Dashuria në internet!

[DI_ANA]

DI_ANA kush eshte ai i treti?????

Nje komshija ime ....lol

Suksese ne real derman ,kete te uroj!

Respekte

[DI_ANA]

Për t’u përgjigjur se sa eshte reale dashuria permes internetit, le te pershkruajme se pari se ç'fare nenkupton fjala dashuri e vertete!!!
E kete per fat te keq nuk mund ta pershkruajm apo jo?!
Ate vetem mund ta ndjejme. Ajo eshte nje gjendje per te cilen dime pa pyetur asgje! Edhe pse nuk mund ta përshkruajme, jemi të bindur se dime ta njohim dashurine e vertete.
Kjo e tera mund te ndodhe ngaqe asgje nuk varet nga ne. Ajo vjen kur nuk e presim, dhe shkon kur te deshiroj vete, papritmas! Dashurine me kot mundohemi ta etiketojmë dhe ta klasifikojme. Çdo dashuri eshte unike unike ne llojin e saj.
Pamundesia e definimit te nje ndjenje te tille e mbeshtjell ate me me nje vello te misteriozitetit. Pikerisht edhe interneti eshte vend misterioz dhe mjaft magjik.

Madje edhe ne jeten e perditshme dhe takimet fizike, të gjitha dashurite nuk jane te verteta. Disa tregohen si dashuri te medha dhe jetojne përhere, te tjerat vdesin që në vjeshten e pare.
Dashuria ne internet pajtohemi ne apo jo, eshte dukuri e kohes se re. Shume çifte fillojne me shkrimin e e-maileve, perderisa lista e atyre qe hyjne ne martese per shkak te kesaj dashurie virtuale, dita dites rritet. Të tjeret kete e marrin si argetim, largim nga monotonia. Dikush me kete mjekon vetmine, ndjenjen e turpit (në jetë private eshte lepur, ne internet luan, dashnor i famshem), mangesitë fizike, pakënaqesite, anomalite dhe semundjet e tjera shpirterore... Pra gjithçka zhvillohet si në jeten private.
Interneti eshte vetem medium qe na bashkon. Gjerat e tjera varen nga vete ne, sa te sinqerte jemi, çfare zemre kemi dhe sa te ndjeshem jemi!

[DI_ANA]

Të njihesh përmes Internetit, kjo nuk është aspak e vështirë. Mjafton njiheni ne Chat, në forume, grupe të ndryshme të diskusioneve, dhoma të diskusoneve, dhe për një kohë të shkurtër do të keni me dhjetëra letra elektronike. Aq më tepër nëse keni faqe personale, vetë do t'ju lajmërohen njerëzit anë e mbanë botës. Dhe këshu gjithçka fillon me një bisedë të thjeshtë rreth një teme me një person ende të panjohur për ju, dhe natyrisht nëse ajo bisedë bëhet interesante, me të përsëritet komunikimi vazhdimisht. E numri i partnerëve potencial për biseda të këtilla është i pafund.

Shumë njerëz mendojnë se dashuria përmes Internetit është kurth dhe për një gjë të tillë nuk duhet diskutuar. Pa marrë parasysh se kush ndodhet në anën tjetër të rrjetit, pa marrë parasysh përmbajtjen e letrave, porosive, vërtet, krejt çka dijmë për personin tjetër janë shkrimet e tija elektronike? Shumëkush mendon se të dashurohesh përmes internetit pa e njohur fizikisht një person, është njëjtë sikur të dashurohesh pa sy e vesh, ngase gjithçka paraqet rezultatin e imagjinatës dhe frazave të thurura me mjeshtri. Por a është vërtet pikërish kështu?
Një nga karakteristikat themelore të komunikimit përmes internetit është anonimiteti. Kjo mundëson lirinë e të shprehurit, të qëndrimeve, ideve dhe kjo paraqet bazën e njohjes së njerëzve. Njohja rrjedh më shpejtë, nga brenda - jashtë, duke zbuluar personalitetin, karakterin, ndjeshmërinë, anonimin, motivimin dhe shkurt e trup, gjithçka që personin në anën tjetër të rrjetit e bën të veçantë.

Kryesore në komunikimet mes njerëzve përmes kompjuterit janë fjalët. E fjalët i janë dhënë njeriut që më mire t'i fsheh mendimet e veta, thotë një proverb. Megjithatë gjithçka duhet të merret me rrezervë. Përderisa disave ky lloj komunikimi u ofron mundësi të lirisë së të shprehurit të mendimeve, sinqeritetit, guximit, të tjerëve u ofronë mundësi për të servuar gënjeshtra, për të mashtruar dhe trilluar. Të gjithë që dëshirojnë kanë çasje në të. Prandaj mashtrimet nuk janë mangësi e mediumit të këtillë, po ato janë mangësi që tregojnë mangësitë individuale të njeriut.

[DI_ANA]

Përparësitë e njohjes përmes Internetit

-Padyshim se përparësitë janë më të shumtë, por ne do t'i numërojmë këtu vetëm disa....

1. Mënyrat për të takuar personat e shpirtit janë të zgjeruar dhe përfshinë krejt botën..

2. Njoftimet bëhen në bazë të interesave të përbashkëta, e kjo shpesh shpie në mirëkuptim dhe ju zhvillohet ndjenja se ju takon dikush apo i takoni dikujt. Njoftimet bëhen në bazë të atraktivitetit miqësisë dhe dashurisë.

3. Nuk ekziston palakmueshmëri apo pasiguri, sikurse në takimet e drejtëpërdrejta. Njerëzit anojnë t' i zbulojnë më shpejtë mendimet dhe qëndrimet e veta në këtë mënyrë.

3. Pasi që ka mundësi të editohet teksti, mendimet dhe shprehjet janë më koncize, më përmbajtësore dhe të paramenduara mire.

4. Ndjenja e vetmisë gati nuk ekzison, ngase gjithnjë del dikush që është në disponim të komunikoj me ju.

[DI_ANA]

Mangësitë e njohjes përmes Internetit

1. Mungesa e gjesteve përcjellëse si: ngjyra e zërit apo e shprehjeve të fytyrës që flasin shumë, mungesa e afërsisë fizike.

2. Mungesa e erës, shijes dhe prekjes.

3. Keqkuptimi në komunikim (për shkak të mënyrës së interpretimit fiks dhe vonesës së shkrimeve në rrjetë).

4. Jo sinqeriteti i personave që e keqpërdorin këtë medium komunikimi. P.sh. thjesht dikush dëshiron të argëtohet , gënjimet për punën, luajta e roleve, gënjimi për statusin martesor, fëmijët, gjininë, moshën… dhe gjithnjë ka të tillë që gënjejnë dhe të tillë që besojnë.

5. Edhe pse ekziston mundësia e këmbimit të fotografive, dëgjimit të zërit etj., prapë se prapë mungesa e prekjes, shikimit në sy, intonimit të zërit dhe vetë fluidi i kontaktit shpirtëror (parandjenja kur takohesh me një person, apo përshtypja e parë fizike) mungojnë.

Ata që mashtrojnë, madje mund t'ua dërgojnë fotografin e dikujt tjetër, zëri mund të jetë i tjetërkujt, shkrimet po ashtu. Mund të gënjejnë edhe për përkatësinë etnike, bindjet fetare, gjininë, etj.

[DI_ANA]

Sa është reale dashuria virtuale?

E ç'farë është ajo që na tërheq te personi tjetër? Ç'farë e bën të veçantë personin që e duam prej njerëzve tjerë?
Pse është në qendër të vëmendjes sonë personi ynë zgjedhur? Pse na motivon dhe pse ia falim zemrën? Prej çfarë përbëhet dashuria e vërtetë? Si të dallohet ajo?!!

Më duhet të pranoj se nuk e di! Ai apo ajo që mundohet ta përshkruaj dashurinë, thjesht gënjen.
Megjithatë mund të vendosim një paralele deri diku mes dashurisë së vërtetë dhe asaj virutele. Ajo që na tërhjek në dashurinë e jetës reale është se njoftohemi me personin në shkollë, punë, fakultet, qytet, autobus etj.
Vëmendjen na e fiton pamja, zëri, ecja, buzëqeshja, flokët, qëndrimi. Edhe pse nuk dijmë shumë e ndjejmë tërheqjen fizike. Imagjinata e jonë, nën ndikimin e dëshirave dhe kërkesave tona bën seleksionim në bazë të kritereve të pamjes së jashtme dhe të gjitha vetive të tjera të përmendura më lartë. Për këtë në shumicën e rasteve gjurmojmë edhe më tej për t'u bindur se personi që na tërheq është i/e qëlluar çfarë e kemi ëndëruar përherë.
Në dashuri virtuele me dike njoftohemi duke shkruar dhe pranuar porosi. Vëmendjen na e tërheq stili i të shprehurit, reflektimi i personalitetit të dikujt. Kureshtja jonë shpejt kënaqet ngase më shpejtë mësojmë për të, në bazë të ideve, mendimeve të thëna.

Këtu njihemi me personalitetin e brendshëm dhe zakonisht këmbejmë porosi me shpirtra të ngjashëm si ne. Dhe e gjithë kjo në bazë të cilave kritereve na bën të dashurohemi me të? Pikërisht sikurse edhe në dashurinë e vërtetë, në bazë të një gjëje të padefinuar, për të cilën di vëtëm zemra.
Imagjinata është ajo që i mbush zbrazëtirat mes reshtave. Rreziku që të jemi të mashtruar është po aq sa edhe në jetën reale të vërtetë.
Edhe në njërën edhe në tjetrën realitet, çifti njoftohet dhe afrohet përmes bisedës. Në të dyja rastet, të dy partneret përpiqen ta tregojnë anën vetjake më pozitive.
Mua nuk më duket se gjithnjë mund ta lexojmë të vërtetën nga sytë e dikujt. Shpesh na ndodh që të jemi të bindur se e kemi gjetur personin e vërtetë dhe pas një kohe të vërtetojmë se kemi krijuar lidhje me një njeri të huaj?!Sa keq......
Prandaj kjo është edhe një dëshmi që mundësia e mashtrimit është po aq sa edhe në jetën reale.
Në anën tjetër, gënjeshtrat e shërbyera përmes komunikimit në Internet më lehtë mund t'i zbulojmë nëse përqëndrohemi në fjalët e thëna. Për të na gënjyer dikush, para se të na bëjë të dashurohemi, duhet të ketë motiv të madh dhe të jetë gënjeshtar djellëzisht i mire. Ndërsa në jetën e përditshme, përkundrazi, gënjeshtrat shiten më lehtë, ngase aty vendimtare janë buzëqeshjet, prekjet, shikimet pa fjalë, madje edhe lotët etj… Eh sa gjëra jane!!!

Këtë shkrim po e përfundoj me thënien: "Nëse dikush më mashtron një here, më vjen keq për të, nëse më ka mashtruar edhe herën e dytë, atëherë faji duhet kërkuar brenda vetes".

[enderrimtarja]

Dashuri me interes.

LoooL dakord me ty dhe une. "Dashuri" me interes.

Dashuria ne internet eshte thjesht nje iluzion, nje genjeshter. Ne s'po njohim dot ate qe jeton 2 pallate larg nesh, po na e dredh sa here t'i teket do njohim ate qe eshte maj Amerikes, apo Anglise, apo Italise. Une personalisht nuk e konceptoj dot te dashurohem ne internet, s'du te perfundoj te lista atyre djemve qe nje here ne jave afishojne sa goca kane mashtru

[DI_ANA]

Interneti, sa i dobishëm dhe sa i dëmshëm?

Mendime nga studentët....

Dashuri në chat apo forum

Edhe mund të lindë, me kusht që të mos zgjasë pa fund komunikimi virtual për të kaluar më pas në atë real, për ta parë në sy njeriun me të cilin jemi njohur në internet, për ta prekur atë, për t’ia dëgjuar fjalët. Dhe nëse të gjithë këto komponentë, të sjellin kënaqësi në qenien e tij, atëherë ka shanse për të lindur një ndjenjë.. Pra nuk ka sesi të përjashtohet edhe kjo mënyrë njohjeje, sepse dashuria lind gjithandej, pavarësisht pengesave eventuale apo largësisë. Por sa e pranojnë të rinjtë e intervistuar këtë alernativë njohjeje dhe rëniejeje në dashuri? Po ata vetë e kanë provuar një eksperiencë të tillë? Këtë temë diskutimi e kemi hedhur ne të “Panorama”-s në një nga sitet shqiptare që ofrojnë forume. Kështu që përgjigjet janë me nickname.

Meri baby
Të njohësh një njeri nëpërmjet chatit në rrethana të një pamundësie për t’u parë dhe takuar edhe pse ato komunikojnë me fjalë shumë të bukura, për mendimin tim nuk mund të quhet aspak dashuri. Nëse vajzat që kanë komunikuar gjatë në chat apo në email me vajza dhe djem, kanë pretenduar se janë të dashuruara, kanë gabuar shumë. Kjo gjë vlen edhe për djemtë. Duket sikur kështu dashje apo pa dashje, biem në ato metodat e vjetra të fejesave në djep apo me mblesëri ku të rinjtë nuk e kishin parë kurrë njëri tjetrin dhe ishin të detyruar të martoheshin me apo pa dashjen e tyre. Një dashuri, që të lindë dhe të jetë e vërtetë, ka nevojë për një trekëndësh që i lidh gjërat thellësisht. Dhe ky trekëndësh është: Të parit ndër sy, të dëgjuarit e zërit në biseda të ndërsjellta, si dhe të prekurit qoftë edhe vetëm të duarve në atë distancë që t’i ndjehet aroma njëri-tjetrit. Pa qenë ky trekëndësh i realizuar, nuk mund të ketë lidhje dashurie të pastër njerëzore. Lidhje apo njohje të tjera do të ishin arkaike, të shekujve para mesjetës, gati shpellare.. Çdo njohje në chat deri më sot, sipas metodave moderne të perëndimit të cilët ofrojnë edhe shërbimin me video, nuk kanë dhënë rezultate të mira, madje të njohurit nuk kanë mbetur më as miq të thjeshtë chati. Dashuria lind në ato kushte ku ajo duhet të lindë, sepse nuk i ngjan një zamke që ngjit vend e pa vend.

Djali UK
Një dashuri në internet? Edhe mundet. Njoh njerëz që janë njohur nëpërmjet internetit, janë dashuruar dhe më pas janë martuar. Në fillim kur e mora vesh, m’u duk absurde dhe isha tërësisht kundër kësaj lloj njohjeje (në fakt ende jam) mirëpo e pashë edhe vetë që funksionoi. Megjithatë rasti rastit nuk i ngjan dhe do të thosha se miqësitë apo dashuritë virtuale, më tepër lëndojnë sesa shërojnë. Kjo varet nga personat, sa të sinqertë janë me njëri-tjetrin, sa të vendosur janë, sa janë mundësitë për t’u takuar, pasi shpeshherë largësia është një problem i madh. Mendoj se nuk është e thënë se ai që të përshpërit fjalë të ëmbla, me të vërtetë të dashuron. Madje do të thosha se edhe nëse të dashuron virtualisht, ka të ngjarë të mos të të dashurojë realisht. Thjesht mund të pësojë një zhgënjim, pasi në një farë mënyre ai ose ajo krijon një imazh në mendjen e vet dhe pret tjetrin të reagojë në përputhje me imazhin e krijuar. Për mendimin tim, një lidhje virtuale serioze, kërkon një sakrificë të madhe shpirtërore dhe më gjerë, veçanarisht kjo për ata që janë larg njëri tjetrit. Ka njerëz me vullnet që e bëjnë, por shumica jo. Gjithsesi më duhet tzë pranoj që virtuliteti është nj mjet që gjithnjë e më shumë po sjell pranë njerëzit.

Syri Blu
Ndjenja apo dashuria, nuk lind nga fjalët, megjithatë fjala i ndihmon të dyja palët pavarësisht se nuk janë pranë, për të krijuar atë komunikim shpirtëror. Ndjenja lidhet kundrejt një fytyre, personi fizik, por edhe kundrejt një nick name apo imazhi. Në mënyrë që dy persona të dashurohen nëpërmjet internetit, eksperiencat e tyre me fjalët që përdoren për të përshkruar këtë ndjesi, duhet të jenë pak a shumë të ngjashme, në mënyrë që të dyja palët të arrijnë komunikim më të qartë shpirtëror. Le ta spjegojmë më në detaje. Dashuria lind nga shikimi dhe komunikim. Shikimi mund të jetë me fotot, ëebcam ose realisht. Komunikimi mund të jetë me fjalë në chat, telefon apo në bisedë reale. Pra në momentin që plotësohen këto dy kushte, është normale që të bihet në dashuri. Gabimi qëndron tek disa persona që bien në dashuri vetëm me njërën nga këto. Kjo mënyrë sipas meje është e mangët dhe më vonë lidhja mund të sjellë zhgënjime. Dashuria e chatit është shumë klasike po të kthehemi mbrapsht në kohë dhe të kujtojmë sesi dashuronin princat të cilat i çonin letra damave, me fjalë dhe poezi të bukura të shkruara me pendë. Pra në këtë kuptim mund të themi se chati është njëra nga rrugët që të çon në dashuri, por që të arrish dashurinë reale vetëm me anë të chati-t, duket pak budallallëk. Kjo sepse dashuria arrin kulmin e saj kur ka objektivizëm dhe realitet të drejtëpërdrejtë duke kaluar edhe në fazat e intimitetit.

Marre nga "Iliria Plus"

[I_Thjeshti]

dashura ne internet ose si mund ta quajme ne nje bore (virtuale) jane si kepucet,, imban 1 muaj ste pelqejn me i hell.

[I_Thjeshti]

dashura ne internet ose si mund ta quajme ne nje bote (virtuale) jane si kepucet,, imban 1 muaj ste pelqejn me i hell,, ky eshte mendimi im.