xheladin hamza
UNË E TI
Unë e ti
Dy krijesa të kundërta
Unë zjarr i fikur në sarkofag
E ti ajsbergu i zhytur në det...
Mbi mua dhe mbi ty
Njësoj rresh shiu i butë
Si të ishin lot nga sytë e mi
E vizëllima magjeps njerëzit
Si të ishin zogjtë në parajsën e humbur
Sa interesant është të jesh i gjallë...
xheladin hamza
PORTA E NËNSHTRIMIT
I dua njerëzit e mirë
E unë i tillë s’jam
Zemrën e kam të thyer
E nga dhembja e saj
Dëshiron vendit të dalë...
Trokita portën e nënshtrimit
Tek Allahu i Madhërishëm
E ajo u hapë si qielli në natën e bekuar
Shpirtin tim të përulur aty takova
Tek i bënte sexhde me TEKBIR!
xheladin hamza
ZHVESHI LËKURËN TIME
Shpirti mbushet e zbrazet
Me vepra të bardha e të zeza
Të shkruara nga të dy engjëjt
Të krahut të djathtë e të majtë...
Në çdo falje të xhumasë
Zhveshi lëkurën time
Dhe bëhem shpirt
I mbytur në frikë...
Bërtas deri në kupë të qiellit
Edhe banorët e xhenetit
E të xhehenemit
Vajin tim mallëngjyeshëm
Le ta dëgjojnë...
xheladin hamza
LUTJA
O Zot, mos lejo djajtë
Të më lidhin me zinxhirë
E të më ngrehin zhagë – zhagë
Nëpër njëmijë e një net
Të jetës...
Shtrëngoj shpirtin e këputur
Përulem para Teje
E balli puth tokën e lagur
Nga djersët e mi të ftohët
Shpirti ngrihet shkallëve hyjnore...
O Zot, të lutem
Ma bënë shpirtin tim të lirë
Të marr aromën e kopshtit të parajsës...
xheladin hamza
DRITË E PALODHSHME
(Kushtuar Agim Metbalës dhe Qamil Bugarit)
Në errësirën e qytetit tim
Dritë të palodhshme
Çdo mbrëmje bëjnë dy qirinj
Agim Metbala e Qamil Bugari
Nga një gotë të mbushur
Me ujë të pastër e të bekuar
Ndritin kopshtin e Edenit
Nga mbrëmja gjerë në agim
Aty pranë shoqëri u bënë
Një bletë bukuroshe
Fluturon prej një lule në tjetër
Nektarin me kënaqësi mbledhë
Bilbilave ushqim amanet ua le
Karshi kopshtit të Edenit
Ku djajtë trurin shpërlajnë
Ndihet zhurma e xhehenemit
Edhe guri është mbushur në vaj
I vdekuri në varr rrokulliset
Britmën e të cilit nuk e ndiejnë
Se shpirt nuk kanë, eh
Dhe kështu çdo natë
Qyteti im ri i mbështjellur
Në vellon e errësirës së dendur
Pandërprerë jetojnë dy botëra
E Edenit dhe e xhehenemit!
21. 08. 2006.
Pershendetje, Ztr. Xheladin
Allahu ju frymezofte me shume per shkrime te poezive te kesaj tematike....Allahu ju dashte!!!
xheladin hamza
KUJT T’I GËZOHEM
Më thanë:
Në momentin kur linde
Linde me vaj të madh...
Qetësia...
Shërbëtore e natës
Mi këndon këngët e heshtjes
E shpirti shëtit këngëve të pakënduara...
Qetësia...
Zëshëm jehon në shpirtin tim
Portën e jetës e mbylla me buzë
E flaka e turpit lëpin natën e heshtur
Në varrin e mbyllur
Në errësirën e errësirës
Shndërrit kandili i Allahut
E unë
Kujt t’i gëzohem më shumë
Ditëlindjes apo ditëvdekjes?
Te tera i ke te bukura ,midis plusit dhe minusit ,te keqes dhe se mires ,drites dhe erresires .Postuar më parë nga xheladin
Respekte per ty mik
Dija eshte injorance e mesuar.....
Faleminderit mik për vlerësimin tuaj për poezitë e mija, por mos harro se edhe kritiku më i madh letrar tek e fundit, është vetëm një lexues.
me respekt
Zotri Ajzberg, keni bërë vlerësim me të vërtetë real për poezitë e postuara të zotri Xheladin Hamzës, nuk kam për të shtuar asnjë fjalë më shumë.
Agim METBALA
Regullat e Postimit
Përgjigju Duke Cituar
Krijoni Kontakt