Laura Papraniku
lajm
Vazhdon të mbetet pezull çështja e paraleles së pestë me mësim në gjuhën shqipe në shkollën “Petar Petroviç Njegosh”, në fshatin Idrizovë të Shkupit, ku prindërit maqedonas janë hedhur në veprim për të penguar formimin e kësaj paraleleje. Të premte, ashtu sikurse edhe pritej, prindërit maqedonas i ndaluan fëmijët e tyre të hyjnë në mësim, kurse një numër i vogël i tyre protestuan, jashtë shkollës. “Nëse hapet paralelja me mësim në gjuhën shqipe, do të kërkojmë edhe neve prindërit maqedonas që të zgjerohet numri i paraleleve maqedonase e, me këtë shkolla do të duhet të punon në dy ndërrime”, tha Mara Karova, kryetarja e këshillit iniciues të prindërve maqedonas për bojkotimin e mësimit. Sa për ilustrim, në klasën e shtatë dhe të gjashtën kemi nga dy paralele me nga 32 nxënës në një klasë, ankohet Karova edhe pse sipas ligjeve arsimore, maksimumi i nxënësve të lejuar është 34, kurse shkolla që punojnë në dy ndërrime gjenden gjithë andej Maqedonisë.
“Nuk jemi kundër shkollimit të shqiptarëve në gjuhën amtare, por kundër mësimit me dy ndërrime”, thotë Karova, ndërsa nuk mundet të përgjigjet se a do të kishin mbajtur këtë qëndrim edhe nëse shqiptarët “vullnetarisht” zgjedhin të mësojnë në ndërrimin e dytë. Prindërit maqedonas, nuk dëshirojnë që fëmijët e t’ju mësojnë në ndërrimin e dytë, për shkak se, sikurse thotë Karova, rrugët nuk kanë drita, kurse prindërit nuk mund të shkojnë ti marrin në shkollë. “Të gjitha këto janë shpenzime”, shprehet ajo. Për mungesë të paraleleve me mësim në gjuhën shqipe, nga klasa e psetë, prindërit shqiptarë detyrohen që fëmijët e tyre t’i dërgojnë nga 15 kilometra larg, në shkollat qytetit, në disa prej të cilave punohet jo vetëm në ndërrimin e dytë por edhe në të tretin. Për protestat e maqedonasve, në shkollën e Idrizovës, nuk donin të prononcohen as kryetarja e këshillit dhe as zëvendësdrejtoresha. Drejtoresha Dineva Velika, nuk është paraqitur në punë asnjë ditë, prek se ka filluar viti shkollor. Zëvendësja e saj, Sllobodanka, tha se nuk ka autorizim dhe se duhet të presim ardhjen në shkollë të drejtoreshës ditën e parë të nëntorit.
Kokteji më i rëndësishëm se bojkoti
Shteti, e ka të vështirë t’ju krijojë shqiptarëve kushte për shkollim në gjuhën amtare. Ministrit të Arsimit dhe Shkencës, Pero Stojanovskit, iu deshën 45 ditë nga fillimi i vitit të ri shkollor që të jep pëlqimin për hapjen e një paralele, kurse Koce Trajanovski, kryetari i Komunë së Gazi Babës, nuk dëshiron as të bisedojë për këtë temë. Deri dje, ai, i qante hallin MASH-it se do të shpenzohet për rrogat e mësimdhënësve, kurse të premten më të rëndësishme e kishte ahengun e një kokteji në “Aleksandër Palas” se sa çështjen e shkollës, ku maqedonasit kanë nxjerr në sheshit albanofobinë e tyre.
Përgjigju Duke Cituar
Postuar më parë nga faruk_01
Krijoni Kontakt