Gazeta elektronike sportive: "FUTBOLLI" - (Nr:4)

[RaPSouL]

Chelsea lë Ballackun jashtë Ligës së Kampionëve


E ardhmja e Michael Ballakut në Chelsea është vënë në dyshim serioz, pasi që kapiteni i Gjermanisë është lënë jashtë skuadrës blu, për fazën e grupeve të Ligës së Kampionëve.


Klubi nga Stamford Bridge lidhur me këtë vendim, është arsyetuar me lëndimin e gjurit të lojtarit, por trajneri kombëtar i mesfushorit, Joachim Loew, ka konfirmuar se Ballack është tërësisht i rikuperuar nga lëndimi dhe dy operacionet që i kishte pasur.

“Mund të konfirmojmë se Michael Ballack nuk është përfshirë në listë për fazën e grupeve”, ka bërë të ditur klubi. “Për fat të keq lëndimi aktual i Michaelit ishte arsye që ne nuk mund të garantonim praninë e tij në pjesën më të madhe të fazës së grupeve. Natyrshëm ne shpresojmë që rikthimi i Michaelit të bëhet sa më shpejt që është e mundur”.

Por, bossi i Gjermanisë pret që Ballack të kthehet për kualifikimet Euro 2008 në tetor, kundër Irlandës dhe Republikës Çeke. “Lëndimi ka kaluar dhe ai po kthehet në formë çdo ditë”, ka thënë Loew.

Shqetësimi më i madh për 30-vjeçarin do të jetë fakti që Chelsea e la atë jashtë listës, duke vendosur të regjistrojë vetëm 23 lojtarë, derisa kanë të drejtë të paraqesin 25.

Lajmet më të mira janë për Andriy Shevchenkon, i cili është përfshirë në listë, edhe pse nuk ka luajtur për klubin gjatë këtij sezoni. Chelsea gjendet në grupin B së bashku me Valencian, Schalke dhe Rosenborg.

[RaPSouL]

Reyes kërkon vend në ekipin startues të Atleticos

Jose Antonio Reyes ka thënë se është i befasuar me mosangazhimin e tij më të rregullt në Atletico Madridin gjatë këtij sezoni, por është i vetëdijshëm se duhet të punojë shumë për të fituar vend.



24-vjeçari kaloi në Vicente Calderon nga Arsenali, gjatë kësaj vere, pasi që refuzoi Realin, ku ishte i huazuar një sezon. Pavarësisht faktit që nuk është kyçur direkt në ekipin e Javier Aguirret, Reyes e din se ka një mënyrë për të impresionuar trajnerin meksikan dhe të fitojë vend në ekipin e parë.

“Pres të luaj më shumë, por kjo është zgjidhje e trajnerit”, ka thënë ai. “Në ndeshjen e ardhshme shpresoj të jem në ekipin fillestar. Më duhet të punoj që të jem 100% i gatshëm dhe pastaj të fitoj vend në ekip”.

Reyes nuk është përfshirë nga trajneri Luis Aragones në ekipin e Spanjës për ndeshjet e ardhshme kualifikuese për Euro 2008, por e din se nuk mund të presë thirrje deri sa nuk dëshmohet në Atletico.

“Do të ishte një kthim i shkëlqyeshëm në ekipin e Spanjës. Por për këtë më duhet të luaj mirë për ekipin tim të ri. Më duhet të jap më të mirën për Atletico Madrid dhe më pastaj mund të marr në konsideratë ekipin kombëtar”.

[RaPSouL]

Wenger nënshkruan kontratë të re me Arsenalin


Trajneri i Arsenalit, Arsene Wenger, pritet ta bëjë publik nënshkrimin e kontratës së re me klubin, gjatë konferencës së nesërme të shtypit.
Francezi ka statusin e legjendarit në Londrën veriore, mirëpo kontrata e tij e re ishte zvarritur gjatë sezonit të kaluar - megjithëse ai gjithmonë është zotuar se do t’i qëndrojë besnik klubit - të cilit i ka dhënë sukses të pashembullt.

Wenger, 57-vjeçar, është në Arsenal që dhjetë vite dhe e ka transformuar atë në një prej ekipeve me futbollin më atraktiv në botë.

Pas largimit të emrave kyç si Patrick Vieira dhe Thierry Henry dhe dominimit të rivalëve Manchester United dhe Chelsea, u spekulua edhe për largimin e Wengerit, sidomos pasi që edhe miku i tij i afërt dhe aleati, David Dein, lëshoi klubin.

Por ai ka insistuar se është i lumtur të punojë me gjithë këto ndryshime dhe ka mohuar se çfarëdo lloj vendimi që do të marrë, do të mund të ndikohej nga thashethemet.
“Unë jam i fokusuar në atë çfarë është e mirë për ekipin. Gjithçka tjetër që ndodh nuk më shqetëson”, ka thënë ai.
Viteve të fundit Wenger është lidhur edhe me kalim tek Real Madrid dhe Barcelona.

[RaPSouL]

Ancelotti junior dhe Pato paraqiten kundër Kievit

Davide, djali i trajnerit, Carlo Ancelotti, po ashtu është përfshirë në skuadrën e Milanit për ndeshjes e sotme kundër Dinamo Kievit, krahas të riut Alexandre Pato.
Davide Ancelotti, 17-vjeçar, është një prej mesfushorëve të dalë nga Milani, dhe pas mungesave të shumë sendorëve, për shkak të ndeshjeve me kombëtaret e tyre, ka fituar shansin të tregojë aftësitë e tij në ndeshjen e sotme miqësore.

Kjo do të jetë një nën-subjekt interesant, derisa temë kryesore pa dyshim do të jetë debutimi i brazilianit, Alexandre Pato. Rreth këtij të fundit Ancelotti ka thënë: “Ai do të jetë pjesë e ndeshjes, të shpresojmë se ai do të kyçet mirë me ekipin. Sidoqoftë do t’i japim kohën e duhur për të treguar veten”.

“Jemi të lumtur që ka arritur. Ai do të jetë në gjendje të luajë shumë miqësore, veçanërisht gjatë pauzave për shkak të ndeshjeve ndërkombëtare. Me siguri do të tregojë diçka nga klasi i tij. Ai është një sulmues i vërtetë, ai luan në qendër dhe është shumë i shpejtë”.

[RaPSouL]

Ronaldinho emërton pesë lojtarët më të mirë në botë

Në një intervistë për revistën britanike “FourFourTwo”, Ronaldinho i ka zgjedhur tre nga bashkëlojtarët e tij, në listën e pesë lojtarëve më të mirë në botë, por jo edhe Samuel Eto’on.
Në listën e tij, me pesë lojtarë më të mirë, Ronaldinho ka gjetur vend për tre bashkëlojtarët e tij, duke mos e përfshirë aty veten e as Samuel Eto’on. Ata dy kanë pasur ca mosmarrëveshje në të kaluarën, por duket se refuzimi ka ardhur si pasojë e mungesës së hapësirës.

Ai ka gjetur vend për lojtarin e Manchester United, Cristiano Ronaldon, dhe atë të Milanit, Kaka, që janë të vetmit lojtarë që nuk janë të Barcelonës në këtë pesëshe. Nga klubi i tij ai ka zgjedhur sulmuesit Thierry Henry dhe Lionel Messi si dhe mesfushorin Deco.

Ronaldinho gjatë intervistës ka gjetur edhe disa fjalë lavdëruese për Henryn, duke thënë: “Nëse Arsenal është bërë në një prej ekipeve më të mira në botë, kjo është falë tij”. Ndërsa, bashkëvendësin Kaka e ka përshkruar si “lojtar të kompletuar”.

[RaPSouL]

McClaren nuk mund të llogaris as në Hargreavesin

Përzgjedhësi i kombëtares angleze, Steve McClaren, për ndeshjet vendimtare kualifikuese për Kampionatin Evropian 2008, nuk mund të llogaris as në shërbimet e Owen Hargreavesit.
Aloja e Manchester Unitedit sipas të gjitha gjasave do ta huq ballafaqimin e së shtunës, kundër kombëtares së Izraelit, për shkak të lëndimit të tetivave të gjurit.

Hargreaves, pas lojtarëve Foster, King, Neville, Campbell, Woodgate, Bridge, Dyer, Lennon, Lampard, Beckham e Rooney, është futbollisti i dymbëdhjetë i lënduar i kombëtaren angleze, ndërsa duhet përmendur që edhe Peter Crouch është i suspenduar.

Hargreaves nuk është duke trajnuar që dy ditë dhe gjasat janë të vogla që ai të paraqitet të shtunën në njëmbëdhjetëshin e Steve McClarenit, i cili duhet të mund Izraelin nëse dëshiron që të mbetet trajner i kombëtares angleze.

Hargreaves ka ndier dhimbje në gju që prej të martës, derisa dje ajo është përkeqësuar edhe më tepër. Ka shumë gjasë që atë do ta zëvendësojë lojtari i Aston Villas, Gareth Barry.

[RaPSouL]

MekKlaren-Benitez, një duel për Xherard

Trajneri i Anglisë StivMekKlaren dhe ai i Liverpulit Rafa Benitez, janë përfshirë në një seri polemikash në distancë për grumbullimin në kombëtare të Stiven Xherard. Kapiteni i Liverpulit ka një frakturë në gishtin e këmbës dhe Benitez insiston që ai të mos aktivizohet në sfidën decizive me Izraelin më 8 shtator, por MekLaren nuk ka ndërmend të heqë dorë.

[RaPSouL]

Reyes kërkon vend në ekipin startues të Atleticos

Jose Antonio Reyes ka thënë se është i befasuar me mosangazhimin e tij më të rregullt në Atletico Madridin gjatë këtij sezoni, por është i vetëdijshëm se duhet të punojë shumë për të fituar vend.



24-vjeçari kaloi në Vicente Calderon nga Arsenali, gjatë kësaj vere, pasi që refuzoi Realin, ku ishte i huazuar një sezon. Pavarësisht faktit që nuk është kyçur direkt në ekipin e Javier Aguirret, Reyes e din se ka një mënyrë për të impresionuar trajnerin meksikan dhe të fitojë vend në ekipin e parë.

“Pres të luaj më shumë, por kjo është zgjidhje e trajnerit”, ka thënë ai. “Në ndeshjen e ardhshme shpresoj të jem në ekipin fillestar. Më duhet të punoj që të jem 100% i gatshëm dhe pastaj të fitoj vend në ekip”.

Reyes nuk është përfshirë nga trajneri Luis Aragones në ekipin e Spanjës për ndeshjet e ardhshme kualifikuese për Euro 2008, por e din se nuk mund të presë thirrje deri sa nuk dëshmohet në Atletico.

“Do të ishte një kthim i shkëlqyeshëm në ekipin e Spanjës. Por për këtë më duhet të luaj mirë për ekipin tim të ri. Më duhet të jap më të mirën për Atletico Madrid dhe më pastaj mund të marr në konsideratë ekipin kombëtar”.

[RaPSouL]

Pato i gatshëm për debutimin miqësor

Pato sot do të bashkohet në trajnim me ekipin e parë të Milanit. Talenti i ri brazilian, i cili erdhi nga Internacional gjatë kësaj vere, do të mund të bëjë debitimin e tij në ndeshjen e nesërme miqësore kundër Dinamo Kievit.

Alexandre Pato ka deklaruar se është “gati” ta përfaqësojë Milanin dhe, që nga arritja në Itali, ai ripërsërit qëllimin e tij se do ta bëjë klubin e tij të ri krenar.

“Fluturimi kaloi mirë dhe familja ime erdhën me mua, që është më e rëndësishmja”, ka thënë ai me të arritur në Itali. “Jam i lumtur që jam në Itali dhe do të punoj të nderoj këtë fanellë të famshme”.

Pato nuk mund të luajë në ndeshjet garuese për klubin deri më 3 janar, por mund të luajë në ndeshjen e së enjtes kundër Dinamo Kievit.

“E di se Ronaldo dhe Kaka po më presin”, ka buzëqeshur Pato, i cili pas ndeshjes së nesërme do të mbetet në Itali me rosonerët. “E di se Milani barazoi me Fiorentinën të hënën, dhe i kam parë disa ndeshje në TV. Shpresoj ta shoh ndeshjen e ardhshme nga afër”.

Pato ka qenë pjesë e kombëtares U-20 të Brazilit dhe është konsideruar si një prej transferimeve më të “nxehta” të verës.

[RaPSouL]

Ferguson: Beckham nuk mund ta ndryshojë SHBA-në

Trajneri i Manchester Unitedit, Sir Alex Ferguson, nuk beson se David Beckham mund ta bëjë futbollin, sportin kryesor në Shtetet e Bashkuara të Amerikës.


Megjithatë, kalimi i David Beckham në LA Galaxy pa dyshim e ka rritur nivelin e interesimit të mediave për futbollin.

Qëllim kryesor i nënshkrimit të tij ishte të lartësonte profilin e këtij sporti në vendin që është çmendur pas basketbollit, bejsbollit dhe futbollit amerikan (ragbi). Megjithëse ka pasur progres, Ferguson mendon se Beckham do të jetë i paaftë të shkaktojë ndryshime të mëdha.

“Në vitet e vonshme të 70-ta isha në Amerikë me Aberdeen dhe atje kishte djem si Teofilo Cubillas dhe Peter Shilton. Para kësaj, kanë qenë Pele, Johan Cruyff, Franz Beckenbauer”.

“Është vështirë edhe me Davidin – nuk e di çfarë ndikimi mund të ketë ai. David Beckham i vetëm nuk mund të ndryshojë të gjithë vendin. Madhësia e vendit e bën këtë të vështirë”.

“Në futbollin evropian, veçanërisht në Britani, është lehtë të udhëtosh. Nëse je në Boston dhe duhet të shkosh në Los Angeles, është rreth gjashtë orë fluturim. Përkrahësit nuk udhëtojnë, andaj ju mungon ai rivaliteti në mes adhuruesve, dhe keni probleme”.