10 Personalitetet e vitit

[Davius]

Bashkia hap konkursin "10 Personalitetet e Vitit"

Çdo qytetar mund të përzgjedhë dhjetë emrat e preferuar dhe t‘i dërgojë në bashki me e-mail, postë apo dorazi

Bashkia e Tiranës ka shpallur dje konkursin "10 Personalitetet e Vitit". Institucioni kryesor i qeverisjes së kryeqytetit për herë të parë ka hapur një konkurs të tillë, ku vetë qytetarët janë ata që do të zgjedhin përmes preferencave të tyre "10 Personalitetet e Vitit". "Ky projekt, ashtu si dhe shumë të tjera që Bashkia e Tiranës organizon, synon kthimin në traditë të këtij evenimenti, ku do të promovohen 10 personalitetet me të rëndësishëm të vitit, qofshin këta të njohur dhe jo vetëm, mjafton që me veprën e tyre t‘i kenë ofruar komunitetit kryeqytetas diçka të veçantë e sigurisht të rëndësishme", shprehet këshilltarja për Marrëdhëniet me Publikun në Bashkinë e Tiranës, Belinda Balluku. Sipas saj, interesante në këtë nismë është fakti se "10 Personalitetet e Vitit 2007" do të propozohen nga vetë qytetarët e Tiranës. Kriteret janë të hapura. Mendimi i lirë i kryeqytetasve do të përcaktojë dhjetëshen më të rëndësishme të 2007-ës. Ajo sqaron se Bashkia e Tiranës me këtë ndërmarrje interesante në këtë fundvit, kërkon të stimulojë elementët e vyer të komunitetit dhe t‘i kthejë ata në një shembull të gjallë, frymëzues e të shkëlqyer për qindra e mijëra qytetarët e saj. Por si do të funksionojë ky konkurs? Duke filluar nga data 6 dhjetor, të gjithë qytetarët e interesuar janë ftuar të dërgojnë pranë Bashkisë së Tiranës, propozimet e tyre për "10 Personalitetet e Vitit 2007", në tri mënyra. E para është ajo elektronike në adresën: 10@tirana.gov.al. Por nuk mungon as dërgesa e dhjetë emrave të preferuar me postë në adresën: Drejtoria e Marrëdhënieve me Publikun, Bashkia Tiranë, Bulevardi "Dëshmorët e Kombit", Tiranë. Gjithashtu ata që kanë interes për këtë konkurs mund të dorëzojnë dorazi pranë Zyrës së Informimit Qytetar në bashki këto emra. Përfaqësuesit e bashkisë kujtojnë se pranë çdo emri të propozuar duhet të vendoset arsyeja për të cilën është bërë përzgjedhja. Mund të propozohen vetëm 10 apo më pak emra. Balluku u shpreh me tej se "do të jetë 20 dhjetori dita e fundit e pranimit të propozimeve". Nga data 21 dhjetor të dhënat e mbledhura do t‘i dorëzohen një jurie të përbërë nga personalitete të njohura, por edhe nga një noter, i cili do të sigurojë vërtetësinë e procesit. Pas gjithë kësaj, më datë 28 dhjetor, në një mbrëmje të organizuar posaçërisht në nder të "10 Personaliteteve të Vitit 2007", Bashkia e Tiranës do të shpallë rezultatet.

Gazeta SHQIP

[Endless]

-Fatos Nano

-Doktori

-Nard Ndoka

-Lulezim Basha

-Rusmajli...

...edhe nja pese te tjere(qe po pertoje t'ia u permend emrin),duhet te shpallen personalitete te vendit,se i kane ofruar jo vetem komunitetit Tiranes,por gjithe popullit Shqiptar;mungese elektriciteti,llucen(balten),varferin,stresin, ''drejtesi'',sistem perfekt edukimi, etj,etj!

Une them se keta duhet t'a fitojne kete konkurs,se kane kontribuar secili kush me pak e kush me shume ne menyre te devotshme, per komunitetin e Tiranes dhe popullin shqipetar

Thash te dergoja kete postim tek adresa qe eshte ven ne dispozicion per kete konkurs,por thashe se mos nuk do ta vinin re(Megjithese Rames do t'i pelqente ) !

[engjellorja]

une them se nder njerezit e vitit duhet te zgjidhet edhe ai romi qe i hodhi batanijen e vetme qe kishte atij djalit qe i vuri flaken vetes...

[Endless]

^looool...

...dhe po pati mundesi t'i japin nja ca batanije te tjera te reja hehehe...

[YaSmiN]

Edi Rama gjithmone gjen dicka qe te jet ne qender te vemendjes edhe gjithmone pak a shume ja arrine qellimit.