Topi: Pronat po vidhen

[Brari]

edvinua.. kto dite po shperdan Tapi me ata vullnetaret tip hitler jungen fresho lejfena.. vampiro-sifiliza te partise.. an e kend neper zonat bathor-ike..
kuptohet jan tapi imagjinaro- tollumbacoike.. per vote.. por qe do ta ngaterroje me shume ceshtjen e prones..
te shohim a do reagoje Topi per kte agresion punist mbi pronen qe ka ndermend ta premtoje edvinua.. per te thithur votat e bathoraxhijve.. neper qytetet kryesore..?

meqe topi mbahet si merakli per ceshtje pronash..


..

ceshte ki ligji 7 mij e ca.. kush na e sqaron..

[oliver55]

Raporti, TIA:
Shekulli Online | 07/03/2009 |
TIRANË- Çështja e pronave mbetet shumë problematike në Shqipëri, aq sa 60% e ankesave totale për korrupsion nga ana e qytetarëve janë pikërisht për këtë çështje. Konstatimin e ka bërë Transparency International Albania (TIA) në raportin e saj të fundit, ku thekson se lidhur me këtë çështje ka ende shumë probleme dhe konfuzione.
Sipas raportit, megjithë përpjekjet e qeverisë për të marrë masa, korrupsioni mbetet ende shqetësues. "Legjislacioni ekzistues për pronat, lë mundësi abuzimi si edhe vend për hapësira në trukimin e dokumenteve. Është shtuar konfuzioni dhe megjithë përmirësimet në ligj, çështja e pronave duket se nuk është zgjidhur ende", thuhet në raportin paraprak.
Sipas tij, ende nuk ka përfunduar regjistrimi fillestar i pronave dhe se madje përdoren edhe harta provizore për to. Ndërkohë që ka raste kur pronat e regjistruara nuk fshihen.
Në raport përmendet fakti se Policia Ndërtimore pas vitit 2007 është shndërruar në një instrument hakmarrës në duart e disa krerëve të bashkive. Shqetësues mbetet edhe mënyra se si përfaqësuesit e shtresës së ish-pronarëve nuk përfshihen në studimet që kryhen nga institucionet. "Mungon bashkëpunimi institucional për zgjidhjen e kësaj çështje të mprehtë dhe mos transparenca favorizon korrupsionin. Mund të krijohet një treg informal mbi tokën. Konfliktet për pronën, në vetvete favorizojnë korrupsionin", sqarohet më tej. Specialistët e TIA-s, janë shprehur të shqetësuar për transparencën e institucioneve kryesore lidhur më këtë problem. "Shumë institucione nuk kthejnë përgjigje. Ose edhe në rastet kur vjen përgjigja, ajo është formale, nuk ka përmbajtje"- thanë ata, duke shtuar se problem mbetet edhe pjesëmarrja qytetare në këtë proces.

ELEMENTËT QË KANË FAVORIZUAR KORRUPSIONIN

• Mungesa e transparencës dhe pjesmarrjes qytetare në planifikim e vendimarrje.
• Krijimi i monopoleve dhe rritja artificiale e çmimit të tregut të tokës.
• Konflikte të pazgjidhura me pronën.
• Sistemi gjyqësor në shërbim të monopoleve.
• Legjislacioni i paplotësuar dhe në konflikt me strategjinë e decentralizimit (interesat nuk lejojnë krijimin e një pakete ligjore të saktë e të plotë në fushën e urbanistikës).

PASOJAT

• Zhvillimin e një tregu informal mbi tokën, i cili është shoqëruar me transaksione të shpeshta gjithashtu informale.
• Ndërtimin e një ekonomie të paqëndrueshme dhe hera herës informale
• Nivel të ulët kreditimi, veçanërisht kur toka përdoret si kolateral.
• Përfshirjen në korrupsion të shumë strukturave qeverisëse në nivel qëndror dhe vendor si edhe të gjykatave.
• Krijimin e një grupimi të ri pronarësh dhe investitorësh, pa traditë dhe pa njohuri mbi ligjësinë dhe respektimin e pronës, etj.
• Ulja e nivelit të përgjithshëm ekonomik. Për vetë peshën e konsiderueshme që zë aktiviteti zhvillues i pronave, treguesit e rritjes apo të stopimit të tij, reflektohen ndjeshëm në ecurinë ekonomike të vendit.
• Paqëndrueshmëri e tregut të punës dhe pasiguri ekonomike e ofruar nga sektori, që shumë herë shoqërohet me rritje të papunësisë për periudha të gjata kohe.
Krijimi i monopoleve dhe rritja artificiale e çmimit të tokës me ndikim të drejtëpërdrejtë mbi ekonominë dhe nivelin e jetesës për qytetarët

[Duaje Siveten]

TemA

Kërkesë publike drejtuar gazetares Rudina Xhunga

Nga Niko Nesturi, Kryetar i AK Bregdeti

Më datën 23 mars 2009, gazetarja Rudina Xhunga organizoi në “Top Channel” një emision që dallonte shumë nga fryma e emisioneve të mëparshme dhe për këtë e falënderojmë, por ne, pronarët e zonës turistike Vlorë-Sarandë, mbetëm të pakënaqur, sepse nuk u trajtua specifika e zonës turistike të Bregdetit.

Nga të gjithë diskutantët u pranua se në këto 18 vjet toka dhe prona private që diktatura i pati grabitur qytetarëve, pas vitit 1991, u trajtua në mënyrën më barbare. Në shkrime të shumta është paralajmëruar se kriza e pronave do pasqyrohet me krizat e territoreve me krizën sociale me konfliktet sociale dhe pamundësinë e përballimit të kostos financiare të kompensimit.

Në këtë emision, deputeti socialist, Erion Braçe, tha se është vonë t’i kthehemi mbrapsht ligjit 7501, …. se 170.000 ha që janë parashikuar nga qeveria për të mbjellë ullinj duhet të shkojnë për kompensim të pronarëve etj. (Zoti Erion duhet të dijë se ne duam ullinjtë tanë dhe jo ullinjtë e Kavajës).

Zoti Braçe tha se interesat nuk janë për elektorat, se ato zgjasin vetëm dy muaj. Në Bregdet, pronarët pengohen nga Komisioni i Kthimit të Pronave, pengohen nga Agjencia, pengohen nga gjyqtarët, por dhe nga prokuroria dhe grabitësit favorizohen nga të gjitha drejtimet që quhen mungesë e shtetit ligjor dhe korrupsion. Praktikisht dhe efektivisht në Bregdetin turistik komandon mafia e trojeve turistike.

Zoti Vorpsi foli për “normat e tokës për frymë” dhe kërkoi abrogimin e ligjit 7501. Zoti Vorpsi, ju e dini se Bregdeti është grabitur, jo vetëm me ligjin 7501, por e gjithë paketa ligjore për kthimin e pronës që ka pasur synim grabitjen e zonës turistike duke ia lënë stafetën kompensimit. Ne nuk na intereson, nëse një fermeri i qenka dhënë një apo dy hektarë me ligjin 7501, kur pronarët, Kushtetuta dhe ndërkombëtarët flasin për kthim fizik të pronës së shtetëzuar, duke respektuar kufijtë e paragrabitjes.

Deputeti dhe avokati Spartak Ngjela u shpreh për rentabilitetin e një ha tokë bujqësore në shtete të ndryshme, ku respektohen titujt e pronësisë mbi pronën, por nuk ishte shumë i qartë për domosdoshmërinë e kthimit të pronës tek i zoti dhe as për abrogimin e ligjit 7501 dhe u çuditëm kur ai përdori për ne, pronarët, termin ish-pronarët (!)

Znj. Adriana Berberi u shpreh për mbrojtjen e ligjit 7501 dhe kërkoi që ai ligj të shoqërohet me politikë fiskale.

Zonja Qyku, megjithëse specialiste, u shpreh se dëmi ka ndodhur, por duhen ulur kostot. Dhe për këtë propozoi që tokat duhet të taksohen … duke shtuar se për këtë duhet të ulen të gjithë ekspertët dhe të vendosin pse dhe sa duhen taksuar dhe konkludoi se shumë fermerë nuk do jenë në gjendje ta mbajnë tokën. Ju, o zonja të nderuara, shikoni përsëri nenin 41 të Kushtetutës dhe mendoni se çfarë lidhje apo të drejtë keni, kur shpreheni kështu për pronat tona. Arsyetoni dhe korrigjohuni, se propaganda 18-vjeçare e pluralizmit dhe e vjedhjes me ligje të pronave tona ka ngulitur në mendjet e njerëzve dhe edhe te, ju, pjesëmarrës në emision, termin ish-pronarët, term i shpikur nga Ramiz Alia dhe fryma e Katovicës.

Në përfundim synimi i znj. Qyku ishte që t’i kthehet morali ish-pronarëve. Jo, znj. Qyku dhe ju pjesëmarrës të tjerë të emisionit! Ju lutemi: Ju duhet të diskutoni, nëse paketa ligjore në fuqi e zbaton apo jo frymën dhe germën e Kushtetutës lidhur me të drejtën e pronës, të paktën referuar nenit 41 dhe 181 të saj. Dhe nëse nuk jeni në gjendje të arsyetoni lirisht dhe profesionalisht se ligji 7501 apo çdo ligj apo akt tjetër cilido qoftë ai, por që bie ndesh me të drejtën tonë për pronën e trashëguar, atëherë ju lutemi mos veproni më kështu. Nuk ju lejojmë të na mohoni pronën, se kështu na keni mohuar gjithçka, ne kot që quhemi Bregdetas.

Ne, Bregdetasit, zonja Rudina Xhunga, do të kërkonim që në emisione të tilla të thirremi edhe ne, kryesia e shoqatës “Bregdeti”, që përfaqësojmë interesat, kërkesat dhe mundësitë e zgjidhjes së problemeve të pronarëve të zonës turistike Vlorë- Sarandë, që në fakt është zona më e masakruar nga politikanët. Në shumë artikuj të botuar në shtyp ne kemi bërë të qartë kushtet dhe kërkesat tona të ligjshme. Ne përsërisim me ngulm se nuk duam ta shesim dhe nuk duam askënd që t’i vërë çmim atdheut tonë. Është dëshira e fuqishme e shprehur nga politikanët që duan të përvetësojnë pronat tona dhe na propozojnë kompensime në Alpe ose në Malin me Gropa. Të paktën ju, të ftuarit në emision, mos u hiqni parimorë e as përfaqësues të së ardhmes e aq më pak t’i jepni vetes të drejtë mbi pronat tona.

Në emër të Bregdetasve autoktonë falënderojmë, por edhe kritikojmë diskutimet e pjesëmarrësve për atë pjesë që bie ndesh me të drejtën tonë të pamohueshme për pronën. Ne jemi unikë në kërkesën që çdo trung familjar dhe çdo fshat të rimarrë me dokument ligjor dhe jo me kallash pronën e tij në ato kufij që ka pasur para grabitjes komuniste. Për Bregdetin kemi kërkuar dhe kërkojmë vetëm pronën tonë të trashëguar në kufijtë e vjetër dhe pas përfundimit të plotë të kthimit do presim kompensim, ashtu si do ta ketë mundësinë qeveria, por vetëm për atë pjesë të pronave tona që deri në vitin 1991 janë zënë dhe tjetërsuar për godina banimi dhe ato sipërfaqe toke që vazhdojnë të shfrytëzohen për nevoja publike (rrugë shkolla, spitale etj.). Nëse qeveria ka pará dhe prona të lira, le të kompensojë kështu siç u diskutua në emision të tretët dhe ne të na kthejë menjëherë pronat. Ne kurrë nuk do pranojmë kompensim për ato prona që me një formë apo me një tjetër qeveritë e pas 1991 ia kanë dhënë personave të tretë, cilido qoftë ai.

Shteti nuk ka asnjë të drejtë të tjetërsojë pronat tona. Çdo tentativë justifikuese si ato që u shfaqën nga të ftuarit në emisionin e “Top Channel” më 23 mars 2009 dhe në atë të “Ora News” pak ditë më parë do të jetë pa rezultat. Fatkeqësisht, këto nxitin shpresa të gabuara te përfituesit e paligjshëm të pronave tona. Deri sot në zonën turistike është zbatuar kërkesa politike që... “prona t’i jepet atij që nuk i takon”, se, siç e ka thënë Ramiz Alia, në 1989 në zbatim të porosive të Katovicës “prona është e jona, se ne e bëmë”. Kjo frymë antidemokratike e futur në Shqipëri duhet të marrë fund duke kthyer pronën te të zotët. Pengesë është vetëm mungesa e vullnetit politik. Media, si pushtet i katërt, i ka të gjitha mundësitë ta gjunjëzojë këtë politikë anti-ekonomike antisociale, krim-nxitëse dhe antinjerëzore, tashmë të dështuar dhe të papranueshme edhe nga ndërkombëtarët, që me kohë kanë dhënë porosi të përsëritura.

Në mungesë të vullnetit politik, vuajtjet e popullit do të shkurtoheshin në kohë, nëse BE dhe SHBA do të përcaktojnë afate kohore për përfundimin e kthimit duke e ndarë atë prej kompensimit. Vetëm kështu i pritet rruga hajdutëve që maskohen me letrat e politikës. Po të veprohet kështu, problemi i pronave në bregdet zgjidhet brenda muajit pa trauma dhe pa faturë financiare. Ne kemi të përgatitur edhe projektligjin përkatës.

[oliver55]

edvinua.. kto dite po shperdan Tapi me ata vullnetaret tip hitler jungen fresho lejfena.. vampiro-sifiliza te partise.. an e kend neper zonat bathor-ike..
kuptohet jan tapi imagjinaro- tollumbacoike.. per vote.. por qe do ta ngaterroje me shume ceshtjen e prones..
te shohim a do reagoje Topi per kte agresion punist mbi pronen qe ka ndermend ta premtoje edvinua.. per te thithur votat e bathoraxhijve.. neper qytetet kryesore..?

meqe topi mbahet si merakli per ceshtje pronash..


..

ceshte ki ligji 7 mij e ca.. kush na e sqaron..

Neni 42

1. Liria, prona dhe të drejtat e njohura me Kushtetutë dhe me ligj nuk mund të cenohen pa një proces të rregullt ligjor.

2. Kushdo, për mbrojtjen e të drejtave, të lirive dhe të interesave të tij kushtetues dhe ligjorë, ose në rastin e akuzave të ngritura kundër tij, ka të drejtën e një gjykimi të drejtë dhe publik brenda një afati të arsyeshëm nga një gjykatë e pavarur dhe e paanshme e caktuar me ligj.

Pa zbatuar kushtetuten zor se hecim per ne evrope.

[Shkelqesia_E_Tij]

Cudi,

tani e mori vesh Bamiri kete gje?

epo po kapen ca viktima, katundare, keta e kane vjedhur token.

xhuje do i kete shku Topit ndonje me i vjedh token e vete ndaj ka fillu me hap gojen si nje femi i lumtur

[oliver55]

kA ARDHURE KOHA QE TE BEHET NJE FILM DOKUMENTARE DHE SHQIPTARET TE SHIKOJNE E DENONCOJNE KETE DUKURI TE KASAPHANES QE TASHME ESHTE E PREKESHME EDHE NE BREGDETIN E JONIT.
Nuk mund te ndertohen vepra me vlera te medha nga pensioniste apo nga "refugjate"qe me dy apo tre vjete pune te bejne investime ne komplekse prej miljona eurosh.Fshati qe duket nuk ka nevoje per kallauz.

[shkodra13]

Rama aprovon perfundimisht vjedhjen e tokes:

"Secili i ardhur që ka ndërtuar shtëpitë e tij në rrethinat e Tiranës apo edhe në të qyteteve të tjera, nuk duhet të mendojë se e ardhmja e tij dhe e shtëpisë së tij do varet nga Sali Berisha apo Edi Rama. Sepse ajo shtëpi e ka fituar statusin e vet."

(Tema)

[Duaje Siveten]

Rama aprovon perfundimisht vjedhjen e tokes:

"Secili i ardhur që ka ndërtuar shtëpitë e tij në rrethinat e Tiranës apo edhe në të qyteteve të tjera, nuk duhet të mendojë se e ardhmja e tij dhe e shtëpisë së tij do varet nga Sali Berisha apo Edi Rama. Sepse ajo shtëpi e ka fituar statusin e vet."

(Tema)

qfar thot ky mer yahoo!

do mar cellullarin ti boj ni tel kriministrit ...

po ai topja pse nuk i var salis tynelit ni dekurat ne sum per internetat, ujnat, dritnat, centralnat, parknat, atomat, fantomat, vari bidonat ...

[Xhuxhumaku]

Pronat, Strasburgu gjobit Shqipërisë

» Vendosur: 23/10/2009 - 08:09
•

Fatos Mahmutaj

Trualli i Ambasadës italiane në Tiranë, shteti Shqiptar dënohet 3 milionë euro. Kaq është shuma e dëmshpërblimit që Gjykata Evropiane ka vendosur në favor të katër anëtarëve të fisit Vrioni, trashëgimia e të cilëve është një sipërfaqe toke 1.637 metër katrorë që aktualisht ndodhet brenda rrethimit të Ambasadës italiane në Tiranë. Sipas vendimit të Strasburgut 84-vjeçari Shahin Vrioni, që jeton në Shqipëri dhe Gherardo la Francesca 63 vjeç; Dario la Francesca 59 vjeç dhe Oliver Vrioni 35 vjeç, që jetojnë në Itali, duhet të përfitojnë në total 2.919.500, nga të cilat 2.719.500 euro në lidhje me dëmtimin 200.000 në lidhje me dëmin jopasuror. "Përsa i përket kërkesës në lidhje me dëmin pasuror aplikantët kanë paraqitur një aktvlerësimi të pronës ku vlera e saj është llogaritur në 2.184.000 euro, ndërsa fitimet e munguara midis 1996 deri më 2006 në 535.500 euro. Përfaqësuesit e qeverisë shqiptare nuk kanë paraqitur ndonjë koment për këtë", thuhet në vendimin e Strasburgut. Sipas këtij vendimi trualli për të cilin bëhet fjalë, me sipërfaqe 1.637 metër katrorë i është konfiskuar gjyshit të katër aplikantëve nga shteti komunist më 1950. Më 1 korrik 1991, Ambasada Italiane në Tiranë ka blerë dy ndërtesa në kufi me pronën e konfiskuar familjes Vrioni. Në lidhje me këtë është firmosur akti i shit-blerjes në shumën e 3.75 miliardë lireta italiane nga Ministria e Jashtme Shqiptare dhe Ambasada Italiane, dhe në rrjedhojë të këtij dokumenti janë vendimet respektive të Qeverisë Shqiptare. Më pas këto para u përdorën nga qeveria shqiptare për të blerë ambasadën tonë në Romë. Në vitin 1993 me daljen e Ligjit për njohjen, kthimin dhe kompensimin e pronave ish-pronarëve, anëtarët e familjes Vrioni kanë kërkuar të drejtat mbi këtë pronë. Më 1996 dhe 1999 Komisioni i Kthimit dhe Kompensimit të Pronave, ka njohur dhe kthyer si të lira, ndër të tjera edhe dy sipërfaqe trualli, gjithsej 1456 metër katrorë që gjenden brenda territorit ku janë vendosur dy godinat në pronësi të Ambasadës italiane. Po kështu KKKP urdhëroi kompensimin në favor të familjes Vrioni të një sipërfaqeje prej 181 metër katrorë, e cila ishte zënë nga ndërtime. Për më tepër, KKKP urdhëroi që pronat të regjistrohen në Regjistrin e Pronave Tiranë në emër të familjes Vrioni. Në këtë kohë, më 1996, këta i kërkojnë Ambasadës italiane kthimin e pronës së tyre duke pretenduar se ajo ishte pushtuar. Kjo duke pasur parasysh faktin se Ambasada italiane kishte titull pronësie vetëm mbi ndërtesat dhe jo sipërfaqen që ndodhej mes tyre. Pas refuzimit të palës italiane me argumentin se kjo marrëdhënie duhej të zgjidhej me shtetin shqiptar, anëtarët e familjes Vrioni i janë drejtuar gjykatave. Pas shqyrtimit disa herë nëpër gjykata çështja është dërguar në Strasburg, gjykatë e cila shpalli vendimin në versionin anglisht më datë 29 shtator.

Familja Vrioni, mori në mars nga Strasburgu edhe 450 mijë euro

TIRANE - Në muajin mars të këtij viti Gjykata e Strasburgut penalizoi shtetin shqiptar me 450 mijë euro, në lidhje me një ankim të familjes Vrioni për probleme pronësie. Kjo çështje ka lidhje me konfliktin e pronësisë për gjysmën e një banese private në Tiranë, që sipas Gjykatës Evropiane të të Drejtave të Njeriut nuk është zgjidhur drejt nga shteti shqiptar dhe ku gjykatat kanë shkelur të drejtat e pronarëve. Historia e konfliktit gjyqësor ka si palë pronarët e vjetër anëtarë të familjes Benusi dhe pronarëve e rinj anëtarë të familjes Glozheni për gjysmën e një shtëpie private, së bashku me truallin dhe oborrin, gjithsej 600 metër katrorë, të cilën pronari aktual e kishte blerë rreth 50 vjet më parë. Para luftës në Shqipëri, babai i kërkuesve ishte pronar i një vile së bashku me 1,377 metra katrorë truall në Tiranë. Por, në 21 prill 1948, Gjykata e Lartë Ushtarake e shpalli Benusin fajtor për çështje politike, duke e dënuar atë me 7 vjet burg, si dhe urdhëroi konfiskimin e gjysmës se pronës që ishte hipotekuar. Sipas një ligji të asaj kohe, kjo pronë i kaloi shtetit dhe brenda të njëjtit vit shteti ia shiti këtë pjesë pronarit të ri Glozheni. Por, në 1992 prona iu kthye sërish pronarëve të vjetër, duke shënuar kështu fillimin e maratonës së proceseve gjyqësore. Strasburgut vendosi dëmshpërblimin 450 mijë euro për pronarët e vjetër, ndërsa prona i mbetet pronarit të ri. fa.ma.

panorama.

[mia@]

eh paska perfundu Topi si gjith'' topat'' tjer politikanet pasi qe vjedhin vet e perfundojn kapin tjeret ol:

Epo si do i mbulojne vjedhjet e tyre? Do e hane peshqit e vegjel.