Ari Haan, pas largimit "vjell vrer" ndaj kuqezinjve e FSHF-së

[Flori]

Ekzekutivi i FSHF-së i ka besuar holandezit stolin e Kombëtares për këtë edicion



Ari Han, holandezi 59-vjeçar, tashmë mund të cilësohet zyrtarisht si trajneri i përfaqësueses shqiptare. Ish-mesfushori i famshëm i Ajaksit e Holandës, tashmë do të drejtojë nga pankina kuqezinjtë, duke u bërë trajneri i 19-të i Kombëtares shqiptare. Komiteti Ekzekutiv ka miratuar dje menjëherë emrin e teknikut me të cilin ishte arritur akordi parimor që dy ditë më parë, pas bisedimeve që presidenti i FSHF-së, Armand Duka, zhvilloi me të në Vjenë. Për Han është bërë gati një kontratë dyvjeçare, e cila fillon më 1 janar të vitit 2008 dhe përfundon më 31 dhjetor të vitit 2009, ndërsa firma në letër do të hidhet vetëm në ditët e para të janarit, kur ai të vizitojë Shqipërinë si trajneri i ri i Kombëtares. Objektivi i tij kryesor do të jetë të sigurojë vendin e katërt në grupin e eliminatoreve të Botërorit 2010, ku përkrah Shqipërisë bëjnë pjesë Portugalia, Suedia, Danimarka, Hungaria dhe Malta. Në të njëjtën kohë atij i është kërkuar që të vazhdojë procesin e rinovimit të kuqezinjve, të nisur nga paraardhësi i tij, Oto Bariç.

"Ari Han është një emër shumë i madh i futbollit holandez. Të gjithë e njihni dhe i mbani mend golat e shënuar në Botëror. Ai është një trajner i kompletuar, një ish-futbollist mjaft i njohur dhe me mjaft arritje. Për të zgjedhur trajnerin e ardhshëm të Kombëtares, pas të gjitha kandidaturave të paraqitura deri më sot, është ndjekur një rrugë bisedimesh që i kam zhvilluar bashkë me zv/presidentin Bujar Kasmi. Në mbledhjen e Komitetit Ekzekutiv diskutuam të gjitha kandidaturat dhe vendosëm, duke pasur parasysh edhe buxhetin e përcaktuar për këtë sektor. Mund të them se zgjedhja jonë ishte për Ari Han, i cili do të jetë trajneri i Kombëtares shqiptare për këtë edicion", u shpreh pas mbledhjes së djeshme të Ekzekutivit, kreu i FSHF-së, Armand Duka. Ai ka sqaruar edhe disa nga detajet e kontratës, ndërsa ka shtuar se për siguri me të do të nënshkruhet një parakontratë, e cila do t‘i niset menjëherë me e-mail, ndërsa firma në kontratën e tij do të hidhet vetëm në ditët e para të janarit. "Kemi vendosur që përveç rrogës, për trajnerin të përdoren edhe shpërblimet, të cilat do të jenë në bazë të pikëve që do të fitojë ekipi. Në të njëjtën mënyrë do të veprohet edhe për futbollistët e stafin e Kombëtares. Këto shpërblime do të jepen nga një buxhet i paracaktuar në fillimin e vitit nga Asambleja e FSHF-së. Këto ditë do të bëhet edhe përcaktimi i objektivave të përbashkëta, ndërsa do të diskutojmë për grumbullimet e Kombëtares në muajt e parë të vitit. Do t‘i dërgojmë atij menjëherë nëpërmjet e-mailit një parakontratë që do të firmoset nga z. Han, ndërsa kur të vijë në Shqipëri do të hidhet firma në kontratë. Kemi folur me trajnerin në Vjenë dhe e kemi bërë një gjë të tillë edhe pas vendimit të Komitetit Ekzekutiv. Kemi arritur një akord, ndaj nuk mendoj se do të ketë ndryshime", u shpreh Duka para mediave. Sipas burimeve pranë FSHF, është mësuar që kontrata e Han do të jetë 240 mijë euro për këtë edicion në drejtimin e Kombëtares shqiptare.

© Gazeta Shqip - 27/12/2007

[Flori]

Komiteti Ekzutiv i FSHF-se ne mbledhjen e rradhes pasi eshte informuar me kanditaturat per postine trajnerit te ekipit kombetar ka marre vendimin se per sezonin e ndeshjeve eleminatore te Kupes se Botes 2010 trajner i perfaqsueses se Shqiperise do te jete z.Ari Haan. Trajneri Holandez do te kete nje kontrate 2 vjecare me Federaten Shqiptare te Futbollit.Ne ditet e para te muajit Janar trajneri i kombetares Shqiptare do te mberrije ne Tirane per te firmosur zyrtarisht kontraten me Presidentin e FSHF-se z.Armand Duka dhe per te bere prezantimin me mediat.



Karriera si trajner

Korrik 1984-dhjetor 1985, Antverp (Belgjikë)

Janar 1986-qershor 1987, Anderleht (Belgjikë)

Korrik 1987-mars 1990, Shtutgard (Gjermani)

Korrik 1990-qershor 1991, Nuremberg (Gjermani)

Korrik 1991-dhjetor 1993, Standard Liezh (Belgjikë)

Korrik 1995-tetor 1995, PAOK (Greqi)

Tetor 1995-tetor 1997, Fejenord (Holandë)

Dhjetor 1997-shtator 1998, Anderleht (Belgjikë)

Shkurt 1999-dhjetor 1999, PAOK (Greqi)

Nëntor 2000-dhjetor 2000, Omonia (Qipro)

Mars 2001-gusht 2001, Austria Vienë (Austri)

Dhjetor 2002-nëntor 2004, Kombëtarja e Kinës

Shkurt 2006-gusht 2006, Persepolis (Iran)

Gusht 2006-shkurt 2007, Kombëtarja e Kamerunit

[FSHF.org]

[Flori]

Trajneri i ri, 5 mijë euro për çdo pikë të marrë

Trajneri i ri i Shqipërisë, Ari Han do të ketë një rrogë fikse prej 200 mijë eurosh në edicion. Gjatë bisedimeve që ka pasur pak ditë më parë me presidentin e FSHF-së në Vjenë, ai ka kërkuar 300 mijë euro, por Duka i ka bërë të qartë se nuk ishte i gatshëm që të paguante aq. Kreu i ederatës ka arritur një marrëveshje që përveç rrogës fikse të ketë edhe shpërblime, për çdo pikë të marrë. Nëse arrin objektivat të ardhurat gjatë një edicioni për trajnerin e ri mund të shkojnë deri në 260 mijë euro. Megjithatë, drejtuesit e Federatës nuk kanë dashur të bëjnë publike se sa lekë do të përfitojë tekniku për çdo pikë të marrë. Burime të sigurta pranë FSHF-së bënë të ditur se nëse Han arrin të grumbullojë deri në 12 pikë, atëherë shpërblimet mund të shkojnë deri në 60 mijë euro, çka do të thotë se vetëm për një pikë ai do të ketë premio pesë mijë euro. “Po, është e vërtetë që sistemi i pagesës së trajnerit nga ndryshuar, në krahasim me teknikët e mëparshëm do të paguhet me në të një sistemi premios, ku për çdo pikë të marrë do të ketë një shpërblim të caktuar”, tha presidenti i FSHF-së.

Kjo është menduar si një shtysë për të motivuar trajnerin maksimalisht për të marrë sa më shumë pikë gjatë një edicioni.

Hasi: Han, trajneri më i madh që ulet në stolin e Shqipërisë
Besnik Hasi mendon se Federata Shqiptare e Futbollit ka bërë
një zgjedhje të shkëlqyer me Ari Han, duke e cilësuar atë si
trajnerin më të madh që është ulur në stolin e përfaqësueses shqiptare. “I bëj komplimente FSHF-së për zgjedhjen e Ari Hanit. Është një trajner i madh, me një ksperiencë të madhe mbi supe si lojtar, por edhe si trajner. Ai ka drejtuar edhe Anderlehtin, madje është shpallur kampion me këtë skuadër dhe gjatë kohës që unë luajta me këtë skuadër vura re se përmendej shpesh emri i tij dhe se gëzonte një autoritet të jashtëzakonshëm. Mendoj se është padyshim trajneri më i madh që është ulur në stolin e përfaqësueses shqiptare”, ka thënë Hasi për “Panorama Sport”. Ish-mbrojtësi i Kombëtares shqiptare ka zbuluar se është një simpatizant i shkollës holandeze të futbollit dhe i trajnerëve holandezë. “Më ka pëlqyer gjithnjë që të punoj me ndonjë trajner holandez në Kombëtare dhe më vjen keq që ai erdhi tani, kur unë jam larguar ga përfaqësuesja. Gjithnjë i kam vlerësuar maksimalisht teknikët holandezë, sepse kanë një vizion të shkëlqyer për lojën dhe shumica e tyre parapëlqejnë lojën ofensive dhe atë spektakolare”, tha Hasi.

Panrama Sport

[OO7]

ZEFFFFFFFFFFFFFFFFFFFFFFFFFFFFFFFFFFFFFFFFF copy paste i kishe cu ke Sporti Shqiptar keto mo. Do tki ne goje mos harro

[Qyfyre]

Me mire se trajneri qe kishim nuk do gjejm, ai plak por ama plak ne loje per shum vite, plus qe kishte nje taktike qe une e rrespektosha, taktika e mos patjes frike, cdo her ne sulem kishte nga dy veta edhe kur ishim ne avantazh.

Bravo trajnerit te vjeter, edhe ishalla po ecen mire ky i riu.

po ca beri ai trajner? 11 pike?

Me mire ishte Briegel se Baric

Ishalla eshte ky me mire akoma.

[Qyfyre]

Po shqiptaret mbaruan qe na u desht edhe nje deshtim i huaj? Sa te pacipe jane ato te FSHF, pas skandaleve qe na bene me shitjne e nderit te kombit, tash na morren perseri nje te huaj qe t'a manimulojne me lehte. Turp.

manipulohet me kollaj nje i huaj se nje shqiptar?

[DYDRINAS]

Dy gola te paharrueshem te Arie Haan, kur luante me kombetaren hollandeze:


http://www.youtube.com/watch?v=nWfKeSfEFOs

[Qyfyre]

Dy gola te paharrueshem te Arie Haan, kur luante me kombetaren hollandeze:


http://www.youtube.com/watch?v=nWfKeSfEFOs

ishalla u mso dhe ktyre tonve t bejn gola si ata

[Cimo]

Han: “Jo futboll total, por praktik”

Intervistë ekskluzive: Pas përfundimit të ceremonisë së prezantimit zyrtar dhe nënshkrimit të kontratës që do ta lidhë trajnerin holandez për 2 vjet me Shqipërinë, “Albania-sport.com’, arriti t’i marrë një intervistë ekskluzive Ari Hanit, ku bisedoi me të për temat më të nxehta të Kombëtares.

Zoti Han, së pari urime për detyrën e trajnerit të Kombëtares së Shqipërisë, e treta pas dy eksperiencave të para me Kinën dhe Kamerunin.

Faleminderit. Për të qenë i sinqertë, mbeta i kënaqur me pritjen në Shqipëri.

Më 6 janar do të përcaktohet edhe shorti i grupit tonë eliminator për Botërorin 2010, cilin nga pesë kundërshtarët e Shqipërisë do të dëshironte Han në ndeshjen hapëse?

Për mua do të jetë e rëndësishme, që tre nga pesë ndeshjet e parë t’i luajmë në shtëpi (Shqipëri), ku dhe do të kishim mundësi të bënim më shumë pikë, për të arritur qysh në xhiron e parë një pozicion më të mirë në renditje.

Në ndeshjen e parë të tyre paraardhësit tuaj kanë rezultuar të suksesshëm: italiani Dosena barazoi me Zvicrën (1-1), gjermani Brigel fitoi me Greqinë (2-1) dhe kroati Bariç barazoi me Bjellorusinë (2-2) në transfertë. Juve personalisht çfarë rezultati nga ndeshja e parë?

Sigurisht që kjo varet edhe nga kundërshtari, por nëse takimi i parë do të luhej në Tiranë, kushdo që të ishte ai, do të doja rezultat pozitiv. Unë besoj se ne kemi kohën e mjaftueshme për të përgatitur me kujdes dhe për të hedhur në fushë formacionin më të mirë të momentit. Unë shpresoj se pas zhvillimit të ndeshjeve miqësore unë do të kem arritur të njoh shumë mirë lojtarët dhe skuadrën në tërësi.

Ju vini nga një shkollë e madhe futbolli si ai holandez, ku keni arritur të jeni si lojtar edhe nënkampion i Botës, ndërkohë që jeni shpallur disa herë kampion i Europës me Ajaksit. Ndryshe nga ai holandez futbolli shqiptar është më pak i njohur në arenën ndërkombëtare, por për eliminatoret e Euro 2008 e vuri jo pak në vështirësi Holandën në të dy takimet. Cili është opinioni më i ri i trajnerit të Shqipërisë për të dyja skuadrat?

Ndryshimet janë të dukshme, por diferenca është duke u reduktuar shumë. Natyrisht në 40 vitet e fundit Holanda bën pjesë në skuadrat e mëdha, por futbollin njeh rritje cilësore në të gjitha nivelet e skuadrave. Shqipëria ishte shumë mirë në atë ndeshje, nuk luajti aspak keq.

Le të kthehemi pikërisht 40 vjet më parë. Një histori që u lidh edhe me Shqipërinë, keni qenë pjesë e skuadrës së Ajaksit që luajti kundër 17 nëntorit. Çfarë kujtoni?

Unë kam luajtur kundër kampiones së Shqipërisë (17 Nëntorit) në vitin 1970 dhe ende kujtoj se Ajaksi, edhe pse fitoi Kupën e Kampioneve (të edicionit) 1970-1971 vuajti jo pak në Tiranë, kur barazuam 2-2 në një ndeshje vërtet shumë të vështirë dhe u kualifikuam falë fitores në Amsterdam (2-0). Duhet të kujtoni se në atë kohë ishte në kulmin e tij dhe zhvillonte ndoshta futbollin më të bukur në Europë. I kujtoj shumë mirë ato ndeshje. Isha një futbollist i ri asokohe (22 vjeç).

Ju njiheni si një kritik i madh i Marko van Bastenit. Përse ky qendrim ndaj trajnerit aktual të Holandës?

Sigurisht që çdo kush ka mendimin e tij dhe gjykimin e tij të pavarur për një trajner të caktuar. Kritikat e mia nuk janë të tanishme, por kanë nisur disa vite më parë dhe unë i kam bërë ato publike dhe në televizionin holandez. Unë ruaj mendimin se ai nuk ka njohuri të mira taktike për vendosjen e lojtarëve, sidomos në vendosjen e Shnajderit, kur ai e vendoste atë në një rol më tepër prapa, ndërkohë që ai mund të jepte më shumë në një pozicion më të avancuar. Gjithsesi, unë kam mendimin tim, ai (Van Basten) ka të vetin.

Shqiptarët presin nga trajneri Han një model të futbollit total, që ju keni aplikuar me Holandën në vitet 1970. Sa i përgatitur është Han për ta aplikuar këtë sistem me Kombëtaren shqiptare?

Së pari më duhet në detaj cilësitë dhe kualitetin e lojtarëve, dhe pastaj do të vlerësoj se nëse ia vlen të përpiqem ta aplikoj atë apo jo. Nga eksperiencat e mia të mëparshme si trajner i ekipeve kombëtare (Kinë dhe Kamerun), duhet të kesh një grup të përgatitur shumë mirë fizikisht, por dhe të kesh lojtarë goli.

Kjo varet edhe nga kundërshtari ndaj të cilit do të luash. Holanda e viteve 1970 kishte një grup të jashtëzakonshëm lojtarësh dhe mund ta realizonte atë.

Shqipëria vuan nga mungesa e finalizimit, a do ta vendosë theksin në sulm Ari Han?

Rezultatet pozitive vinë vetëm kur shënon dhe unë do të punoj shumë për këtë aspekt. Jam në dijeni të statistikave të lojtarëve kryesorë të Shqipërisë dhe unë do të preferoja më shumë një futboll praktik.

albania-sport.com

[Davius]

Po shqiptaret mbaruan qe na u desht edhe nje deshtim i huaj? Sa te pacipe jane ato te FSHF, pas skandaleve qe na bene me shitjne e nderit te kombit, tash na morren perseri nje te huaj qe t'a manimulojne me lehte. Turp.

Ehhhh mirë e paskam pasur unë...