Seç m’u trembën të bukurat fjalë - Ndarja Poezi 2007

[Fiori]

Seç m’u trembën të bukurat fjalë

Do të vijë një ditë, e fundit fjalë
Do të hesht' në buz’ të pikëllimit
Dhe dhimbje nuk do ndjej aspak
Kur të hapen plagët prej thëllimit

Do të vijë një ditë si kjo e shtunë
dhe me vete do të marr gjithçka.
Do të mbetemi qielli dhe unë….
dhe ëndrra me të thyerat krahë.

E ndjej këtë çast heshtjen e shpirtit
Si kjo stinë që është në të ikur.
Për çudi, mendim i ri më ndriti
S’ish gjë tjetër veç varg i përsëritur.

Seç m’u trembën të bukurat fjalë,
të bukurat mendime m’u trembën.
Jo,lavdine nuk e kerkova nepër varg,
vetëm ty,të të bëja të pavdekshëm.

Do të vije një ditë si kjo e shtunë,
ku ndihem gjys’e vdekur,gjys’e gjallë
dhe s’do të kem asgjë për të thënë
dhe s’do kem asgjë që të humbas…

[DAJO]

Shume e bukur.

[bili99]

Dhe ate dite do te keshe thene me shume se e di qe ke thene...sot eshte e shtune...dhe une e di qe Ti ke shkruar vargje te bukura...ke thene shume...
me nderime,
bili99

[mondishall]

Pene poet/i/eje, jo llafe... Mjeshteri ne vargje dhe mendim... Kur hy ne konkursi, e lexoj si per here te pare. Suksese!

[BlackEagle]

Seç m’u trembën të bukurat fjalë

Do të vijë një ditë, e fundit fjalë
Do të hesht' në buz’ të pikëllimit
Dhe dhimbje nuk do ndjej aspak
Kur të hapen plagët prej thëllimit

Do të vijë një ditë si kjo e shtunë
dhe me vete do të marr gjithçka.
Do të mbetemi qielli dhe unë….
dhe ëndrra me të thyerat krahë.

E ndjej këtë çast heshtjen e shpirtit
Si kjo stinë që është në të ikur.
Për çudi, mendim i ri më ndriti
S’ish gjë tjetër veç varg i përsëritur.

Seç m’u trembën të bukurat fjalë,
të bukurat mendime m’u trembën.
Jo,lavdine nuk e kerkova nepër varg,
vetëm ty,të të bëja të pavdekshëm.

Do të vije një ditë si kjo e shtunë,
ku ndihem gjys’e vdekur,gjys’e gjallë
dhe s’do të kem asgjë për të thënë
dhe s’do kem asgjë që të humbas…

Kur marre ne dore librin e Esseninit, te perkthyer mjeshterisht nga Agim Shehu, mbasi kam lexuar ndonje nga poezite e tij, qe tashme i kam stërlexuar me mijëra here, se fundmi e mbyll, dhe i hedh syte nga kopertina ku eshte fotoja e atij djaloshit bjond sy blu, Esseninit, dhe, duke menduar se tek tuk, krijoj dhe vete ndonje poezi, i flas, dhe si me inat i them: -Te morri dreqi, si nuk ke lene asnjë qerpik te poezise pa e marre, por i ke mbledhur te gjitha pjeset e saje pa lene qofte dhe qerpikun per te tjeret, e pse jo, per mua !? -

Por, duke lexuar poezine tuaj Fiori, po mendoj se, ate "qerpikun" qe une kerkoja duke pyetur Esseninin, ndoshta e keni gjetur Ju. Ndoshta, mua thjesht nuk me ka rastisur te kaloj asaj rruge nga ku, Essenini, nuk kishte kaluar, dhe nga trupi i poezise se tij, qerpiku i kishte mbetur mangët.

Urimet e mia me te mira per poezine.

Respekte

BlackEagle

[Fiori]

BlackEagle,

Krijimet tek ky nenforum (i konkursit letrar) nuk jane te miat. Une thjesht sa i kam sjelle ne forum ne menyre qe autoret te mbeten te panjohur gjate periudhes se vleresimit. Keshtu anetaret te cilet po votojne per krijimet nuk influencohen nga emri i autorit.

Pershendetje,
Fiori

p.s. une dhe shigjeta si moderatore te forumit te letersise nuk kemi marre pjese ne konkurs as si shkrimtare dhe as si vleresuese.

[BlackEagle]

Faleminderit per sqarimin.

Desha te shtoj se, ne forum, askush nuk eshte vëllai, apo motra ime, ashtu si te gjithe jane vellezer dhe motra te mi shqiptar. Dua te them me kete se, nese ne shkrimin e mesiperm bera nje vleresim, qe per pakujdesi, mendova se ishte i juaji, te njejten gje do ta beja per kedo tjeter ketu ne forum, pra, une vleresova shkrimin se pari, poezine, dhe jo se kush e shkroi ate, pamvarësisht se, nga menyra se si shkrova, ju drejtova juve, me mendimin se, shkrimi ishte juaji.

Gjithsesi, ju rifalenderoj, dhe per t'me korigjuar, i dergoj KOMPLIMENTET dhe URIMET e mia me te mira krijuesit te poezise se mesiperme.

Mbasdite te kendshme per Ju Fiori, megjithëse, dhe aty pertej atlantikut, mendoj se, nata tashmë mund te kete vene putrat e saje te zeza neper rruge dhe perpiqet t'ju shmaget dritave qe leshojne neonet e vendosura me rastin e festave. Ndaj, qe te jem me i sakte, po ju uroj nje mbremje te kendshme.

[Pratolini]

Amatore !
Ne artin moderen, poezia ose ka rime ose nuk ka ( pavaresisht llojit te rimes ). Rruga e ndermjetme nuk ekziston. Duket qarte qe eshte punuar shume pak me vargun.
Dua te theksoj se poezia perben ne vetvete dicka shume te ndryshme nga proza. Po aq i rendesishem sa mesazhi qe percillet, eshte edhe emocioni qe te vjen nga ana estetike dhe e formes, me te cilin ti nuk ke punuar shume.

[DI_ANA]

Shume e bukur.....Pergezime dhe suksese autorit!


Respekte

[EDUARDI]

Amatore !
Ne artin moderen, poezia ose ka rime ose nuk ka ( pavaresisht llojit te rimes ). Rruga e ndermjetme nuk ekziston. Duket qarte qe eshte punuar shume pak me vargun.
Dua te theksoj se poezia perben ne vetvete dicka shume te ndryshme nga proza. Po aq i rendesishem sa mesazhi qe percillet, eshte edhe emocioni qe te vjen nga ana estetike dhe e formes, me te cilin ti nuk ke punuar shume.

Pratolini ktu bashkohem me ty pasi e lexova mbi 3 here por duke u bashkuar me kritiken tende thjesht dua te heq fjalen qe e ke nisur ti komentin "Amatore"
Ne jete te nisesh dicka si Amator/e eshte nje gje e vyer sepse sot amator/e neser do te jet nje poet/e e/i mrekullueshem...

Edi...