Dashuria në internet!

[KaTaLiNa]

shumica e atyre qe kane E-mail adresa personat qe i kan ne regjister jan te gjinis se kundert dhe kur flasim me dike te gjinis se kunder patjeter qe do te vij edhe ndonje propozim per lidhje dhe keshtu njeher permes MSN e me pas vendosin te tekohen e nese u prin fati edhe martohen

a besoni qe mund te kete dashuri permes internetit?

[goldian]

po ka shume raste qe jane lidhur nepermjet internetit

[DI_ANA]

Po dashuria në "net"? A është kthyer edhe ajo tashmë në një gjë të zakonshme?

Shkëmbimit dashuror përmes internetit i kanë paraprirë dy etapa: dashuria e sjellshme, ajo lloj dashurie abstrakte me pamundësi absolute të kontakteve seksuale, që sigurisht nuk kishte këtë si qëllim kryesor dhe më pas karnavalet. Karnavalja është vetë interneti.

Na e shpjegoni pak më mirë.

Përdorimi i maskave dhe i veshjeve të ndryshme për të fshehur identitetin, krijimi i iluzionit se je dikush tjetër, vullneti për të guxuar e për të provuar atë që nuk do të guxonim ta kërkonim në kushtet normale kur kemi një fytyrë, një emër e një reputacion për të mbrojtur. Këto mundësi padukshmërie e tjetërsie t‘i ofron interneti. Në fakt, interneti nuk është i pari ofrues i mundësive të tilla. Ato ekzistonin edhe në karnavalet e famshme e të vjetra të Venecias, në Mesjetë.


Zhak Atali

Ekonomist dhe studiues francez.

[_Matrix_]

Kam qen i dhen mbas chatit ose me sakt i fiksuar ne njefar menyre dhe kam pasur kontakt me shum femra por ka rastisur qe shumica kan qen larg dhe nuk kan pasur mundesi te me takojne ne pergjithesi nuk kam gjetur ndonje goc sic mendoja dhe mendoj se jan thjesht fiksime dhe jo dashuri lidhjet virtuale

[_Matrix_]

keto dashurite ne internet jan budallallik pasi me teper esht humbje kohe sepse shum cuna ose goca mashtrojn fshehin identietin pasi vet bota virtuale nuk esht realitet dhe ka menyra ose vende te tjera per te krijuar nje lidhje

[JaCk_DaniELs]

Dashuri me interes.
Baj shaka Dashuri pa interes.

[DI_ANA]

Chat-i, një lojë e rrezikshme


Kujdes, personi që ju duket aq i ëmbël, mund të jetë një maniak

Gjithnjë dhe më shumë po rritet dëshira për të krijuar lidhje të reja dashurie, apo dhe njohje miqësie përmes botës së madhe të internetit. Dhe, ndërsa ky idil zhvillohet, ndryshon dhe përmirësohet në mbarë botën, të dhënat tregojnë se si po transformohet, duke u bërë tejet i rëndësishëm roli i komunikimit "on line" në një marrëdhënie në çift.
Janë me miliona "të droguarit" e internetit që kalojë çdo ditë me orë të tëra përpara kompjuterit, në kërkim të shpirtit të tyre binjak apo të tradhtive virtuale, ndërkohë që për shumë të tjera, dhomat e chat-it janë burimi kryesor i një marrëdhënieje. Rreth 30 për qind e çifteve të reja në vendet e Europës kanë lindur përmes web-it dhe dhomave të chat-it, duke u shndërruar në vendet më të mira për "takime" të këndshme, edhe gjatë orarit zyrtar të punës. Por kush janë këta "dashnorë" të zjarrtë dhe viktimat e tyre të internetit? Për të gjetur këtë mjafton të vërdallosesh një herë në rrjet dhe të dallosh tipat e ndryshëm që mund të gjesh. Mes "cybergirl" në kërkim të shoqërisë së re dhe argëtuese mund të gjesh "bashkëshorte të mërzitura", gra në moshën 30-40 vjeç, që janë në kërkim të lidhjeve sentimentale dhe pak "drithërimave" dhe dashurie "on line", vajza në kërkim të emocioneve të lehta, që hyjnë në dhomat e chat-it për të rriturit, ndoshta pak të shëmtuar apo të shëndoshë, që fshihen pas ekranit të kompjuterit dhe egos së tyre, dhe duke tentuar të vendosin lidhje të reja emocionale. Ndërsa mes Kazanovave të web-it, chat-it dhe siteve që u janë dedikuar tërësisht kësaj lidhjeje, shpesh mund të gjenden edhe të rinj që janë në kërkim të eksperiencës, apo të fiksuar pas kompjuterit, që qëndrojnë me orë të tëra në internet, duke u shkëputur edhe nga realiteti i botës së jashtme, duke u shndërruar në "bigamë të teknologjisë". Por ajo që, ndoshta, shumë herë dhe është e rrezikshme mes klientëve të rregullt të dhomave të chat-it, fshihen edhe maniakët seksualë, që janë në kërkim të viktimave të vërteta të dëshirave të tyre seksuale. Të dyja sekset, në internet, shpesh tërhiqen nga shija e së ndaluarës, nga lehtësia se si mund të krijosh një lidhje, të miqësohesh dhe më pas shkosh edhe më tej në dëshirat e tua, pa pasur nevojën të justifikohesh për fjalë apo sjelljet e tua dhe, mbi të gjitha, duke pasur mundësinë e jashtëzakonshme për të gënjyer me shumë lehtësi dhe pa u dalluar. Ajo që josh më shumë të gjithë personat e apasionuar me chat-in, është fakti se çdo ditë mund të jesh një person ndryshe. Pasi edhe në web ndonjëherë dashuria është ngritur mbi gënjeshtra.

Tradhtarët, të gjithë "on line"
Të fshehur pas një kompjuteri, ku nuk keni mundësi të jeni përballë personit me të cilin bisedoni, ndjeheni shumë të lirshëm në sjelljen dhe bisedën tuaj. Në lidhjet "on line" të shumta janë "tërheqjet fatale" të personave, që duket se janë shndërruar në Kazanovat e dashurisë, që kanë një të përbashkët, rrjetin e internetit. Ata të gjithë janë tradhtarë "on line", që duket se shumë herë janë shkaktarët kryesorë të dështimit të një pjese të madhe të martesave dhe bashkëjetesës në mbarë botën. Të dhënat pasqyrojnë rritjen e vazhdueshme të ndarjeve. Tashmë, tradhtia "on line" konsiderohet si një kërcënues jo edhe aq virtual i dashurisë. Ata që janë për "joshjen fatale", janë edhe më të fshehtë dhe të shpeshtë. Por në këto raste, ata nuk janë mësuar me tradhtinë, por vendosin të krijojnë këtë lidhje, edhe nëse prej shumë vitesh kanë një raport të qëndrueshëm, por nxiten nga frika se nuk janë më të dëshiruar apo jetojnë një jetë me të vërtetë të mërzitshme dhe monotone. Ankohen për mungesën e dialogut midis partnerit të tyre dhe kanë nostalgji për rrahjet e forta të zemrës kur bien në dashuri. Të gjitha këto janë nxitësit që i shtyjnë drejt dhomave të çatit kur mund të flirtohet virtualisht, pa tradhti fizike. Shpesh është një ambient i panjohur, por tërheqës, me anë të të cilit mund të arratisesh nga jeta e përditshme, por edhe mund të rikthehesh në të, sikur të mos ketë ndodhur gjë. Dhe një ditë ata tërhiqen nga një person që stimulon egon e tyre. Një histori që transformon burra dhe gra, që janë indiferentë ndaj partnerëve të tyre, duke tentuar të luajnë në internet. Por jo të pakta janë rastet kur krijohen persona që transformohen në Kazanova koleksionistë, që janë gjithnjë në kërkim të diçkaje të re, që nuk kënaqen nga jeta e tyre, duke rendur sa në një dhomë chat-i, në tjetrën. Por krijimi i një jete të dyfishtë nuk është aspak zgjidhje për problemet personale, qoftë edhe nëse në internet ke arritur të gjesh dashurinë dhe shpirtin binjak. Në një rast të tillë, idealja është marrja e një vendimi konkret, për të përcaktuar rrjedhën e jetës. Por për të gjitha rastet dhe tipat e personave që mund të gjenden në këto dhoma bisedimesh web-i, përfaqëson një mënyrë më pak përfshirëse dhe që të mban lidhur, por edhe mënyrën më të sigurtë për të njohur njerëz të rinj dhe të arratisesh nga realiteti. Megjithëse realiteti është pothuajse një tjetër.

Erosi pushton internetin
Vitet e fundit erosi ka pushtuar internetin dhe, jo në sensin e informacionit që mund të gjendet në të, por forumet e shumta që janë kthyer në fole dashurie për shumë çifte. Në realitetin e ri, realitetin virtual, çdo ditë lidhen gjithnjë e më tepër njerëz. Komunikimi i drejtpërdrejtë përmes përdoruesve të internetit kudo nëpër botë i mënjanon largësitë gjeografike dhe ofron liri të plotë të të shprehurit. Shkëmbimi i mendimeve, ideve, qëndrimeve, bën që njerëzit të afrohen, të çlirohen nga pakënaqësitë, paragjykimet dhe paaftësitë që shfaqen në komunikimet "sy më sy". Kjo mënyrë po kthehet në diçka ideale për dashuritë e reja dhe lidhjet mes dy njerëzve. Ndërkohë që vetë psikologët dhe sociologët shprehen se dashuria përmes internetit është një fenomen i ri ende i pastudiuar.

Si lidhen njerëzit?
Të marrësh një e-mail apo të lidhesh duke përdorur internetin si ndërmjetës, nuk është aspak e vështirë. Mjafton të mbylleni në forume të ndryshme, ku gjenden grupe të ndryshme personash që diskutojnë në dhomat e bisedimit dhe menjëherë do të krijoni njohje të reja. Ndërsa hapi i dytë do të jetë një sërë letrash elektronike në e-mail-in tuaj.
Kështu, gjithçka fillon me një bisedë të thjeshtë rreth një teme me një person, fillimisht të panjohur për ju dhe, natyrisht, nëse ajo bisedë bëhet interesante, vendoset që me të përsëritet komunikimi në mënyrë të vazhdueshme dhe të rregullt. Dhe numri i partnerëve potencial për biseda të tilla është i pafund. Shumë njerëz mendojnë se dashuria përmes internetit është kurth dhe për një gjë të tillë nuk duhet diskutuar. Pa marrë parasysh se kush ndodhet në anën tjetër të rrjetit, pa marrë parasysh përmbajtjen e letrave, deklaratat, ajo që dimë për personin tjetër është vetëm informacioni që është marrë përmes letrave të tij elektronike. Shumë njerëz mendojnë se të dashurohesh përmes internetit pa e njohur fizikisht një person, është e njëjtë sikur të dashurohesh pa sy e veshë, pasi gjithçka paraqet rezultatin e imagjinatës dhe frazave të thurura me mjeshtri. Por a është vërtet kështu? Një nga karakteristikat themelore të komunikimit përmes internetit është anonimiteti. Kjo mundëson lirinë e të shprehurit, të qëndrimeve, ideve dhe paraqet bazën e njohjes së njerëzve. Njohja mund të vijë shpjet, mund të kesh mundësinë të njohësh personalitetin e tij, karakterin, ndjenjat, mendimet, dëshirat etj.... Por gjithçka, dhe imazhi që krijohet në mendje është mbi bazë të asaj që thotë dhe shkruan personi që gjendet në anën tjetër të lidhjes. Kryesore në komunikimet mes njerëzve përmes kompjuterit janë fjalët. Megjithatë gjithçka duhet të merret me rezerva. Dhe, ndërsa disave ky lloj komunikimi elektronik u ofron mundësinë e lirisë së të shprehurit të mendimeve, sinqeritetit, guximit, disa të tjerëve u ofron mundësinë për të thurur gënjeshtra, për të mashtruar apo trilluar.

Defektet që meshkujt pëlqejnë te femrat
Nëse nuk jeni perfekte, nuk duhet të shqetësoheni

Gjoks i vogël, vithe të gjera dhe të mëdha dhe celulit. Çdo femër që do të shihte në pasqyrë këto defekte, nuk do të arrinte t´i duronte, madje mund ta urrente gruan që shihte përballë në pasqyrën e dhomës së saj. Por të shumtë janë meshkujt që defektet e partnereve të tyre i konsiderojnë si shumë joshëse dhe provokuese. Shpesh burrat adhurojnë që gratë të jenë pak topolake dhe linjat pak të rrumbullakosura, në fakt, transmetojnë një ndjesi pronësie tepër të thellë. Sipas psikologëve, shpesh gratë ankohen për defektet e tyre fizike. Por për një mashkull, vithet e mëdha dhe të gjera janë shumë ekzistuese dhe seksi. Të zhysësh duart në linjat e buta femërore sjell një kënaqësi të pamasë për meshkujt. Të pasmet e grave që janë të mbushura, i sjellin në mendje burrit ngrohtësinë amësore dhe sigurinë e një strehe, shpjegojnë psikologët. Edhe celuliti shkakton te shumë meshkuj një tërheqje të madhe. Ta përqafosh dhe shtrëngosh partneren e shëndoshë, edhe kur ajo ka celulit apo shumë defekte, i krijon meshkujve një ndjesi të thellë zotërimi dhe pronësie, u jep idenë e zotërimit të trupit të tyre dhe "shfrytëzimin" e tij sipas dëshirës, gjë që nxit dhe zgjon fantazinë tipike të seksit të fortë, atë të pronësisë.
Edhe një dekolte e madhe, që më shumë nxjerr në pah një gjoks të vogël, është një motiv intrigues për meshkujt. Tek ata nxitet ideja se kanë përpara një grua-fëmijë, që ka nevojë për ndihmë dhe mbrojtje dhe ata janë të vetmit që mund ta bëjnë këtë. Në këtë mënyrë dhe me këto karakteristika të gruas, mashkulli ndjehet i fuqishëm, procese këto që ndodhin në mënyrë të pandërgjegjshme. Edhe pushi i lëkurës së trupit që shumë femra e kanë një problem të madh, nga një numër i madh meshkujsh konsiderohet si një burim kënaqësie. Lëkura është një nga burimet kryesore të aromës natyrale të trupit të një femre dhe falë këtij pushi feromonet që lëshon trupi i femrës e joshin dhe e eksitojnë tej mase mashkullin. Ndërkohë që, kjo pjesë konsiderohet edhe si mbulesa e mistershme e gjenitaleve femërore, një pjesë tërheqëse për seksin tjetër. Me pak fjalë, tashmë ka ardhur koha kur gratë nuk duhet të shqetësohen më për defektet e tyre, nuk duhet të jetojnë me ankth apo të vrasin mendjen se çfarë të bëjnë sa herë që shohin veten e tyre në pasqyrë. Tani defektet e tyre fizike janë ato detaje të vogla që bëjnë pjesë të personalitetit të tyre dhe që falë të cilave partneri i tyre i dashuron çdo ditë edhe më shumë.

Përgatiti
Anilejda Gjeta Gazeta Albania

[PYETESORI]

mos e provoni se sja vlen vetem do vrisni ndjenjat e tuaja

[Erlebnisse]

hahaha u kenaqa duke e elxuar kete teme si per permbajtjen qe ka edhe per komentet qe i jane bere. Une per vete nuk e di cfare do te ndodhte me nje dashuri virtuale, por besoj se si njerez jemi po ne e prandaj eshte e njejta gje si ne realitet besoj edhe se me pak veshtiresi per shkak te largesise etj.
Jam shume dakort me te gjitha pikat e mira e te keqija te virtualitetit.
Bravo Di_Ana

[NoCi]

eshte ber dashuria ne internet si puna telefonit jo du jo mdo.


PS: ne te dashurohen interneti te afron interneti te largon



Personalisht mendoj qe eshte thjesht kalim kohe .