Finalizohet Kushtetuta e Kosovës

[RaPSouL]

Tirana, pa makina në ditën e pavarësisë

Nënkryetari i bashkisë, Shalsi: Le të festojmë dhe të shëtisim më këmbë të dielën, nga ora 10:00 deri më 18:00


Tirana do të jetë e lirë, pa makina, në ditën kur pritet shpallja e pavarësisë së Kosovës, 17 shkurt 2008. Kjo është data që presin gjithë shqiptarët anembanë botës, por nuk është konfirmuar. Gjithsesi, nënkryetari i Bashkisë së Tiranës, Eduard Shalsi, ka dalë publikisht me deklaratën se "ditën e diel, nga ora 10:00-18:00, asnjë makinë nuk do të qarkullojë në kryeqytet". Sipas tij, Tirana do të jetë në dispozicion të atyre që duan të shëtisin në ditën e pavarësisë së Kosovës. Por a është dita e diel ajo kur Kosova gëzon pavarësinë? Kjo ende nuk dihet saktësisht. Kryeministri Hashim Thaçi doli dje në një konferencë për shtyp, por nuk tha datën kur do të shpallet pavarësia. Ai u shpreh vetëm se Kosova e ka një axhendë. Por edhe Tirana e ka një axhendë. Një festë të lirshme. Kështu të paktën e mendon Bashkia e Tiranës. Me rastin e ditës së shpalljes së pavarësisë së Kosovës, që sipas Eduard Shalsit është kjo e diel e shkurtit, Bashkia e Tiranës do të organizojë festime masive në të gjitha sheshet dhe rrugët kryesore të kryeqytetit.

Sipas urdhrit të vendorëve, nga ora "10:00 deri në orën 18:00 asnjë automjet nuk do të lëvizë nëpër rrugët e Tiranës. Qyteti do jetë në dispozicion të të moshuarve e fëmijëve, grave e burrave, vajzave e djemve që duan të marrin pjesë në shëtitjen e lirisë dhe duan të presin e të përshëndesin së bashku shpalljen e pavarësisë së Kosovës". Kështu u shpreh dje nënkryetari Shalsi në një deklaratë për mediat.

Qeveritarë e qytetarë të thjeshtë, vizitorë e njerëz që do të gjenden këtë ditë në Tiranë, do të mund të lëvizin në këmbë, me familjen, miqtë, në një ditë që në jetën e një njeriu është e papërsëritshme.

Gjatë tetë orëve të shëtitjes së lirisë, siç e quan Shalsi, ftohen të gjitha grupet e këngëtarëve, instrumentistët klasikë e popullorë të gjejnë këndin e të luajnë në liri të plotë muzikën e tyre. Po kështu, Bashkia e Tiranës fton të gjithë shitësit e produkteve ushqimore e të pijeve freskuese të gjejnë këndin e tyre dhe pa asnjë leje apo tarifë të ofrojnë produktet e tyre.

Siç shihet nga kjo deklaratë, gjithçka do të jetë e lirshme. Pa urdhra, zyrtarë, pa pagesë ekstra. Thjesht një ditë shëtitëse në kryeqytet.

Sjellim në vëmendje se janë të pakta ditët e vitit kur qytetarët mund të lëvizin lirshëm, pa makina nëpër rrugë. Një ndër to është Dita e verës, apo Një ditë pa makinën time. Në kështu lloj eventesh qytetarët e Tiranës mbushin rrugët dhe u drejtohen kryesisht kodrave të liqenit dhe periferive të tjera si Dajti, Sauku etj. Ndërsa 17 shkurt 2008, nëse do të jetë kjo finalja e pavarësisë, shtija////// pritet të marrë ngjyrim tjetër. Më nacional, me ngjyra dhe simbole të tjera që përfaqësojnë shtetin tonë dhe atë të Kosovës që po lind.

Liria e Kosovës është e shumëpritur dhe dje në konferencën për shtyp të kreut të qeverisë së Kosovës kanë marrë pjesë mbi 500 gazetarë që përcjellin çdo detaj nga vendi ku është përqendruar vëmendja botërore. Kryeministri i Kosovës, Hashim Thaçi, në konferencën për shtyp nuk e bëri publike datën e shpalljes së pavarësisë, që pritet të jetë 17 shkurti. Pyetjes se "kur do ta shpallni pavarësinë", Thaçi nuk iu përgjigj. Kështu bëjnë të ditur agjencitë e lajmeve. Kosova është duke funksionuar, institucionet janë duke punuar me axhendën e tyre të zakonshme", deklaroi Kryeministri Thaçi.



Surroi: Jo zbrazëti kohore për njohjen


Kryetari i Partisë Reformiste ORA, Veton Surroi, theksoi se njohja e pavarësisë së Kosovës nga ana e sa më shumë shteteve evropiane është çështje e kredibilitetit evropian, pasi procesi i pavarësisë së Kosovës është në masë të madhe edhe produkt i politikës evropiane. Surroi u shpreh dje në takimin e partive socialiste-socialdemokrate të Ballkanit Perëndimor, që u mbajt në Lubjanë, në panelin për të ardhmen e Kosovës dhe Ballkanit perëndimor, në të cilin fjalën hyrëse e mbajti ministri i Jashtëm i Sllovenisë, Dimitrij Rupel, bën të ditur Partia ORA. "Pas momentit të shpalljes së pavarësisë së Kosovës, është me rëndësi të mos krijohet zbrazëti kohore në njohje. Njohja nga sa më shumë shtete evropiane e pavarësisë së Kosovës nuk është vetëm nevojë e shtetit të ri, por edhe çështje e kredibilitetit evropian", tha Surroi.


Shqip

[DI_ANA]

Lamtumirë, Serbi! Lamtumirë, Lindje!

ENVER BYTYçI

16/02/2008 Më 17 shkurt 2008, Kosova feston pavarësinë dhe shqiptarët shkëputen de jure prej ndikimit lindor:

Deklarata për shpalljen e pavarësisë do të publikohet nesër më 17 shkurt nga ana e Parlamentit të Kosovës dhe do t'i thotë përfundimisht “Lamtumirë” Serbisë. Ndërsa ne shqiptarët do t'i themi de jure “Lamtumirë” Lindjes. Nga ky moment treni i shqiptarëve do të udhëtojë lirshëm në rrugën euro-atlantike, duke u rikthyer edhe njëherë në pikënisjen e vet të para 2000 viteve. Fushë beteja midis Lindjes dhe Perëndimit nuk do të jenë më territoret shqiptare, por vetë territoret e pushtuesve serbë.

Nesër Parlamenti në Prishtinë do të shpallë deklaratën e pavarësisë së Kosovës. Ky akt do të jetë epilogu i mundimshëm i lamtumirës që shqiptarët janë përpjekur t'i thonë vazhdimisht Serbisë, por që deri tani kishte mbetur në tentativë. Ky akt do të shënojë gjithashtu fundin e një kohe të shkuar të shqiptarëve, fundin e një epoke më shumë se njëmijë vjeçare. Me pavarësimin e Kosovës treni i shqiptarëve merr licencën e udhëtimit të pandalshëm në rrugën euro-atlantike. Nuk do të ketë më asnjë forcë lindore që ta ndalojë këtë proces. Nuk do të mundet më Rusia ose Serbia që t'i pengojë shqiptarët të arrijnë atë finish, të cilin ua kishin përcaktuar rilindësit e tyre.

Lamtumirë Serbi! Ky është thelbi i deklaratës së pavarësisë. Lamtumirë Lindje! Kjo është motoja e të gjithë shqiptarëve pas pavarësisë e Kosovës. Lufta për ta tërhequr litarin në terrenin e trojeve shqiptare mori fund. Ajo ishte një luftë e pakuptimtë midis vlerave dhe antivlerave, midis Perëndimit dhe Lindjes, midis Euro-Amerikës dhe Rusisë, midis shqiptarëve dhe fqinjëve të tyre të pabesë e të pamëshirshëm.

Një shekull u tërhoq ky litar në terrenin shqiptar, një shekull shqiptarët ishin pre e arenës së kësaj lufte të pamoral. Fuqitë e Mëdha ishin ndeshur me njëra-tjetrën, duke bërë kurban territoret e shqiptarëve dhe jetën e tyre. Vetë diktatorët shqiptarë kishin parë veten në Lindje, madje në Lindjen “e kuqe” dhe nga ana tjetër “përgjëroheshin” për Kosovën e fatin e saj. Në fund të diktaturës ishte hedhur parulla “As Lindje, as Perëndim”, duke vazhduar mohimin e asaj çfarë përfaqësonin në të vërtetë shqiptarët. Ndërkohë me dhjetëra studiues të botës demokratike dhe të shkencës perëndimore kishin zbuluar rrënjët tona indoevropiane. I kishin shkruar dhe pohuar me zë të lartë këto rrënjë e këto vlera të shqiptarëve, me të cilat mburren kombet e mëdha të Evropës së sotme, gjermanët, francezët, italianët, austriakët etj.

Dhe ndërsa ne, të lodhur dhe të kërrusur nga luftërat e vuajtjet, në periudha të caktuara kishim “harruar” vetveten, Amerika dhe Evropa, NATO dhe BE do të na rikujtonte se i përkasim historisë dhe vlerave që këto vende dhe organizma përfaqësojnë, madje do të na merrnin në mbrojtje. Në Kosovë ndërkohë ishin zgjuar engjëjt e Perëndimit: Prishtina me Ibrahim Rugovën kishte dëshmuar se nuk i ngjante Sllobodan Millosheviçit dhe se dëshironte të arrinte lirinë me mjete paqësore. Por çmenduria e Milosheviçit kishte vazhduar me dhunë e terror të shtuar. Prandaj dhe UÇK-ja kishte dhënë shansin që engjëjt e Perëndimit të kuptonin se “thika kishte vajtur në kockë” dhe shqiptarët nuk ishin më të gatshëm të pranonin dhunën e terrorin mesjetar dhe të pandërprerë serb. NATO-ja do të bombardonte Serbinë më 24 mars dhe më 12 qershor 1999 do të pritej me lulet e tymosura nga bombat e Milosheviçit, të cilat shqiptarët i mblidhnin e ua jepnin me gjithë zemër ushtarëve të saj. Nuk kishte ndodhur ndonjëherë në histori që një popull të priste me lule e brohoritje si çlirimtare një ushtri të huaj. Po ndodhte kjo me shqiptarët në Kosovë, sepse ata ishin të vendosur t'i thoshin “Lamtumirë, Serbisë”! Dhe gjithashtu “Lamtumirë, Lindjes”!

Nesër është dita kur përfundimisht ndahen engjëjt nga djajtë, ndahen ditët nga netët, ndahen linjat e udhëtimit të shqiptarëve dhe pushtuesve e dhunuesve të tyre. Shqiptarët kanë marrë trenin e Perëndimit. Serbët vazhdojnë të zihen me njëri-tjetrin dhe ende nuk kanë vendosur në cilin tren do të donin të udhëtonin. Shumica prej tyre duan të udhëtojnë në trenin e lëndëve toksike të Rusisë, apo nëpër gjirizet e tubacioneve të Gazpromit, pjesa tjetër e dëshiron veten në trenin evropian.

Vendimi i nesërm i shqiptarëve ndoshta do t'ia hapë sytë dhe politikës së Beogradit, ndoshta do ta xhelozojë atë, që të përpiqet të arrijë trenin evropian. Por vetë shqiptarët nga dita e nesërme do të udhëtojnë të lirë, të pavarur, me identitetin e tyre të rikthyer si në kohën e Ilirisë, do të jenë gjithashtu pjesë e vlerave, pjesë e një identiteti të moralshëm.

Me shpalljen e pavarësisë Kosova ka marrë gjithashtu dhe një vendim tjetër të rëndësishëm: Shqiptarët si shumicë dërmuese e popullsisë së saj, megjithëse të dërrmuar dhe masakruar si asnjë popull tjetër në Evropë, i kanë shtrirë dorën e pajtimit serbëve të Kosovës. Ata, me vullnetin e tyre të pakthyeshëm e të sinqertë u kanë bërë thirrje atyre që të festojnë së bashku ditën e pavarësisë dhe të udhëtojnë së bashku drejt vlerave të Brukselit dhe Uashingtonit.

Edhe pse viktima, shqiptarët e njohin forcën e pajtimit. Prandaj ata ua kanë shtrirë dorën serbëve që jetojnë në Kosovë, edhe pse çdo familje e ka të paktën një varr në oborrin e shtëpisë për shkak të dhunës serbe, edhe pse çdo shtëpi (120 mijë të tilla) është ndërtuar rishtazi ose është riparuar nga themeli, sepse ishte shkatërruar e djegur nga bombat e ushtrisë serbe, edhe pse 2300 familjeve ende nuk u janë kthyer eshtrat e të masakruarve.

Këto vlera, që mbrohen ndër shqiptarët, por që janë errësuar në të kaluarën, do t'ia shtojnë madhështinë pavarësisë së Kosovës dhe lirisë së shqiptarëve, do ta rrisin autoritetin dhe dinjitetin e tyre në sytë e vendeve që na kanë mbështetur pa rezerva drejt rrugës së lirisë.

Është koha që të dëshmojmë se e meritojmë lirinë, e meritojmë pavarësinë dhe e meritojmë vendin që na përket në bashkësinë e vendeve të qytetëruara.

Gazeta Metropol

[RaPSouL]

Thaci: Neser plotesohet vullneti i kosovareve. Vizita e serbeve s'na shqeteson

Neser do te qendroje nje delegacion i qeverise serbe ne enklavat serbe ne Kosove, qe sic bejne ata te ditur per ti dhene mbeshtetje popullates serbe e joshqiptare ne çastin kur shqiptaret do te shpallin pavaresine

Thaci: Vizita e serbeve neser nuk na shqeteson aspak

Prishtine-Ne vigjilje te shpalljes se pavaresise, Kryeministri i vendit, Hashim Thaçi shprehet se vizita e paralajmeruar e disa zyrtareve serb te Beogradit ne Kosove per diten e neserme (e diele) nuk do te kene asnje ndikimin ne zhvillimet ne Kosove. Sipas Thacit institucionet kosovare e kane axhenden e tyre qe do ta respektojne se bashku me komunitetin nderkombetar.

Edhe pse tashme thuhet se Kuvendi i Kosoves, neser do te shpalle pavaresine, kreu i qeverise, Thaçi tha vetem se neser do te zbatohet vullneti i popullit kosovar.
Por pavaresisht se nuk eshte bere publike data e shpalljes se pavaresise nga ana e drejtuesve te institucioneve vendore, tashme ne qarqet diplomatike dhe te gjitha mediat nderkombetare dhe ato vendore thuhet se neser (e diel) Kuvendi i Kosoves do ta shpalle Deklaraten per Pavaresine e Kosoves, duke krijuar keshtu shtetin me te ri ne Evrope dhe bote.
Neser do te qendroje nje delegacion i qeverise serbe ne enklavat serbe ne Kosove, qe siç thuhet per t’i dhene mbeshtetje popullates serbe e joshqiptare ne çastin kur shqiptaret kane paralajmeruar shpalljen e pavaresise.

Duke komentuar viziten e delegacionit serb, kryeministri i Kosoves, Hashim Thaçi ka thene se ardhja e cilido autoritet te Beogradit nuk do te kete asnje ndikim.
“Ne e kemi axhenden tone si institucione te Kosoves qe do ta respektojme se bashku me komunitetin nderkombetar. Prandaj, edhe dita e neserme do te jete dite e qetesise, e rendit, mirekuptimit, e angazhimeve shteterore per implementimin e vullnetit te qytetareve te Kosoves. Prandaj, do te jemi te gjithe se bashku dhe asnje ndikim i autoritete te Beogradit nuk do te kete ndikim ne zhvillimet ne Kosove”, tha Thaçi.
Keto komente shefi i ekzekutivit te vendit i beri pas takimit qe pati me perfaqesuesit e komunitetit fetar.
Lidhur me kete takim Kryeministri tha se Kosova gjithmone ka qene vend i tolerances nderetnike, fetare, vend i solidaritetit, bashkejeteses dhe besimit me nje vizion perendimor.

Nga ky takim shefi i Qeverise se Kosoves, Hashim Thaçi dergoi nje mesazh tek qytetaret e vendit qe diten e shpalljes se pavaresise ta festojne ne menyre dinjitoze dhe te qete.

Nga ana tjeter, kryetari i Bashkesise Islame, Naim Terrnava, fillimisht falenderoi Zotin qe qytetaret e Kosoves tashme do ta festojne pavaresine e shume pritur.

[RaPSouL]

Shtypi nderkombetar, Kosova ne qender te vemendjes

Kosova ka zënë sot faqet kryesore të mediave të huaja. Në gjithë fotot shoqëruese të shkrimeve për Kosovën, jepen njerëz duke festuar me flamurin shqiptar kuq e zi.

Kështu gazeta Corriere, në faqen e saj të internetit, shkruan në kryetitull: BE e drejton Kosovën drejt pavarësisë. Mediat i janë referuar miratimit përfundimtar, ose zyrtarizimit të misionit të BE në Kosovë. Agjencia e lajmeve ANSA, shkruan: Kosova drejt pavarësisë, BE, OK misionit. Agjencia britanike e lajmeve Reuters, shkruan BE miraton misionin e fortë policor prej 2000 forcash, pikërisht një ditë para shpalljes së pavarësisë së Kosovës. Edhe Associated Press shkruan se asnjë vend i BE nuk e kundërshtoi misionin në Kosovë, pasi afati skadoi në mesnatën e së premtes. Ndërkohë La Republika shkruan, neser Kosova e pavarur, OK misionit të BE. BBC gjithashtu i kushton Kosovës një artikull të gjatë. Sipas BBC, misioni i BE u zyrtarizua pas betimit të opresidentit të ri të serbisë. Po kështu gjithë mediat prestigjoze ndërkombëtare kanë dhënë edhe pamje të atmosferës festive në Kosovë në prag të shpalljes së pavarësisë së Kosovës.

(Eva Kushova/news24)

[RaPSouL]

Policia, Festa per pavaresin, ja rruget ku do festohet

Policia e shtetit ka marre masat e duhura ne menyre qe festimet per diten e pavaresise se Kosoves te ecin normalisht, dhe pa ndonje incident

Drejtoria e Pergjithshme e Policise se Shtetit ne kuader te festimeve masive qe do te zhvillohen ne Tirane me rastin e Shpalljes se Pavaresise se Kosoves, eshte e angazhuar per perballimin e masave, per garantimin e rendit e sigurise publike si dhe normalizimin e trafikut ne rruget dhe sheshet kryesore te Tiranes. Per te festuar kete dite te shenuar, duke filluar nga ora 09.00 e dites se diele, jane marre masa per te bere bllokimin e larget dhe te afert te segmenteve rrugore, me konkretisht
-Ne rrugen e Elbasanit nga Ura deri ne Sauk do te vendosen sherbime te policise rrugore, me qellim per te mos lejuar levizjen e automjeteve ne drejtim te Bulevardit Kryesor.
- Rruga “Asim Zeneli”, Rr.”Dervish Hima” deri tek Liceu, nuk do te lejohet levizja e automjeteve ne drejtim te Bulevardit Kryesor.
- Fakulteti Filiologjik, nuk do te lejohet levizja e automjeteve ne drejtim te kodrave te Liqenit Artificial.
- Ne Sauk, nuk do te lejohen automjetet (autobuze e furgona) te futen ne drejtim te Tiranes.
- Ne kryqezimin e “Hoxha Tasim”, “Farmacia 10”, “Siri Kodra”, do te menaxhohet me se miri levizja e automjeteve me qellim mos lejimin e dhe futjen e automjeteve ne drejtim te qendres se Tiranes.
- Ne stacionin e Trenit, tek kryeqezimi “Don Bosko”, deri tek “Sheshi Rilindja” do te menaxhohet levizja e qarkullimit te mjeteve duke mbajtur nen kontroll qarkullimin me synim mos lejimin e mjeteve ne qender te Tiranes.
- Ne kryeqezimin e “21 Dhjetorit”, tek Ura “Vasil Shanto”, tek kryeqezimi “Komuna e Parisit”, tek “Mapo 6” “Garda e Republikes” dhe “Diga e Liqenit Artificial” nuk do te lejohet hyrja e Automjeteve ne drejtim te qendres se qytetit.
Ne rast konstatimi te automjeteve te parkuara ne segmentet rrugore te siper cituara, sherbimet e policise rrugore Tirane do te marrin masa per spostimin e tyre. Ne rastet e emegjencave, ne dispozion do te jene numrat telefonik pa pagese 126 dhe 129, ku sherbimet e policise do te vijne menjehere sipas vleresimit te ngjarjeve per marrjen e masave te nevojshme e dhene ndihmesen ne do rast emergjent.


(news24)

[RaPSouL]

Berisha: Pavaresia e Kosoves hap kapitujt e paqes

Gjate aktivitetit te anetaresimit te 140 te rinjve ne PD, Berisha tha se me pavaresine e Kosoves hapet kapitulli i paqes dhe stabilitetit

Vetem pak ore para shpalljes se pavaresise se Kosoves kryeministri Berisha ka vleresuar kete ngjarje si me te madhen per kombin tone. Gjate aktivitetit te anetaresimit te 140 te rinjve ne PD, Berisha tha se me pavaresine e Kosoves hapet kapitulli i paqes dhe stabilitetit ndersa shqiptaret dhe serbet pas kesaj tha ai duhet te shohin drejt integrimit. Duke folur per sapo te anetersuarit ne PD, kryeministri pranoi se Shqiperia e ka te veshtire tu krijoje mundesira ketij brezi njesoj si gjithe vendet e tjera, por qeveria ime tha e ka detyrim te perpiqet per kete, duke rikujtuar premtimin per internet pa kufi ne shkollat e mesme.
Berisha premtoi gjithashtu shtimin numerit te pranimeve ne universitete ndersa tha se qeveria do te vazhdoje rritjen e pagave per mesuesist.
Berisha vleresoi si mjaft te veshtira vitet kur kjo parti qendroi ne opozite, ndersa tha se kontributin e saj kryesor per ta risjelle PD-ne ne pushtet e ka pikerisht vota e te rinjve. Me pas kryeministri dhe te tjere eksponetet te PD shpendane karta e anetaresimit per te rinjte.

(KlaraDervishi-News24)

[RaPSouL]

Ne diten e Pavaresise, Prizreni shpalos Flamurin ne gjatesi 3 km

Nje flamur kombetar i permasave te medha, i quajtur “Flamuri i Pavaresise”, ne gjatesi prej 3 kilometrash do te shpaloset ne Prizren me rastin e shpallje se pavaresise se Kosoves.
Naser Berisha, kryetar i Organizates se Veteraneve te Luftes (OVL) se UÇK-se ne Prizren, tha per KosovaLive se tashme eshte pergatitur nje flamur kombetar i permasave te medha, ne gjatesi prej mbi 3 kilometra, qe eshte simbolike e luftes heroike te trimit legjendar Adem Jashari.
Ai tha se ky flamur do te bartet nga 1878 marshues, qe simbolizojne vitin e mbajtjes se Lidhjes Shqiptare te Prizrenit (LSHP).


news 24

[RaPSouL]

Reuters: Gjashtë anëtarë të BE-së kundër dhe 20 pro Kosovës së pavarur

Rreth 20 shtete të Bashkimit Evropian sigurisht do ta njohin shtetin e ri të Kosovës, shumë shpejt pas shpalljes së nesërme të pritur të pavarësisë, vlerëson agjencia Reuters e cila pohon se një qëndrim të tillë nuk e mbështesin gjashtë shtete të Unionit – Qiproja, Greqia, Sllovakia, Spanja, Bullgaria dhe Rumania. Shefat e diplomacive të BE-së të hënën do të shqyrtojnë përgjigjen e tyre për vendimin e Kosovës për të shpallur pavarësinë. Fuqitë e mëdha evropiane – Britania e Madhe, Franca , Gjermania dhe Italia, ndoshta do të kumtojnë se e njohin pavarësinë menjëherë pas takimit të hënës, e në këtë do t’i bashkohet edhe SHBA-ja, bën të ditur agjensia e lajmve Reuter. Burimet në kryesinë e Bashkimit Evropian thonë se në njoftimin, i cili do të lëshohet të hënën, ministrat e BE-së do të rikujtojnë se udhëheqësit e Unionit janë pajtuar gjatë muajit dhjetor se status kuoja në Kosovë nuk mund të vazhdojë dhe se kishin nënvizuar se duhet të ecet drejt zgjidhjes e cila është vitale për stabilitetin rajonal.

news 24

[Dajti]

Te nderuar forumista,
Ne keto momente historike ju lutem te gjitheve qe te nderojme dhe respektojme Albo-n dhe ti lejojme vetem atij qe te sjelle te shume prituren dhe te shume enderuaren "Deklaraten e Pamvaresise te Kosoves".
Te gjithe kemi deshire por te gjithe duhet te kuptojme qe kete moment historik ne kete forum e meriton vetem shume i nderuari dhe i respektuari ALBO

Ju faleminderit.

[RaPSouL]

Kuvend, Neser seance e hapur per te percjelle shpalljen e pavaresise

Seanca parlamentare ne kunvend do mbahet neser ne oren 14:30 dhe do te percjelle tek te gjithe shqipetaret emocionin qe ndjehet me rastin e madh te shpalljes se pavaresise se Kosoves

Nderkohe kuvendi shqiptar mblidhet neser ne nje seance te vecante per te ndjekur drejperdrejt momentin e madh historik te shpalljes se pavaresise se Kosoves. Kryetarja e Kuvendit, Jozefina Topalli, ka vendosur neser thirrjen e kuvendit ne oren 14.30 vetem 30 minuta para seances se jashtezakonshme te kuvendit te Kosoves ku do te lexohet dhe votohet deklarata e pavaresise. Te ftuar ne kete seance te hapur te kuvendit shqiptar do te jene jo vetem deputetet, por dhe intelektuale, artiste, e njerez te shquar te te gjitha fushave.

(news24)