Dobitë e namazit

[Adhurim-Rexha]

Feja MUSLIMANE pa namaz është si njeriu pa kokë

[burbuqe1]

Shkallët e njerëzve në namaz


Njerëzit në namaz ndahen në pesë shkallë:

1) Shkalla e atij që i bënë zullum vetvetës, ai i cili i lë të mangëta abdestin, kohën, rregullat dhe kufinjtë e tij.

2) Ai që kujdeset për kohën dhe kufinjtë, për rregullat e dukshme dhe për abdestin e tij, mirëpo nuk e posedon luftën e vetvetës kundër vesveseve. Kështu që nga e dërgojnë mendimet dhe cytjet andej edhe shkon.

3) I cili kujdeset për abdestin, rregullat dhe kufinjtë, lufton vetvetën kundër vesveseve dhe mendimeve. Pra ky njeri është i angazhuar duke luftuar armikun e tij që mos t'ia vjedh namazin. ?shtë edhe në namaz edhe në përpjekje.

4) Ky është njeriu i cili kur ngritet të falë namaz, i plotëson rregullat dhe kufinjtë e namazit. E tërë zemra e tij angazhohet duke u kujdesur për rregullat dhe të drejtat e namazit, që mos ti kalojë asgjë prej tij. I tërë vullneti i tij është I përqendruar në faljën e tij ashtu siç duhet. Domthënë e tërë zemra e tij është preokupuar me çështjen e namazit dhe adhurimin e Zotit të vet, [tebareke ve teala].

5) Ky njeri kur ngritet në namaz, ngritet, kurse zemra e tij mbetet e varrur para All-llahut [subhanehu ve teala], duke e shikuar dhe duke qenë i mbushur nga dashuria dhe madhërimi i Tij…sikurse ta shihje ose ta vëreje…Vesveset dhe mendimet i janë asgjësuar…Në namaz është i angazhuar me Zotin e vet. Kënaqet në namaz. Dallimi mes namazit të këtij dhe të tjerëve është sikurse dallimi mes qiellit dhe tokës.

I pari do të denohet, i dyti do të llogaritet, të tretit i shlyhen mëkatet me këtë namaz, i katërti shpërblehet, kurse i pesti i afrohet All-llahut, …sepse kënaqësia e tij është bërë namazi.

E përkthyer nga libri: "El-Vabilus-Sajjib", fq. 49.


forumislamik.com

[burbuqe1]

SI DUHET ARITUR NËNSHTRIMIN DHE QETËSIMIN NË NAMAZ

Pas këtyre rasteve njeriu nuk mund e mos të pyetet se si ta arijë nënshtrimin në namaz dhe cilat janë vetit dhe rrugët që të qojnë kah ajo. Egzistojnë vëlla I dashur argumentet të cilat nëse njeriu I praktikon, All-llahu s.v.t. me mëshirën e Vet do t’ja dhuron nënshtrimin, kurse ndahet në dy pjesë:

1. NXITJET TË CILAT NUK JANË TË LIDHUR ME NAMAZ

2. NXITJET LIDHUR ME NAMAZIN


NXITJET TË CILAT NUK JANË TË LIDHUR ME NAMAZ

1. Besimi se vetëm All-llahu është Zot dhe Ai posedon emra dhe krijim më të bukur.

2. Besimi I sinqertë në madhërinë e All-llahut s.v.t. dhe ate se Ai I dinë të gjitha punët tona të fshehta dhe të hapta.

3. Pasimi I plot I Sunnetit te Dërguarit tone Muhammedit a.s.

4. Frikërespekti në kryerjen e urdhërave të All-llahut dhe lënja e asaj që e ka ndaluar.

5. Ngrënja e asaj që është hallall, mos afrimi në harame dhe largimi I asaj të dyshimtës.

6. Duaja e sinqertë drejtuar All-llahut s.v.t. që t’na bëjë prej rrobërve të Tij të përulur

7. Shoqërimi me ata të cilë posedojnë këtë veti të sinqert.




NXITJET LIDHUR ME NAMAZIN

1. Para se t’ia fillojsh namazit pregatite zemrën për te (namaz)

2. Duhesh ta kesh në mendje lartësinë e Krijuesit tone All-llahut s.v.t. para të cilit qëndrojmë në namaz.

3. Qëndro që të përfitosh shpërblimin e plotë për namazin që e bënë.

4. Plotësisht mer abdes, me kujdes duke I larë të gjitha pjesët dhe mos e
tepro me ujë.

5. Namazin fale me xhemat dhe mos u vono pas thirrjes të ezanit

6. Mos I le pas dore nafilet (namazin vullnetarë), dhe përpjeku që ta kryesh (falësh) posaqërisht namazin e natës ( në pjesën e tretë të natës).

7. Mos u ngut gjatë faljes, por fale ashtu siq është e porositur, duke përmbushur të gjitha pjesët (ruknet)e namazit

8. Mendo për domethënjen e ajeteve dhe dhikrit të cilat I thua gjatë namazit.

9. Bëhu I qetësuar në namaz, pa lëvizje në namaz, dhe mos luaj me roba apo me diq të ngjajshme.

10. Shiqimi ytë gjatë namazit le të jetë aty ku e bënë sexhden.

11. Zbraze zemrën tënde duke menduar për dunja, se me të vërtetë dunjaja me gjithë vlefshmërin e saj tek All-llahu nuk vlen as sa krahu i mushkojës (Hadith).

12.Pasoje imamin, sepse ai është përgjegjës për xhemat.

13. Mos e kryej namazin aty ku ka fotografi të njerëzve, kafshëve etj.

14. Fale namazin ashtu sikur të jetë namazi yt I fundit I jetës tënde, se kujtoji ata të cilët I ke njoftë e tash nuk janë në këtë dunja dhe dije se ke me ju bashkangjitë.

Ka thënë Muhammedi a.s.:

"Nuk ka musliman që vie në namaz, e e plotëson namazin, qetësimin dhe rukun e ajo mos të jet falja e gjunaheve të vogla të bëra gjerë më tani" (Muslimi)



Pregatiti vellau: Arse

Perktheu: Ebu Talha

Burimi: Kuran dhe Sunnet

[fatos hasolli]

O LËNËS I NAMAZIT




Esselamunalejkum.

Falenderiemet dhe lavdrimet qofshin mby Kryjuesin tonë mbi All-llahun xh.sh..
Paqa dhe meshira e Allahut qoft mbi njeriun më me ndikim,dhe me shembulltyr me te lartë Muhammedin a.s.,familjen e tij dhe gjith ato qe e ndjeken rrugën e tij dhe do ta ndjekin deri ne fiten e gjykimit.
„Fale namazin,vertet namazi të largonë nga të shëmtuarat dhe të irituarat“
„Fale namazin dhe jepe zeqatin dhe përkulu me ata që përkulen!“
(El-Bekare,43)
Ruani kohet e faljes si dhe atë të mesmen dhe para All-llahut qëndroni me përulje.“ (El-Bekare,238)
I dërguari i All-llahut (subhanehu ve teala) thotë:
„Kush e ruan (kohën) e namazit,ai për ditën e Gjykimit,do të jetë drit,argument dhe shpëtim për të“

Eshtë e domosdoshme që te ekzistoj lidhja në mes muslimanit dhe Zotit të tij,e ajo lidhje eshte e cila e lidh të krijuarin me Krijuesin,kjo llidhje vëlla i dashur eshtë lidhje e cila njeriut ia mbush zemren me qetësi,bindje dhe nuk e ndien veten te vetmuar në këtë botë. E kush e ben ketë? E benë Ai i cili jep vullnet dhe forcë,krijuesi i kozmosit dhe tokës.
Është shum e kapshme se tërë ibadetet ne Islam janë mekanizma që kanë per qëllim pastrimin shpirtëror,zemrorë dhe ate logjik,por mos te harojmë janë edhe pastrim fizik te njeriut.Harmonia në mes të besimit dhe sjelljes nuk eshte punë e lehtë.Rruga deri te ajo nuk eshte e shtruar dhe e rafshtë.Asaj i duhet ushtrime,mund dhe përpjekje.Për ketë eshte e nevojshme lidhja me All-llahun,mbështetja e tij dhe ndihma e udhezimit të Tij.
Vella i dashur mesiguri e ke kuptuar se ku e kam qellimin.Te bej thirje në ate qe ishin te obliguar,jemi te obliguar dhe do të jenë te oliguar deri ne diten e katalizmës.
Cka eshte e gjithë kjo?
Të theras ne namaz,o ti i cili ke haru se ka Zot,qe te mbykqyr dhe asgje ti ske mundesi me bë,pa dëshiren e Tij dhe caktimin e Tij.Dua ta di nje gje nga ti.Vall a mos ti je ai i cili furnizohesh vetë?Vall a mos je ti ai i cili vendos vetë për fatin tend?
Jo,Jo dije mirë se gabim e ke.E tash Vella i nderuar lexo me vemendje qka do të them:
Në fenë tonë, pas imanit, ibadeti më i vlefshëm e më i preferuar është namazi. Namazi është shtylla e fesë:Është kushti i dytë i islamit. Ne gjuhën Arabe namazi quhet Salat. Salat, në esencë, domethënë lutje, rahmet dhe lutje për të të falur. Meqë të gjitha këto tre kuptime gjenden në namaz, atij i është thënë salat.
Gjëja që ka pëlqyer All-llahu më shumë dhe për të cilën ka urdhëruar veç e veç, janë pesë kohët e namazit. Urdhri më i rëndësishëm, pas imanit, që u bëri All-llahu myslimanëve, është falja e namazit.Ai është farzi i parë që është urdhëruar në fenë tonë. Edhe në Kiamet, pas imanit, pyetja e parë do të jetë për namazin. Ai që e jep llogarinë e pesë kohëve të namazit, shpëton nga të gjitha mundimet dhe sprovimet, dhe arrin shpëtimin e amshueshëm. Të shpëtosh nga zjarri i Xhehennemit dhe të arrish Xhennetin, është e lidhur me faljen e drejtë të namazit. Për namaz të drejtë së pari duhet të merret abdest sipas rregullave, duhet filluar namazi pa ngathtësi e përtesë dhe çdo veprim të namazit ta bëjmë në formë të saktë e të plotë.
Vepra e mirë që e afron njeriun më tepër tek All-llahu dhe që përmbledh të gjitha ibadetet në vete, është namazi. Pejgamberi ynë (salall-llahu alejhi ve selem), ka thënë: “Namazi është shtyllë e fesë. Kush fal namaz, e forcon fenë e vet. Kush nuk fal namaz, natyrisht që e rrënon fenë e vet”. Ai që nderohet me faljen e drejtë të namazit, është ruajtur nga veprimet e këqija e të shëmtuara. Në ajetin dyzet e pesë të sures Ankebut, thuhet shprehimisht kështu: “Namazi i falur drejt e ruan njeriun nga veprimi i punëve të këqija, të shëmtuara dhe të ndaluara”.
Një namaz që njeriun nuk e largon nga të këqijat, nuk është namaz i drejtë, i vërtetë. Në dukje është namaz megjithatë, derisa të mësojmë të bëjmë namazin e drejtë, nuk duhet lënë pas dore as kjo formë e namazit. Dijetarët islamë kanë thënë: “Nëse një gjë nuk kryhet tërësisht, nuk duhet të lihet pas dore e tëra”. Zoti Mëshirëplotë, të dukshmen mund ta pranojë si të vërtetë. Atij që fal namaz të prishur, nuk duhet t’i thuhet të mos falet fare. Atij që falet kështu, në mënyrë jo të plotë, duhet t’i thuhet që të falet drejtë, se të prishurat duhen përmirësuar. Kjo çështje duhet kuptuar mirë.
Imam Rabbani(Zoti e mëshiroftë) në librin e tij "Mektubat", në vëllimin e parë, në faqen 261 thotë:
Kështu, duhet ditur gjithsesi se namazi është kushti i dytë nga pesë kushtet e Islamit. Të gjitha ibadetet janë përmbledhur në të. Edhe pse është e pesta pjesë e Islamit, është shumë i rëndësishëm për myslimanin. Është nga punët e para që njeriun e bëjnë të arrijë kënaqësinë e All-llahut. Është thënë "Namazi është miraxhi i besimtarëve" pasi e kishte bërë miraxhin Pejgamberi. Dhe në një hadith ka thënë:"Është namazi ai që mundëson njeriun të jetë më afër All-llahut". Në këtë jetë nuk është e mundur ta shohësh All-llahun. Dynjaja nuk është e përshtatshme për këtë. Namazi është shërues i shpirtrave të trazuara. Namazi është qetësues i të sëmurëve. Ushqimi i shpirtit, shërimi i zemrës është namazi. Këtë e tregon hadithi që urdhëron për këndimin e ezanit "O Bilal! Më rahato mua!" dhe hadithi "Namazi është gëzim i zemrës sime, bebëza e syrit tim", aludon këtë dëshirë. Kënaqësitë, ekstazat, njohuritë, dituritë, shkathtësitë, pozitat, dritat, ngjyrat në zemër dhe përfundimet e rregullat e çfarëdo që të arrihet jashtë namazit nga dukuria e atributeve, nga shfaqjet fatkeqësisë e kuptueshme e të pakuptueshme dhe nga hakikati (realiteti) i namazit nëse nuk mund të kuptohet asgjë, këto arritje të gjitha janë mundim i kotë dhe asgjë tjetër veç imagjinatës dhe iluzionit. Një njeri i përsosur që ka kuptuar hakikatin (mbrendësinë, realitetin) e namazit, sapo qëndron në namaz, pothuaj se del nga kjo botë dhe hyn në jetën e Ahiretit ku dhe arrin shijimin e disa gjëra që janë të veçanta të Ahiretin. Kur nuk përzihen aty reflektimi dhe vizioni, merr hisën(pjesën) dhe kënaqësinë më së miri. Sepse të gjithë përsosmërinë e jetës dhe begatinë e arrijmë nga të pamët, fizionomia dhe posedimi. Në dynja, që të mund të marrësh nga burimorja nevoitet miraxh. Ky miraxh i besimtarit është namazi. Ky favor, është krijuar posaçërisht vetëm për muslimanët, që e arrijnë në sajë të nënshtrimit dhe përsosjes së dashurisë ndaj pejgamberit. Pejgamberi (salall-llahu alejhi ve selem) për këto, natën e miraxhit doli nga dynjaja për të parë Ahiretin. Hyri në Xhennet dhe u nderua me nimetin e lumturisë së fitimit të Xhennetit. O Zot! Na ndero edhe ne, me të mirat që i kanë hije madhështisë së tij, pejgamberit tonë. Edhe të lutemi të na japësh mirësinë e punë të mira si të të gjithë pejgamberëve, të cilët e kanë treguar rrugën që ke pëlqyer ti O Zot, dhe që i kanë ftuar njerëzit të të njohin Ty dhe të arrijnë kënaqësinë Tënde. Pra vella ndoshta te eshte mbushur sado pak zemra,por me siguri se edhe pak duash te dish rreth namazit. Ja edhe pak por ne fund mos refuzo!
Namazi është më i çmuar se të gjitha ibadetet dhe agjërimi. Ka namaz, që zemrat e thyera i mbush me kënaqësi. Ka namaz që i shlyen gjynahet. Ka namaz që e ruan njeriun prej të këqijave. Në hadith është thënë: "Namazi është gëzim i zemrës sime, dhe burim i kënaqësisë". Namazi shpirtrave trazuara u jep shije. Namazi është ushqim i shpirtit. Namazi është shërim i shpirtit.
O lenës i namazit ,dua tet them –Vella musliman- por nuk e kam mundesin sepse,pejgamberi I All-llahut te fut ne rangun e Qafirit. Ku thot:”Ajo qe e dallon muslimanin nga jo muslimani eshte Namazi”
Bne nje krahasim ketu ti mosfales i namazit.Nese te vjen dhe te theret ndonje shok që te shkoni ti vizitoni vendet e ndaluara,apo me shku ne muzik.Cka kishe be ti? A i kishe thir edhe shoqerin tjeter që te shkoni dhe te defreheni atje?Me siguri se po.
Po a aspak nuk mendon dhe te ndalesh te logjikosh mir e mir se: Allahu xh.sh na theret,edhe une ty te theras eje te dalim para Krijuesit ton dhe ta madherojm Ate me ibadetet tona. A do të kishe ardhur ti ?…


Pergaditiurim Blakqori

[fatos hasolli]

Falënderimi i takon All-llahut. Atë e falënderojmë dhe prej Tij falje dhe ndihmë kërkojmë. Kërkojmë mbrojtje nga All-llahu prej të këqijave të vetvetes dhe të veprave tona. Kë e udhëzon All-llahu s'ka kush e lajthit dhe kë e largon nga rruga e vërtetë, s'ka kush e udhëzon. Dëshmoj se s'ka hyjni tjetër përveç All-llahut , i Cili është Një dhe dëshmoj se Muhammedi është rob dhe i dërguar i Tij.
"O ju që keni besuar, keni frikë All-llahun me një frikë të denjë dhe mos vdisni, pos duke qenë muslimanë!" (Ali Imran: 102)
"O ju njerëz! Keni frikë Zotin tuaj që ju ka krijuar prej një veteje dhe nga ajo krijoi palën e saj, e prej atyre dyve u shtuan shumë burra e gra. Dhe keni frikë All-llahun që me emrin e Tij përbetoheni, ruajeni farefisin, se All-llahu është Mbikqyrës mbi ju." (En-Nisa:1)
"O ju besimtarë, keni frikë All-llahun dhe thuani fjalë të drejta. Ai (All-llahu) ju mundëson të bëni vepra të mira, jua shlyen mëkatet e juaja,e kush respekton All-llahun dhe të Dërguarin e Tij, ka shpëtuar me një shpëtim të madh." (El-Ahzab:70:71)
Thënia më e vërtetë është thënia e All-llahut, kurse udhëzimi më i mirë - udhëzimi i Muhammedit sal-lall-llahu 'alejhi ve sel-lem. Veprat më të këqia janë ato të shpikurat, çdo shpikje është bid'at dhe çdo bid'at është lajthitje, e çdo lajthitje çon në zjarr...
KAPITULLI I NAMAZIT

42. FALJA ME RROBA TË TEJDUKSHME
43. FALJA NË NJË DREJTIM TJETËR NGA AI I KIBLES
44. MBULIMI I DUARVE DHE KËMBËVE NË NAMAZ
45. FALJA ULUR
46. FILLIMI I MENSTRUACIONEVE DHE NAMAZI
47. NDËRPRERJA E GJAKUT TË LEHONISË PARA PLOTËSIMIT TË DYZET DITËVE
48. DHEMBJET E LINDJES
49. PIKIMI I URINËS
50. NDËRPRERJA E NAMAZIT
51. NAMAZI I NATËS DHE LEXIMI NË KUR’AN
52. IKAMETI DHE FALJA E SUNETEVE
53. FUNDI I KOHËS SË VITRIT
54. PËRCAKTIMI I NJË TË TRETËS SË FUNDIT TË NATËS
55. SEXHDJA E LEXIMIT TË KUR’ANIT
56. SEXHDJA E LEXIMIT TË KUR’ANIT DHE MBULIMI I TRUPIT
57. DYSHIMI GJATË NAMAZIT
58. VONIMI I JACISË
59. PENDIMI I FSHIN GJYNAHET
60. VONIMI I NAMAZIT
61. NGACMIMET NË NAMAZ
62. NAMAZI DHE PUNA
63. FALJA E NAMAZIT PAS KALIMIT TË KOHËS SË TIJ
64. NDËRPRERJA E NAMAZIT
65. VITRI DHE NAMAZI I NATËS
66. DALJA E GRAVE PËR TË FALUR BAJRAMIN


42. FALJA ME RROBA TË TEJDUKSHME

Pyetje: A lejohet që gruaja të falet me rroba të tejdukshme?

Përgjigje: Namazi i falur me rroba të tejdukshme është i pavlefshëm, pasi rrobat me të cilat duhet të falet gruaja duhet të mbulojnë tërë trupin e saj, përveç duarve dhe fytyrës dhe në të njëjtën kohë nuk duhet të jenë të tejdukshme (d.m.th. nuk duhet të dallohet se ç’ka nën to). Ndërsa këmbët, duhet të mbulohen me çorape të patejdukshme ose me rroba plotësuese.
Ibën Bazi


43. FALJA NË NJË DREJTIM TJETËR NGA AI I KIBLES

Pyetje: Nëse dikush falet gabimisht në një drejtim tjetër nga ai i Kibles, a duhet ta përsërisë edhe njëherë namazin nëse e kupton këtë gjë, pa mbaruar akoma koha e atij namazi?

Përgjigje: Namazi nuk duhet të përsëritet, pasi siç transmetohet në një hadith të saktë, disa prej shokëve të Pejgamberit [sal-lall-llahu alejhi ve sel-lem] i zuri nata në një vend dhe secili prej tyre u fal në një drejtim të caktuar. Kur ia treguan këtë gjë Pejgamberit [sal-lall-llahu alejhi ve sel-lem], ai nuk i urdhëroi që ta përsërisnin namazin.
Albani


44. MBULIMI I DUARVE DHE KËMBËVE NË NAMAZ

Pyetje: A duhet t’i mbulojnë gratë duart dhe këmbët në namaz?

Përgjigje: Zbulimi i duarve në namaz është i lejuar, megjithatë disa dijetarë janë të mendimit se mbulimi i tyre është më i mirë. Ndërsa këmbët, sipas mendimit të shumicës së dijetarëve, duhet të mbulohen, pasi Pejgamberi [sal-lall-llahu alejhi ve sel-lem], kur u pyet nëse lejohet të falet gruaja vetëm me fustan dhe shami, u përgjigj: "Lejohet, nëse fustani e mbulon shpinën e këmbëve".
Disa dijetarë tjerë janë të mendimit se zbulimi i këmbëve gjatë namazit është i lejuar, por sido që të jetë mbulimi i tyre është më i arsyeshëm.
Ibën Xhibrini


45. FALJA ULUR

Pyetje: Një grua e sëmurë, pasi vendosi këmbën e thyer në allçi, nuk mund të falej dot në këmbë, andaj u fal ulur një muaj rresht. A është i rregullt namazi i saj?

Përgjigje: Të qëndruarit në këmbë gjatë namazit është detyrë e domosdoshme (farz), andaj, nëse dikush ka mundësi që të falet në këmbë, qoftë edhe duke u mbështetur në diçka, (p.sh. shkop apo mur), atëherë duhet të falet në këmbë. Nëse, për çfarëdo lloj arsyeje, nuk ka mundësi që të falet në këmbë, atëherë i lejohet të falet ulur.
Andaj namazi i kësaj gruaje ka qenë i rregullt, pasi ajo nuk ka pasur mundësi që të qëndronte në këmbë. Pejgamberi [sal-lall-llahu alejhi ve sel-lem] i ka thënë Imran Ibën Husejnit: "Falu në këmbë! Nëse nuk mundesh, falu ulur; nëse nuk mundesh as ulur, atëherë falu shtrirë".
Ibën Xhibrini


46. FILLIMI I MENSTRUACIONEVE DHE NAMAZI

Pyetje: Më filluan menstruacionet në kohën që po falja namazin. Ç’duhet të bëj në këtë rast dhe a duhet t’i zëvendësoj namazet që s’i kam falur gjatë kohës së menstruacioneve?

Përgjigje: Nëse menstruacionet fillojnë pas hyrjes së kohës së namazit, p.sh. gjysmë ore pas mesit të ditës, atëherë gruaja duhet të zëvendësojë namazin e drekës pasi të pastrohet, sepse në kohën e hyrjes së tij, ajo ka qenë e pastër. All-llahu [subhanehu ve teala] thotë: "Me të vërtetë namazi është një detyrë (që duhet të kryhet) në kohë të caktuar". (En-Nisa:103)
Namazet e lëna gjatë kohës se menstruacioneve nuk duhet të zëvendësohen, pasi në një hadith të gjatë, mes tjerave, Pejgamberi [sal-lall-llahu alejhi ve sel-lem] thotë: "... Gruaja kur është me menstruacione nuk duhet të falet apo të agjërojë..."
Gjithashtu, të gjithë dijetarët janë të të njëjtit mendim në lidhje me faktin që gruaja me menstruacione nuk e ka për detyrë zëvendësimin e namazeve.
Nëse rrjedhja e gjakut të menstruacioneve ndërpritet para mbarimit të kohës së namazit, qoftë edhe me një rekat, atëherë fjala e këtij namazi është e detyrueshme, sepse Pejgamberi [sal-lall-llahu alejhi ve sel-lem] ka thënë: "Kush arrin qoftë dhe një rekat prej namazit të ikindisë para perëndimit të diellit, e ka falur namazin e ikindisë me kohë".
Shkurtimisht mund të themi se nëse gruaja pastrohet kur, prej lindjes apo perëndimit të diellit, ka mbetur aq kohë sa për të falur një rekat, atëherë falja e namazit të sabahut në rastin e parë dhe e atij të ikindisë në të dytin është e detyrueshme për të.
Ibën Uthejmini


47. NDËRPRERJA E GJAKUT TË LEHONISË PARA PLOTËSIMIT TË DYZET DITËVE

Pyetje: A duhet të falet dhe të agjërojë gruaja lehonë, nëse pastrohet para plotësimit të dyzet ditëve? Nëse i vijnë menstruacionet pas kësaj, a duhet ta prishë agjërimin dhe nëse pastrohet përsëri, a duhet të falet e të agjërojë apo jo?

Përgjigje: Nëse gruaja lehonë pastrohet para plotësimit të dyzet ditëve, atëherë ajo duhet të lahet, të falet, të agjërojë Ramazanin dhe, në të njëjtën kohë, i lejohet që të kryejë marrëdhënie seksuale me të shoqin. Nëse rrjedhja e gjakut rikthehet përsëri gjatë 40 ditëshit, atëherë, sipas mendimit më të saktë të dijetarëve, ajo konsiderohet përsëri lehonë, derisa të plotësohen 40 ditët.
Nëse rrjedhja e gjakut vazhdon pas plotësimit të dyzet ditëve, atëherë gjaku që del prej saj është gjak i prishur, andaj gruaja konsiderohet e pastër, d.m.th. asaj i lejohet të falet, të agjërojë dhe të kryejë marrëdhënie seksuale me të shoqin, sepse gjendja e saj është e ngjashme me gjendjen e gruas mustehada. Ajo duhet të pastrohet dhe të vendosë një copë të pastër brenda vendit të daljes së gjakut, për të penguar daljen e tij, ashtu siç duhet të marrë abdest për çdo namaz, sepse kështu ka urdhëruar Pejgamberi [sal-lall-llahu alejhi ve sel-lem].
Kur t’i vijnë menstruacionet, ajo duhet të lërë namazin, agjërimin dhe kontaktet seksuale me të shoqin, derisa të ndërpritet plotësisht rrjedhja e gjakut.
Ibën Bazi


48. DHEMBJET E LINDJES

Pyetje: A e kam të detyrueshme faljen nëse ndjej dhembjet e lindjes?

Përgjigje: Nëse gruaja nuk është me menstruacione apo lehonë, atëherë falja është e detyrueshme për të. Nëse rrjedhja e gjakut fillon një ose dy ditë para lindjes, atëherë ky gjak konsiderohet prej gjakut të lehonisë. Nëse dhembjet e lindjes nuk shoqërohen me daljen e gjakut, atëherë gruaja duhet të falet edhe nëse ndjen dhembjet e lindjes, pasi ajo është në pozitën e të sëmurit, i cili duhet të falet megjithëse ndjen dhembjet e sëmundjes. Në të njëjtën kohë, duhet të kemi parasysh se askujt nuk i lejohet lënia e namazit, përderisa mendja e tij është në rregull, d.m.th. nuk vuan nga ndonjë sëmundje psikike.
Ibën Xhibrini


49. PIKIMI I URINËS

Pyetje: Një grua shtatzënë në muajin e nëntë vuan nga pikimi i pandërprerë i urinës. Për këtë shkak ajo e la faljen e namazit në muajin e fundit të barrës. A është e lejueshme kjo gjë? Nëse jo, ç’duhet të bëjë ajo?

Përgjigje: Në raste të tilla gruaja nuk duhet ta lërë namazin, por duhet të falet duke marrë abdest për çdo namaz e duke pastruar vendin nga ku del urina me një copë të pastër, ashtu siç vepron edhe gruaja mustehada. Asaj i lejohet që të bashkojë namazin e drekës me të ikindisë dhe namazin e akshamit me atë të jacisë, ashtu siç i lejohet edhe gruas mustehada.
Ajo duhet t’i zëvendësojë të gjitha namazet e lëna në muajin e fundit të barrës dhe të pendohet për atë që ka bërë, duke vendosur që të mos e përsërisë herën tjetër këtë gjynah. All-llahu [subhanehu ve teala] thotë: "Pendohuni tek All-llahu, të gjithë ju o besimtarë, nëse doni të shpëtoni". (El-Enbija:31)
Ibën Bazi


50. NDËRPRERJA E NAMAZIT

Pyetje: Si duhet të veproj nëse bie zilja e derës në kohën që jam duke u falur, e në shtëpi nuk gjendet njeri tjetër përveç meje?

Përgjigje: Nëse namazi që po fal është sunet, atëherë mund ta ndërpresësh namazin për të hapur derën, por nëse namazi që po fal është farz, nuk duhet ta ndërpresësh namazin, pos nëse mendon se personi që po troket ka ardhur për diçka të rëndësishme e cila nuk mund të lihet për më vonë.
Nëse ke mundësi që me anën e shenjave (burrat duhet të thonë "subhanall-llah", ndërsa gratë duhet të përplasin duart) t’i japësh të kuptojë trokitësit se je duke u falur, atëherë kjo është e mjaftueshme. Pejgamberi [sal-lall-llahu alejhi ve sel-lem] thotë: "Nëse imami gabon diçka në namaz burrat duhet të thonë "subhanall-llah", ndërsa gratë të përplasin duart".
Ibën Bazi


51. NAMAZI I NATËS DHE LEXIMI NË KUR’AN

Pyetje: A lejohet që të falet namazi i natës duke parë në Kur’anin e hapur, sepse unë nuk di shumë sure përmendësh, por dëshiroj që, gjatë namazit të natës, të përfundoj leximin e tërë Kur’anit?

Përgjigje: Një numër i madh dijetarësh janë të mendimit se kjo gjë është e lejuar, pasi Dheukani, shërbëtori i Aishes, ka falur namazin e teravive gjatë muajit të Ramazanit duke lexuar me Kur’an të hapur. (Transmeton Buhariu)
Ata që e ndalojnë këtë gjë nuk kanë ndonjë argument të konsiderueshëm, mbi të cilin mund të bazohemi. Nga ana tjetër, jo të gjithë njerëzit janë në gjendje të mësojnë përmendësh Kur’anin, andaj lind nevoja e leximit me Kur’an të hapur, sidomos gjatë namazit të natës dhe namazit të teravisë.
Ibën Bazi


52. IKAMETI DHE FALJA E SUNETEVE

Pyetje: Nëse thirret ikameti në kohën që jam duke falur sunetet e atij vakti, a duhet të ndërpres faljen për të falur farzin me imamin, apo duhet të vazhdoj namazin e nisur?

Përgjigje: Pejgamberi [sal-lall-llahu alejhi ve sel-lem] ka thënë: "Kur thirret ikameti, nuk duhet të falet asnjë namaz përveç farzit".
Dijetarët nuk kanë rënë dakord përsa i përket mënyrës se si duhet kuptuar ky hadith, d.m.th. a duhet të konsiderohet i prishur çdo namaz sunet menjëherë sapo të thirret ikameti apo është e lejueshme që, në disa kushte të caktuara, të plotësohet suneti i filluar e pastaj të vazhdohet farzi.
Për mendimin tim, duke u bazuar edhe në atë që kam lexuar në librin "El-mexhmu" të Imam Neveviut, qëllimi i Pejgamberit [sal-lall-llahu alejhi ve sel-lem] në këtë hadith është stimulimi dhe nxitja e muslimanëve për ta zënë tekbirin fillestar së bashku me imamin. Andaj, nëse ikameti thirret në kohën që dikush është në uljen e fundit të namazit sunet dhe ai është i sigurt se mund ta zë tekbirin fillestar së bashku me imamin, atëherë mund ta përfundojë namazin e filluar, qoftë edhe duke shpejtuar pak, e pastaj t’i bashkangjitet imamit. Por, nëse ikameti thirret në kohën kur dikush sapo ka filluar të falë sunetin, atëherë ai duhet të ndërpresë namazin e filluar, sepse në këtë rast dihet me siguri që nuk mund ta zë dot tekbirin fillestar.
Albani


53. FUNDI I KOHËS SË VITRIT

Pyetje: Cila është koha e fundit për faljen e namazit të vitrit?

Përgjigje: Koha e fundit për faljen e namazit të vitrit është koha para lindjes së diellit, sepse Pejgamberi [sal-lall-llahu alejhi ve sel-lem] ka thënë:
"Gjatë namazit të natës jepet selam pas çdo dy rekatesh. Nëse dikush ka frikë se mos e arrin mëngjesi, atëherë le ta falë edhe një rekat, me anën e të cilit i bën tek rekatet e falura." (Transmeton Buhariu dhe Muslimi)
Ibën Bazi


54. PËRCAKTIMI I NJË TË TRETËS SË FUNDIT TË NATËS

Pyetje: Si mund të përcaktohet me orë një e treta e fundit të natës?

Përgjigje: Një e treta e fundit të natës nuk mund të përcaktohet me orë të caktuara, mirëpo çdo njeri mund ta llogarisë atë, duke e ndarë natën, nga perëndimi i diellit deri në lindje të tij, në tri pjesë. Pasi të kalojnë dy të parat, pjesa e mbetur është pjesa e tretë e natës. Pejgamberi [sal-lall-llahu alejhi ve sel-lem] ka thënë: "All-llahu zbret çdo natë, në një të tretën e fundit të saj, në qiellin e dynjasë dhe thotë: A ka njeri të më lutet e Unë t’i përgjigjem? A ka njeri që të më kërkojë diçka e Unë t’ia jap? A ka njeri që kërkon falje e unë ta falë?" (Transmeton Buhariu dhe Muslimi)
Andaj është mirë që çdo besimtar të kujdeset ta shfrytëzojë këtë kohë, ose të paktën një pjesë të saj, pasi ajo është një nga kohët më të mira, në të cilat pranohet duaja.
Ibën Uthejmini


55. SEXHDJA E LEXIMIT TË KUR’ANIT

Pyetje: A është e detyrueshme bërja e sexhdes, nëse lexoj ajetin e sexhdes?

Përgjigje: Bërja e kësaj sexhdeje është sunet i fortë dhe nuk duhet të lihet as në kohët e ndaluara, siç është koha pas namazit të sabahut apo pas namazit të ikindisë, pasi ajo bëhet me shkak të caktuar. Andaj, nëse dikush lexon ajetin e sexhdes, qoftë në namaz apo jasht tij, duhet të bëjë sexhde pa marrë parasysh se po lexon duke parë në Kur’an, apo nga ajo që ka mësuar përmendësh.
Bërja e kësaj sexhdeje nuk është e detyrueshme (vaxhib), andaj muslimani nuk merr gjynah nëse nuk e bën atë. Transmetohet se njëherë Umeri, ndërsa po mbante hutben hipur në minber, lexoi ajetin e sexhdes në suren En-Nahl, pastaj zbriti prej minberit dhe bëri sexhden. Xhumanë e ardhshme ai lexoi të njëjtin ajet, mirëpo nuk bëri sexhde. Pasi mbaroi, në praninë e të gjithë shokëve të Pejgamberit tha:
"All-llahu nuk na e ka bërë detyrë këtë sexhde, por e ka lënë në dëshirën tonë".
Gjithashtu, transmetohet se Zejd Ibën Thabiti lexoi një prej ajeteve të sexhdes në prani të Pejgamberit [sal-lall-llahu alejhi ve sel-lem], por nuk bëri sexhde. Nëse sexhdja e leximit të Kur’anit do të ishte e detyrueshme, Pejgamberi [sal-lall-llahu alejhi ve sel-lem] do ta kishte urdhëruar që ta bënte.
Ibën Uthejmini


56. SEXHDJA E LEXIMIT TË KUR’ANIT DHE MBULIMI I TRUPIT

Pyetje: A lejohet që ta bëj sexhden e leximit të Kur’anit, pa i mbuluiar të gjitha pjesët e trupit që duhet të mbulohen gjatë namazit?

Përgjigje: Kjo sexhde lejohet të bëhet në çdo gjendje, d.m.th. edhe nëse nuk je mbuluar siç duhet, sepse, sipas mendimit më të saktë, ajo nuk konsiderohet si pjesë e namazit.
Ibën Xhibrini


57. DYSHIMI GJATË NAMAZIT

Pyetje: Në disa raste gjatë namazit, nuk jam e sigurt nëse e kam thënë Fatihanë, apo jo, andaj e lexoj atë për së dyti. A është e saktë kjo gjë apo duhet të bëj sexhden e harresës?

Përgjigje: Gjatë faljes së namazit, ngacmimet e shejtanit shtohen shumë, andaj shumë njerëz nuk janë të sigurt nëse e kanë thënë Fatihanë apo suren pas saj, apo "Et-tehijatin", gjatë uljes. Për t’u shmangur të gjitha këto, muslimani duhet të përqëndrohet sa më tepër që të jetë e mundur në namaz dhe të kujtojë se ndodhet para All-llahut [subhanehu ve teala], Krijuesit të Qiejve dhe Tokës.
Sidoqoftë, nëse dikush është në dyshim nëse e ka lexuar Fatihanë apo jo dhe e di mirë se zakonisht nuk e harron atë, atëherë nuk është mirë që ta përsërisë. Megjithatë, nëse ai, për të qenë i sigurt e lexon për së dyti Fatihanë, nuk e ka për detyrë që ta bëjë sexhden e harresës.
Ibën Xhibrini


58. VONIMI I JACISË

Pyetje: A lejohet vonimi i namazit të jacisë?

Përgjigje: Vonimi i namazit të jacisë deri në fundin e kohës së tij është diçka e mirë, mirëpo nëse ky vonim bëhet shkak për mosfaljen e namazit me xhemat në xhami, atëherë nuk është i lejueshëm. Përsa u përket grave, është mirë që sa më vonë ta falin namazin e jacisë në shtëpi, mirëpo nuk duhet ta vonojmë pas gjysmës së natës.
Ibën Uthejmini


59. PENDIMI I FSHIN GJYNAHET

Pyetje: Jam një vajzë 25 vjeçare. Që në fëmijëri e deri në moshën 21 vjeç nuk kam agjëruar e nuk jam falur asnjëherë për shkak të përtacisë. Edhe pse prindërit më këshillonin vazhdimisht, unë nuk ua vëja veshin këshillave të tyre. Ç’duhet të bëj tani që më ka udhëzuar All-llahu [subhanehu ve teala] dhe jam penduar për atë kam bërë në të kaluarën?

Përgjigje: Pendimi i fshin të gjithë gjynahet e mëparshme, andaj detyra jyte është që të pendohesh sinqerisht dhe të vendosësh që t’i kryesh të gjitha adhurimet në mënyrën e duhur, duke u dhënë rëndësi namazeve sunete gjatë ditës dhe natës, agjërimit sunet, përmendjes së All-llahut [subhanehu ve teala] pa ndërprerje, leximit të Kur’anit etj.
Ibën Xhibrini


60. VONIMI I NAMAZIT

Pyetje: A merr gjynahe ai person që e fal namazin e sabahut dy orë para namazit të drekës, duke pasur parasysh se gjatë gjithë kësaj kohe ka qenë në gjumë?

Përgjigje: Vonimi pa arsye i namazit nga koha e tij nuk është i lejuar. Gjumi nuk mund të jetë justifikim për këdo, sepse muslimani duhet të bjerë të flejë herët, ose të porosisë dikë që ta zgjojë në mënyrë që të zgjohet e ta falë namazin me kohë. Falja e namazit të sabahut pas lindjes së diellit, është tregues i mosdhënies rëndësi faljes së namazit në kohën e tij. Sido që të jetë, muslimani duhet ta falë nëmazin në kohën më të afërt, menjëherë sapo të kujtohet apo të zgjohet.
Ibën Xhibrini


61. NGACMIMET NË NAMAZ

Pyetje: Jam një grua që i zbatoj të gjitha detyrat me të cilat na ka ngarkuar All-llahu [subhanehu ve teala], mirëpo gjatë namazit gaboj shumë, sepse më shkon mendja te gjërat që më kanë ndodhur gjatë ditës dhe nuk mund t’i largoj këto ngacmime, pos nëse lexoj me zë. Çfarë më këshilloni të veproj në këtë rast?

Përgjigje: Problemi, për të cilin shqetësohet pyetësja, është një dukuri mjaft e përhapur te shumë muslimanë. Kjo vjen nga shkaku se shejtani i shton ngacmimet e tij deri në atë gradë, saqë njeriu mund të mos mbajë mend se ç’ka thënë gjatë namazit. Pejgamberi [sal-lall-llahu alejhi ve sel-lem] na ka mësuar që, në raste të tilla, të pështyjmë tri herë nga ana e majtë dhe të themi: "Edhu bilahi minesh-shejtani rraxhim". Nëse besimtari vepron kështu, ngacmimet e shejtanit do të largohen, me lejen e All-llahut [subhanehu ve teala].
Kur muslimani fillon namazin, duhet të besojë dhe përfytyrojë se ndodhet para All-llahut [subhanehu ve teala] dhe se po i drejtohet Atij me leximin e Kur’anit dhe duave të ndryshme të namazit. Ai duhet të kujtojë shpërblimin që ka përgatitur All-llahu [subhanehu ve teala] për ata që e falin namazin me frikë e përulje, si dhe dënimin që ka përgatitur Ai, për ata që nuk e kryejnë namazin siç duhet.
Ibën Uthejmini

62. NAMAZI DHE PUNA

Pyetje: Një burrë punon në kullën e vrojtimit të avionëve. Shpeshherë ndodh që gjatë kohës së namazit ai është i zënë me dhënien e udhëzimeve për avionët që zbresin. Si duhet të veprojë ai në këtë rast, pasi lënia e detyrës për të falur namazin mund të rrezikojë jetën e pasagjerëve?

Përgjigje: Këtij buri i lejohet që të bashkojë dy namaze bashkë, pasi transmetohet nga Ibën Abasi se Pejgamberi [sal-lall-llahu alejhi ve sel-lem] ka bashkuar namazin e drekës me ikindinë dhe namazin e akshamit me atë të jacisë pa ndonjë shkak të caktuar, d.m.th. nuk e ka bërë këtë gjë për shkak të frikës apo shiut. Kur u pyet se përse e bëri Pejgamberi [sal-lall-llahu alejhi ve sel-lem] këtë, Ibën Abasi tha: "E bëri për të mos vënë në pozitë të vështirë popullin e tij".
Albani


63. FALJA E NAMAZIT PAS KALIMIT TË KOHËS SË TIJ

Kur duhet të zëvendësohet namazi i jacisë, nëse më ka zënë gjumi dhe jam kujtuar vetëm pasi kam falur namazin e sabahut? A duhet ta falë bashkë me namazin e jacisë së ditës së ardhshme, apo ta falë menjëherë sapo të më kujtohet?

Përgjigje: Në një hadith të saktë Pejgamberi [sal-lall-llahu alejhi ve sel-lem] thotë: "Nëse dikush nuk e falë namazin në kohën e tij për shkak të gjumit apo harresës, atëherë duhet ta falë menjëherë sapo ti kujtohet. Kjo është mënyra e vetme për të kompenzuar namazin e lënë...". (Transmeton Buhariu dhe Muslimi)
Duke u bazuar në hadithin e mësipërm, nxjerrim si përfundim se namazi i lënë nuk duhet të vonohet deri në ditën e nesërme, por duhet të falet sa më shpejt që të jetë e mundur, e madje edhe në kohën kur ndalohet falja e namazit.
Nëse dikush kujtohet për namazin e lënë (p.sh. drekën), kur nga koha e namazit pasues (ikindisë) ka mbetur aq kohë sa për të falur një namaz, atëherë, në fillim duhet të falë namazin e kohës (ikindisë), e pastaj namazin e lënë.
Ibën Xhibrini


64. NDËRPRERJA E NAMAZIT

Pyetje: Nëse kujtohem gjatë namazit, se rrobat me të cilat po falem janë të papastra, a duhet ta ndërpres namazin dhe t’i ndërroj rrobat?

Përgjigje: Nëse dikush falet me rroba të papastra, duke e ditur këtë gjë, atëherë namazi i tij është i pavlefshëm. Në të kundërtën namazi i tij është i rregullt. Nëse kujtohet gjatë faljes së namazit, se rrobat e tij janë të papastra dhe ka mundësi që ta largojë papastërtinë me shpejtësi, atëherë mund ta vazhdojë namazin normalisht, pasi në një hadith të saktë transmetohet se Xhibrili lajmëroi Pejgamberin [sal-lall-llahu alejhi ve sel-lem], kur ky i fundit ishte duke u falur, se nallet me të cilat po falej ishin ta papastra, andaj ai i hoqi ato dhe nuk e ndërpreu namazin.
Nëse për të larguar papastërtinë duhet të hiqen, fjala vjen pantollonat, kanatierja, të mbathurat apo diçka tjetër për heqjen e së cilës duhet bërë shumë lëvizje, atëherë duhet që, pasi të hiqet rroba e papastër, të fillohet namazi nga fillimi.
Ibën Xhibrini


65. VITRI DHE NAMAZI I NATËS

Pyetje: A lejohet falja e vitrit para gjumit dhe a konsiderohet kjo falje prej namazit të natës, pasi, për shkak të lodhjes së ditës, nuk mund të zgjohem para namazit të sabahut?

Përgjigje: Në një hadith të saktë transmetohet se Pejgamberi [sal-lall-llahu alejhi ve sel-lem] e ka porositur Ebu Hurejren që ta falte vitrin para se të flinte, andaj, nëse ti e di se nuk mund të zgjohesh para namazit të sabahut, atëherë mund ta falësh namazin e natës, atëherë mund ta falësh namazin e natës dhe vitrin para se të biesh për të fjetur, e pastaj, nëse zgjohesh para namazit të sabahut dhe dëshiron të falesh përsëri, mund të falesh pa pasur nevojë që të përsërisësh namazin e vitrit
Ibën Uthejmini


66. DALJA E GRAVE PËR TË FALUR BAJRAMIN

Pyetje: A u lejohet grave që të dalin për të falur namazin e Bajramit?

Përgjigje: Dalja e grave për të falur namazin e Bajramit është sunnet i fortë, pasi transmetohet se Ummu Atije, një nga bashkëkohëset e Pejgamberit, ka thënë: "Ditën e Bajramit, urdhëroheshim që të dilnim të gjitha, bile edhe vajzat e reja bashkë me gratë me menstruacione dhe thoshim tekbiret e luteshim së bashku me të tjerët, duke shpresuar te begatia dhe pastërtia e asaj dite". (Transmeton Buhariu dhe Muslimi)
Në një transmetim tjetër thuhet: "Ditën e Bajramit, Pejgamberi [sal-lall-llahu alejhi ve sel-lem] i nxirrte vajzat e reja, plakat dhe gratë me menstruacione për ta falur namazin. Gratë me menstruacione qëndronin mënjanë dhe ndiqnin namazin dhe lutjet e muslimanëve". Njëra prej grave tha: "O i Dërguari i All-llahut, disa gra nuk kanë rroba të mjaftueshme". Ai ia ktheu: "Le të mbulohet me rrobën e shoqes së saj".
Mirëpo nuk duhet të harrojmë se gratë nuk duhet të vënë erëra të mira apo të zbukurohen dhe njëkohësisht duhet të qëndrojnë larg burrave.
Ibën Xhibrini

[burbuqe1]

Per ata qe ende nuk e kan pa ketë dokumentarë shum të vlefshëm...
Është edhe ne temën e fisniku-student "Video me karakter Islam!!! "
Mendoi qe ia vlen ta shikoni deri ne fund ka mesazh shumë të mire.
Allahu i shperbleft të gjithë ata që kan kontribuar për këtë dokumentare.

[besi84]

Falënderimet dhe lavdërimet i takojnë vetëm Allahut xhele shanuhu, salavatet qofshin mbi të dërguarin e Tij, Muhamedin (salallahu alejhi ue selem), familjen e tij, shokët e tij dhe gjithë muslimanët që ndjekin rrugën e tij deri në Ditën e Gjykimit.Nuk ka dyshim se falja e namazit ka dobi të shumta dhe mirësi, do t'i cekim inshallah disa prej tyre:

1. Namazi të largon nga të shëmtuarat dhe të irituarat.

Allahu xhele shanuhu thotë: "Vërtet namazi largon nga të shëmtuarat dhe të irituarat, e përmendja e Allahut është më e madhja (e adhurimeve); Allahu e di ç'punoni ju."

2. Namazi është vepra më e mirë pas shehadetit (fjalës 'La ilahe il Allah')

Transmetohet se Abdullah ibn Mesudi (radijallahu anhu) ka thënë:

"E kam pyetur pejgamberin (salallahu alejhi ue selem) për veprat më të mira, më tha: ´Namazi në kohën e tij.´ " Buhariu dhe Muslimi.

3. Me namaz Allahu xhele shanuhu e ngre robin e Tij dhe ia shlyen mëkatet. Pejgamberi (salallahu alejhi ue selem) thotë:

"Shpeshtoni sexhdet, se me të vërtetë çdo sexhde që e bën, Allahu xhele shanuhu do të të ngrejë një shkallë dhe do ta shlyej një mëkat" . Muslimi.

4. Namazi është ndriçim për të, në dynja dhe ahiret (në këtë botë dhe botën tjetër). Pejgamberi (salallahu alejhi ue selem) thotë:

"Përgëzoni ata që shkojnë nëpër errësirë në xhami, sepse ata do të kenë ndriçim të plotë në Ditën e Gjykimit." Tirmidhiu - shejh Albani ka thënë se hadithi është shih.

5. Namazi i shlyen gabimet dhe mëkatet.

Ka thënë Pejgamberi (salallahu alejhi ue selem): "A e shihni, sikur të kalonte ndonjë lum pranë shtëpive të juaja, dhe sikur ju të laheshit pesë herë në ditë, a thua do t´ju kishte mbetur ndonjë papastërti?" Thanë të pranishmit: "Nuk ka mundësi të mbetet ndonjë papastërti," Pejgamberi (salallahu alejhi ue selem) tha: "Kështu është çështja e faljes së pesë kohëve të namazit, Allahu xhele shanuhu i shlyen me to mëkatet." Muslimi.

6. Allahu xhele shanuhu i fal mëkatet që bëhen në mes dy namazeve.

Pejgamberi (salallahu alejhi ue selem) thotë:

"Çdo person që merr abdes ashtu si duhet dhe e fal namazin, Allahu xhele shanuhu do t'ia falë mëkatet që i bën mes këtij namazi dhe namazit që vjen pas tij." Muslimi.

7. Allahu xhele shanuhu do t'i përgatisë falësit të namazit gosti në xhenet sa herë që shkon për sabah dhe mbrëmje. Pejgamberi (salallahu alejhi ue selem) thotë:

"Ai i cili shkon në namazin e mëngjesit apo të mbrëmjes, Allahu xhele shanuhu do t'i përgatisë atij gosti në xhenet sa herë që shkon në mëngjes dhe mbrëmje".. Buhariu dhe Muslimi. (Gosti ka për qëllim atë çka përgatit pronari i shtëpisë për mysafirët e tij.)

8. Ai i cili shkon për ta falur ndonjë namaz në xhami, ai e ka shpërblimin sikur të jetë në namaz derisa të kthehet. Pejgamberi (salallahu alejhi ue selem)thotë:

"Çdo person i cili merr abdes ashtu si duhet dhe shkon në xhami, ai është në namaz derisa të kthehet." Hakimi - shejh Albani ka thënë se ky hadith është shih.

9. Engjëjt luten për falësin e namazit sa të qëndrojë ai në vendin ku është falur. Pejgamberi (salallahu alejhi ue selem) thotë:

"Engjëjt luten për falësin e namazit sa të qëndrojë ai në vendin ku është falur, duke thënë: 'O Allah, mëshiroje atë! O Allah, falja mëkatet! O Allah, pranoja pendimin, dhe kështu luten derisa të ngrihet apo të flasë." Buhariu dhe Muslimi.

10. Namazi i shlyen mëkatet.

Pejgamberi (salallahu alejhi ue selem) thotë:

"Falja e pesë kohëve të namazit, xhumaja deri në xhuma, ramazani deri në ramazanin tjetër, janë shkaktarë për shlyerjen e mëkateve që bëhen mes tyre, nëse i largohemi mëkateve të mëdha." Muslimi.

Së fundi, e lusim Allahun subhanehu ue teala që të na bëj prej atyre që i kushtojnë kujdes namazit dhe e falin atë në kohën e vet, sepse me të vërtetë vdekja është shumë afër dhe gjëja e parë për të cilën do të japim përgjegjësi para Allahut, do të jetë namazi, e nëse namazin nuk e kemi kryer, atëherë do të jemi në një humbje të madhe.

E lusim Allahun xhele shanuhu të na i falë mëkatet tona, të prindërve tanë dhe të gjithë muslimanëve.

Përgatiti: Eroll Nesimi