vetem ne kete drejtim, por edhe per tema te tjera, do te kuptohet shume thjesht se pozita e Shqiperise, ne fakt, eshte superiore.

Cili do jete qendrimi i pales shqiptare ne koalicionin qeverises?

Po, une kam besim te plote ne Partine Demokratike Shqiptare qe eshte ne qeveri, te vete zotit Thaci, qe shume shpejt do te ndikoje qe te korrigjohet ky gabim.

Po vete Kryeministri maqedonas?

Vendimi nuk eshte marre ne koordinim me partite qe jane koalicion, vendimi po ashtu nuk eshte marre ne qeveri, eshte marre ne ministri. Keshtu qe, vete zoti Gruevski, sa kam informata, nuk eshte i mendimit qe duhet te vendosen viza per qytetaret e Shqiperise.

Mendoni se ky ligj do te zhvleresohet?

Une besoj qe nuk ka jete nje vendim i tille, qe eshte kunder proceseve te tjera integruese, qe eshte qellimi i perbashket, edhe i Shqiperise edhe i Maqedonise. Pra, eshte kunder cdo gjeje, vecmas, kunder interesave te shtetit maqedonas.

KJ

[biligoa]

Reagime në Maqedoni dhe Shqipëri ndaj regjimit të ri maqedon të vizave

11-01-2008



Vendimi i qeverisë së Maqedonisë për një regjim më të ashpër të vizave për shtetasit shqiptarë ka nxitur reagime në Maqedoni. Partitë shqiptare atje thonë se qeveria e Maqedonisë po e bën këtë hap para pavarësisë së Kosovës në mënyrë që edhe shtetasve të Kosovës t'u vërë regjimin e vizave.

Megjithatë, pas reagimeve të ashpra në Shkup po bëhen vlerësime për liberalizimin e regjimit të vizave me Shqipërinë, Ministria e Jashtme e Maqedonisë paralajmëron dhënien e vizave nga gjashtë në dymbëshjetë muaj për shtetasit shqiptarë. Kryeminisrti maqeonas Nikolla Gruevski pritet së shpejti të shkojë në Tiranë për t'u takuar me kryeminisrtin Berisha ku pritet të gjindet një zgjidhje e këtij problemi.

Ndërkohë sot në Shkup për vizitë ishte ministri i Ekonomisë, Tregëtisë dhe Energjetikës, Genc Ruli, i cili bëri komente mbi regjimin e vizave të vënë nga qeveria maqedonase. Ministrja maqedonase e Ekonomisë, Vera Rafajllvska, tha se vendimi mbi regjimin e vizave është në përputhje me detyrimet që ka Maqedonia ndaj Bashkimit Evropian. Ajo tha megjithatë se duhet të lehtësohet qarkullimi i shpejtë dhe i lirë i mallrave dhe njerëzve. Ministrja maqedonase nuk mund ta vlerësojë ndikimin që do të ketë ky vendim ndaj ekonomisë së Maqedonisë, por ajo tha se marrëdhëniet tregtare midis dy vendeve funksionojnë.

Ministria e jashtme shqiptare reagoi sot sërish lidhur me regjimin e ri të vizave të vendosur nga Maqedonia për shtetasit shqiptarë. Në deklaratën e ministrisë së jashtme thuhet se qeveria shqiptare "ka synuar dhe synon lehtësimin e procedutrave, zgjerimin e hapësirave të komunikimit deri në liberalizimin e plotë të qarkullimit".

Deklarata kujton se që prej 2006 qeveria shqiptare aplikon një regjim tërësisht të liberalizuar dhe se në 2007 mori vendim që të ulë në një euro tarifën e hyrjes në Shqipëri për të gjithë shtetasit maqedonas. Sipas ministrisë shqiptare detyrimet që vijnë nga proceset e integrimit "në asnjë rrethanë nuk duhet të lejohet që të shkaktojnë ngushtimin e hapësirave komunikuese dy palëshe, shtimin artificial të barrierave apo rikthim në masa që i përkasin të shkuarës".

Një ditë më parë ministria e jashtme thirri për këtë cështje edhe mabasadoren e Maqedonisë në Tiranë. Ndaj vendimit të Shkupit kanë reaguar ashpër përfaqësuesit e partive politike e vecanërisht ato të opozitës. //ad//
Zeri i Amerikes

[Shkupi]

Cimo.Tre dite me pare vet Ministria e Puneve te Jashtme konfirmoi se vendimi per viza eshte marre UNANIMISHT NGA TE GJITHE MINISTRAT E QEVERISE SE MAQEDONISE ne mbledhjen e rregullt te Qeverise se Maqedonise. Kjo do te thote se keto 4 ministra shqiptar te PDSH-se ja nuk kane fare njohuri apo nuk kane kurajo qe ti kundervihen Kryeministrit Grujevski.Duheshte reagim i ashper gjithshqiptar qe PDSH-ja te leviz dhe te reagoj.I ngrati A.Xhaferri ishte fatlumesi qe gjendej ne Tirane se po te ishte ne Tetove e te deklaronte dicka te tille do te hante ndonje shuplake.

[Cimo]

Cimo.Tre dite me pare vet Ministria e Puneve te Jashtme konfirmoi se vendimi per viza eshte marre UNANIMISHT NGA TE GJITHE MINISTRAT E QEVERISE SE MAQEDONISE ne mbledhjen e rregullt te Qeverise se Maqedonise. Kjo do te thote se keto 4 ministra shqiptar te PDSH-se ja nuk kane fare njohuri apo nuk kane kurajo qe ti kundervihen Kryeministrit Grujevski.Duheshte reagim i ashper gjithshqiptar qe PDSH-ja te leviz dhe te reagoj.I ngrati A.Xhaferri ishte fatlumesi qe gjendej ne Tirane se po te ishte ne Tetove e te deklaronte dicka te tille do te hante ndonje shuplake.

.......kumton MPJ-ja. Institucionet kompetente, thuhet në kumtesë, janë të obliguara të veprojnë në pajtim me Ligjin për qëndrim të të huajve, që është miratuar nga ana e Kuvendit në maj të vitit të kaluar. MPJ-ja kumton se Ligji është miratuar pa asnjë votë kundër dhe për këtë shkak, siç thotë, "kritikat e disa deputetëve i vlerëson si tentim për manipulim politik me opinionin"." Të çudit fakti që disa deputetë të cilët as që janë prononcuar, as kanë dhënë vërejtje lidhur me Ligjin derisa i njëjti ka qenë në procedurë kuvendore, sot, pas shtatë muajve të miratimit të tij, e kritikojnë pushtetin ekzekutiv për zbatimin e tij. Nëse kërkohet çfarëdo ndryshimi ose plotësimi i këtij Ligji, Kuvendi i Repulbikës së Maqedonisë është adresa e duhur për iniciativa të tilla", thuhet në kumtesën e MPJ-së.Ministria e Punëve të Jashtme kumton se angazhohet për politikë sa më të lehtë me të gjithë fqinjët, por me respektim të marrëveshjeve bilaterale dhe parimeve të BE-së....http://ina-online.net/index.php?id=3433

p.s Me ate qe ke postuar me larte ke treguar mosnjohje te ç'eshtjeve politike ose njeashmeri partiake.

[ClaY_MorE]

Shqipëria dhe Maqedonia përgatiten mbi takimin e nivelit të lartë


Ndonëse ende nuk ka marrë formën e prerë, Kryeministria ka konfirmuar se në muajin shkurt pritet një takim mes dy kryeministrave, atij shqiptarë dhe atij maqedonas. Qeveria e Maqedonisë ka bërë një hap prapa për zbatimin e ligjit të ri, që detyron shtetasit shqiptarë të pajisen me viza pas 1 shkurtit në ambasadën maqedonase në Tiranë. Zëdhënësi i qeverisë maqedonase, Ivica Bocesku, ka bërë me dije se Shkupi zyrtar po e rishikon këtë ligj, në mënyrë që të kapërcehet situata e krijuar me Shqipërinë. Mësohet gjithashtu se ky vendim do të shqyrtohet në mbledhjen e parë të qeverisë maqedonase, e cila do të zhvillohet në ditët në vazhdim. Zëdhënësi i qeverisë maqedonase pohoi se vendimi do të merret të martën, i bazuar mbi këtë dokument që po punohet. "Ne do të shohim gjithçka është e mundur. Agjencitë qeveritare, ministria, departamenti i ligjeve po punojnë mbi këtë çështje, por tani, në këtë moment nuk mund t‘ju them asgjë më shumë. Brenda kornizës ligjore të krijuar me ligjin e ri për të huajt dhe qëndrimin e tyre në Maqedoni, mendoj se ka shumë zgjidhje të mundshme për ta kapërcyer këtë situatë dhe për të zgjidhur problemin. Grupet e punës janë duke riparë ligjin dhe rregullime të tjera që kanë lidhje me këtë çështje. Ne do të marrim vendime të bazuara në këtë dokument pune të martën. Dhe jam shumë optimist se do të gjejmë rrugën e duhur për ta kapërcyer këtë çështje", tha Bocesku. Por vendimi i së martës nuk do të jetë përfundimtar. Ai vetëm sa do të sqarojë pozicionin e qeverisë maqedonase mbi çështjen e pajisjes me viza të qytetarëve shqiptarë. Një marrëveshje përfundimtare, nëse do të ketë, pala maqedonase pret ta arrijë në takimin e muajit shkurt mes kryeministrave Gruevski dhe Berisha. "Marrëveshja finale mbi të gjithë çështjen do të arrihet gjatë takimit mes dy kryeministrave muajin e ardhshëm. "Nuk jam ende i sigurt se ku do të takohen, por është e sigurt se do të takohen dhe kjo çështje do të ngrihet gjatë takimit. Ne presim një zgjidhje të qëndrueshme dhe përfundimtare për këtë çështje gjatë takimit", tha zëdhënësi maqedonas. Një ditë më parë, Tirana zyrtare në një deklaratë publike i kujtoi Shkupit se marrëveshja që lejon pajisjen e shtetasve shqiptarë me viza në kufi, është ende në fuqi. Zëdhënësi i qeverisë maqedonase, u kujdes të nënvizonte se edhe Maqedonia ishte shumë e interesuar për komunikimin sa më të lehtë që të jetë e mundur të qytetarëve dhe biznesmenëve nga të dyja vendet.



Gazeta Shqip