Alzaimer

[Leila]

Cila eshte semundja Alzaimer?

Semundja Alzaimer (AD) eshte nje semundje qe prek trurin, duke shkaktuar
probleme per memorien, ndryshime ne sjellje dhe probleme ne te menduar.
Megjithse AD mund tu ndodhe te rriturve, eshte me e perhapur ne njerezit mbi
moshen 65 vjeç. AD prek personat ne te gjitha kulturat dhe ne te gjithe boten.

Cilat jane simptomat e semundjes Alzaimer?

AD fillon gradualisht. Simptomat perfshijne veshtiresi me memorien dhe veshtiresi per te perfunduar aktivitetin e zakonshem ditor.
AD mund te shkaktoje disa ose te gjithe problemet e meposhteme:

- konfuzion
- paaftesia per te mesuar informacion te ri
- gjykim i dobet
- harresa per te treguar kohen ose si te shkosh ne nje destinacion
- ndryshim ne sjellje dhe personalitet
- perseritja e te njejtes pyetje shume here.

Çfare duhet bere ne rast se te afermit tuaj humbin memorien apo pesojne ndryshime te tjera?

Eshte shume e rendesishme per ta Áuar kete individ me humbje memorie tek doktori apo infermerja per kontroll.
Ka shume arsye per humbjen e memories. Disa probleme mund te trajtohen menjehere ndersa te tjerat mund te jene me serioze.
Vetem klinikat mund te percaktojne ne se humbja e memories lidhet me semundjen Alzaimer.

Hapa te tjere per tu marre:

Personi qe ka humbje te memories dhe ata qe kujdesen per keta njerez shpesh ndjehen te frikesuar dhe pa shprese.
Kini durim dhe jepni mbeshtetje e tregoni dashuri. Fjalet e embla jane me efektive se sa perseritja e direksioneve te thjeshta.
Ndihmoni personin te krijoje nje shtepi te sigurte me objeke te shumta familjare perreth.
Perkujdesja per nje nejri me semundjen AD eshte shume e veshtire. Kerkoni mbeshtetje dhe informacion.

Per Sherbime dhe Programe:

Kontaktoni qendren tuaj per te moshuarit, Keshillin e te moshaurve, apo Qendren e Sherbimit per te Moshaurit.

Per Kontroll:

Merrni ne telefon doktorin tuaj apo qendren tuaj shendetsore per kontroll.

[MisCongeniality]

E mbani mend ate kengen qe kendojne femijet e vegjel amerikane?

Ring around the rosie
Pockets full of posie
Ashes, ashes
We all go down!

Ky rrjeshti i fundit, We ALL go Down eshte pneumonic per pacientet me Down Syndrome(bebet qe ngjajne si mongoliane.)
Do te thote qe pacientet me Down vuajne nga ALL=Acute Lymphatic Leukemia (leucemia) dhe rreth moshes 40 vjecare nje perqindje e tyre zhvillon semundjen e ALL (Alzheimer's disease).
Kjo ndodh pasi ne Down syndrome, kromozomi 21 eshte prekur; zakonisht nje pjese e kromozomit 13 shkon tek 21(trisomy). Po ashtu, eshte vene re se ajo pjese e gjenit qe shkakton semundjen e Alzheimer ndodhet ne kromozomin 21-->prandaj kjo semundje shikohet ne pacientet me Down syndrome.

[Albo]

Në disa raste sëmundja e trashëguar nga prindërit

Humbja e kujtesës, ja simptomat

Sëmundja e Alzheimerit ose, ndryshe, siç njihet më shpesh, humbja e kujtesës, lind pas moshës 65-vjeçare. Përqindja e popullsisë që preket në këtë moshë është rreth 10 %. Pas kësaj moshe, përqindja e popullsisë që preket rritet 2% çdo vit, për të arritur rreth 50% në moshën 85-vjeçare. Sipas specialistëve, sëmundja ka raste që lind edhe para moshës 65-vjeçare, por këto raste janë të rralla dhe karakterizohen nga histori të veçanta. P.sh. pacienti mund të jetë me sindromën Down. Probabiliteti i këtyre pacienteve me Down, për tu sëmurë edhe me alzheimer pas moshës 40-vjecare rritet shumë. Sindroma e Alzheimerit nuk varet nga vendi ku personi jeton. Përqindjet e popullsisë që kap, janë të njëjta pothuajse në gjithë botën. Prandaj në Shqipëri këta pacientë janë në proporcion me popullsinë tonë, po aq saç janë në Itali, USA etj.

[b]Simptomat[b]
Simptoma me e njohur e kësaj sëmundjeje, është harresa, por simptomat janë të shumta. Zakonisht sëmundja fillon me harresa gjithmonë e më të mëdha, të cilat në fillim kanë karakter minimal dhe me kalimin e kohës bëhen gjithmonë e me shqetësuese. Duhet pasur kujdes të mos ngatërrohen harresat normale me ato harresa që përbëjnë sëmundje. P.sh. është harresë normale të mos mbash mend ku ke parkuar makinën në parkingun e supermarketit, por është një harresë patologjike të kthehesh në shtëpi pa makinë, sepse ke harruar që kishe shkuar me makinë. Të sëmurët me Alzheimer kanë një karakteristikë që e bën më të vështirë diagnostikimin e tyre. Në përgjithësi nuk e pranojnë kurrë se janë sëmurë. Prandaj pacientë të tillë zakonisht vijnë të shoqëruar nga ndonjë familjar. Bëjnë batuta për të zhvlerësuar pse janë në spital dhe iu duket e çuditshme se si p.sh. gruaja, është fiksuar qe ai ka probleme. Pra ndihen tërësisht në rregull në vetvete. Vetëm testet e ndryshme (të cilat në Shqipëri me siguri janë në lindje e sipër) mund të nxjerrin në pah deficitin e madh. Simptoma e dytë interesante e kësaj sëmundje është anomia, pra mos gjetja e emrave dhe fjalëve gjatë diskutimeve. Kjo simptomë, në fakt, përbën simptomën e dyte kryesore me të cilën Alzheimeri mund të lindë. Në ato pak raste që sëmundja nuk fillon me harresa, ajo më së shumti fillon me probleme gjuhësore. Sëmundja bën që me kalimin e kohës pacienti të evitojë gjithmonë e më shumë fjalët që nuk i gjen dot dhe të përdorë sinonime dhe përshkrime të gjata për gjëra që kanë fjalën e vet. Simptoma e tretë është çorientimi kohor dhe hapësinor. Ndodh që kur pyet pacientë si këta, në çfarë muaji jemi, mund t’ia fusë kot fare. E gjithë kjo, me normalitetin që karakterizon gjithë eksperiencën e pacientëve të këtij lloji. Simptoma të tjera janë: humbja e kapacitetit të gjykimit logjik, ndryshime të çuditshme të humorit, ndryshim i personalitetit (këtë e ve re mirë kush ka shumë vite që jeton me personin), humbje e dëshirës dhe iniciativës për të bërë shumë gjëra. Nuk duhet ngatërruar me rënien e aktivitetit të moshës së plakur. Është krejt anormale që një i moshuar të humbasë interesin për çdo gjë.
Të gjitha këto simptoma lindin në periudha të ndryshme kohore dhe nuk kanë një periudhë të caktuar kohore. Ajo që është më e vazhdueshme në të gjithë rastet e sëmundjes, është fillimi me harresa, me probleme gjuhësore ose me probleme të detyrave të thjeshta motore (zbërthim i këmishës etj).

Pse lind
Sot akoma nuk dihet pse vjen kjo sëmundje, por megjithatë janë hedhur hipoteza të ndryshme: Sipas një varianti thuhet që lindja e sëmundjes është gjenetike; në disa raste Alzheimeri pacientet kanë rezultuar me një mutacion në kromozomin 21. Ky kromozom është dhe ai që shkakton sëmundjen Down, e cila vazhdon me Alzheimer pas moshës 40 vjeç. Shkencëtarët mendojnë se sëmundja mund të jetë edhe virale. Ata mendojnë se virusi hyn nga hundët për të kaluar në receptorët e erës e më pas në bulbet e erës (brenda trurit) e më pas në pjesën më të madhe të trurit. Kjo hipotezë mbështetet në goditjen e disa pjesëve të caktuar të trurit ku shenjat e Alzhiemerit rezultojnë të theksuara gjatë autopsisë neuro anatomike. Hipoteza e aluminit: Në trurin e pacienteve janë gjetur nivele të larta alumini. Gjithashtu disa kripëra alumini të vendosura në koren e trurit të disa kafshëve kanë krijuar matësa neurofibrillare .

Sistemi imunitar prodhon antitrupa për sëmundje

Sipas specialistëve të kësaj fushe, sistemi imunitar në një periudhë të caktuar të jetës fillon të prodhojë antikorpe që shkatërrojnë neuronet që përdorin si neurotrasmetitor acetilcolinen. Zakonisht truri është komplet i izoluar nga substancat që kalojnë në gjak. Çdo enë gjaku që shkon në tru vishet me degëzimet e qelizave gliale, të cilat lejojnë kalimin e substancave të caktuara dhe nuk lenë të kalojnë pjesa më e madhe e substancave dhe agjentëve patogjene. Kjo hipotezë hedh idenë e një kolapsi të barrierës, e cila fillon të mos punojë si më parë, duke lënë të kalojnë agjentë patogjenë toksikë që vdesin neuronet.

Shenjat e semundjes

1-Memoria humbet ço ditë e më shumë
2-Personi ka probleme gjuhësore (harron fjalët përkatëse dhe përdor të tjera në vend të falës së duhur)
3-Pjesën më të madhe të kohës është konfuz
4- Gjërat e reja i mban mend me shumë vështirësi
5-Mund të ketë konfiguracione (nuk di të bëjë llogaritë)
6-Nuk arrin të shkruajë normal
7-Mezi lexon
8-Ka vështirësi në veshjen e rrobave të trupit
9- Me kalimin e kohës pacienti humb interesin në gjërat që e rrethojnë dhe bëhet tërësisht konfuz.
10-Mund të ketë dhe halucinacione, probleme me urinimin dhe jashtëqitjen (inkontinencë).
11-Në fund fare, pacienti humbet edhe kontrollin e trupit të vet thuajse në çdo aspekt.

Humbja kujtesës

Asnje diagnoze e sigurt për sëmundjen
Deri me sot nuk ekziston një diagnoze e sigurt. Pothuajse të gjithë doktorët në vendet perëndimore nuk diagnostikojnë asnjë pacient që vuan nga humbja e kujtesës. E vetmja siguri se sëmundja është pikërisht ajo, merret pas vdekjes, me një autopsi të trurit. Eshtë shumë i rëndësishëm diagnostikimi.

Simptomat shfaqen një nga një gjatë viteve
Simptomat e sëmundjes nuk janë akute, por zhvillohen avash-avash me kalimin e kohës. Kjo bën që familjaret mos ta vënë re sëmundjen dhe të justifikojnë çdo gjë me moshën e thyer. Në Shqipëri kur personat arrijnë në dyert e spitalit, sëmundja do jetë shumë më e avancuar.

Bioimazhet, edhe në Shqipëri hyn teknologjia
Nja faktor tjetër i rëndësishëm janë bioimazhet. Në Shqipëri këto kanë hyrë vetëm vitet e fundit. Zakonisht truri i këtyre pacienteve mund të jetë pak i atrofizuar dhe kjo duket me rezonancë magnetike. Kjo metodë e tregon trurin shumë qartë. Deri më sot ekziston vetëm një aparat që mund ta bëjë këtë në Shqipëri.

Përgatiti: Blerina KACA

[DI_ANA]

Alcajmeri

Alcajmeri është një sëmundje e pashërueshme, megjithatë, shkencëtarët thonë se një ilaç i ri mund të ngadalësojë procesin e përparimit të saj.

Alcajmeri është sëmundje nga e cila vuajnë rreth 4 milionë amerikanë. Sëmundja quhet progresive pasi gjendja e pacientit shkon gjithnjë duke u keqësuar, pra është sëmundja ajo që përparon. Njerëzit që vuajnë nga kjo sëmundje, humbasin kujtesën dhe aftësinë për të komunikuar, dhe për të kryer veprimtaritë e përditëshme ata kanë nevojë të madhe për ndihmë profesionale dhe familjare.

74 vjeçarja Fransis Richmond vuan nga alcajmeri. Ajo harron ku i vendos gjërat dhe e ka të vështirë të mbaj mend emrat e njerëzve që takon.

Doktor Stiven Sallouej pranë spitalit Braun shpjegon gjendjen e pacientëve me këto simptoma. “Ata kanë problem me kujtesën afatshkurtër, pra nuk mbajnë mend atë që sapo kanë lexuar në gazetë, filmin që sapo e kanë parë, apo mesazhet telefonike.”

Tek shumë prej pacientëve me probleme të tilla kujtese, pas pak vjetësh Alcajmeri arrin shkallën e zhvillimit të plotë. Por një ilaç i ri i quajtur Aricept po ndihmon në ngadalësimin e përparimit të sëmundjes. Aricepti ndihmon qelizat nevore në tru për të komunikuar më mirë mes njëratjetres. Ka pak kohë që Aricepti përdoret gjeresisht nga personat e prekur nga Alcajmeri.

Tek pacientët që vuajnë nga humbja e kujtesës afatshkurtër, pra tek ata ku sëmundja ende nuk ka arritur zhvillimin e saj të plotë, ilaçi Aricept u tregua i efektshëm, thotë doktor Ronald Petersen pranë klinikës Mejo. “Ky është demonstrimi i parë i aftësisë për të zmbrapsur simptomat e Alcajmerit. Tek shumica e personave që morrën pjesë në studim përparimi i Alcajmerit u ndal për një vit. Pra gjendja e pacientëve u bë e qëndrueshme”.

Në disa raste gjendja e të sëmurëve që morrën Aricept u bë e qëndrueshme për deri 3 vjet. Shkencëtarët thonë se tani që ekziston mënyra për ndaljen e pëparimit të sëmundjes, më shumë njerëz ka të ngjarë të shkojnë për analiza tek mjeku që në shenjat e parë të humbjes së kujtesës.

"Shendeti"

[shigjeta]

Dihet se me gjithë përpjekjet dhe përparimet në shkencë, Alzheimeri vazhdon të jetë një sëmundje e pashërueshme. Ky është një problem. Problemi tjetër kryeresor është se kjo sëmundje gjithashtu nuk mund te parashikohet. Shenjat nëse një pacient ka Alzheimer ose jo, mjekët mund t’i dallojnë vetëm gjatë autospisë, pas vdekjes së pacientit. Por një studim i ri i kryer nga shkencëtarë në universitetin Ghent të Belgjikës tregon se analiza e lëngut të shtyllës kurrizore mund të jetë një mënyrë shumë e saktë për të parashikuar Alzheimerin. Analiza duket premtuese. Madje disa ekspertë janë duke e quajtur atë zbulimin e shkekullit.

Gjatë provave me 400 pacientë, shkencëtarët arritën të parashikonin me saktësi 100 përqind se cili prej pacientëve me humbje kujtese mund të prekej nga Alzheimeri. Një tru normal përmban rreth 100 miliardë qeliza nervore, që janë përgjegjëse për kujtesën. Sëmundja e Alzheimerit bën që këto qeliza të thahen e vdesin dhe rreth tyre grumbullohen proteina jo normale. Analiza zbuloi se 90 përqind e pacientëve me Alzheimer kishin (proteina jo normale) shenja të sëmundjes në lëngun kurrizor. Doktor Paul Aisen i universtitetit të Kalifornisë në San Diego thotë se vemendja tek këto proteina jo normale tani është jo vetëm për kërkime diagnostikuese por edhe për zhvillimin e trajtimeve dhe që një ditë të gjendet një kurë.

Sipas OBSH-së, nga Alzheimeri vuajnë më shumë se 18 milionë njerëz në botë, 5 milionë vetëm në SHBA. Dhe ky numër pritet të dyfishohet deri në vitin 2025.

VOA

[shigjeta]

Shkencëtarët e Universitetit Oxford mund të kenë gjetur një mjekim të ri kundër Alzajmerit

Shoqata e Alzajmerit thotë se rreth gjysëm milion njerëz në Britani vuajnë nga sëmundja e Alzajmerit, që prek trurin dhe që shkakton humbje të kujtesës dhe vështirësi në të folur.

Por shkencëtarët e Universitetit Oxford mendojnë se mund të kenë gjetur një mjekim të ri dhe të pakushtueshëm, që ngadalëson procesin e shkatërrimit gradual të qelizave të trurit, që ndodh tek të sëmurët me Alzajmer. Nga studimet e bëra kohët e fundit, del se vitamina B, përveç vetive për të patur një lëkurë të shëndetshme dhe muskuj të fuqishëm, ndihmon edhe për ruajtjen e sistemit nervor të njeriut.

Vitamina B gjendet në natyrë në ushqime si vezët, mishi dhe perimet e gjelbra. Gjatë ekperimentimit, pacientëve ju dha vitaminë B kompleks me përbërje Acidi folik, vitamin B6 dhe B12 në doza më të mëdha se ato që rekomandohen nga Agjencia Britanike Standarti të Ushqimeve dhe rezultoi që tkurrja e turit u pakësua me 30 për qind, madje tek disa me 50 për qind. Tani shkencëtarët duan ta zhvillojnë eksperimentin me një numër më të madh pacientësh.

VOA

[*~Rexhina~*]

shume interesante ky studim shigjeta, ishalla tregon te njejta rezultate dhe per pacient te tjere

[shigjeta]

Njohja e dy apo me shume gjuheve vonon shenjat e Alzheimer

Nje grup shkenctaresh kanadez kane zbuluar te dhena te rendesishme ne lidhje me zoterimin e dy apo me shume gjuheve dhe shfaqjes se simptomave te Alzheimer. Studimi i bere nga Instituti i Kerkimeve Rotman - Baycrest shqyrtoi te dhenat e me shume se 200 pacienteve te diagnostikuar me propabilitet per Alzheimer dhe zbuluan se ata qe flisnin vazhdimisht dy ose me shume gjuhe per nje kohe te gjate, i shfaqin simptomat e semundjes 5 vjet me vone ne krahasim me ata qe flasin vetem nje gjuhe. Studiuesit nuk deklarojne qe njohja e dy gjuheve ndalon Alzheimer apo forma te tjera te humbjes se funksionit te trurit (dementia), por ndihmon ne ngadalsimin e shfaqjes se simptomave per disa kohe. Truri i njerezve qe flasin dy gjuhe tregon gjithashtu shenja degjenerimi nga patologjia e Alzheimerit, gjithesesi aftesia e tyre per te komunikuar me dy gjuhe kompeson ne ngadalsimin e shfaqjes se simptomave te Alzheimer sic jane humbja e memorjes, konfuzioni dhe veshtiresia ne zgjidhjen e problemeve. Te dhenat, botuar ne revisten "Neurology", jane replikim i nje studimi te bere ne vitin 2007 me po te njejtat rezultate.

permbledhur nga

http://www.sciencedaily.com/releases...1108161226.htm

[sirena_adria]

PESË FAZAT: Çfarë duhet të dini rreth Alzheimerit

Shumica e njerëzve që kanë humbje të kujtesës nuk kanë një diagnozë specifike. Por nëse keni informacion e duhur rreth gjendjes tuaj, mund të bëni shumë më shumë për të frenuar përkeqsimin.

Askujt nuk i pëlqen të ndihet i pasigurt për shëndetin dhe humbja e kujtesës është padyshim diçka e frikshme. Prandaj, është e rëndësishme të kuptoni se si Alzheimeri ndikon në tru, cilat janë shenjat të cilave duhet t’i jepni rëndësi dhe çfarë mundësish ka për të minimizuar dëmtimin nga sëmundja.

Ju njohim më poshtë me fazat e kësaj sëmundjeje dhe se çfarë mund të bëni.

Faza e Parë – Ndryshime delikate në tru

Kjo fazë mund të ndodhë diku nga dhjetë deri në njëzet vjet përpara shenjave tipike klinike.

Ajo çfarë tashmë dihet është se ndodh një grumbullim i disa proteinave të caktuara, që është toksik për trurin sepse vrasin neuronet.

Prandaj, efekti i parë që ka sëmundja e Alzheimerit është në nivel mikroskopik, ku fillon të formojë këtë akumulim.

Edhe pse shkencëtarët ende nuk e dinë me siguri se kur gjatë procesit fillojnë të krijohen këto proteina, ata mund të shquajnë praninë e tyre.

Faza e Dytë – Alzheimeri paraklinik

Pas fazës fillestare, patologjia grumbullohet me kalimin e viteve dhe tenton të prekë trurin në vende të parashikueshme.

Në rastin e sëmundjes së Alzheimerit, preket qendra të kujtesës dhe zona përgjegjëse për kryerjen e detyrave të thjeshta.

Në këtë fazë, analizat e nevojshme të shëndetit të trurit, mund të zbulojnë një diagnozë specifike të Alzheimerit.

Faza e Tretë – Dëmtim i lehtë njohës

Në këtë fazë, një shumëllojshmëri e testeve njohëse përdoren për të vlerësuar zona të ndryshme të trurit.

Deficite të tjera që mund të zbuloni, përfshijnë vështirësinë në njohjen e personazheve në një fotografi.

Megjithatë, në jetën e përditshme, individi mund të jetë ende duke funksionuar normalisht, dhe askush të mos e vëre re ende.

Faza e Katërt – Alzheimeri klinik

Kalimi në fazën e katërt është kur Alzheimer arrin pikën ku fillon të pengojë aftësinë funksionale.

Dëmtimi është në atë shkallë ku pacientët mund të paguajnë dyfish një faturë, të harrojnë se ku po shkojnë, nuk dinë më se si të shkojnë në dyqan apo të kthehen në shtëpi etj.

Në këtë pikë, sëmundja konsiderohet të jetë në fazën e saj të butë.

Faza e pestë – Rënia progresive

Faza e pestë e demencës është rënia e ngadaltë dhe e vazhdueshme. Truri po tkurret, grumbullimi i proteinave rritet me ashpërsi dhe pacientët bëhen gjithnjë e më keq.

Pacientët kanë nevojë për inkurajim për të bërë gjëra të tilla si të ushqehen shëndetshëm dhe ndoshta kanë nevojë për ndihmë tu veshur siç duhet.

Ndërsa sëmundja përparon, ndikimi përhapet në seksione të tjera të trurit. Tani edhe detyrat më të thjeshta mund të jenë të pamundura.

Në këtë fazë përfundimtare, pacientët humbasin oreksin dhe bëhen indiferentë ndaj botës përreth tyre.

Mungesa e lëvizjes çon më pas në probleme të tjera si pneumoni, infeksione, rëzime dhe fraktura.

Cilat janë efektet e tjera të Alzheimerit?

Ata që kanë sëmundjen e Alzheimerit priren të kenë një humbje të konsiderueshme të interesit për aktivitetet e tyre dhe shpesh kanë simptoma të tjera psikologjike ose të sjelljes si ankthi.

Njerëzit me demencë e kanë të vështirë të gjurmojnë kohën, mund të frikësohen dhe të hutohen.

Ata mund të bëhen lehtësisht nervozë, melankolikë dhe të përjetojnë emocione të tjera negative.

Mund të ndodhë që njerëzit të kenë psikoza, të tilla si halucinacione vizuale ose paranojë.

Pacientët ecin më pak, gjë që çon në dobësi të mëtejshme, dhe ndërsa sëmundja zhvillohet, ata fillojnë të humbasin koordinimin, siç është aftësia për të ngarë biçikletën.

Kjo është arsyeja pse është kritike që sëmundja të diagnostikohet herët dhe të krijohet një plan gjithëpërfshirës për të ndihmuar personin të jetojë në maksimum dhe të parandalojë lëndimet.

Çfarë duhet të bëjë një person nëse vëren këto shenja?

Nëse njerëzit vërejnë ndonjë simptomë, është e domosdoshme që ata të konsultohen me një profesionist mjekësor sa më shpejt të jetë e mundur dhe të fillojnë procesin e diagnostikimit.

Është jetike që pacientët të motivohen dhe të fillojnë të bëjnë gjëra për të përmirësuar shëndetin e përgjithshëm.


Konica.al

https://konica.al/2022/09/cfare-duhe...h-alzheimerit/

[sirena_adria]

Zbulohet ilaçi për ngadalësimin e Alzheimerit, ekspertët e cilësojnë historike

Ekspertët e kanë cilësuar si një moment historik ilaçin që rezultoi efektiv në ngadalësimin e sëmundjes së Alzheimerit.

Kompanitë farmaceutike Eisai dhe Biogen kanë thënë se ky ilaçi funksionon kur jepet në fazat e hershme të sëmundjes. Detajet e plota ende nuk janë publikuar, por duket se ilaci i propozuar ngadalëson ritmin e rënies së trurit.

Bëhet fjalë për ilaçin lecanemab, krijuar për të hequr grumbujt e proteinave toksike beta-amiloide nga truri i njerëzve që preken me sëmundjen Alzheimer.

Gjatë një prove ku janë testuar mbi 1,795 vullnetarë në fazat e hershme të sëmundjes Alzheimer, të cilët u injektuan me lecanemab çdo dy javë, ritmi i rënies së aftësisë njohëse ishte ulur me 27%, krahasuar me të sëmurët e trajtuar me barnat që përdoren aktualisht për kurimin e kësaj sëmundjeje, bedel dhe placebo, thanë kompanitë farmaceutike. Ata gjithashtu treguan se nivelet e proteinës toksike ishin ulur në tru.

Shefi ekzekutiv i Biogen, Michel Vounatsos tha se kjo u jep pacientëve dhe familjeve të tyre shpresë se lecanemab, nëse miratohet, mund të ngadalësojë përparimin e sëmundjes së Alzheimerit.


TIRANApost

https://tiranapost.al/shendeti/nje-i...imerit-i518823