Faik Ismajli

[faiksmajli]

Faik Smajli

REVOLTË

Ç'është kështu me ty Kosovë, ç'është kështu
Ç'janë këto ethe, kjo hemorragji
Ç'janë këto djersë që të kullojnë ballit
S'të dëgjojnë me veshë, s'të shohin me sy

Ç'është kështu me ty Kosovë, çështë keshtu
Lirinë e shumëpritur pse tash ta pjestojnë
Ishull i kryqëzuar njëmijë vijash të kuqe
Kaligula e mbretër ëndrrat t'i kafshojnë

Pse kështu Kosovë, pse kështu
Gozhdë e Nastradinit ngulitur në mur
A mos njëri-tjetrin e paskemi gënjyer
A mos edhe ata që s'kthehen më kurrë

Pse kështu Kosovë, pse kështu
Ti po ikë nga ne e ne ikim prej teje
Nuk dua të mbetesh si një shpresë e vrarë
Si një diell i murrmë fshehur pas një reje

Si kështu Kosovë, si kështu
Çakejë e makutër të janë shtuar shumë
Pak të duan me zemër, shumë më shumë me xhepa
E Lulit të vocërr buza i rri shkrum

Si ka mundësi Kosovë, si ka mundësi
Edhe ata që u kthyen nga mali
Të shohin mes xhamash të zi

Londer
Janar 2014

[faiksmajli]

Faik Smajli

DREJTPESHIMI

Nganjëherë vrapoj ta zë kokën
e nganjëherë t'i pres këmbët
dhe anasjelltas...
e shpesh më duhet të kthehem pas
ta gjejë veten...
atje ku e kam humbur
mezi e bëj një vertikale
...pak të kërrusur...

[faiksmajli]

Faik Smajli

NE S'PO FLASIM...

Ne s'po flasim...
qile guri gojën
veç kafshojmë veten me dhëmbë
dro se do pëlcasim
që s'kemi fuqi të flasim.

S'është kjo kohë fjalësh
është kohë e bërtimave
ulërimave...
është kohë zagarësh
e qenve të larmë e të zinj
që lehin dhe në dritë të hënës
kafshojnë e shqyejnë
tokën duan ta përpijnë.

Lehin, bërtasin, ulërasin...
me këmbë e më duar
hidhen përpjetë
rrëshqasin zvarrë
bëjnë be e rrfe
që mos të flasim ne
se po të flisnim ne
ata bien për dhe

[faiksmajli]

Faik Smajli

PLAGJIATORI

Si dru i tharë vjeshte më kot pret gjelbrimin
Kur ish kohë gjelbrimi ai rrinte nën hije
Tash fshihet pas Lisit si një hije e ngratë
Ëndërron pranverën, pranverën që s'i vie.

Deshi shumë të rritej, por s'e zinte lëkura
Ëdërroi të bëhej, por s'u bë dot mbret
Kur kokën e vogël desh ta bënte të madhe
U rrëzua mjerueshëm mbi injorancën e vet