Nderi dhe turpi i Vlorës

[Zarathustra.]

Mjafton te shikojme nje fakt shume te vertete ne politiken shqiptare per te kuptuar se pse komentet per vrasje, gjak, etj etj gjejne kaq shume debat ne publikun shqiptar, qofshin ato edhe vetem thashetheme.

Partia Demokratike Shqiptare dhe Berisha vete e kane ndertuar gjithe filozofine dhe fizionomine e tyre sociale dhe politike mbi vet-viktimizim. PD me pasion te papare dhe me shume se kushdo tjeter kerkoj te gjej kredi politike neper tragjedi, konflikte, varrime, vrasje etj etj. Dhe ky veprim arriti kulmin gjate tragjedise se Janarit ku ajo u politizua ne menyren me te felliqur.

Kjo parti nuk ka asnje arritje apo aftesi tjeter per ti permendur publikut shqiptar, dhe kete kerkon ta kompesoje me histori vdekjesh e funeralesh qe ajo i mban ne goje vazhdimisht.

Edhe ne Vlore ne 1997 PD dhe shteti i PD pa pike pergjegjshmerie perdori filozofine e viktimizimit per kredi politike. Palet u futen ne konflikt teper te eger ne emer te nje krize qe vet PD dhe shteti i saj e krijoi, por qe nuk beri as levizjen me te vogel per ti dhene zgjidhje paqesore. Po keshtu ndodhi edhe ne Shkoder ne 2 Prill 1991 ku PD e Shkodres refuzoi disa here kerkesen e perseritur te policise per ti dale ne krye turmes dhe per ta permbajtur ate.

Menyra se si PD e felliqi nderhyrjen dhe imazhin e tyre ne popull, e kombinuar kjo me pasionin e qelbur per ti perdorur keta police per pluse politike, e ka holluar totalisht ate qe duhet te ishte absolute per shqiptaret, respekti per punonjesit e rene te shtetit. Antipatia per PD, si dhe njehesimi i saj me shtetin shqiptar te asaj kohe, i ktheu keta ne heronj te imponuar per shoqerine shqiptare. Pra heronj, sakrificat e te cilave kishin pak gjera te perbashketa me interesin e shqiptareve. Njerezit kane frike ti nderojne sepse kete nderim e perceptojne si nderim per PD e cila i futi ne lufte civile dhe nen manaxhimin e shtetit te se ciles shqiptaret u vodhen deri ne kacidhen e fundit.

Ne ate kohe ne fakt shqiperia u mbush me heronj te sforcuar dhe te imponuar qe nuk i binden kurre shqiptaret per vlerat e tyre, qe prej ish ballisteve e deri tek Azem Hajdari.

[BlueBaron]

Konstandin Koliqi , ish-shefi i Shërbimit Informativ për vijën bregdetare, tregon se si i ka ndjekur ngjarjet e marsit të vitit 1997. Ditari i pashkruar i njërit prej të "17-ëve" që do të ekzekutoheshin prej kryengritësve. Zjarri nga vila e Brokajve, thirrjet e Skënder Gjinushit, Neritan Cekës, Anastas Angjelit, Paskal Milos dhe Perikli Tetës për të manipuluar turmat kundër "malokut". Trimëria donkishoteske e Agim Shehut dhe e Arben Prrenjasit, që rrezikoi jetën e qindra policëve të paarmatosur. Emri i tij ka qenë i 17-i në listën e atyre, që do të ekzekutoheshin nga kryengritësit, por siç thotë edhe vetë, që të mbijetonte nga kataklizmoja e shkurt-marsit të vitit 97, do të mendonte Zoti dhe një oficer i policisë ushtarake, emrin e të cilit dëshiron ta mbajë anonim. Ai nuk ka mbajtur deri më sot ndonjë ditar, por tmerret që ka parë me sy i janë ngulur në kujtesë për gjithë jetën.

Quhet Konstandin Koliqi dhe ka shërbyer në detyrën e kreut të Shërbimit Informativ të Ushtrisë për Flotën Detare, që nga korriku i vitit 1993 e deri në 20 shtator të vitit 1997. I nxjerrë në lirim, deri më sot ai nuk është thirrur nga askush për të dëshmuar, megjithëse ka qenë dëshmitar okular i atyre ngjarjeve të tmerrshme.





"Italianët e pikasën kohë më parë se çfarë do të ndodhte", - fillon të tregojë Konstandini. Që më 15 janar 1997, zëvendës komandant i bazës detare të Brindizit bëhet nënkoloneli Baliçia, oficer i SISDE-s, Shërbimit Sekret Ushtarak Italian. Baza Detare italiane po merrte kështu masa për një dyndje të madhe të refugjatëve nga bregu i Vlorës. Shërbimi sekret italian po u paraprinte trazirave, që i parashikonte shpërthyese.


Gafat e njëpasnjëshme të PD-së

Më 4 shkurt, mbahet aktivi i PD-së në Vlorë. Tritan Shehu deklaron se "Gjallica falimentoi". Në bllokun e shefit të SHIU-ut ky deklarim quhet një gafë politike. "As një karrocier nuk mund ta bënte këtë gafë dhe jo më një kryetar partie. Me këtë deklaratë aludohej për një ngatërrim të panevojshëm të PD-së me firmat piramidale. "Për të më njoftoi shefi i seksionit të SHIK-ut në Vlorë. Ende nuk e kuptoj pse duhej ta deklaronte memeci këtë", - komenton Konstandini, koloneli i shërbimit sekret të Vlorës.
Po atë natë, Fitim Gërxhalliu, president i Gjallicës, thotë në televizion se nuk kishte falimentuar. Dy ditë më pas, Fitim Gërxhalliu deklaroi falimentin, në kushtet e gjysmë arrestit. Më 7 shkurt, fillojnë protestat e para. "Ato ishin të paorganizuara dhe nëpër mitingje dëgjoheshin vetëm thirrje sporadike", - kujton ai. Kërkesat ende ishin ekonomike, si parrulla "Duam paret tona". Përsëri gafë e madhe, por kësaj radhe, e policisë. Ajo ndërhyn kundër turmës, e cila nuk ishte armiqësore me të. Përballë komisariatit të policisë, digjen dy makina IFA të policisë. Më 8 shkurt, në mëngjes, pas sulmit të bërë në komisariat, zhduket pa gjurmë Sokol Mulosmani, shef i komisariatit të policisë. Në vend të tij, vijnë të komanduar nga Tirana, gjeneral Agim Shehu dhe Arben Prrenjasi, Drejtor i Përgjithshëm i policisë. Skafistët fillojnë të lëvizin.


Paralajmërim i pavlerë

Më 9 shkurt, duken politikanët e parë, por ata nuk priten ngrohtë në Vlorë. Skënder Gjinushi, Neritan Ceka, Paskal Milo, Anastas Angjeli takohen me protestuesit.
"Në mbrëmje më vjen informacioni se të nesërmen, do të bëhej një protestë e madhe. Në zyrë më mbërrijnë të dhëna se përveç atyre, që dilnin me dëshirë në protesta, kishte edhe nga ata që nxitnin të tjerët për të dalë", - kujton Konstandini. Në godinën e SHIK-ut vjen Xhahit Xhaferri, i dërguari i Qendrës. Ai u prit nga shefi i SHIK-ut të Vlorës, Shkëlqim Agolli, i cili ishte i emëruar në atë detyrë vetëm në 15 janar, pra dy javë më parë. Ai do të vritej më pas në Athinë (gjoja nga e shoqja). "Shkoj në komisariat rreth orës 3 e 30 minuta të mëngjesit të datës 10. Shikoj Agim Shehun të strukur në kolltukun e zyrës me jakën e ngritur dhe që po dridhej. Arben Prrenjasin e pashë tek ziente disa kokrra vezë, që po i hante me bukë. Dëgjoj Agim Shehun të thotë: "Sot është tmerr. Do të bëhet qameti. Kam prurë 750 forca policie, të gjithë të paarmatosur. Do t'i mësoj vlonjatët se ç'është ligji". Ndërkaq, i drejtohet Arbenit: "A janë në rregull valët e radios"? Ndërhyj dhe i them: "Ti s'paske rregulluar akoma valët e radios. Do të shpartallohesh. Lëre Vlorën të protestojë". Pas kësaj dal dhe shkoj në godinën e SHIK-ut. Xhahiti më thotë se do 'të mësonte vlonjatët se ç'ishte shteti ligjor." "Do t'i godas", - tha. "Ti nuk e paske emrin Xhahit, por Xhahil. Është Vlorë këtu. Nuk e di se ku do të të gjej në drekë", - i thashë dhe ika.


Shpartallimi i 750 policëve

Po gdhihej data 10 shkurt. "Dal të shikoj se çfarë po bëhej në qytet. Shkoj në rrugën në drejtim të Sheshit të Flamurit. Në të gjitha anët, madje edhe në akset e rrugëve lidhëse, shikoj grupe të ndryshme me nga 5-6 policë. Banorët, mblidhnin në heshtje gurë, pa bërë as zhurmën më të vogël. Armatosja me gurë dhe sende të tjera të forta zgjati për rreth 45 minuta. Shkoj në rrugën në drejtim të Kuz Babait. Shikoj të goditet grupi i parë i policëve me gurë. Në këtë çast unë isha tek xhamia. Kam qenë pikërisht mbi trotuar, në krahun tjetër të rrugës. Fillon një sulm si rrufe, i cili përhapet deri tek Kali i Trojës. Rrebeshi i goditjeve ishte i pandërprerë për rreth 7 minuta. Policia ishte e armatosur vetëm me shkopinj gome. Vërej policët e parë që gjakosen në kokë, në fytyrë, në trup. Po ai popull që i godiste, i merrte dhe u jepte ndihmën e parë. Pashë disa prej tyre të shoqëruar nga grupe banorësh që dërgoheshin dhe ndihmoheshin të laheshin në një çezmë aty afër. Shkoj pranë Kishës katolike. E njëjta pamje. Turma dukej se nuk ishte krejtësisht armike. Shikoj policët të shpërndahen. Atëherë vendos të shkoj në komisariat. Një grumbull i madh njerëzish qëndronte përballë komisariatit. Plagoset një fëmijë i vogël me gurë. Turma elektrizohet dhe hyn në komisariat. Thërrasin në emër Sokol Mulosmanin, sepse nuk e dinin që ai kishte ikur që para dy ditësh. Dëgjoj të thonë nga turma: "Godina është jona. Paskan ikur qenërit"!
Në darkë, afër xhamisë, marr vesh se ishte vrarë Artur Rustemi. Më vonë doli se "ai gjoja ishte vrarë në orën 8 të mëngjesit." Unë kam bindje të plotë se deri në orën 9 të mëngjesit nuk ishte vrarë asnjë njeri. Më pas, vrasjen e tij e përdorën si viktimë të protestave. (S'ka si të jetë ndryshe përderisa nuk e hetojnë vrasjen)".


Nuk kish më shtet

Në datën 10, kreu i zbulimit ushtarak të Vlorës kupton se nuk kishte më shtet. "Funksiononte vetëm SHIK-u",-vlerëson Konstandini. Të nesërmen ai kërkon të takohet me pushtetarët lokalë, por nuk gjen asnjeri. Në rrugë fillojnë të shfaqen njerëz me prirje kriminale. Në duar kishin armë Zastava, Tomson, çifte. Në mbrëmje, në Gjiun e Vogël të Radhimës, i cili ndodhet rrugës për në Pashaliman, skafistët sulen dhe rrëmbejnë 130 skafe të sekuestruara. Që atë natë fillon trafiku klandestin. Po në datën 11 vritet një polic, i cili u tha se u vra për hakmarrje dhe shfaqet njeriu i parë me maskë i ardhur nga Greqia. Ky ishte Zani Çaushi, i cili ishte i dënuar në Greqi me 101 vjet burg dhe ndodhej në burgun e sigurisë së lartë në Larisa. Atë e kishte sjellë në Vlorë Asfalia greke me detyra dhe EYP-i grek, Shërbimi Informativ grek. Njëri nga shokët e Zanit në burg, i cili shpëtoi nga i njëjti burg në vitin 1994, së bashku me 38 vetë të tjerë, i pyetur nga SHIK-u pohoi se Zani spiunonte shokët e tij në burg tek agjentët e Asfalisë. Zani nuk pranoi të arratisej atëherë së bashku me shqiptarët e tjerë. Arsyeja ishte e qartë, ai ishte i lidhur me agjentët grekë", - thotë Konstandini. Në datën 12, shfaqet maska e dytë. Ky ishte Albert Shyti, i ardhur po nga Greqia. Po në këtë datë dalin politikanët e parë. Në orën 8 të mëngjesit, Skënder Gjinushi del në Sheshin e Flamurit. Ai i drejtohet turmës: "Do të vazhdojmë protestat në bazë të një plani, i cili do të miratohet nga një komitet, që do të krijohet tani". Së bashku me të, në tribunë ishin edhe Neritan Ceka, Anastas Angjeli, Paskal Milo, Perikli Teta. Skënder Gjinushi hedh parrullën: "Do të rrëzojmë pushtetin e Berishës, se ai ju ka vjedhur paratë".
Dikush nga turma pyet: "O Neritan, po të të vëmë ty president, a na i jep paratë?" Neritani i përgjigjet, se ata kërkonin një zgjidhje politike. Atëherë i njëjti zë i përgjigjet: "Të q... n..., Neritan!" Skënder Gjinushi pas tij thotë: "Ne lebërit dhe vlonjatët davetet i fillojmë me këngë dhe i mbarojmë me këngë". Pas kësaj ai fillon të këndojë; "O djem rrëmbeni pushkët, ja vdekje, ja liri". Këtu, për herë të parë, Skënder Gjinushi i drejtohet turmës me shenjën e tre gishtave. Si në çdo miting, tifo bënin vetëm rreshtat e parë. Në rreshtat e parë vërej disa gra, që bënin disa shenja të turpshme me gisht. Gratë filluan të këndojnë një këngë: "Tritan, të keqen nëna, si e mbajte preshin brënda."
Gjinushi del në krye të turmës dhe së bashku me politikanët e tjerë shkojnë në drejtim të prefekturës. Ata thërrisnin: "Duam paret tona." Por pjesa dërrmuese e turmës vetëm sa i shoqëronte në heshtje. Dikush më njeh dhe më thotë: "Edhe SHIK-u ka filluar të protestojë?"
Më 13 shkurt fillon djegia e gomave dhe ngritja e barrikadave nëpër rrugë me makina të prishura dhe mjete të tjera. Qytetarët vlonjatë filluan të rralloheshin. Në datën 15 fillojnë letrat poshtë derës dhe vënia e gjobave ndaj familjeve vlonjate. Hidhet parrulla e parë: "Poshtë qeveria", "Të mbyllen dyqanet", "Vetëm furrat e bukës hapur". Filloi të ndihej një varfëri fizike në dollapet ushqimorë. Njerëzit filluan të thonin se "dyqanet i mbylli qeveria dhe maloku".
"Më vjen informacioni se u krijua Komiteti i Shpëtimit Publik. Përfaqësues të këtij Komiteti shkojnë në port dhe urdhërojnë të ndalohet ankorimi i anijeve. Qëllimi ishte që i tërë qyteti të kalonte në një grevë urie masive", - vlerëson ish-kreu i SHIU-t për Flotën. Në datën 17, atij i vjen informacion se në Jug është përhapur një hartë e Vorioepirit. "Një hartë e tillë më vjen nga vartësit e mi në dorë po atë ditë. Raportoj lart. Po në këtë datë hidhet ideja e rrëzimit të qeverisë", - vijon më tej ai rrëfimin e tij.


Manipulimi politik i opozitës

Kolonel Koliqi kujton se në datën 18, një grup studentësh nga Universiteti i Vlorës takon kryeparlamentarin, Pjetër Arbnorin. Data 19 studentët takohen me presidentin Berisha. Skafet në këtë datë ishin në kulmin e tyre, duke nxjerrë miliona. Në krye të komisariatit, nga turmat vihet një "shef" me mbiemrin "Kordha." Rreth orës 11 organizohet një miting tek Prefektura. Skënder Gjinushi i drejtohet ndër të tjera turmës: "Studentët kanë vajtur tek Arbnori, tek ai mefsha. Ata kanë shkuar tek maloku, por ne do ta rrëzojmë atë qoftë edhe me armë. Do ta marrim zvarrë." Në këtë çast nga turma del një djalë me maskë, i cili imiton Arbnorin: "Le ta bajnë vlonjatët Vlorë-Skelë e Skelë-Vlorë, se mirë u ban!" Aty dëgjohet edhe parrulla "Poshtë parlamenti"! Hartat e Vorioepirit të shpërndara nëpër qytet ndërkaq kishin irrituar popullin, megjithë pakënaqësinë e përgjithshme kundër shtetit për firmat piramidale. Njëri nga turma thërret: "Nuk jemi me grekët. Poshtë Shqipëria. Rroftë Italia. Vlora, qytet italian." Ky zë nuk përkrahet nga turma. Unë në këtë çast isha tek vendi, ku më parë kishte qenë përmendorja e Hysni Kapos. Çudia më e madhe ishte se këto fjalë u duartrokitën nga Gjinushi, Ceka dhe të tjerët në tribunë. Ndërkaq vendoset, që të hyhet në grevë urie. Hyjnë në sallë, ndërsa të tjerët shpërndahen. Pas kësaj unë shkoj në port. Më kishte ardhur informacion që Komiteti i Shpëtimit Publik ishte drejtuar për atje. Ata urdhërojnë të mbyllet porti. Ia bëj me shenjë oficerit të shërbimit, që ta mbyllë dhe ai zbaton atë, që unë i them me shenjë. Kthehem. Shikoj se në vendin ku ishin futur studentët në grevë kishin dalë 20 persona të armatosur. Në qytet shfaqen fytyra të reja. Ishin të veshur keq dhe të vrarë në fytyrë. Më vijnë të dhëna se shumica e tyre ishin nga fshati Lumë-Vlorë dhe nga fshatrat përreth, të gjithë të armatosur. Ata filluan të flinin nëpër bunkerë dhe shanin qeverinë dhe Berishën për gjendjen në të cilën ndodheshin. Nervat e tyre ishin të tendosura për shkak se ishin të pangrënë, kishin ftohtë dhe flinin jashtë. Drejtohem për në godinën e SHIK-ut. Ngjitur me të ndodhet vila e një politikani të njohur. Aty shoh tre motoskafë të bërë gati për gjendje pune. Në atë vilë po bëheshin mbledhjet e Shtabit të "Luftës." Plani i Zonës së Parë Operative përpilohet në datën 22. Ai përfshinte "çlirimin" e qyteteve Tepelenë-Gjirokastër-Vlorë-Përmet-Sarandë. Në atë vilë instalohet një radiotransmetuese e blerë me një vlerë prej 26 mijë dollarë. Njëri nga informatorët tanë më tregoi një fotokopje të faturës.
Data 22 shkurt. Në qytet ndihej që po fillonte uria, e cila kishte treguar shenjat e para që në datën 16 dhe 17. Lajmëroj Zhulalin për të hapur portin. Ai në fillim më thotë "po", pastaj nuk më del më në telefon. Deti ishte 9 ballë. Pavarësisht nga kjo, kapiteni italian i anijes në Brindizi më thotë në shqip se do të nisej. Nuk kalon shumë kohë dhe mua më vjen sinjali se trageti kthehet në Durrës.
Në orën 7 e 30, turma mblidhet përpara prefekturës, por nuk vjen në port. Trageti italian rrinte me motorë ndezur. Shkarkohen 14 trajlerë dhe 6 tragete të tillë.
Po në atë datë, Shefi i Shtabit të përgjithshëm, gjeneral Sheme Kosova, heq gatishmërinë e reparteve ushtarake në të gjithë vendin. Asnjë kapter nuk mund të vepronte kështu, e jo më një gjeneral. Të gjitha repartet ku ushtarakët ikën, digjen dhe vidhen. Në të tjerat, jo.


Kush e ngriti flamurin grek në Himarë?

Në datën 23 shkurt më vjen sinjali se në Himarë ishte ngritur flamuri grek. I hipi makinës dhe shkoj së bashku me shoferin tim atje. Rrugën e bëjmë për afro 2 orë e gjysmë. Mbërrij në Himarë rreth drekës. Në qendër shikoj një shtizë dhe në të të varur një flamur grek. Aty afër ishte një kafene, lokal i ndërtuar me llamarina. Hyj në të dhe pyes gruan që shërbente. E pyes; e paskeni zbukuruar Himarën?!" Gruaja më thotë: "Eh, na e kanë "zbukuruar ata atje! Të ishte për mua nuk e lija atje, jo". Ajo tregon me gisht në drejtim të një lokali poshtë pallateve. Ajo më pohon se flamurin e ngriti Leksi. Unë i them se nuk është e mundur, pasi ai është nga Vunoi. Gruaja e lokalit më thotë se "nuk merrej më vesh se çfarë ishim."
Futem në lokal dhe i them Aleksit se ç'donte ai flamur atje. "Ti je nga Vunoi dhe je shqiptar", - i them atij.


Sulmi vdekjeprurës ndaj godinës së SHIK-ut.

Data 24, nisem për në Fier, tek njerëzit e mi. Në janar më kishte vdekur nëna, dhe mendova që të dilja njëherë andej nga të afërmit e mi. I bie nga rruga e Nartës dhe po atë ditë kthehem në zyrë. Njëri nga "shokët" më sjell një vendim të Komitetit të Shpëtimit Publik me 111 emra. Të gjithë ata ishin të dënuar me vdekje. Në këtë listë dalloj emrin tim. Isha i 17-i. Data 25, në mëngjes. Më vjen informacion se do të goditej godina e SHIK-ut.

Data 26, bie një shi i tmerrshëm dhe bën një kohë shumë e keqe.
Siç duket, plani shtyhet për më pas. Data 27, në mbrëmje vjen gjeneral Bujar Rama. I paraqes situatën. I thashë që të largohemi, duke i treguar edhe dënimin me vdekje që na kishte ardhur tashmë në duar. Gjatë kësaj kohe, shoferi dhe shoqëruesi i Bujarit shkojnë tek të afërmit e tyre në Vlorë, por rrihen barbarisht nga banditët. Shpëtojnë në fije të perit, vetëm kur ndërhyn kunati vlonjat i shoferit të Ramës. Bujari nuk e merr parasysh mendimin tim për t'u larguar. Ai nuk merr asnjë vendim. Besnik Hidri, vartës i Bujarit, një nga oficerët më të shkëlqyer të SHIK-ut, organizon nxjerrjen e nënkryetarit të SHIK-ut nga zona e rrezikshme. Lajmëroj në telefon policinë që të marrë në mbrojtje nënkryetarin e SHIK-ut, por, nga ana tjetër, ne e kishim nxjerrë Ramën me kohë nga një drejtim tjetër nga Vlora. Nuk mund të kishim besim tek ajo polici që kishte zëvendësuar të parën.
Data 27 në darkë, më vjen informacion se tek vila afër SHIK-ut kishte ardhur një nga figurat kryesore të PS-së. Në datën 28 në mëngjes, "titullari" i PS-së largohet nga Vlora. Ora 1 pas mesnate. Data 28 shkurt. Besnik Hidri kthehet në zyrë dhe më thotë se e kishte përcjellë gjeneral Ramën. Data 28 shkurt, ora 18 e 30 minuta. Kisha rreth një gjysmë ore që qëndroja përballë universitetit, në krah të rrugës. Para hyrjes kryesore ndalojnë një makinë dhe një veturë me targa të Lushnjes. Nga vetura zbresin 4 vetë. Ata shkojnë drejt shkallëve të universitetit, atje ku ishte drita më e fortë. Fillojnë të improvizojnë një sherr, i cili zgjat për disa minuta. Nxirret një thikë dhe bëhet sikur goditet. Tjetri që u "sulmua" bie përtokë. Këta të tre i hipin veturës dhe të dyja makinat shkojnë në drejtim të SHIK-ut. Shikoj personin që "ra" përtokë, i cili fillon të ulërasë me sa ka në kokë: "Më vranë shikasit. Tek SHIK-u"- dhe sakaq ai çohet në këmbë dhe zhduket. Ngjitem në Kuz Baba. Lidhem me godinën brenda, ku kishim 16 vetë gjithsej. Përgjegjës turni ata kishin Lekë Qokun. I them: Lekë, turmat po vijnë drejt godinës, më shpjego se çfarë po bëjnë?" Leka më përgjigjet se ata po afronin një makinë vetëshkarkuese riportabël me karrocë të ngritur. Siç dukej, donin ta përdornin si mburojë nga frika e ndonjë goditjeje nga ana e SHIK-ut. Unë raportoj lart për gjendjen. Nga Leka më vjen informacioni se bëhej fjalë për rreth 80 vetë të armatosur me "Tomsonë", "Zastava", kallashnikovë, "çifte", dhe me granatahedhës. Hapet zjarr kundër godinës. Nga vila e Brokajve vjen zjarr thikë, ndërsa nga një shtëpi tjetër, nga ana tjetër e SHIK-ut, qëllohet gjithashtu me zjarr. "Shokët" vazhdojnë të qëllojnë vetëm në ajër. Nga turma është fakt se nuk u vra askush. Zjarri i turmës hapej që nga 20 metra larg. Pyes Lekën se çfarë shihte. Ai më përgjigjet: "Në dhomë shoh vetëm flakë dhe tym. Jashtë shikoj vetëm gra dhe fëmijë. Ata që qëllojnë janë fshehur pas grave dhe ne nuk mund t'i godasim dot. Shikojmë vetëm flakët e armëve të tyre." Marr në telefon "shokët" që ndodheshin tek Ujët e Ftohtë. Ata më raportojnë se nuk mund të vijnë në ndihmë, sepse gjithçka ishte llahtarë. Një qytet i tërë i armatosur.
Leka më thotë: "Kosta, jam plagosur!" Zëri i tij po vinte duke u shuar. Ai shton: "Këtu është tym e flakë. Shikoj vetëm dy trupa të shtrirë. Më ka hyrë një plumb në krahun e djathtë e më ka dalë matanë." Efektivi kishte edhe bomba dore, por asnjeri prej tyre nuk dinte t'i përdorte. Si organ informativ, ne asnjëherë nuk kemi patur detyrë për të përdorur armët, por vetëm për të dhënë informacion. Berisha na kishte urdhëruar, që ne të mos hapnim zjarr kundër turmës, por vetëm kundër eksponentëve. "Repartet duhet të ruhen pa vrarë njerëz", - kishte thënë ai.
Ora 12 e 15. SHIK-u goditet me granatahedhës. Gati tërë kati i dytë shembet. Në këtë çast ndërpritet komunikimi me telefon. Mbeten 6 të vrarë, ndërsa 10 të tjerët shqyejnë një nga dritaret e siguruara me hekura dhe dalin duke iu kacavirur kodrës. Atje u dalin disa nga banorët vlonjatë të cilët i strehojnë nëpër shtëpia. Evakuimi i tyre për në Tiranë, një e nga një, do të fillonte vetëm pas dhjetë ditësh.
Nuk kalojnë shumë minuta dhe më vjen një tjetër telefonatë nga jashtë, ku më njoftohej se Besnik Hidri ishte hedhur nga kati i dytë dhe ndodhej tek oborri i shkollës së marinës, e cila është ngjitur me ndërtesën e SHIK-ut. Në të vërtetë Besnikun e kishte hedhur atje presioni i goditjes nga granatahedhësi. Kolegu ynë e kishte gjetur të shtrirë në bar. Marr në telefon komandantin e marinës, një pusht djalë. Ai më përgjigjet se nuk mund ta ndihmonte se kishte hall se mos e vrisnin.
Kolegu im e merr në makinë për ta çuar atje ku i thashë unë, në spital, po rruga ishte plotësisht e bllokuar. Atëherë e urdhëroj ta dërgonte në Pashaliman, ku më pas do të çoja një infermiere. Pas ndërtesës së SHIK-ut u vjen radha depove dhe reparteve afër ndërtesës. Goditet komanda e marinës dhe shkolla e Marinës. Për 2 orë shkatërrohet gjithçka.
Ora 2 e mëngjesit. Rrethohem në Kuz Baba. Nuk sulmohem pasi ndërhyjnë disa oficerë vlonjatë. Numëroj 4 herë tentativë për sulm kundër zyrave që kishim në Kuz Baba. Më në fund, me një makinë të një oficeri vlonjat, largohem fshehurazi në drejtim të fabrikës se çimentos, në Pallatin e Sportit dhe mbërrij tek "Kulaçi". Sapo arrij atje më ndalon një grup i armatosur, rreth 20 veta gjithsej. Ata kishin ngritur një barrikadë në rrugë dhe kishin lënë vetëm një shteg të vogël për të kaluar. Një burrë me një hu të madh në dorë më urdhëron të zbres poshtë. Shikoj 4 trupa të shtrirë. Ishin të shokëve tanë. Një grua i binte njërës kufomë me sopatë, duke e copëtuar në copa të vogla. Një tjetër grua, shumë e shëmtuar në fytyrë ngjyente duart në trupin e Lekë Qokut. Ai po jepte shpirt. Gruaja, e shkurtër ngjyente duart në gjakun e Lekës dhe ia tregonte turmës duke u ngërdheshur me histerizëm. Gjaku i përlyente edhe krahët. Shtanga. Të pasnesërmen më vjen informacioni se ajo grua kishte qenë Luiza Hoxha, deputetja e sotme e Kuvendit shqiptar. Ai që kishte hurin më duket se më njeh dhe më thotë të largohem. "Ikni, frikacakë", - thotë ai. Hyj në Pashaliman. Shoh 14 oficerë dhe kapterë. Takoj oficerin që kishte sjellë aty Besnik Hidrin. Trupi i tij ishte buhavitur krejtësisht, ndërsa gjysmën e krahut dhe syrit të majtë e kishte krejtësisht të shpartalluar. E pyeta: "Besniku je?" Ai më përgjigjet vetëm me një lëvizje qerpikësh. U lutem oficerëve të nxjerrin anijet. Ata më përgjigjen: "Ik edhe ti që këtej, se po të gjetën këtu, do të na vrasin edhe ne." Lajmëroj për ardhjen e një helikopteri. Ai vjen në orën 4 e 15, por Besniku nuk gjen më shpëtim. Ai vdes gjatë rrugës.
Po në datën 1 mars. Sulmohet pika sinjalo-vrojtuese e Bazës Detare dhe Baza Rezervë e Flotës që shërbente për riparimin e nëndetëseve. Kapterit Fatmir Koka i mbarojnë të 4 karikatorët me fishekë, pasi kishte zbrapsur banditët për 40 orë rresht. Banditët e kapin rob dhe të gjallë i presin kokën dhe i qërrojnë sytë. Për ironi të fatit, do të ishin pikërisht këta politikanë, që më pas do t'i dërgonin jetimëve në shtëpi dekoratën e babait hero. Në tunelin e nëndetëseve 630 metra të gjatë, vidhet gjithçka, me një vlerë qindra milionë dollarë.


Kthimi në shtëpi, isha i vdekur

Pas pak minutash, shkoj për në Sarandë. Në hotelin e Piluriotit ndodhej Gramoz Ruçi me një tufë banditësh. Në zyrën e SHIK-ut mbërrij në orën 9.00. Takoj të parin Alfred Dulen. Marr në telefon Zhulalin dhe pas disa replikash të ashpra ai më thotë të nisem për në Tiranë. Mbërrij në Gjirokastër në orën 11:00. Lidhem me Sheme Kosovën. Rruga Gjirokastër-Tepelenë ishte e bllokuar dhe unë kërkoj të sjellin dy helikopterë. Të 22 vetët sa ishim, nisemi për në Tiranë. Në Ministri të Mbrojtjes paraqitem në orën 5 pasdite. Aty më del sekretari i ministrit, Robert Ligorama, i cili më thotë se "ministri nuk të pret ty". Pas kaq kohësh kthehem në shtëpi, ku më dinin të vdekur. Të nesërmen në datën 2, të gjithë kishin dhënë dorëheqjen, qeveria dhe Shemja. Për mua u mor vendim që 4 ditë të qëndroja në zyrë në gjendje arresti, madje dhanë urdhër të fillonte çështja penale. Prokurori i çështjes, në fund të hetimeve, më shpall të pafajshëm. Vazhdoj në detyrë, derisa në pushtet vjen si ministër i Mbrojtjes, Sabit Brokaj. Nuk mund të vazhdoja më tej. Lirohem në 20 shtator 1997, pasi kisha shërbyer në këtë detyrë që nga 20 korriku i vitit 1993".

[BOKE]

shume eshte folur per kete luiza hoxhen e cila ka bere sensacion duke thithur gjakun e ish-shik-asve. ku jane provat? kush ka qene prezent? cilet jane deshmitaret qe e pohojne nje gje te tille? Neper vite kam lexuar vetem tituj artikujsh, dhe nuk di shume per te. e ndaj pyes se me mungon informacioni i duhur qe te arrij vete ne nje konkluzion.
mgjse ne shume kultura thithja e gjakut te tjetrit eshte simbol i shprehjes se dashurise. mos ndoshta kete ka dashur te shprehe dhe liza, gjithmone nese e ka bere vertet nje gje te tille.

Shikoj 4 trupa të shtrirë. Ishin të shokëve tanë. Një grua i binte njërës kufomë me sopatë, duke e copëtuar në copa të vogla. Një tjetër grua, shumë e shëmtuar në fytyrë ngjyente duart në trupin e Lekë Qokut. Ai po jepte shpirt. Gruaja, e shkurtër ngjyente duart në gjakun e Lekës dhe ia tregonte turmës duke u ngërdheshur me histerizëm. Gjaku i përlyente edhe krahët. Shtanga. Të pasnesërmen më vjen informacioni se ajo grua kishte qenë Luiza Hoxha, deputetja e sotme e Kuvendit shqiptar.

[Zarathustra.]

WOW WOW WOW

Dale o trim dale se po merr kot ketu me duket mua!

Ky ish-polici ketu na paska pare nje grua qe lyente duart me gjak, dhe i paska vene re edhe bukurine. Pastaj na thote se i paska ardhur informacion ketij trimit se ajo na paska qene Luiza Hoxha. Po mire kush ia dha kete informacion, dhe ai qe ia dha si dhe ku e siguroi ate? Me duket mua si tregim hamendjesh ky i ketij trimit.

Me thuaj qofte edhe nje individ nga ata mijera e dhjetra njerez ne ate turme qe e kane vertetuar apo pohojne te njejten gje. Pas kaq ketyre viteve, dhe pas akuzave kaq te egra askush tjeter nuk e ka identifikuar ate grua si vrasese.
Eshte tipike thashetheme turmash, qe sigurisht jane ne pergjithesi injorante dhe nuk denjojne te analizojne qofte edhe faktet e thjeshta. Porbabiliteti qe asnje Vlonjat nga ata mijera qe ishin atje, te mos dale dhe te hedhe te njejten akuze per Luiza Hoxhen eshte 1/10000. Ja sa e vertete pra eshte akuze.

Si puna e asaj historise qe 11 Shtatorin e bene cifutet sepse mijera cifute nuk vajten ne pune ate dite. E ku ka me thrill interesant se keto lloje per masat e gjera dhe injorante?

[jessi89]

Ej,Sander Mafishja,nje gje eshte e sakte,qe vlonjatet u perdoren si mish per top nga "i keqi".Besoj se me kupton.Dhe kjo erdhi vetem nga temperamenti i tyre kapadai,ehhh gjoksi me vrime,kjo i mori me qafe shume e shume familje vlonjate.Po pse o zot, nuk munden te mbrojne qytetin e tyre aq te bukur xhanem, e mos te prekeshin kaq rende nga historira te tilla...Dhe una nuk cuditem aspak me historine e asaj fare Luize,pasi duket qe ne fytyre ajo.O nene o nene....
oops,jokkkkk,si i tha ai ne teatro mo Sandri M.qe....ajo i ha burrat, apo ai i ha grate,se sme kujtohet shume............................

[Zarathustra.]

Hmm

Megjithese llogjika jote duket shume qumeshtore une po ta shpjegoj. Vlonjatet jane popull si cdo popull tjeter. Krenarine, nqs e kane me shumice e kane te merituar. Shteti shqiptar eshte pergjegjes per te mbajtur paqen dhe ekuilibrat ne te gjithe shqiperine, edhe aty ku mendon se krenaria krahinore eshte me e larte nga cduhet. Populli kur organizohet ne turme kthehet ne subjekt pa llogjike dhe mund te kaloje cdo kufi normaliteti. Keshtu veprojne turmat kudo ne bote, anglezet ne stadiume, fansat ne koncerte, masat e gjera ne protesta qe nga Amerika e deri ne Kine etj etj kur keto turma ngacmohen, nuk kontrollohen apo u jepet nje motiv per tu acaruar. Dhe shumica e tyre kthehen ne turma agresive per motive qesharake krahasuar me ato te Vlonjateve qe ngelen per buke te gojes.

Vlonjatet protestuan nje muaj rresht paqesisht, dhe vetem iu tha se ata e kane gabim, apo se jane vete fajtore, bile se jane edhe kelusha te kuq, serbe apo tradhetare, a thua se bajraktari Berisha dhe bajraku PD (qe vetem me Serbine bene 300 milione dollare kontrabande ) ishin personifikimi i shqiptarizmit.
Protesta u be pasi shume Vlonjate ngelen pa shtepi, pa asnje kacidhe ne xhep, te acaruar, te pashprese dhe pa asnje prespektive per te ardhmen. Berisha nuk i kishte lene asgje tjeter shqiptareve dhe Vlonjateve vecse firmave hajdute qe falimentuan, i kishte kthyer shqiptaret ne qenie totalisht te varura nga keto firma, dhe nuk u la atyre as rruge, as pune, as investime..... asgje absolutisht asgje.

Ne keto kushte pjekuria dhe mencuria nuk kerkohet nga turma e irrituara, te trembura, te pashpresa dhe te deshperuara ne nivele te papara, por nga liderat qe jane me te vetedijshem, te mencur apo te urte. Nqs Berisha e dinte se Vlonjatet kujtojne se e kane gjoksin me vrime dhe jane kapo, atehere pse nuk veproi ai ne menyre te tille qe ti qetesonte ata dhe te ulte gjakrat. Por me duket mua se xhahili bajraktar Sale u soll si garip jo me nje, por me dy vrima ne gjoks, dhe ishte pikerisht sjellja e tij irrituese qe e degjeneroi situraten deri ne ate pike. Sado te "pacivilizuar apo barbare" si konsiderojme vlonjatet pyetja prape qendron 'Po shteti cfare beri?'. Si influencoi shteti per qetesimin e situates? Sigurisht Vlora e pa fare mire se si shteti nuk pranonte gabim, se Berisha rizgjidhej president dhe se si shteti planifikoi sulme ushtarake ndaj tyre, por ngaqe ishte i kalbur dhe i degjeneruar sepse ishte shtet ish-burgaxhinjshe apo shteti i llumit injoranto-bythegrisur te dale nga burgjet 50 vjecare te Hoxhes, ky shtet nuk kishte takat te bente asgje, bile as ti dilte zot vetes.

Por u pa fare mire se si levizja anti-shtet ne shqiperi u hap ne cdo cep te shqiperise, edhe aty ku nuk kishte vlonjate me vrime ne gjoks. A mund te me thuash pse? Pse pra ra shteti ne shkoder, po ne Cerrik pse u vrane ushtaret e Gardes se Berishes, etj etj? Apo edhe aty e bene vlonjatet me vrime ne gjoks.

Keto leksione kete here i ke falas, heren tjeter do me duhet te te dergoj faturen ne shtepi se keshtu qyl nuk te jep askush dije.

[shkodra13]

Keto leksione kete here i ke falas, heren tjeter do me duhet te te dergoj faturen ne shtepi se keshtu qyl nuk te jep askush dije.

Ti nuk nep dije, por ban demagogji. Nuk asht njisoj.

Dhe shumica e tyre kthehen ne turma agresive per motive qesharake krahasuar me ato te Vlonjateve qe ngelen per buke te gojes.

Ketu lindin pyetje:
Me qi nuk ja ke as haberin ligjeve e as konceptin e te drejtes e detyres se individit (s'ke faj ti, por ato qi krijuen ambjentin ku je formue):

-A asht krim vrasja? Ban sa te duesh lojna fjalesh, per ty s'asht.

-Krimet i kreu populli (turma) apo individe kriminele?
Vrasjen s'e kryejne 1000 vete (pergjegjesia e askujt, ketu don me dale), por persona me emen e mbiemen.

-A u kryen krimet prej atyne qi kishin mbete pa buke apo prej atyne me xhepa plot?




Por arsyeja pse po shkruej asht vetem kjo shprehje e jotja:

-

shtet ish-burgaxhinjshe apo shteti i llumit injoranto-bythegrisur te dale nga burgjet 50 vjecare te Hoxhes

Cili shtet ishte i te persekutuemve (ky asht termi e jo ai injoranto-xhahil i joti) prej komunistave? Berisha ishte nji ish-teserkuq (si ti) e jo ish i persekutuem.
Kush ishin injorante e kriminele mandej e diftojne faktet se si morracaket torturuen e pushkatuen kokat e kombit, shkaterruen muzete, shtypshkronjat e bibliotekat per 50vjet. Lexoni o shqiptare librin e At Zef Pllumit "Rrno vetem per me tregue" e mesoni se cka e si ka ndodhe ne Shqipni, ne qofte se nuk keni pase sy me pa deri tash e ne qofte se prej friges ju kane rrite mes hipokrizise.


Ma nalt Dita ka shkrue asht e kote me te binde ty. Ka plotsisht te drejte. Normalisht keshtu asht, por edhe mrekullite ndodhin (vetem nji mrekulli duhet). Mandej une po te shkruej se kam meshire per ty. Rralle here ndeshem me shkrues qi urrejne kaq shume (s'asht faji jot, por i ambjentit ku je formue) e ma merr mendja qi asht nji tmerr i vertete, nji jete ferr. E per ma teper ketu shkruhet edhe per tjeret e disa rrena s'duhet me kalue pa u thane edhe njimije here, ne se duhet, e verteta.
Merru pra sa te duesh me te kuqte e tane derivatet e tyne mbas "metamorfozes" ne blu-jeshil-bardh-zi, por mos ban ma marrine me fye ish te perndjekunit politike.
Nejse "mejtohu".

[BOKE]

WOW WOW WOW

Dale o trim dale se po merr kot ketu me duket mua!

Ky ish-polici ketu na paska pare nje grua qe lyente duart me gjak, dhe i paska vene re edhe bukurine. Pastaj na thote se i paska ardhur informacion ketij trimit se ajo na paska qene Luiza Hoxha. Po mire kush ia dha kete informacion, dhe ai qe ia dha si dhe ku e siguroi ate? Me duket mua si tregim hamendjesh ky i ketij trimit.

Me thuaj qofte edhe nje individ nga ata mijera e dhjetra njerez ne ate turme qe e kane vertetuar apo pohojne te njejten gje. Pas kaq ketyre viteve, dhe pas akuzave kaq te egra askush tjeter nuk e ka identifikuar ate grua si vrasese.
Eshte tipike thashetheme turmash, qe sigurisht jane ne pergjithesi injorante dhe nuk denjojne te analizojne qofte edhe faktet e thjeshta. Porbabiliteti qe asnje Vlonjat nga ata mijera qe ishin atje, te mos dale dhe te hedhe te njejten akuze per Luiza Hoxhen eshte 1/10000. Ja sa e vertete pra eshte akuze.

Si puna e asaj historise qe 11 Shtatorin e bene cifutet sepse mijera cifute nuk vajten ne pune ate dite. E ku ka me thrill interesant se keto lloje per masat e gjera dhe injorante?

me sa po shoh, ti paske ardhur ne forum qe te na "ndricosh" historine e Vlores, mqs pothuajse te gjitha shkrimet e tua jane ne kete teme. Nga ana tjeter urime qe nuk je turme, mase injorante, por je individ i vecuar, i pervecem, qe shet mend dhe qe ke marre detyre te na vish e te na sqarosh. Nuk e dime se c'pune ben, je historian apo jo, por problemi eshte qe ti i kundervihesh komenteve qe behen ketu, por nuk jep variantin tend. Komentet ne kete teme,sic e sheh, behen bazuar ne shkrime te te tjereve, dhe jo ne tym. Kot ja fut, sipas teje, ky ish-polici, kot ja fut edhe ai qe eshte ne burg se ka marre pjese vete ne 'revolucion', kot ja fut edhe ish kryetari i bashkise. Pse nuk na thua ti, qe nuk je turme, se c'ndodhi. Se duket qe je i mireinformuar.
Ku e di ti qe L.Hoxha nuk eshte e shemtuar? Me sa kuptoj je i lidhur me te, te pakten nga ana ideore-partiake. Apo jeni "kongresmen" dhe keni qene ulur bashke ne parlament. Apo merresh me memuaret e shefave (N. Ceka, S. Gjinushi, A. Imami etj.). Pse nuk na thua kush ua mesoi "revolucionareve vlonjate" te ngrejne tre gishtat lart. Keto na thuaj.

[Zarathustra.]

Ne 1991 Shqiperia ishte ne prag te nje lufte civile shume here me te rrezikshme se ajo e 97. Vullnetaret e Enverit po mobilizoheshin kudo dhe shteti ishte i perbere nga shume elemente radikale te brumosur shume fort per te mbrojtur ate sistem. Ne Shkoder sulmohej shteti dhe digjeshin institucionet per hir te shkaterrimit, ne Tirane sulmohej shkolla e bashkuar dhe vriteshin police etj etj.

Per cudi konflikti nuk degjeneroi ne nje konfrontim total mes fraksioneve, as me shtetit dhe fraksionit kundershtar. Per cudi njerezit nuk e pane te nevojshme marrjen e armeve per te rrezuar ate sistem kaq diktatorial. Nxenesit e Shkolles se Bashkuar disa here kerkuan te hapen dyert e shkolles qe ata te kontrollonin situaten, por ata nuk i lejoi kush ta benin kete, edhe pse sic thashe ai shtet kishte shume elemente radikale. Vullnetaret e Enverit u bllokuan qe ne baze dhe nuk u lejua qe te organizoheshin dhe armatoseshin, duke evituar konfrontimet me kampin kundershtar. Qeverite jepnin doreheqjen per te qetesuar masat qe protestonin, edhe pse kerkesat e tyre ishin non-sense, sic ishte psh kerkesa per zgjidhjen e problemit te strehimit per 3 jave?!

As Adil Carcani nuk e coi vendin e vet ne lufte civile dhe nuk e degradoi pakenaqesine popullore ne konflikt vet-vrases sic u be ne 97.

Vrasja eshte krim, por ky krim nuk bie mbi doren qe ngul thiken, por mbi ate qe kontrollon doren. Nuk ishin turmat qe kontrollonin shtetin, por shteti qe kontrollonte apo duhet te kontrollonte turmat. Fakti qe ato turma dolen jashte kontrollit te shtetit eshte pergjegjesi e shtetit. Ashtu si, kur nje femije minoren kryen nje krim, prinderit e tij mbajne pergjegjesi sepse femija quhet i pavetedijshem, ashtu edhe shteti ka pergjegjesi kur turmat e qytetareve te tij kthehen ne shkateruese, sepse ato konsiderohen te pavetedijshme. Nje femije kriminel e ben nje prind te padenje per te qene i tille, dhe prindit i hiqet e drejta per te qene prind apo 'custodian' i atij femije........ne po te njejten menyre PD dhe Berishes iu hoq e drejta per te kontrolluar jeten e shqiptareve nepermjet shtetit kur ata i renuan shqiptaret si ne 97.

Krimet i kryen individet nepermjet turmes. Acarimi i turmes krijoi ambient perfekt per te bere krime. Rendi u prish prej revoltes se turmes dhe jo te krimineleve, ndryshe lind pyetja pse nuk e ben ata kriminele ate revolte me perpara? Revolta duhet te komandohej apo te kanalizohej ne funde paqesore pikerisht nga shteti ndaj te ciles kjo revolte drejtohej; nga ai shtet pra qe e futi ne krize ate vend.

Krime ne Vlore u bene nga te gjithe. Krime u bene edhe ne Shkoder, Tropoje, Kukes etj ku njerezit kishin humbur me pak apo aspak para. Kaq keq degjeneroi situata ne Shkoder saqe qyteti u mbush me barrikada, qe ne fakt as ne Vlore nuk u pane. U vrane me shume police ne veri te Shqiperise se sa ne jug. Ne Cerrik ishte pikerisht i gjithe qyteti qe sulmoi ushtaret e Gardes. Ne periferi te Tiranes, Kamez, Bathore u bene krime te papara pikerisht nga njerez te varfer, u dogj me themel Universiteti Bujqesor, u vodhen rezervat e shtetit, kur ne Vlore Universiteti nuk u prek.

Sa per urretjen time, me duket se ia ben shume qejfin vetes. Une nuk kam nevoje te te urrej ty, dhe as kohe apo emocion per te harxhuar per ty. Sikur une te te urreja ty, ti do ishe akoma ne Spac. Une s'kam nevoje te implikoj ndjenja ndaj teje, sepse fitoj ne jeten reale. Une u arsimova per 50 vjet, ne universitete dhe katedra e akademi shkencore, kurse ti punove ne minieren e Spacit, qe sot ke qejf ta quash Universitet, apo librari. E ndersa ti akoma kerkon integrim, demshperblim apo strehim NGA UNE, une shkollohem universiteteve me te mira, apo jam kthyer ne kapitalistin me te suksesshem.

Ti je aq i pamencur saqe perseri kerkon konflikt me mua edhe pse per 50 vjet vuajte si mos me keq prej ketij konflikti.

P.S Tre gishtat jane simbol i ortodoksise, dhe gjysma e jugut jane ortodoks. Apo do tu tregosh Vlonjateve patriotizmin ti tani?! Ha ha

[jessi89]

O Sander Mafishja,me kupto o vlla mire.Eshte kush eshte Berisha e te gjithe te tjeret,me epitete nga me te # qe mund tu vene,i shumezoj te gjithe me zeroooooooo,po problemi eshte se une shqetesohem per Vloren,pseeeeeeeeeeeeee te vuaj kaq shume?
Po mendimi ime per nderin e turpin e saj eshte ky e se lun topi:..turp i madh qe ja lejuan vetes qe te vishen nenat me te zeza,te ikin djemte ne lule te rinise e sh sh sh te tjera qe te renqethet mishi.Po pse ore ,kaq trimeri qe ka shpalos Vlora ne histori si nuk munden me mbrojt familjet ,femijet nga ata qe tani le ti quajne si te duan,ska me rendesi.
Po te vjen keq qe cdo rrugice ne Vl, flet per nje vraseje ,per nje historiper nje jete......

Po ti e di shume mire mo Sandri ,se kur perplasen dy makina ,inshurencat shkojne lart per te dy shoferat ,ok?Edhe ti qe mendon se ske faj ,ke qe cke me ate pune.Duhet te dish mendjen e tjetrit.E pra keshtu duhet me mbrojt veten e familjen vllaiiiiiiiii.
Leni te gjitha lexionet problem eshte se edhe sot Vlora vuan ,pa drita ne mes te vapes....(gjysma e te keqes ).Lexione si te tuat i mar per free une mos u mundo me shlrujt e me perpilu gjona,kjo shoqerore.hajd have a nice day.