TY VOGËLUSHJA IME
Kur të bëhem vetëm kënga
E erërave të shkretëtirës
Dhe bëhem vetëm pluhuri i saj
Dhe një pikë në kohën oqeanike
Edhe atëherë do të të kujtoj
Veç ty vogëlushja ime...
Mi fale vetëm dy ditë lumturie
Njërën për kohën e tanishme
Tjetrën për botën në amshim
Që të dyja për shpirtin tim
Janë përjetësi e të gjitha kohërave
Vogëlushja ime...
Ju lexoj me kënaqësi Zoti/ Xheladin HamzaPostuar më parë nga xheladin
Jeni i mbrekullueshëm
Respektet e mia të sinqerta
Leonard Seiti
Z. Leonard Seiti, faleminderit për repekt dhe sinqeritet, të njejtë gjë e kam edhe unë për ty.
Të përshëndes dhe të dëshiroj që pena të mos thahet kurrë!
xheladin hamza
ETJA PËR JETËN
Me lotë në sy
Shikoj ëndërrat e jetës
Të cilat ngadal zhduken
Në brendinë e shpellës pa fund
Kthej kokën
Me duar dëshiroj ta preki të kaluarën
E cila është humbur në pakthyeshmëri
Nga dhëmbja edhe qielli morri ngjyrë të mramortë
Në fytyrë më kaplon djersë e ftohtë
Duart më dridhen si në agoni
I kam shtrënguar ëndrrat e zjarta
Të cilat kaluan përgjithmonë
Etja për jetën mbeti e pashuar
Si llava në kraterin e vullkanit
E cila s'vdes kurrë...
13. 02. 2006.
E brishte dhe e ndjere...
Me emocionoi...
E bardha eshte pak...
E nderuara Suzana, të jam mirënjohës për të gjitha fjalë që ti i shkruan dhe vlerësimet që i bënë, nga se ato i bënë me një përkushtim shumë të madh.
Me sinqeritet më të madh
xheladin hamza
I HUTUAR JAM
Dhembja fjalë mi gëlltitë
Hija shpirtin ma shtrëngon
Lundroj luginave te thella biblike
Dhe prapë unë i hutuar jam
Ëndrrat e fikura nga t’i filloj?
Poezi e shkëputur nga libri im PSE TRËNDAFILAT ÇELIN
SHPRESA E SHUAR
Është shuar shpresa në sytë e mi
Qielli rreth meje gjatë, gjatë nxihet
Shpirti më shkon në greminë
Dhëmb i kohës la shenjën e tij
Në zemrën time të ngurtë
Në këtë frikë të tmerrit që na kaplon
E qyteti ngadalë zhytet në gjumë të paqetë
O Zoti im, o shpresa ime e pashuar
Të kam thurur në shpirtin tim
Dhe me Ty munda frikën mbi frikën
Nga hordhitë çetnike që rend vrasin
Njerëz të pafajshëm, pleq, gra e fëmijë
O loti im kot bien
Si shiu nga qielli i hapur
Guxim nuk kam në duar të të pres
Në te do ta njohë dhembjen e dhembjes
E shpirti flakë zjarri do të më digjej
Mu për këtë bjer në tokë
Në këtë tokë të përgjakur
Dhe çdo pikë loti me vete le ta merr
Shpresën e shuar nga sytë e mi...
Rahovec, më 19. 07. 1998.
Përshëndetie xheladin.Të uroj gjith te mirat dhe suksese te me tejshme ne krijimtarine tende.Po hedh dy vargje qe me erdhen ne çast nga leximi i poezive te tua.
Dhe pse ne shpirt jam i plagosur,
Dhimbjen prap s'po e urrej,
Po kerkoj i sakatosur,
Diçka tjeter te me vlej.
Po i kërkoj vetes time,
Zemer burri per furtune,
Ti them dhimbjes te bej balle
Si ne enderr dhe ne pune.
Dhe nje here pergezime Z.Xheladin.
I nderuari z. Riza, të falenderoj për përgëzimin tënd si dhe për vargjet të cilat e tua, të cilat me ëndje i lexoj.
Me respekt
xheladin hamza
Regullat e Postimit
Përgjigju Duke Cituar
Krijoni Kontakt