Ramadan Sinani

[babadimri]

LËNGATË
(Tim bir Betimit)

Në mërgatë mekanizëm I trupit të gjallë
Kryen punë roboti
Lëviz këmbë, duar e kokë
Dhe sytë me shikim neoni
Prodhon produktin e përkohshëm
Pa shpirt

I mërguari aty
Me shpirt sheh të kufizuar ëndrrën
Imazhin e shprishur
Aty
Gjarpër largësie

(atdheun s’do përmendur në këtë varg që s’është varg)
është shpirti jashtë mekanizmit robot
që poezinë e ka kod
me shifër rrëqethëse
lëngatë

[babadimri]

DELIR POETIK

Pikoi ankthi
Orfeu pa hyrë
Lulja e tharë
Zogu krahëthyer
Mëngjesi nën mjegull

Delir I një poeti
Mendim I zhbërë
Në pamendësinë e çastit
Armiqësi vargjesh

Dhe atëbotë gjethi qau
Mbi zogun në degë
Krahëthyerin
Orfeu rënkoi
Rizgjoi shqip
Mëninë e Akil Pelidit

[babadimri]

KTHIMI NË KOSOVË

E VETMJA

*Epike
Gjithçka
Gjithçka lëviz
Trazohet Kosova
Edhe lirika

Mbi gjithçka
Mbi gjithçka qëndron
Është themel mur kullë
Edhe kulm
Evetmja
Epika

UÇK-ja

Tetovë, prill 1999

[babadimri]

HEU

*Epike
Heu
Hakmerru
Shpirt
Hakmerru
Heu
Në emër fëmijë të vrarë
Nën zemërplasur
Fytyrëçjerrë
Heu
Hakmerru
O perëndi
Heu
Heu-u-u
O shpirt
Majeqëndresë
Qëndresë
Heu
Hakmerru
Kosovë
Heu-u-u
Hak
Merr
Gjak
Gjakësi
Barbar
Heu-u-u


Tetovë, Prill, 1999

[babadimri]

POETI NË IKJE
*Ironike

Tha
Po ik
Buzë Golgotës shqiptare në
Bllacë
Çmenduri barbare po më ndjek

Me lirikë kohës do t’i gjegjem
Kosovës Oh

Zvarras ah
Pastaj
Zvarras Oh

Do të vdes
Në një lirikë thirravaj
Në ajrin ironic
Një varr do të guroset
Me këtë poet lirik

Tetovë, prill, 1999




LLAPJANIA TETOVARE
*lirike

Tetova në gji mori edhe një
dëshmor Kosove
ishte buzëmbrëmje e trishme

Tetova gdhiu në agshollin e
nesërm
me foshnjën e posalindur të
Llapjanes Elhame Shala

Prindërit urtësisht thanë
E pagëzojmë në emër të Zotit e
Tokës amtare

Tetova buzëqeshi dhe bekoi
Pagëzimin e ri
Tetovare


Tetovë, 7 prill, 1999




GLOGOTË HOLOKAUST
BLLACË
*biblike

Çmendem çastit të marrë
Zogjtë pëllumbat
Pllajat mallet

Golgotë
Holocaust në Bllacë
Tmerron qiellin diellin

Çmendet zemëratë e çastit të
Vrarë
Lotët e zemrës lumë Lepenci
Kullojnë rruzullit në ankth
univers

Perëndi
Përkulur të lutem
Të falem
O Zot
Zogjtë pëllumbat bekoi

Bishëri
Kafshëri
Kali përmes Glgotës
Holokaustit
Bllacës shqiptare.

Bllacë-Shkup, 2 3 prill 1999



KTHIMI NË KOSOVË
*Lirike

E dashur
I dashur
Në Kosovë mirupafshim
Të betohem me besë
Për shpirt të Latif Berishës
E dashur
I dashur
Për shpirt të shpirtërave martire

Në Kosovë
Mirupafshim
E dashur
I dashur

Tetovë, prill, 1999

[babadimri]

Ne foto duke disktuar ne pervjetorin per Josif bagerin qe eshte mbajtur vite me pare per nder te iluministit Josif bageri

[babadimri]

Ramadan SINANI

P O E T I



(fryma h a i k u)

*

Një poet…
ah… poet…
… tokë…
… qiell…

*

Një poet…
ah… poet…
… gjak…
… promete…

*

Një poet…
ah… poet…
… plagë…
… tërmet…

*

Një poet…
ah… poet…
… orkide…
…mjellmë…

*

Një poet…
ah… poet…
… valë…

*

Një poet…
ah… poet…
… liqe…
… pulëbardhë…

*
2
Një poet…
ah… poet…
… nosit…

*

… p o e t i …
p o e t…
… y j ë s i …

[babadimri]

Ramadan SINANI

*
* *
(fryma h a i k u)


*


Shetita buzë lumit…
…bardhësi shkumëzoi…
…borë… borë…
…fluska shpirti mbi ujë…

*

Ajo…sa s’më shkeli…
…akoma lulja e ftohtë përgjëron…

*

E tha ajo fjalën…
…e ndry përjetë diku një natë…

*

Ajo…njëherë buzëqeshi…
…shpërtheu një gejzer…
…oh…sa pak jetoi ky ylber mbi të…

*

Një petale nga një puhizë mërgoi prej lules…
…dielli buzëqeshi dhe më…
…lulja iu gëzua diellit…
…u teleis me ngjyrat e shpirtit…
…jetoi e lumtur
derisa shtrëngata s’e mori në gji…
…dielli për një stinë mungoi…


*

E dashuroi ajo një degë dhe një gjeth…
…trungu… pastaj rrënjët xhelozuan…

2
…druri i tëri u dridh…
Kish kërkuar dashurinë e saj cigane…
…të një dege… të një gjethi…

*

Orë poetike u bë ajo…
…poetët ikën kokëulur stinëve të tyre…

[babadimri]

prof Ramadan Sinani ne vitin 1968 punesohet si profesor ne Gjimnazin e Tetoves dhe bashke me nxenesit bashkangjitet nde demostrtatat e vitit 1968. Arrestohet dhe burgoset nga autoritetet jugosllave dhe e vuan denimin ne Burgun Shutka ne Shkup. Per shume vite ky vedn doi te mbetet i ndaluar per profesorin Ramadan Sinani.
Pas 20 e sa viteve ai kthehet ne pune ne gjimnazin e Tetoves. Sot kortezhi u ndal ne vendin ku profesori nxorri shume gjenerata ne vendin ku e kaloi nje pjese shume te bukur te jetes se tij.

[babadimri]

Duke u eprshendetuar me familjen Sinani ne komemoracion e mbajtur ne Universitetine Tetoves