Sëmundja e Prostatit, sa kushton operacioni?

[DI_ANA]

Ja edhe fatkeqesite dhe realiteti i hidhur,duam apo sduam ne!


Studimi, Onkologjikut i mungojnë barnat e shtrenjta
Kostoja reale e nevojave për barna të tilla shkon deri në 8.5 milionë euro. Rreth 2800 persona vdesin çdo vit nga tumoret

Emanuela Sako
Shërbimi Onkologjik në QSUT vuan mungesën e barnave të shtrenjta, të cilat pacientët e kanë të vështirë t’i blejnë. Kjo është bërë e ditur nga vetë autoritetet përkatëse, në bazë të një studimi të bërë kohët e fundit mbi koston e pacientit, të trajtuar gjatë vitit 2007 në lidhje me trajtimin me citostatikë dhe barna të tjera për kurimin e tumoreve. Shefi i Shërbimit Onkologjik, Agim Sallaku, u shpreh dje për mediat se kostoja reale e nevojave për barna të tilla shkon deri në 8.5 milionë euro, që është një shumë e konsiderueshme. Ndërsa ka pranuar se nga viti në vit buxheti për citostatikët ka ardhur në rritje, sidomos vitet e fundit, buxheti është i pamjaftueshëm. Vitin e kaluar buxheti ka qenë rreth 3.8 milionë, ndërkohë që kërkon që këtë vit të shkojë rreth 4 apo 4.5 milionë lekë. ”Kjo është një rritje e rëndësishme, e cila është evidentuar në numrin më të madh të të trajtuarve si dhe përdorimin e linjave të reja me citostatikë, të cilat përdoren edhe në vendet e tjera. Megjithatë, mund të themi që buxheti është i pamjaftueshëm për të plotësuar të gjitha kërkesat dhe mbulimin për çdo problematikë që të sëmurët onkologjikë paraqesin”, - u shpreh Sallaku.
Blerja
Shefi i Shërbimit Onkologjik sqaron se citostatikët blihen gjithmonë me tendera të organizuara nga Ministria e Shëndetësisë dhe QSUT-ja. Ndërsa për raste të veçanta bëhen edhe blerje të vogla, por që duke pasur parasysh koston e madhe të preparateve me blerje të vogla, nuk arrihet asnjëherë të bëhet një blerje e plot dhe e saktë. Ndërkohë që shifrat e të sëmurëve me tumore që shkojnë çdo ditë në këtë qendër janë tepër alarmante. Rreth 2800 persona në vit vdesin nga kjo sëmundje, ndërkohë që raste të të prekurve janë 3500 deri në 4000 femra dhe meshkuj. Shefi i Shërbimit të Onkologjisë, Agim Sallaku, sqaron për gazetën “Albania” se ndonjëherë shkaktarë të sëmundjes bëhen vetë personat, pasi konsumimi i alkoolit dhe duhanit është një ndër faktorët kryesorë që ndikojnë në shtimin e rasteve. Kanceri i mushkërive është më i përhapuri te meshkujt, ndërsa te femrat është kanceri i gjirit.
Shkaktarët
shkaktarë kryesorë të formimit të tumoreve janë disa, si konsumimi i duhanit, që njihet si një nga faktorët kryesorë për shfaqjen e tumoreve në mushkëri. Po kështu, konsumimi i tepërt i alkoolit ka një ndikim tepër negativ në organizëm dhe prek stomakun. Ndryshimi stilit të jetesës në ushqyerje bëhet shkak për shtimin e sëmundjes. Sipas specialistëve, qytetarët e kanë shtuar ushqyerjen me mish dhe përdorimin më të paktë të zarzavateve. Përdorimi i kimikateve në bujqësi, industri dhe ndërtim, bën që punonjësit e pambrojtur të jenë më të prirë ndaj prekjes nga tumoret. Rrezikshmëri shfaqin edhe elementët toksikë te ushqimet për shfaqjen e kancerit të zorrës së trashë. Ka një sërë faktorësh natyrorë që shfaqin rrezikshmëri të lartë, siç është rritja e intensitetit të rrezatimit ultraviolet për shkak të hollimit të shtresës së kozmosit, i cili shkakton kancerin e lëkurës. Ndotja e ambientit nga tymi i makinave shfaq efekte negative te të gjithë personat.

Qeveria, ndihmë financiare për pacienten Ermira Spahiu
Këshilli i Ministrave vendosi në mbledhjen e radhës për mbulimin e pjesshëm të shpenzimeve për kurim jashtë vendit të Ermira Spahiut. Ministria e Shëndetësisë, pasi kishte marrë vendim për dërgimin e pacientes për kurim në Itali, ia paraqiti kërkesën Këshillit të Ministrave. Kështu, nё buxhetin e miratuar pёr vitin 2008, nё zёrin “Shpenzime operative”, t’i shtohet fondi 3 900 000 (tre milionё e nëntëqind mijë) lekë, pёr përballimin e pjesshёm tё shpenzimeve pёr kurimin e znj. Ermira Spahiu, në Institutin Ortopedik Rizzoli, në Bolonja, Itali. Ky fond të përballohet nga fondi rezervë i Këshillit të Ministrave. Pagesa do të bëhet kundrejt paraqitjes sё faturave origjinale të institucionit shëndetësor. Pasi paraqitja e dokumenteve origjinale dhe përcaktimi i sëmundjes është kusht kryesor për dhënien e mundësisë nga Ministria e Shëndetësisë për kurimin e pacientëve jashtë vendit. Ngarkohen Ministria e Shёndetёsisё dhe Ministria e Financave për zbatimin e këtij vendimi. Çdo vit, Ministria e Shëndetësisë, nis një numër të konsiderueshëm pacientësh për kurim në një nga vendet me të cilat ka marrëveshje.

Mungesa e jodit, miratohet projektligji për kripën e jodizuar

Pas dhënies së alarmit të mungesës së jodit në vend nga Ministria e Shëndetësisë, Këshilli i Ministrave miratoi dje projektligjin “Për parandalimin e çrregullimeve të shkaktuara nga pamjaftueshmëria e jodit në organizmin e njeriut”. Ky vendim synon pasurimin me jod të të gjithë personave, pasi pamjaftueshmërisë jodike në vend shënon shifra të larta. Projektligji që qeveria miratoi krijon kuadrin ligjor të nevojshëm për jodizimin universal të kripës për përdorim human, shtazor dhe industrinë ushqimore. Ai realizon të gjithë gamën e veprimtarive që nga importi, prodhimi dhe deri te konsumatori, duke realizuar që njeriu, në mënyrë të drejtpërdrejtë, por edhe të tërthortë, të konsumojë vetëm kripë të jodizuar. Pamjaftueshmëria jodike është shkaku kryesor i prapambetjes mendore dhe fizike, por që mund të parandalohet lehtë nga sigurimi në organizmin e njeriut të sasisë së mjaftueshme të jodit. Marrja e jodit nëpërmjet kripës se jodizuar është identifikuar si një nga rrugët më efikase që kontribuon në eliminimin e pamjaftueshmërisë jodike. Pamjaftueshmëria jodike ka efekte negative në të gjithë popullatën me implikime serioze për zhvillimin dhe mirëqenien e gjithë shoqërisë.

Thereska: ”Të shtohen dy barna me rimbursim për pacientët që kanë kryer transplantime”

Mjekët e Nefrologjisë kanë kërkuar që listës së barnave me rimbursim t’u shtohen edhe dy lloje barnash për pacientët që kanë kryer transplantimin e veshkave. Mentor Thereska, shefi i Shërbimit të Nefrologjisë, ka kërkuar që ilaçet “valsait” dhe “prograt” t’i shtohen listës, pasi janë tepër të shtrenjta dhe të domosdoshme për trajtimin e pacientëve që kanë kryer transplantim. “Bëhet fjalë për ilaçet valsait dhe prograt, të cilat, edhe pse të shtrenjta, janë të domosdoshme për trajtimin e pacientëve që kanë kryer transplantim, sepse këta të sëmurë në muajt e parë pas operacionit janë të ndjeshëm nga infeksionet virale dhe përdorimi i medikamenteve i mbron ata”, - u shpreh shefi i Shërbimit të Nefrologjisë. Kjo kërkesë vjen në një kohë kur lista e barnave me rimbursim nuk është përcaktuar nga Ministria e Shëndetësisë, pasi fondet për shtimin e listës mungojnë. Në këtë mënyrë nuk dihet nëse kërkesa e specialistëve të Nefrologjisë do të gjejë zbatim. Njëkohësisht në QSUT pritet të realizohet transplantimi i veshkave në kuadër të projektit INTERREG III.

Aparaturë të re për shkrirjen e gurëve në veshka
Aparatura e lipotritit (për shkrirjen e gurëve në veshka), e cila ka mëse dy vjet që nuk funksionon, do të zëvendësohet me një të re, deklaroi dje drejtori i Qendrës Spitalore Universitare Nënë Tereza në Tiranë, Mati Pepa, sipas të cilit, për blerjen e aparaturës unike do të shpenzohen 500 mijë euro. Ai tha se sigurimi i aparaturës, e cila është unike në QSUT, do të lehtësojë punën e mjekëve të Urologjisë dhe do të përmirësojë shërbimin në QSUT. Aparatura e lipotritit gjendet edhe ne disa nga institucionet shëndetësore private. Çmimi i këtij ekzaminimi në këto të fundit kushton gati 55 mijë lekë. Ndërkohë që me blerjen e aparaturës së re për QSUT-në kurimi i gurëve në veshka do të kushtonte vetëm 18 mijë lekë për personat e pasiguruar, ndërsa të siguruarit do të paguanin vetëm 20 për qind të çmimit total, rreth 3600 lekë.



6 Mars 2008 Gazeta Albania

[alda09]

Me vjen keq! 15000 shume jane por ke siguri jete te madhe se eshte vendi i pare ne bote per zhvillimin ne fushen e mjekesis, ndersa ne shqiperi po ate shume do e harxhosh e me keqardhje ta them po s'fiton gje sepse nuk eshte semundje e lehte per ata qe e njohin mjekesin(mendimi im) te shkuara

[RaPSouL]

Analize e re per kancerin e prostatit

Sipas mjekeve shqiptare, meshkujt vdesin me kancer prostate, por jo nga kanceri i prostates

Kanceri i prostatit eshte mes kancereve me te zakonshem tek burrat ne vendet e zhvilluara. Rreth 400 mije raste te tilla shfaqen cdo vit ne Shtetet e Bashkuara dhe ne Evrope dhe afro 90 mije burra pritet te vdesin nga kjo semundje. Kurse, persa i perket vendit tone, numerohen rrett 150 persona te prekur nga prostata gjate nje viti. Nderkohe, sipas mjekeve shqiptare meshkujt vdesin me kancer prostate, por jo nga kanceri i prostates. Sipas nje studimi te bere nga mjket urologe ne Qendres Spitalore Universitare gjate 10 viteve te fundit, ku u moren ne studim 299 raste, u vu re se vetem 12 per qind e te semureve ishin me shkalle moshore 50-60 vjec. Ndersa 48 per qind e te semureve ishin me shkalle moshore 60-70 vjec dhe pjesa tjeter mbi 70 vjec. Pra, keto te dhena na cojne ne perfundimin se kanceri i prostates gjendet kryesisht prek moshat e kaluara mbi 60 vjec.

Parashikohet qe ndersa burrat ne vendet e zhvilluara jetojne me gjate, edhe numri i prekjes apo vdekjeve nga kanceri i prostates te rritet, nese ketu nuk merren parasysh perparimet shkencore. Ne fakt, shkencetaret vazhdimisht perpiqen per trajtime te reja me te sukseshme. Per shembull, mjeket u bejne thirrje burrave mbi moshen 50 vjec qe cdo vit te kryejne analiza te gjakut per antigjenin e vecante te prostatit. Kjo analize quhet ndryshe PSA. Niveli i larte ose rritja e nivelit te ketij antigjeni eshte shenje paralajmeruese per kancer ne prostat. Por kjo analize nuk eshte gjithmone e sakte, prandaj shume burra kryejne nje analize tjeter, me e dhimbshme, sic eshte biopsia e prostatit. Profesor Robert Gecenberg prane universitetit Xhons Hopkins thote se me kete analize ekziston nje problem. Tani per tani, thote ai, na duhet te kryejme biopsine tek 6 burra per te gjetur nje qe ka kancer ne prostat. Objektivi eshte perqendrimi ose kufizimi i kryerjes se biopsise tek persona qe me te vertete kane kancer ne prostat.

Pervec disa pasaktesive, analiza e antigjenit te prostatit shpesh nuk e dallon kancerin. Nje analize e tille zakonisht mat sasine e nje kimikati qe prodhohet ne prostat. Analiza e re mat vetem kimikatet e prodhuara nga qelizat kanceroze ne prostat. Profesor Gecenderg dhe koleget e tij zbuluan se analiza e re eshte e sakte ne 94 perqind te rasteve. Prova te metejshme klinike me kete analize jane planifikuar dhe nje gje e tille do te bente te mundur qe pas afro 1 viti e gjysme, analiza e re per zbulimin e kancerit te prostatit te jete gati per publikun e gjere. Doktor Gecenberg thote se analiza e re eshte ne gjendje te tregoje edhe nese kanceri eshte kufizuar vetem ne prostat apo eshte perhapur ne organe te tjera. Persa i perket vendit tone mjeket pohojne se nje pjese e operacioneve dhe pikerisht ato te parat kryhen ne vend, kurse ne rastet e tjera, kur pacienti ka nje gjendje me te rende operacioni kryhet jashte shtetit, pergjithesisht ne Turqi.


Koha

[dp17ego]

Operacioni i gjendres se prostates eshte vertet nje nga operacionet me te lehta. Ai klasifikohet si operacion i shkalles se pare. Kjo nuk eshte nje teze per diskutim qe diana apo nje tjeter te filloje debatin, por nje e vertete qe merret keshtu sepse keshtu eshte . Ky operacion eshte kryer ne Shqiperi qe ne vitet e para te ndertimit te klinikave operatore. Eshte operacion qe kryhet edhe nen anestezi epidurale(pacienti mund te bisedoje nderkohe me mjekun)

Kushtet e spitaleve vertet qe jane te tmerrshme dhe atje punojne mjeke qe per mua jane heronj. E them kete sepse duke ditur qe edhe Diana apo Jimy e di se sa e rendesishme eshte higjena, merreni me mend se si ndihet nje mjek qe e di edhe shkencerisht rendesine e saj.

Pr meqe u hap kjo teme, duhet shtuar se mjeket jane pikerisht produkt i asaj shoqerie, jane produkt i nje shoqerie qe te merr 100 dollare amerikane per nje darke te thjeshte dhe keto jane sa 30% e rroges mujore te mjekut.

Por shoqeria nuk mban dot mjekun me ate nivel page qe te kryeje nevojat minimale qe nje intelektual ka nevoje.
Ai mjek qe te mbetet i mire dhe ndjeke nuvelet shkencore, duhet te ndjeke seminare e leksione bashkekohore, vishet si mjek e haje si mjek, duhet te blere libra te reja, pikerisht per t'ju sherbyer juve qe bertisni tani.
Ai mjek duhet te mendoje edhe per femijet e tij qe te shkollohen, me se me 300 dollare ne muaj do te munde ai?

Pa mendoni edhe ne kete drejtim ju qe ta beni hesapin qe ne xhep dhe shprehjet popullore i ndiqni germe pas germe.


PS Per ju qe nuk e dini" kur thuhet e bej dicka me sy mbyllur, nenkuptohet ne menyre alegorike se e ben shume lehte dhe jo ne menyre naive qe te mbyllesh vertet syte.

Eh kjo shqipja qe duhet mesuar mire!

[dp17ego]

Kritika,kritika dhe vetem kritika....e çka ketu per fjalor rrugesh?!
Nuk po thote njeri qe skemi mjeke te mire,por me ka rastisur me pushime te vizitoj keto spitalet e Shqiperise dhe me fal po me mire nje stalle lopesh ku kundermon bajga se aty ku merr infeksion e çdo lloj semundjeje sepse nuk ka kushte dhe higjiene!Plus jane te korruptuar dhe duan lekun!
Edhe nuk eshte operacion qe behet me sy mbyllur,por duhen te dy hap mire se heq ndonje gje tjeter!
Ti na keshillon profesionistin po pse nuk flisni kur tjetri kerkon ndihme?
Ti personalisht i nderuari doktor,pse vetem kritikon,jep mendime,hap tema,na befaso ne amatoreve te mjekesise me talentin tend!!!!
Deri tani je jashte loje,por brenda per kritika!

Diana, ne nje spital te tille nena jote te ka lindur ty. Nje mjek nga ata te ka prere kerthizen dhe nje pediater i tille te ka rritur dujke te ndjekur semundjet e foshnjerise.
Ja kjo eshte gjeja me e keqe kur si kini shkuar disa vite jashte harroni se edhe ju ini pjese e drames se atij vendi.
Mjeksia nuk mund te zhvillohet ee shkeputur nga e gjithe ekonomia.

[DI_ANA]

Diana, ne nje spital te tille nena jote te ka lindur ty. Nje mjek nga ata te ka prere kerthizen dhe nje pediater i tille te ka rritur dujke te ndjekur semundjet e foshnjerise.
Ja kjo eshte gjeja me e keqe kur si kini shkuar disa vite jashte harroni se edhe ju ini pjese e drames se atij vendi.
Mjeksia nuk mund te zhvillohet ee shkeputur nga e gjithe ekonomia.

E çlidhje ka me kerthizen time dhe me nenen time njehere,se na cmende ti!!!!!
Ore une po te them ska masa shendetesore dhe ska mjete dhe ska rregull,nuk po te them ty qe ska doktore te zote!Mos me bej moral mua ti po jep pergjigje si i madh dhe leri ceshtjet e jetes sime se ste duhen gje ty.
Pastaj doktor pa vegla sben dot gje apo jo!!!
E paske kap keq me mua ti ore.....ej taksirat i madh!Truri gje e madhe!!!
Aty mungojne ilacet dhe higjiena dhe e ka mbyt korrupsioni ti merresh me kerthizen time!!!!hapi syte te realiteti "Doktor"...pfff

[dp17ego]

Nuk ekam me ty por me psikologjine e kritizerit qe ka pushtuar te gjithe dhe po ashtu me nje lloj agresiviteti qe shprehni te gjithe karshi mjekeve.

Ja pra nuk po e ze kerthizen tende me ne goje.

Mjeksia popullore eshte me e mire se ajo shkencore.

Dhe ju keni te drejte.

[DI_ANA]

Zbulohen 7 variante gjenetike shkak për kancerin në prostatë

Shkruar nga Elberta Spaho


Shkencëtarët kanë zbuluar shtatë variacione gjenetike të cilat janë të lidhura me shfaqjen dhe zhvillimin e kancerit të prostatës dhe mund të shtojnë rrezikun e shfaqjes së këtij kanceri te meshkujt dhe disa sëmundje të tjera. Ky është numri më i madh i faktorëve gjenetikë, të cilët paraqesin rrezikun e shfaqjes së kancerit të prostatës, i zbuluar nga Cancer Research çka parashtron kërkesa jetësore për të kuptuar bazën gjenetike të sëmundjes. Gjashtë prej varianteve gjenetikë shkaktare të këtij tipi kanceri në dy studime të veçanta janë botuar publikuar në të njëjtën kohë në botimin më të fundit të gazetës Nature Genetics.
Çdo të thotë ky avancim për kancerin e prostatës?
Ky zbulim lidhur me trashëgiminë dhe gjenetikën tregon për mundësitë më të mëdha që i afrohen shkencës për të pasur në dorë një test gjenetik i cili do të parashikonte se cili person rrezikonte zhvillimin e kancerit të prostatës.
A është kanceri i prostatës një problem universal?
Kjo formë e shfaqjes së kancerit te meshkujt është një problem shumë i madh që parashtron kërkesa për arritjen e përfundimeve sa më efikase, për të diagnostikuar sëmundjen që në fillesat e saj dhe për të realizuar kurimin e duhur. Por kjo sëmundje sa vjen e bëhet më e keqe, nga vetë shtimi i numrit të të diagnostikuarve me këtë tip kanceri; nga 35 000 raste në vit, 10 000 prej tyre rezultojnë vdekjeprurës.
Çfarë është prostata dhe simptomat e kancerit të prostatës
Prostata është një gjëndër, është e pranishme vetëm te meshkujt, i ndodhur afër uretrës, tubi i cili transporton urinën nga qeska e urinës në penis. Prostata ka madhësinë e një kokrre arre dhe përgatit lëndën në të cilin sperma e prodhuar në testikuj mund të notojë. Tek një në çdo tre meshkuj të moshës së tretë prostata fillon të zmadhohet, dhe shfaq simptoma të tilla si: vështirësi gjatë urinimit, rrjedhje të pakët të urinës, etj. sidoqoftë në nëntë nga dhjetë raste që shkaktojnë këto simptoma janë të parrezikshme. Vetëm një në dhjetë nga rastet e zmadhimit të prostatës është kancer.
Mosha kur shfaqet kanceri i prostatës
Nuk janë të paktë ata meshkuj që vuajnë nga kanceri i prostatës. Sidomos burrat që i kanë kaluar të 40-at. Gjithçka duket se fillon me urinime sa më të shpeshta, si shkaktarë të së cilave shumë herë meshkujt akuzojnë ndonjë ftohje apo mendojnë se kanë pirë shumë lëngje. Më pas dhimbja fillon të përhapet dhe në kurriz dhe gjithnjë e më shumë mendohet se kemi të bëjmë me një ftohje. Po ama të tjerët nuk vuajnë nga ky problem, dhe pse mund të jenë të ftohur dhe, ç’është më e keqja, kjo gjendje zgjat me shumë se sa një ftohje normale. Kanceri i prostatës godet çdo vit rreth 12 për qind të popullsisë botërore. Niveli i vdekshmërisë ka pësuar rënie me 9 për qind që nga viti 1985 deri në 1998. Mbijetesa prej pesë vjetësh, pasi është identifikuar dhe kuruar tumori, është rritur me 15 për qind këto 15 vitet e fundit. Në Evropë nga ky lloj tumori janë të prekur 40 në 100 mijë persona, ndërsa në USA 70 në 100 mijë. Por nuk është e thënë që të gjithë ata që kanë një hiperplasi beninje zhvillojnë tumorin e prostatës.

Këshilla për një dietë që parandalon kancerin e prostatës

1- Hudhrat janë parandaluese të mira për organizmin mashkullor nga ky lloj tumori
2- Qepët, merita është e përbërësve që shkaktojnë dhe erën e rëndë
3- Djathi vegjetarian mund të eliminojë rrezikun e përhapjes së tumorit
4- Peshku, vitaminat e tij kanë një rol të rëndësishëm në mbrojtjen e organizmit
5- Arrat, sipas specialistëve kanë vitaminë D
6- Domatet janë tepër të rëndësishme për konsum të përditshëm, parandalojnë kancerin e prostatës
7- Drithërat e ndryshme, të cilat kanë në përbërjen e tyre selen
8- Mishi, edhe në të gjendet seleni, por është e rekomandueshme të mos ekzagjerohet me përdorimin e tij

Matja e rrezikut të shfaqjes së kancerit
Studimet shkencore akoma nuk kanë arritur të zbulojnë se përse disa meshkuj sëmuren dhe disa të tjerë jo. Për të identifikuar prekjen e një organizmi mashkullor nga ky lloj tumori ekziston dhe një test i veçantë. Testi konsiston në një analizë të thjeshtë gjaku në të cilën matet niveli i PSA, që është një glikoproteinë e prodhuar nga qelizat e prostatës. Përqendrimi i kësaj substance të prodhuar nga qelizat e prostatës shtohet në raste infeksioni, neoplasish apo hiperplasish beninje. Duhet të përsëritet të paktën tetë herë dhe shërben për të diagnostikuar sa më parë një tumor. Vlera normale e PSA është 2.5 ng/ml. Në qoftë se ky përqendrim është më i lartë, atëherë do të ishte e nevojshme të bëni një biopsi.

Eliminimi i qelizave tumorale me radioterapi
Radioterapia është një radioaksion që dëmton qelizat tumorale, duke i çuar deri në vdekje. Çdo seancë nga 10-15 minuta në ditë për 6-8 javë me radhë. Ky lloj diagnostikimi është e këshillueshme për pacientë të rinj dhe me tumor të lokalizuar. Avantazhet kryesore janë eliminim i qelizave tumorale dhe mundësi shumë të mëdha shërimi. Terapi e njohur është edhe Krioterapia, e cila ka të bëjë me ngrirjen e qelizave tumorale, gjë që shkakton dhe vdekjen e tyre. Ndërhyrja zgjat rreth një gjysmë ore dhe është e këshillueshme për pacientë me tumor të lokalizuar. Avantazhi kryesor ka të bëjë me kohën e shkurtër të ndërhyrjes.

Prostata, tumori më i përhapur te meshkujt
Kanceri i prostatës shfaqet më shpesh te ata meshkuj që i kane kaluar dyzet vjet. Por shumë prej tyre nuk e njohin realisht sëmundjen dhe simptomat me të cilat ajo shoqërohet. Shpeshherë pacienti nuk e ka të qartë se për çfarë flitet realisht, madje ndonjëherë specialistët thonë se është detyrë e tyre që t’u shpjegojnë se ku ndodhet dhe çfarë roli ka prostata. Prostata ndodhet afër uretrës, rrugët urinare nëpërmjet të cilave urina dhe lëngjet dalin jashtë penisit. Tek një mashkull i rritur është i madh pak a shumë sa një gështenjë dhe peshon rreth 20 gram. Funksioni i tij kryesor është prodhimi i lëngut që transporton spermatozoidet gjatë ejakulacionit. Ky është tumori më i përhapur tek meshkujt, dhe në veçanti tek ata që janë mbi 65 vjeç, pas tumorit të mushkërisë dhe kolonit.

Rastet e shfaqjes së kancerit të prostatës
Rritja e shpejtë e niveleve të PSA, tregues i mbijetueshmërisë tek kanceri i prostatës, është indeks i një mbijetese të ulët. Një studim i realizuar në mbi 1095 meshkuj me tumor të lokalizuar në prostatë, ka treguar se një rritje e rrufeshme e përqendrimeve të antigjenit PSA, prostate-specific antigen, është një indikator i një mbijetese të reduktuar. Objektivi i studimit ishte vlerësimi i faktit nëse do të mund të identifikoheshin meshkujt në rrezik letal pas trajtimit me heqje e plotë e prostatës, pas tumorit të prostatës. U vu re se një rritje vjetore e PSA më e lartë nga 2 mg/ml ishte e shoqëruar me një mbijetueshmëri tepër të ulët. Edhe parametra të tjerë kanë lejuar të parashikohet mbijetueshmëria e pacientëve me tumor të prostatës.

Tirana Observer