Bëmat e fundit nga Gazeta Java!

[ZANOR]

[QUOTE=ZOTIM;2282083]

të bahet GJUHË SHQIPE nga kjo njëdialektore, atë gjuhë që flasin mbi 80% të kombit e krejt Arbanitët me Arbanishten, se ata nuk janë arvanit, por arbanit e ARBANIA edhe nga atje të kalohet në gjuhë reale shqipe!



RISHQYRTIM URGJENT I MENJIHERSHËM I STANDARDIT SHQIP




Krejt e dijmë pse ka shku Kadare në Kosovë - Prishtinë. Me mbrojtë
standardin e gjuhës shqipe. E për me mbrojtë standardin, duhet të
mblidhen Shqipet në Kuvend, e ta hapin realitetin e shpërfillun të
shkrimit shqip, që osht bastardhu me themel, sa kur lexon sot shqip dhe
e krahason me të folunit shqip - del ma qesharak se sa kujton dhe të
ndryshohet standardi i Shqipes e të bie në vend të sigurtë kohor, me
dialektrin Gegënisht, që osht vet baza e Shqipes!

Në të kundërten, sa ma shumë zgjatë nji Kuvend i Shqipeve, ku duhet të
kthehen edhe mbi 100 mijë fjalë gegënishte në standardin tonë dhe të
pastrohen mbeturinat dredhake që pengojnë shkrimin shqip, se jo të
folunit, se flitet gegënisht, mbi 70% të kombit - po të rregullohet
shkrimi shqip - e në të kundërten thash: parashoh ndamje totale të
kombit me vet fajin e mosrregullimit të standardit shqip, nga Shkumbini
e përpjetë, krejt kah e merr Gegënia, e nuk mund të mashtrohen gegët ma
shumë, se për hirë të vëllëzërve tanë, premë gjuhën në gojë, premë
Gegënishten me diktaturë enveriste. Pra, sa nuk osht ba vonë, të
rregullohet standardi, ose në nji të ardhme të afërt, do të kemi dy
kombe: alban e kosovar, që të dytë paraqesin trollin shqiptar, e kush
gegë e histori reale shqiptare, mashtrohet ma shumë, e paçim veten n'qafë!

Kadarea ma mirë do të ishte të flet me Akademinë Shkencore të
Kosovës, e të Shqipnisë, e të bëjnë rishqyrtimin e standardit të
shkrimit shqip, sepse nuk jetohet ma shumë me ondrra! Me këtë gjuhë
enveriste, nuk ka gjuhë moderne, por një gjuhë abstrakte, obskurante (e
terrshme), e nxanë fryme dhe e mbytun nga rrotacizmi n=r, trajtat e
shkurta të perëmnave, çoroditja e vet gramatikës e sintaksës shqipe, si
dhe e morfologjisë shqipe, me fjalë të zgjatura panevojë, e të
tepruara, që ia nxanë frymen shkrimit shqip. Shih, për fjalën shqipe -
nxanë, me nxanë, standardi jep rregullin - zë, për të zënë,kur fjala -
nxanës, nxënës, që nxën diturinë, thohet drejtë, e fjala - me nxanë -
për të zënë, atëherë po u dashka të thohet - zënësi, e jo nxënësi -
nxënësi zën mësimin, mbrapsht, kur duhet - nxënësi nxën mësimin, a
mësuesi mëson mësimin nxënësit...shih sa mbrapsht, e sa
mijëra fjalë e fraza shqipe janë krejt mbrapsht në shkrimin shqip të
këtij standardi!

Dikush këtu në forum, ka paraqitë edhe do pllaka skematike të dialekteve tona,
skema fallse të ndamjes së dialekteve edhe nëpër territore shqiptare, e
kujton se hahet ai pistil ende, kur dihen shkaqet e pasojat e standardit
të shkrimit shqip, në nji t'ardhme të afërt. Standardi shqip duhet
urgjentisht të rishqyrtohet! Sa ma shpejt, aq ma mirë, e pa pasoja.
Dihet se disa dekada ishte ky standard dhe gati një gjeneratë u rritë me
këtë standard, por do të ishte vet tmerri i SHQIPES a vet këtij standardit shqip,
po të harrohet e të vdiset Gegënishtja e Letërsisë së Vjetër shqipe, ajo
gjuha e Budit, Buzukut, Bardhit, Bogdanit, e deir tek Fishta, Mjeda,
Migjeni, Kristoforidhi, e shumë pishtarë tjerë të SHQIPES SË VËRTETË!

po cila gjuhë madhore sot ka dy tinguj, për germat q,ç (q i butë e ç i fortë,
gj e xh (i butë e i fortë), a nuk osht qesharake kjo tingullore?
Egziston vetëm nji q, e nji gj në gjuhët madhore, poashtu nëshqipen e shkruar,
sa problem paraqesin disa forma gramatikore, parafjalëve, e deri tek
...numrorët: ni, dy, tre.....një dy tre....e Paqskajorja (me punu - për të punuar),
e Përcjellorja gramatikore (tu punu - duke punuar) e
zanorja ë - e tepruar vendepavend, që janë dhënë vërejte të shumëta, qe nga
Prof. Arshi pipa e nga tjerët derisot dhe për afër 40 vite, çka u plotësua e
zhvillua Shqipja, veçsa u degradua e po shtrambohet edhe në ato fjalë burimore
që janë sot në shkrimin shqip - sa që sot kemi problem serioz me futjen e Shqipes
në sistem elektronik, ku shihet çfarë filli përkthyes bën sot google, nga Shqipja në
gjuhët tjera e anasjelltas - pse nuk po kaproblem me asnjë gjuhë tjetër, vetëm me
Shqipen në përkthime elektronike, që shpejtojnë mijëra herë zhvillimin linguistik dhe
fjalorin kibernetik, me u plasu Shqipja në rang botëror!

Nuk është luftë kundër gjuhës sonë, pse kërkohet urgjentisht rishqyrtim
standardi, por lufta kundër SHQIPES SË VËRTETË është mosshqyrtimi i
standardit enverist - këtë duhej ta thoshte Kadarea! Pse fjalori i gjuhës shqipe,
nuk paska ma shumë se 41 mijë fjalë, kur vetëm Gegënishtja ka mbi 100 mijë fjalë,
tok me Letërsinë e Vjetër, e deri edhe me ato fjalët e fraza të Arbanishtes së lashtë,
ku padrejtësisht i thrrasim e shkruajmë greq. arvanit, Arvanitët - arbanitët tonë -
atëherë do të kemi vërtet GJUHË MODERNE UNIKE SHQIPE!

Nga koka në kokëtar, nga kryet në kryetar të shpëtohet kombi shqiptar,
që as gega të mos rrij guhëpremë, po nanën t'i thohet nanë, zonit t'i
thohet zo, zojsit t'i thohet zot, e jo sipas shkrimit gjerman zeus,
direkt shqip, kur ger. eu=oj, e duhet të jetë Zojs, nga kuptimi i
kryezotit olympik, në emërtimin e Mbifuqisë natyrore, Krijuesit të
Gjithësisë!

Ky osht shpëtimi i kombit shqiptar, rishqyrtimi i standardit! E qysh po i bie shqip - standard?


Përkundrazi ajo osht shqipe e pastër, ashtu si e flet vet populli, pjesa ma e madhe
e tij dehe pikërisht ato fjalët e cekura gjoja si korrigjim, janë tipike shqipe të pastra
edhe shumë ma lehtë të fliten edhe ma të shkurta edhe ma domethënëse.

Bukur u cek aty, veç merrni një faqe shkrimi shqip të sotëm dhe flisni normalisht me
shqiptarët e botën krejt ashtu si shkruhet e theksohen tingujt - ti do të qeshesh me
vetveten, sa mbrapsht e keq flet! Provojeni!

Shqyrtim i gjuhës, nuk do të thotë lëmurje e masazh gjuhe, vendnumrim, por do të thotë
- ndryshim e plotësim i gjuhës të fjalorit shqip me mbi 100 mijë fjalë e fraza gege tok me
ato toske e të nëndialekteve tjera, që janë fjalë burimore të pastra të SHQIPES SË VËRTETË!

Pyetja: sa i ofrohet standardi a standarti, se nuk dinë shqip fjalën standard, po gjoja
modernizim gjuhe a mbrapështi gjuhe, sepse fjala standard për gjuhën osht komike,
kur ke konceptin - SHQIPJA MODERNE - APO GJUHA VËRTET E NJËSUAR, UNIKE SHQIPE
- pra sa i ofrohet shkrimi shqip i sotëm gjuhës së pastër të popullit - kuptohet gjuhës
burimore tipike shqipe të pastër? Atëherë qeshu me vetveten, sa mbrapsht flet sipas
shkrimit të gjuhës sot, duke i theksuar zanoret e mbyllura e të tepruara, rrotacizmin
obskurant, fjalët e zgjatura pa nevojë, theksimin e tingujve (të fortë e të butë, sa komike,
kur gjuhët moderne nuk kanë tinguj të fortë e të butë) e sa format gramatikore e sintaksore
të çoroditura, që shtrëmrojnë edhe vet gjuhën në gojë e gojën si organ anatomik - e lëre ma
të gjurmohet shkencrisht, apo të modernizohet kibernetika e gjuhës karshi gjuhëve moderne
të botës, e studjuesve tjerë!

Fol ti si shkruhet sot shqip dhe e sheh sa qesharak je!


Pikrisht, pyetja osht: ku osht gjuha shqipe, se fjala, folja osht, nuk osht një provincoalizëm,
por vet fjala illirishte OST, ku mbeti s=sh dhe pikrisht këtë folje ndihmtare, e moren gjuhët latine
- EST, po çka t'i bësh maxharit, që nuk kupton, se kemi edhe mbiemra shqiptar Maxhari, si
antroponome - ku edhe sllavët emruan hungarezët, po me këtë emërtim edhe pak ma thellë
- folja osht merr gati krejt popullin shqiptar, por që nuk u prefeksionua si origjinale e tillë ashtu
sikur e flet vet populli, por na doli si folja - ashtë (me a hundore, nazale ^ në vend dy pikave sipër),
fjalë gege e shkruar kohë ma parë, qëtë dllohet nga fjala asht, eshtra (a^shtë),si - ost e lashtë,
e që e moren dhe e thjeshtuan, me një ndryshim gjoja, gjuhët latine e gjermanike, në - est, ist, is,
ma shkurt e ma bukur e ma natyrshëm sipas natyrës së gjuhës, me tre e dy tinguj, kurse na e kemi
me 4-5 tinguj, germa, krejt mbrapsht - foljen - është, toske. Edhe poashtu nga pyetja:
ku osht gjuha shqipe, se cilat shenja komunikative janë të dalura jasht përdorimit, as përkojnë
me shpejtësinë e auto(rëve) tjerë në këtë ''autostradë'', kjo edhe ma yst se sa ajo fjaloa -
standard, standart që përkon me zhvillimin ekonomik, arkitektural etj., sepse edhe po grahe
makinë nën shpejtësinë e tjerëve, në vijat poashtu komunikative të shpejta, bazuar në dinamiken
e zhvillimit edhe gjuhësor, e pengon ''komunikacionin'' edhe dikush ta futë mbrapa, e të ban shi,
pistil në autostradë! Ktu ka punë shumë, e koha nuk pret!

Kjo nuk osht veç nismë individuale, por interes i përgjithshëm kombëtar dhe dihet se na
duhet edhe neve si buka e uji e ajri e drita, një gjuhë unike shqipe, gjuhë moderne, gjuhë
që bashkon unison krejt popullin shqiptar në botë, jovetëm atë ballkanik, por të jetë vërtet
gjuhë unike e bashkuar moderne, që mos të kemi probleme pa nevojë në strukturimin e
nivelizimit modern linguistik botëror - kur kemi fjalët e shprehjet tona origjinale, ma të
shumëllojshme se sa asnjë gjuhë tjetër, falë gjuhës burimore shqipe, ndër gjuhët ma të
pastra e ma të pasura gjuhësisht!

Këtë e them pikrisht, mos të ketë tollovi e pasoja në të ardhmen krejt kombi dhe
eventualisht, mosozo të ndahet në dey a ma shumë pjesë, ashtu sikur u ndanë shumë kombe
edhe shumë ma të mëdha e ma të zhvilluara, që sot janë të njohura kombe të ndryshme,
sepse mu këtu osht pyetja kulminante, kur shihet ndikimi për ndarjen e kombit shqiptar,
në alban e kosovar, të njohur botërisht! Ajo do të ishte tollovia e pasojat e paparashikueshme
për krejt kombin tonë!

Mu për këtë edhe titullova - shqyrtim urgjent, i menjëhershëm i Drejtshkrimit shqip edhe mu
për atë që shihet gjendja e mjerueshme edhe e mediave të ndëgjimit, pamjes e shikimit, si
mjete mediatike audiovizuele, në gjith rrejtin e shtypin, e botimin shqiptar ballkanik me botëror!...

[Luftëtari1444]

Zotim me vjen gjyna per ty, sepse sje tradhtar, por thjeshte nje njeri qe je tallur nga tradhtaret. Nga "asgje" njerez si Migjen Kelmendi mundohen te krijojne tema per gjuhen letrare, qe te lindet percarja midis popullit shqiptar. A e di qe z.Kelmendi doli ne mediat greke dhe tha qe kosovaret sjane shqiptare? Kjo tregon cili eshte qellimi i vertete i z.Kelmendi.

[neptun]

Lëri anekdotat,

Po, te lihen anekdotat dhe te lihet enveri.

Standardi ishte gegnisht. Përse u ndryshua???

sepse u desht qe te marrin pjese te folmet e te gjitha trevave shqiptare.

[ZANOR]

Zotim me vjen gjyna per ty, sepse sje tradhtar, por thjeshte nje njeri qe je tallur nga tradhtaret. Nga "asgje" njerez si Migjen Kelmendi mundohen te krijojne tema per gjuhen letrare, qe te lindet percarja midis popullit shqiptar. A e di qe z.Kelmendi doli ne mediat greke dhe tha qe kosovaret sjane shqiptare? Kjo tregon cili eshte qellimi i vertete i z.Kelmendi.

SHQIPTARTË NUK GUXOJNË T'I PARAQITEN NJONITJETRIT - SHQIPTAR!

Shqiptartë nuk guxojnë, t'i paraqiten njonitjetrit - shqiptar, se tallen me vetveten!

Luftetari1444, ishte dhe osht gjallë dhe edhe unë jam luftëtari 1444, e nuk osht gjynah për mu, po osht gjynah për Shqipen e Vërtetë, që u tall me atë derisot ni drejtshkrim shqip - gjoja po shpreh të folmen universale të kombit shqiptar dhe tallen të gjithë ata që mendojnë se kosovarët nuk janë shqiptar, kur Kosova, joivetëm djepi i Dardhanisl, por ishte e osht truri, zemra e guximi i kombit shqiptar - kujtoni vetëm Isa Boletinin në Londër e Vlorë (1912) edhe me atë po tallet dikush edhe me Nanë Terezen, që zbrazi Amanetin Shqiptar symësy presidentit Klinton (shtator, 1997), kur ishte viti tragjik i Shqipërisë '97 - që i vuri pikën mbi i Atij Amaneti (12 Qershor, 1999). E di se tradhtorët po tallen me neve, me ty e me mua edhe me heroin kombëtar Kastriotin edhe me intelektualët e mirëfilltë shqiptar! Tradhtorët gjithmonë mbeten tradhtorë, në fjalë e vepra të liga, anpise për një kohë ndoshta edhe mund të shpallen edhe heronj!

Kosovarët e Albanët, mund të mos quhen përkohësisht e botërisht - shqiptar, sepse njihen botërisht - albanian, albaner, si të gjithë shqiptarët ballkanik, sepse asnjë shqiptar, nuk njihet botërisht - shqiptar! Kosova e Albania, sot janë dy shtete, vetëm dy copa të nxjerra dhunshëm nga goja e kuçedres greko-sllave, ashtu sikundër u pushtuan me dhunë e shtettherrore - e kemi edhe shumë me luftua deri në çlirimin e plotë të tokave shqiptare! Edhe me këtë dikush po tallet...

Si Kosova, si Llabëria (LLABIA TAN), si Çamëria e Malcia e Presheva, janë krahinat tona edhe me to po tallen tradhtorët po tallen edhe me Dukagjinin që shtrihet deri në Durrës gjeohistorikisht, që e përfshinë një emër i lashtë ARBANIA krejt kah flitet Shqipja - para emrave Arbëria e Shqipëria!

z. Kelmendi, në mbrojtje të Gegnishtes, që osht thelbi, esenca e Shqipes, po e mbulon edhe me të folmen lokale të tij e edhe kur tha se ''kosovarët nuk janë shqiptar'' ai po tallet edhe me termin shqiptar edhe të gjithë ata që mendojnë si ai po tallen e gërvallen kot - se kombi shqiptar osht unikat kompakt edhe Shqipja do të bahet kompakte, përderisa frymon kombi shqiptar ballkanik!

(Qershor, 4. 2009)

[ZANOR]

Po, te lihen anekdotat dhe te lihet enveri.

sepse u desht qe te marrin pjese te folmet e te gjitha trevave shqiptare.

edhe ti neptuni, po tallesh me vetveten


Me u pas marrë të folmet e të gjitha trevave shqiptare, shqiptartë duhet të shkrujnë kshtu, krejt qysh po shkruaj un në kët moment osht ma mirë edhe me shkru krejt qysh flet poplli shqiptar ( e jo popullo), e të merren krejt ato zonat e të folmeve tona shqiptare, që janë vërtetë burimore me fjalë e fraza shqipe, fjalë të kthjellta shqipe, që janë mbi 100mijë sosh, me theksime aq të bukura shqipe, që kur të shkrujsh, mos të lexohesh gojshtrembtë as guhështrembtë, ashtu shkrimshtrembtë, sikur osht sot shkrimi shqip, që lypë a ka kund zot të shqipes, që mund ta drejtojë shkrimin shqip - e mos të tallen ma shum me zonin e zotit shqipe edhe vet Shqipja ta ketë vendin e merituar në linguistiken botnore. Kjo punë bohet, jo për inati të njonitjetrit, por për dashurinë ndaj Shqipes së vërtetë - tu folë e tu shkru e tu punu e tu u dashtë me njonitjetrin sl vllau me vllaun dhe dashuria kurr nuk do të shterrojë, sa t'i bie dillë e honë ksaj toke, ashtu sikurse osht vet Shqipja jonë, ashtu skur flitet, të shkruhet pa u shtrembu, as pa u kurthu me kët drejtshkrim të sotëm edhe në vet sistemet kibernetike dhe të verifikohet fuqia shprehse e Shqipes botnisht dhe vërtet, të jemi krenar që jemi shqiptar!

Shkrimi sa ma i shkurt shqip, osht fuqia ma e madhe shprehse shqipe, ashtu sikur në fjalë të shkurta - janë mendimet e gjata!

Osht koha me u drejtu shkrimi shqip! Pa inate e mllefe, pa snobizma e gjakra të kobshme, pa dhelpnira, se nuk bohet e mbahet me zor e vërteta në dry, po ta kuptojnë tanë shqiptartë momentin historik që po vie dhe me dashuri vllaznore, pa gverre e sherre, pa hile e skile, secili ta pasurojë Shqipen me aq sa din e mundet, kudo e ku gjindet, ta vertetojë vetveten - shqiptar!

[alibaba]

sepse u desht qe te marrin pjese te folmet e te gjitha trevave shqiptare.

Sigurisht që u desh. Dhe kjo gjë ishte përmbushur që në standardin gegnisht, siç muns t'a shofësh në citimin që kam sjellur më herët.

Pra ishte gjuhë gjithëpërfshirëse. Pastaj hoqët gegnishten fare. Përse???

[neptun]

edhe ti neptuni, po tallesh me vetveten

Nuk kam se çka të tallem me vetëveten. Tallje bëjnë ata qe nuk përfillin standartin e shqipes, qe nuk e perfillin kongresin gjithëkombëtar te drejtshkrimit. Tallje bejne ata qe jane kunder ketij kongresi dhe si alternativë nuk paraqesin asnjë propozim real dhe shkencor, ata që vetem mendimin e vet e paraqesin si të arsyeshem kurse mendimet e tjereve i shperfillin fare. Une zoti ZOTIM jam gege nga Kosova por nuk kam aspak krenari më teper se një tosk i jugut. Për mua krenaria është e barabartë e ajo është te qenurit shqiptar. Kjo është fare e thjeshtë. Tosket dhe geget kane qene gjithëmonë si dy degë të një trungu. Pra, vetelavderimi yt si gegë e ul poshtë zotërinë tuaj, ul personalietin tuaj dhe ju ben me pak të arsyeshem ne shoqëri. Kur kam thene se eshte marre parasyshe gjuha e të gjitha trevave shqiptare kam pasur parasysh anetaret e kongresit të cilet ishin nga te gjitha trevat shqiptare dhe se ata me pjesmarrjen e tyre kane mundur t'i japin verejtjet dhe propozimet e veta .

z. Kelmendi, në mbrojtje të Gegnishtes

Zoti Migjen kelmendi nuk ka aftësi gjuhësore të imponoje mendimin e tij real dhe shkencor. Ai edhe dialektin e vet, gegë nuk e njeh. Çka qiti deri tash ne dritë ky zoteri qe llomotit neper terr dhe i futi sherrin rinise kosovare?-Asgjë! Ai le ta flase gjuhen qe vete deshiron, askush nuk e pengon dhe nuk e akuzon, por mos të na imponoje neve mendimin e tij! nese migjen kelmendi i lexon keto rreshta, ose nese dikush ia percjell, e kisha lutur që mos të flasin ne emer te mbarë kosovareve apo te gegefoleseve, por te thot vetem mendimin e tij personal.

[Baptist]

Zoti Migjen kelmendi nuk ka aftësi gjuhësore të imponoje mendimin e tij real dhe shkencor.

Kurse ti e paske!

Ai edhe dialektin e vet, gegë nuk e njeh.

Kurse ti e njihke!

Çka qiti deri tash ne dritë ky zoteri qe llomotit neper terr dhe i futi sherrin rinise kosovare?-Asgjë!

Po thote kush?!

Ai le ta flase gjuhen qe vete deshiron, askush nuk e pengon dhe nuk e akuzon, por mos të na imponoje neve mendimin e tij!

Po ti mendimin e kujte po na imponon ketu?

nese migjen kelmendi i lexon keto rreshta, ose nese dikush ia percjell, e kisha lutur që mos të flasin ne emer te mbarë kosovareve apo te gegefoleseve, por te thot vetem mendimin e tij personal.

Po ti, mendimin e kujte po e shpreh; Ne emer te kujte po i drejtohesh ti Migjen Kelmendit?

[Baptist]

I nderuar Neptun ju s'jeni ne gjendje ta kuptoni emrin-fjalen e lene jasht fjalorit si dhe

as vete folesit e dialektit gege e lere femiu shtate vjeqar .
Lexo kete dokument te Bardhit i postuar ne kete forum dhe tregona se sa e kupton dhe cilit dialekt i takon.

Me interesoi sa njerez do ta kuptojne shqipen e Frangut nga viti 1635 nga hyrja qe i ben ketij fjalori. Prandaj do te transkriboj nje pjese vetem sa per kurreshtje (per aq sa mundem me keto njohuri te paketa qe kam per menyrat e perdorimit te shkronjave atebote) si ne vijim:

Gjithe atyne t'Arbenesheve qi ta marrene me e zqiedhunë e me e zanë.
- - - *** - - -
[1]Tue pasun dite, e perdite, (të dashunit'e mij mbasi hina ndë Kollegj) kujtuem me *qish cope Libre keshe me ndihmuem mbë njane qiuhene tane (qi po *bdaret, e po basta|stardhohet sa ma *pare te ue); e ma fort me ndihmuem gjithe atyne qi jane *nd'urdhenit' tinezot, e te Shintes Kishe Katolike, e s'dijne qiuhen Latine, pa te *siet askush s'mun sherbenje si duhet, pa te madh error, e faj, -hesapet, zakonet, e Ceremonia-teë Shintes Kishes Romes. Me [2]ndy-jo pak mire me marre, e me n'kedhyem n'qiuhe'tse Letine mbe qiuhet T'arbeneshe nja Ditionar, qi tieter s'anksht vec se nja Libre, qi ka ndevetehe sa fjale, e sa emna jane, e gjinden nde kete pjese Shekulli : po|si-kur me thane, te Njen[r]ezet, e te Shtazevet, ene Uj[ë]navet, e te Malevet, e te Fushavet, e te sa tjera kafsheve, qi qinden nden kielt, po|si-kur te Tinezot, Engjejt, e te Shintenet etj. I silli Libre me pelqei, e mu duk se kishte [!fund i faqes]

---------------------------
*bdaret - pasurohet per te keq.
[1] [?] tue pasun dite, e perdite; - [duke qene ne dituri] : (duke e ditur), e sterditur.
* qish; - kete; (cfare[lloj]; keso-[lloj]; keso[far]; -cfarë cope libri... )
* parete ue; [?] -sa me para qe te vete [ajo]
* nd'urdhenit'; - nden urdherin.
* siet; - cilët, cilën.
[2] [?] ... mendoj [o] pak mire me marre // megjithese nga kopja nuk eshte e sigurte nese "r" eshte ne fakt "t" ne te dy fjalet, prej ku do te rrjedhte transmetimi tjeter qe mund te thoshte: "me ndy jo pak mite me matre"

shenim:
"gh" e kam transliteruar rregullisht me "q" per arsye se tingulli qe i atribuohet asaj digame ishte ende i lengshem dhe i padiferencuar, dhe mund ta shqiptoni me ate "q"-ene "ekstremisht te bute" jugore e cila atekohe nuk ka ndonje dallim nga "gj" sepse kishte nje shqiptim te ndermjeme pothuaj te padallueshem mes tyre.

E vecanta e ketij shkrimi eshte ritmika jugore e zgjatjes se theksit ne rrokjen e fundit per cdo fjale.

Tjeter vecori interesante eshte perdorimi i formes "gjish/qish" qe perkujton te folmen e regjionit te Emathise.

p.s.:
!kjo ishte dora e pare e tentimit te transliterimit te kesaj kopje, -heren e dynte ndoshta do ta beja pak me mire. Megjithate ishte kenaqesi ta ndaja me ju leximin e kesaj gjuhe kaq te vjeter letrare.

Pershendetje.

[neptun]

Kurse ti e paske!

Unë nuk kam thënë ndonjëherë z. baptist se e kam këtë apo atë aftësi. me vjen keq qe keni ra në lajthitje dhe konfuzion me vetveten. Unë kam mbrojtur dhe do ta mbroj drejtshkrimin shqip i cili drejtshkrim nuk ështe veper e imja, por e të gjithe shqiptarëve dhe do të kundërshtoj të gjithë ata që jane kunder këtij drejtshkrimi. Kuptohet, se do të respektoj edhe çdo ndryshim që mund t'i bëhet këtij drejtshkrimi nga ndonje kongres tjeter legal dhe mbarëkombëtar.
Zoti Baptist, ti mbroje sa te duash dhe si te duash Migjen kELMENDIN dha ithtaret e tij, dhe behu avokati më i mire i tij, por kisha per të të lutur të ma gjesh postimin tim ku unë kam deklaruar se e njoh dialektin gegë si thoni ju. Po qe se te ju egziston prirja e kokefortesise dhe pa kurrfar argumenti flisni, atehere humb vlera e ketij diskutimi per gjuhen. Une vete Migjen kelmendin e kam ndjekur ne tv. Aq thjeshte e flet dialektin geg sa te mbushet mendja si te ishte i huaj. per te gjitha propozimet që ky person ben per gjuhen, ai nuk jep asnje prove bindese, por flet si te ishte nje nxenes i te mesmes shkolle kosovare.
z. baptist, nese je i pjekur, duhet të kuptosh se ketu, une nuk imponoj kurrefare mendimi tim, dhe askujt nuk i them te bashkohet me mua ne kete ose ate mendim. Une flas ne emrin tim dhe e mbroj ate qe thashe pak me pare. sa i perket unifikimit te gjuhes shipe, po ta perkujtoj se qysh me shume se nje shekull me pare, babai i gjuhes shqipe i ndrituri konstandin kristoforidhi kishte qene shume i bindur se nje dite edhe dialekti geg, edhe dialekti tosk do te shkrihen ne nje gjuhe sepse shume janë afer njëri-tjetrit. dhe kjo pra u bë realitet para 37 viteve. per kete une jam me se krenar.