Ramadan Sinani

[babadimri]

Pedagoget e USHT-se duke vene kurora te varri i prof Sinanit

[babadimri]

KOleget e katedres se gjuhes shqipe duke nderuar prof ramadan Sinani

[babadimri]

DASHURI NË KOHË LUFTE

Visarit me shokët trima

Ka shtegtuar engjulli në mal
Kërkuar e kam
Kahdo
Qytetit të kredhur në pikëllim

Porosi kish lënë
Do të të kërkoj në Olimp

Në zemër lulepllati
Këtu
Në Sharr
Lulet janë të luftës
Dashuritë e mbështjella me acar

Me flakë gjakimi
Tufa triumfi

Si edhe të dashurit
Shkëndija
Të (I)liri(d)së

Engjulli shtegton nga mali
Kahdo
Në ne

Olimpi Sharri
Në dashuri

Tetovë, gusht 2001

[babadimri]

PORTRETI I LUFTËTARIT TË LIRISË

Betimit me shokë

Është i njëjti yll qumështor
Jo i vetmi
Që çan nëpër errësirë
Për të sjellë pak magji drite
Ai
I ploti
Me plot shokë
Në qiellin engjullor të lirisë

I beson Zotit
Në drejtësi
I paepuri
Në betejë
Si uragani
Bën tutje

Ai bën tutje
Përballon svidën sllave
Ulurimat e tmerrit
S’honepset para djallit
Përballon edhe stuhitë
Bën tutje
Bën mëtutje…

E
Deri te shteg i dritës

Na i dhuron
Nga ashku i zemrës
Ca dujë lirie

Ai është engjull
Bën edhe mëtutje
Drejt urave të tjera
Të (I)Lirisë…

[babadimri]

Rektori i USHT-se Dr Sadi bexheti dhe prof.Bexhet Toci duke i bere nderime prof Ramadan Sinanit ne varre\zat e reja ne Tetove

[babadimri]

Shoqata e ish te burgosurve dhe te perndjekurve politik shqiptar ne Maqedoni vendos kurore per nder te prof Ramadan Sinanit

[babadimri]

Curriculum Vitae

Prof.Mr.Ramadan Sinani

I lindur në Tetovë ku u shkollua deri në kryerjen e gjimnazit. Fakultetin e Filologjisë Katedra e Albanologjisë – e kreu në Beograd në vitin 1971.

Studimet pasuniversitare i bëri në Universitetin e Prishtinës- Dega e letërsisë më notë mesatare afër 10 dhe në vitin 1987 iu dha grada shkencore Magjistër i Shkencave Filologjike duke e mbrojtur punimin e magjistraturës “ Vendlindja në poezinë e sotme shqipe” ( me mentor dhe kryetar komisioni të mbrojtjes Akademik Rexhep Qosja) që më vonë këtë e botoi si monografi me titull të njejtë.

Ka ushtruar punë kryesisht në arsimin e mesëm dhe të lartë, në gjimnazin e Vitisë në Kosovë dhe të Tetovës. Ligjërues i lartë në Universitetin e Tetovës që nga themelimi i tij (është një nga themeluesit e tij).

Ka marrë pjesë aktive në Konferenca shkencore në: Shkup. Tiranë, Gjirokastër, dhe Prishtinë, Cyrih.
Është veprimtar në lëmin e letërsisë dhe të kulturës kombëtare , recensues i shumë librave, kryeredaktor i parë i revistës kulturore Vlera, themelues i Shoqatës së
Shkrimtarëve Shqiptar, i Shoqatës kulturore Skardina, Festivali Ballkanik i poezisë.

Është poet dhe ka botuar disa libra, Ndroi jetë më 3 janar 2007

[babadimri]

PESIMI KRENAR

TIM BIR ARSIMIT

TE GODITEN JO AKSIDENTALISHT
JO RASTESISHT BISHERITE SLLAVE
DHE TINZARET
TEPDILE SI KOMBETARE
TRADHETARET
JUDA E PILATI
NATEN E BARTOLEMEUT
GOSTIVARIT
E
TE NESERMEN U ZGERDHINE
PARA TMERRIT
KEMISHES SATE TE PERGJAKUR

HORRAT U STEPEN
KUR U THE
MEGJITHATE
CESHTJA JONE ESHTE E SHENJTE

LUMENJTE KANE TE VETMEN
GURRE

KETE SHARR KRENAR
I VETMI

(korrik 1997)

Kjo poezxi eshte shkiruar pas ngjarejeve te pergjakshme te Gostivarirt 1997

[babadimri]

L U L E T E A N K T H I T

(d r o g i m i)

rruzull yjesh
rrotull i vijnë k’saj qenieje prore
rrathët e tmerrit ç’i zgjerojnë
hepojnë pandalur
dhembjet këlthitjet tantale

rreze dielli ooo
sa p a k
përbihen
trurit të tij
mjeran
i(e) droguar
madhështor(e) i(e) humbur
rreth vetes i mbështjellë me ëndërr
(e bukur fanitet
makabër)
ajo fluorescentja në zhgjëndërr tmerri
stërzgjatet
ca reflekse fluori gjëllijnë aty
në sfera të tjera gjithnjë ankth kullojnë
deri te shërimi ooo
sa p a k
fare e hiç
a s p a k
a mbarimi për të keqin fat

ooo njeri imi ooo vajzë
dhembje lulesh ankthi
a cak me sa pak zjarr
gjatë ditënetëve që do vijnë
ferr
parajsës’gjakut
prore e sërish
rrapëllojnë vizionet
rrufe nëpër trurin e zhvirgjër
e thehet më në fund
rrot’e fatit të zgjedhur kështu nga ai
derëzi njeri mjerimi
rrënues i vetvetes në plaskoma kohe
të gjithësisë humbella
pa nam’e nishana
rrëgjues piskamash në vete
perverze të pista
bastardhe
nën
re pikëllimi të kësaj qeniejeje
për keqardhje
dështimi ooo që prore
e prore frymon
diku mbase
rrezes shpresë… mbi yje
rruzull
rrotull noton
asgjësi
hiçi
Ramadan Sinani

[babadimri]

TË SHPËTOSH SHTËPINË

(Variant i vjershës së mëhershme -
Në Tetovë shtëpi të kesh)

Të shpëtosh shtëpinë e shpirtit
T’u dasht një Ushtri*
E pastaj
Ti të rrosh
Njeri

U ende botës
Gjithkund
Jug veri
Erdhe
Ngadhënjyes
Madhështor
Në Atdhe
Të shpëtosh shtëpinë

Aty shtëpi shpirti
E dheu
Ajër me bollëk
Dhe ujë
Prej Sharri
Si nga zemër Atdheu
Të kesh

Tani me bollëk
Do të kesh
Të gëzosh

E të rrosh
____
*UCK-së
Tetovë, tetor 2001