Papa: Shqipëria, model për bashkëjetesën fetare

[Davius]

Presidenti Topi vizite ne Vatikan, takon Papa Benediktin XVI

Papa Benedikti XVI i ka shprehur Presidentit të Republikës, Bamir Topi, vlerësimet e tij për përpjekjet integruese të Shqipërisë dhe ka vlerësuar forcimin e institucioneve demokratike dhe të shtetit të së drejtës. Gjithashtu, Papa ka përshëndetur bashkëjetesën dhe harmoninë mes feve në Shqipëri. Vlerësime për tolerancën fetare që mbizotëron në vendin tonë ka bërë edhe Presidenti Topi, i cili më pas ka informuar Papën për përpjekjet në përmbushjen e aspiratave integruese në strukturat euro-atlantike, si edhe për reformat në vend. Kreu i shtetit shqiptar ka nënvizuar edhe rolin moderues të Shqipërisë dhe faktorit shqiptar në interes të paqes dhe qëndrueshmërisë së rajonit të Ballkanit. Këtu Topi është ndalur edhe në rëndësinë e zgjidhjes sa më të shpejtë të çështjes së Kosovës dhe fitimit të pavarësisë së merituar të saj, për të vendosur përfundimisht paqen dhe qetësinë në Ballkan dhe për ta orientuar atë drejt integrimit në familjen e madhe evropiane.

Gjithashtu, kreu i shtetit shqiptar ka vlerësuar edhe marrëdhëniet e hershme dhe shumë të mira të Shqipërisë me Selinë e Shenjtë, duke shprehur mirënjohjen për ndihmesën e vyer dhe rolin që Vatikani ka luajtur për ringjalljen shpirtërore, morale dhe edukuese të popullit shqiptar, si edhe në mënyrë të veçantë për lumturimin e Nënë Terezës, kësaj shqiptareje të madhe, humanizmi i shenjtë i së cilës njihet dhe vlerësohet anembanë botës, duke e shndërruar në një simbol të bamirësisë, mikpritjes dhe sakrificës shqiptare. Ndërsa Ati i Shenjtë ka theksuar lidhjet jo vetëm gjeografike, por edhe historike e kulturore të Shqipërisë me familjen evropiane, aspiratën e saj për t‘u bërë pjesë edhe institucionalisht e kësaj familjeje dhe uroi që kjo aspiratë e kahershme e popullit tonë të përmbushet sa më shpejt. Papa Benedikti XVI ka shprehur mbështetjen e tij për përpjekjet integruese të Shqipërisë dhe vlerësoi forcimin e institucioneve demokratike dhe shtetit të së drejtës, duke përshëndetur gjithashtu edhe bashkëjetesën e harmoninë ndërfetare që karakterizon popullin shqiptar. Presidenti Topi, në emër edhe të mbarë popullit shqiptar, e ftoi Atin e Shenjtë, Papën Benedikt XVI, që të vizitojë vendin tonë, ftesë e cila u mirëprit me kënaqësi dhe mori përgjigje pozitive nga Shenjtëria e Tij për t‘u zhvilluar në një moment të përshtatshëm të axhendës së Tij.

Gazeta SHQIP

[biligoa]

Papa: Shqipëria, model për bashkëjetesën fetare
Perpara Shqiperia, ketu njihet morali dhe edukuata e nje popullit.

[xfiles]

Shqiperia, model per indiferencen fetare.

[offspring]

ja ka fut kot papa.po ta njifte mesia4ever ene seminaristin do shpallte kryqezat te re.

[Hyj-Njeriu]

Papa: Shqipëria, model për bashkëjetesën fetare
Perpara Shqiperia, ketu njihet morali dhe edukuata e nje popullit.

Qe jane pagane...Forca e Shqiptareve eshte shpirti pagan,traditat qe kane lindur ne paganizem e qe rrojne ende...Kushdo qe i hedh poshte per traditat biblore apo kuranore ,nuk ka si ta njohe bashkejetesen fetare,pasi krishterimi dhe islami jane fe qe kane luftuar njera-tjetren historikisht e kane ne gen,kthimin e njerezimit ne kristiane apo myslymane me cdo mjet...

[Albo]

Topi me Papën: Duam një tjetër kardinal shqiptar

Presidenti Bamir Topi takoi i kërkoi dje Papa Benediktit të XVI dhe Sekretarin e Shtetit të Vatikanit, Kardinalin Bertone, mundësinë për të pasur një tjetër kardinal shqiptar, pas kardinalit Mikel Koliqi.

Sipas zyrës së shtypit të Presidencës, "Presidenti Topi i përsëriti Kardinalit Bertone ftesën drejtuar Atit të Shenjtë për të vizituar Shqipërinë, duke marrë një përgjigje pozitive që ajo do të realizohet në një kohë të përshtatshme. Presidenti shprehu gjithashtu edhe kërkesën për shqyrtimin e mundësisë për të pasur një tjetër Kardinal shqiptar, pas të ndjerit Kardinal Koliqi. Ndërkohë gjatë takimit me Papa Benediktin, Presidenti Topi vuri në pah harmoninë dhe tolerancën fetare që mbizotëron në vendin tonë në marrëdhëniet mes tre besimeve të ndryshme, duke theksuar rëndësinë e inkurajimit të bashkëbisedimit dhe mirëkuptimit midis feve, si pjesë e dialogut mes qytetërimeve. Topi gjatë këtij takimi ftoi Papa Benediktin për një vizitë në vendin tonë. Duke u ndalur në çështjen e Kosovës, kreu i shtetit vuri theksin te zgjidhja sa më e shpejtë e kësaj çështje, për të vendosur përfundimisht paqen dhe qetësinë në Ballkan dhe për ta orientuar atë drejt integrimit në familjen e madhe evropiane. "Ati i Shenjtë theksoi lidhjet jo vetëm gjeografike, por edhe historike e kulturore të Shqipërisë me familjen evropiane, aspiratën e saj për t'u bërë pjesë edhe institucionalisht e kësaj familjeje dhe uroi që kjo aspiratë e kahershme e popullit tonë të përmbushet sa më shpejt", thuhet më tej në njoftimin për shtyp.

Panorama

[mesia4ever]

ja ka fut kot papa.po ta njifte mesia4ever ene seminaristin do shpallte kryqezat te re.

Sa propaganda islame eshte kunder besimit krishter dhe Bibles edhe spo behet nami bile ne shtetet nen sheriat ndalohet Bibla, e une tani vetem qe citoj pra burime islamike ju fyheni dhe akuzoni per kryqzate. Cfare injorance dhe fanatizmi. Nje fjale nuk vret, islami vret dhe Muhamedi ka urdheruar qe te luftohen qe te mbyten ata qe nuk i besojne pretendimet e tij, te krishteret te paguajne tatim 'perderisa jane te mposhtur' a keto asgje hiq nuk jane a? Ju po jetoni ne mite

Pershendetje dhe te gjitha te mirat nga ana ime

[iliria e para]

Shqiperia eshte model i korrupsionit ku edhe kleriket bejne pjese me te madhe. Per fe ne realitet nuk lodhet njeri po qe nuk paten interese ekonomike. Feja ne vende te varfera (po edhe tjera) eshte nje farse. Fetaret e verteta jane te rralle. Nje gje te mire paska bere Topi, qe paska kerkuar nje kardinal shqiptar. Keshtu duhet te veproje edhe ne rastin e Janullatosit.