Nju Jork: Protestë për pavarësinë e Kosovës më 10 dhjetor

[ABytyqi]

Nju Jork: Protestë për pavarësinë e Kosovës më 10 dhjetor



Organizatat lobiste shqiptaro-amerikane dhe shoqatat e tjera në SHBA më 10 dhjetor do të organizojnë protestë masive në Nju Jork në mbështetje të pavarësisë së Kosovës.

Drejtori ekzekutiv i Këshillit Kombëtar Shqiptaro-Amerikan (KKSHA), Avni Mustafaj vërtetoi mbajtjen e kësaj proteste në mesditë më 10 dhjetor para selisë së OKB-së, në ditën kur sekretari i Përgjithshëm i Kombeve të Bashkuara, Ban Ki-Moon do të marrë raportin final për bisedat intensive që përmbyllën negociatat për zgjidhjen e statusit të Kosovës.

Organizatat shqiptare në SHBA kanë hartuar një raport ku theksohen krimet serbe në Kosovë dhe të dhëna të tjera të publikuara: 12.000 të vrarë dhe të zhdukur, 48.500 të plagosur, më shumë se 1.3 milion refugjatë dhe shkatërrimi i më shumë se 65 për qind të pasurive private dhe shtetërore në mbarë Kosovën.

Protesta për pavarësinë e Kosovës do jetë me moton "Mbahu Nëno mos ke frikë, se ke djemtë në Amerikë", ndërsa ajo do të mbështetet nga National Albanian American Council, Vatra, Albanian American National Organization, Balkan Care Foundation, Fondi Humanitar Malesia si dhe organizata tjera, degët e partive dhe komunitetet fetare.

INA

[skipetar]

Më 10 dhjetor tubim në New York për pavarësinë

Në ditën kur është paraparë dorëzimi i raportit Sekretarit të Përgjithshëm të Kombeve të Bashkuara, Ban Ki Moon nga ana e treshes ndërkombëtare përfaqësuesit të Bashkimit Evropian, të SHBA-ve dhe atij të Rusisë lidhur me rezultatin e negociatave katërmuajshme shtesë për Kosovën, organizatat shqiptaro-amerikane me në krye Këshillin Kombëtar Shqiptaro-Amerikan do të mbajnë një tubim në New York në shenjë mbështetje dhe për njohje të pavarësisë së Kosovës.

Me këtë rast do të marrin pjesë të gjitha organizatat përfshirë edhe më të vjetrën Vatra, që tubojnë shqiptaro-amerikanët nga të gjitha viset shqiptare në Ballkan, ndërkaq moto e kësaj mbështetje do të jetë vargu i famshëm nga poezia e Nolit, "Jepni për Nënën," 'Mbahu Nano mos kij frikë se ke djemtë n'Amerikë,' një varg ky me të cilin duan të identifikohen organizatorët dhe pjesëmarrësit në këto momente vendimtare, historike për të ardhmen e Kosovës.

Tubimi do të mbahet para selisë së Kombeve të Bashkuara në New York ndërkaq në raportin që do të shpërndahet po atë ditë do të arsyetohet domosdoshmëria e zyratrizimit sa më parë të pavarësisë së Kosovës si një vullnet i shumicës në Kosovë tashmë i njohur nga fuqitë botërore. Në këtë tubim pritet të marrin pjesë jo vetëm shqiptaro-amerikanë nga New York-u dhe shtetet amerikane përreth, por edhe nga shtete të tjera
dhe qendra metropolitane si Chicago, Detroit, Dallas, etj. /S.gashi/

rtklive.com
2 dhjetor 2007

[biligoa]

Urime per hapsin e temes.

[EDUARDI]

Kosova-Proteste paqesore perpara Nr. 10 – Downing Street

Thirrje Kombetare qytetare

Te nderuar bashkekombas apo kryetare te shoqatave shqiptare ne
Mbreterine e Bashkuar apo gjetke !

Te shtyre vetem nga interesa kombetare dhe ne nje moment teper
delikat per kombin shqiptar ne teresi, shoqata shqiptare "Ardhmeria"
qe ushtron aktivitetin e saj ligjor ne Mbreterine e Bashkuar prej
vitesh, e mbeshtetur nga antare te Parlamentit Britanik, brenda
procedurave ligjore dhe akteve procedurale ne fuqi ne Mbreterine e
Bashkuar dhe ne marreveshje te plote me organet kompetente qeveritare
ne Londer, organizon ne daten 09 Dhjetor 2007, prej ores 11: 30/-
deri ne oren 15:00/- perpara nderteses qeveritare - Nr. 10 – Downing
Street, nje proteste paqesore ne mbeshtetje te pamvaresise se
Kosoves.

Shoqata "Ardhmeria" eshte e gatshme te perkrahe cdo individual
shqipfoles apo shoqate shqiptare jo vetem ne Mbreterine e Bashkuar
por kudo ne glob nqse fatet e kombit shqiptar jane ne pikepyetje,
prandaj, te nderuar bashkekombas, ne emer te kombit shqiptar ju
kerkojme te na bashkoheni ne keto momente teper delikate dhe te
ngrejme zerin tone te perbashket per hir te gjakut te derdhur te
vellezerve dhe motrave tona ne vitet me moderne te shekullit te
kaluar, per hir te histories sone te lavdishme qe nuk eshte hezituar
te shkruhet me gjak, per hir te se ardhmes se kombit shqiptar ne
teresi dhe per hir te paqes ne Ballkanin e trazuar.

Objektivi kryesor i kesaj proteste paqesore eshte te cojme zerin tone
nepermjet Deres qe permban Nr. 10 – Downing Street ne te gjitha
qeverite e botes duke perfshire ate te Serbise, Rusise apo edhe
qeverive te tjera qe nuk perkrahin planin Ahtisari per fatin e
Kosoves.

Edhe njehere ju lutemi te na bashkoheni ne keto momente dhe te
kerkojme me cdo kusht,

Pamvaresine e panegociueshme te Kosoves.

Faleminderit per bashkepunimin dhe mirekuptimin.

Per shoqaten "Ardhmeria",

Z. Lutfi Vata

[skeshqe]

TE GJITHE TE BASHKUAR NE DEMONSTRATE PAQESORE PER
NJOHJEN E MENJEHERSHME TE PAVARESISE SE KOSOVES

Komunitetit Shqiptar në Amerikë, i udhëhequr nga Këshilli Kombëtar Shqiptaro-Amerikan se bashku me shoqata dhe organizata te tjera Shqiptaro-Amerikane si dhe me mbështetjen e plotë të Kishës Katolike Shqiptare, Qendrës Islame Shqiptare, Kishës Ortodokse Shqiptare, i bëjnë thirrje të gjithë vëllezërve e motrave tona nga të gjithë trojet shqiptare të Shqipërisë, Kosovës, Maqedonisë, Malit të Zi, Preshevës dhe Çamërisë të bashkohen në një demonstratë madhështore paqësore me moton TE NJIHET PAVARESIA E KOSOVES MENJEHERE ne sheshin Dag Hammarskjold në Avenue 1 dhe rrugën 47, të hënën në datë 10 dhjetor, në orën 12 pa pese.

Në demonstratë janë ftuar dhe anëtarë të kongresit e senatit Amerikan, miq të dëshmuar të çështjes shqiptare.

Në 10 Dhjetor treshja negociuese Wizner-Ishinger- Harchenko do të dorëzojë raportin rreth bisedimeve të dështuara Shqiptaro-Serbe Sekretarit të Përgjithshëm të Organizatës së Kombeve të Bashkuara, zotit Ban Ki Mun. Serbia dhe miqtë e saj vazhdojnë perpjekjet për ta shtyrë pafundësisht njohjen e pavaresisë dhe për rikthimin e shqiptareve në zgjedhen sllave.

Eshtë shumë e rëndësishme që komuniteti Shqiptar në Amerikë, një pararojë e përhershme e çështjes kombëtare, qe me dinjtet dhe veper e ka deshmuar thirrjen 'MBAHU NENO MOS KE FRIKE SE KE DJEMTE NE AMERIKE', të dalë në këtë tubim në mënyrë masive për ti treguar Kombeve të Bashkuara dhe komunitetit ndërkombëtar se pavarësia është zgjidhja e vetme dhe se ç'do shtyrje tjetër e njohjes se pavaresisë së Kosovës është e papranueshme. Ka ardhur koha që sakrificat e atyre që ranë në luftë për lirinë e Kosoves të kurorëzohen me njohjen e menjëhershme të pavarësisë së saj.

Derisa të njihet pavarësia e Kosovës, askush që e quan veten Shqiptar nuk mund të rrijë i qetë. Për mëmëdhenë edhe një herë Shqiptar, mos rri, po duku, Shqiptar!

Organizatat Pjesëmarrëse:

Vatra, Albanian Aid Society, Albanian American Women Organization, Albanian American Cultural, Foundation Albanian American Committee of Illinois, Albanian American National Organization, Albanian American Society Foundation, Albanian Catholic Churches, American Cultural Center of Michigan, Albanian Islamic Centers, Atdheu na Bashkon, Albanian Orthodox Churches, Albanian Yellow Page, Ana Malit, Balkan Care Foundation, Bashkimi Demokrat, Democratic League of Kosova NY/Detroit, Besa/Massachusetts Albanian American Society, Democratic League of Dardania NY/Chicago, Fondi Humanitare Malesia, Fondi Përbashkët Shqiptar - Paterson, Partia Levizja e Legalitetit, Këshilli Kombëtar Shqiptaro-Amerikan, Kraja Foundation, Kosova Albanian Society of Boston, Komuniteti Shqiptar Hasan Prishtina, Plave Guci Foundation, Shoqata Ded Gjo Luli, Shoqata Adhetare Dibrane, Shoqata Rugova, Shqiptaro-Amerikanë t per Demokraci, dhe Shoqata US Ulqini.

Sponsor i Medias





Per më tepër informacion mund të kontaktoni:

Avni Mustafaj: (202) 557-6865 | avni@naac.org
Daniel Kristo: (973) 517-9369 | dkristo@naac. org

[Kreshniku1985]

MARSHI STUDENTORË PER PAVARËSI

S K E N A R I

10 dhjetorit 2007, ora 12 :00
Nisja e Marshit do të bëhet nga Qendra e studentëve për të vazhduar deri te Kuvendi i Kosovës. Duke përshkruar këto rrugë: nga Qendra e Studentëve në drejtim të Rrethit për të marshuar drejtë Qendrës së Prishtinës.
Marshi do të jetë i qetë, do të krijohen kordone nga organizatorët-studentë të veshur me bluza të bardha në të dy anët e rrugës.
Marshuesit do të mbajnë në dorë nga një fletë të bardhë në të cilën do të shkruhen aktet juridike dhe politike, ndërkombëtare në bazë të të cilave garantohët pavarësia e popujve.
Pse është zgjedhur data 10 dhjetor, sepse:
• Është dita ndërkombëtare e të drejtave të njeriut,
• Me këtë datë do të përfundojnë negociatat shtesë në mes të Prishtinës dhe Beogradit,
• Me këtë datë Simbolet Shtetërore dhe Kushtetuta e Kosovës do të jenë të gatshme,

Marshuesit do të qëndrojnë para Kuvendit, derisa Kuvendi të shpallë pavarsinë e Kosovës, por nuk do të pengojnë punën e Kuvendit,
Pasë shpalljes do të filloj festa e madhe.

KËSHILLI ORGANIZATIV I STUDENTËVE...!
Distancohët nga çdo veprim i cili është në kundërshtim me ligjin.
KËSHILLI ORGANIZATIV I STUDENTËVE...!
Ju bënë ftesë të gjithë qytetarëve që të jenë të qetë dhe të vetëpërmbajtur nga aktet e dhunës.
KËSHILLI ORGANIZATIV I STUDENTËVE...!
Do të përdor të gjitha format e presionit demokratik deri në realizimin e pavarsisë së Kosovës.


ORGANIZATORË :
KËSHILLI ORGANIZATIV I STUDENTËVE...!

Tel. +377(0) 44 609 830 E-mail. 10-12-2007@live.com
+377(0) 44 372 676 nismastudentore-up@hotmail.com
u_s_sh@yahoo.com

[niktironci]

Nje Kosove e pamvarur, nuk eshte mire vetem per Kosoven, por per Gjithe Shqiperine,si edhe qetesine ne Ballkan, dhe Europe.
Sic shpallem Shqiperine e pamvarur, te shpallet edhe Kosova e pamvarur.
Kosova e pamvarur eshte e ardhme edhe per Shqiperine,dhe mendoj nuk duhen ndare, interest e Kosoves nga Shqiperia.

[EDUARDI]

Te nderuar bashkekombas dhe dashamires te shqiptareve ne Britani apo gjetke,



Shqiptaret ne Britani, te udhehequr nga Shoqatat shqiptare qe ushtrojne aktivitetin e tyre ligjor ne Londer apo gjetke [deri ne keto momente 12 shoqata me aktivitet te plote], prej ditesh e kane marre nje vendim te perbashket, pa dallim krahinor apo interesa perfitimi personale, te nisur vetem nga interesa kombetare, qe nepermjet nje tubimi madheshtor qe do te zhvillohet me 09/12/2007, diten e Djele, prej ores 11:30/- deri me 15:00/-perballe nderteses qeveritare – Downing Street, dhe ne pershtatje te plote me rregullat/ligjet qe aplikohen ne Britani, ti thuhet popullit britanik dhe qeverive qe e kane udhehequr kete popull kaq zemergjere dhe demokratik prej Pranveres se 1999-es e deri me sot, - THANK YOU- [faleminderit] per cfare ata kane bere per hir te popullit shqiptar te Kosoves martire qe prej dekadash ka qene viktime e panderprere e makinerise vrasese serbe dhe politikave te tyre gllaberuese.



Jemi mese te vetedijshem se vitet 1998 – 1999 kane qene vite teper delikate jo vetem per fatet e Kosoves sone te dashur, por per fatet e kombit shqiptar ne teresi.



Pas kaq shume e shume vitesh perpjekjeje, u desh te derdhet gjaku i qindra, mijra motrave dhe vellezerve tane shqiptare, nga Mitrovica e Gjirokastra, nga Presheva e Istogu, qe ne Rambuje te shnderohet emri nga rebele ne te lavdishmen UCK dhe me emrin dhe gjakun e komandantit legjendar Adem Jashari dhe ndihmen e pacmueshme te perendimit te arrijme ne keto momente kaq delikate per te ardhmen jo vetem te Kosoves por te Ballkanit ne teresi.



Personalisht, nuk mund te harroj kurre ato momente teper kritike kur shoke apo kolege te mi bashkeluftetare te UCK-se kane dhene shpirt ne ato vite ne token e Shqipeve padrejtesisht e pushtuar nga okupatori serb.



Data 10 Dhjetor 2007 eshte nje dite teper e shenuar per kombin shqiptar ne teresi pasi ajo shenon fundin e negociatave ndermjet shqiptareve dhe serbeve dhe qe natyrisht do te shoqerohet me ngjarje te tjera teper te rendesishme, pra me pamvaresine e panegociueshme te Kosoves.



Te nderuar bashkekombas, ne nuk po shkojme ne daten 09 Dhjetor ne Downing Street te firmosim pamvaresine e Kosoves, por per ti thene FALEMINDERIT popullit britanik qe ka luajtur pothuajse rolin kryesor qysh nga detyrimi me force i largimit te trupave gjakatare serbe nga trojet tona e deri ne ditet e sotme. Ne shqiptaret e Britanise nuk mund te rime e te presim qe pas pamvaresise Britania te na fale nje buzeqeshje por ne dime te respektojme dhe nuk ka pengese qe te na ndale ne vendimet tona teper te kujdesshme.



Prandaj te nderuar bashkekombas, bashkojuni thirrjes sone te sinqerte per Pamvaresine e Kosovoves, kjo tashme, nga nje ender prej viteve 1913, eshte bere nje realitet i pasabotueshem.



Ky eshte momenti me i pershtatshem qe edhe ti te bashkohesh me shumicen pa marre parasysh gjerat e vogla apo ambicjet personale te pavlera, ne jemi shqiptare pavaresisht nga diakekti gjuhesor.



Le te bashkohemi te gjithe, shqiptare dhe te jo-shqiptare apo parlamentare britanike, me 09 Dhjetor 2007 dhe njezeri te therrasim per ore te tera “Thank You Britain�, ky eshte momenti qe mund te degjohet edhe zeri juaj.



Rrofte Kosova dhe shqiptaret kudo ne bote. Lavdi gjakut te derdhur te legjendareve te UCK-se, Lavdi historise sone te lavdishme qe nuk eshte hezituar te shkruhet me gjak edhe ne vitet me moderne te njerezimit, Lavdi komandantit tone kombetar, Adem Jasharit. Faleminderit per mirekuptimin.



Me respekt

Klemend Banushi

Londer

[biligoa]

Jehona e kushtrimit të mërgatës sonë në Amerikë!

MANIFESTE ATDHETARIE TË MËRGATËS SHQIPTARE

NË AMERIKË!

Shkruan: Ferit RAMADANI

Kërçovë, 01. XII. 2007



Kontinenti i largët, Amerika, është bërë pikësynimi i shtegtimit shqiptar, për ku, shqiptarët jo vetëm që ia mësyejnë për të qëndruar me dekada, por, dalin për t’u përballë për shumë aspekte të mbijetimit se si të kthehen në Atdheun e vet ku do të dominojë mirëqenia dhe liria. Prej atje, shqiptarët pothuajse kanë bërë gjithë sfidimin se si të formësohet ligjësia edhe në “shtetësinë shqiptare të plotë”, që ajo, njëherë e përgjithmonë në bashkimin e trojeve të ndara të hyjë rrjedhave të zhvillimit me trendin e nuancave të pavarësisë dhe lirisë si në Amerikë, për të fituar shqiptaria vitalitetin e vet, ashtu siç e projektuan rilindasit e herëshëm, e që u përcoll deri tek heronjtë e rezistencës militante të ditëve të sotme !

Gjithë kjo pamje e veprimeve të shqiptarëve që jetonin e punonin në Amerikë i vërtetonte dëshmitë e përshtypjeve gjatë gjithë muajit prill derisa ndodhesha me ata për ta kaluar një miqësi të ëndërruar qyshkur. Ajo që mund të dalë nga takimet me shqiptarët e asaj mërgate nuk është vetëm rastësi ! Ajo është një karakteristikë e posaçme që ata e kultivojnë duke e përcjellur tek ma të rinjtë , që nga ata më të moshuarit se: Kur të vijnë shqiptarë nga Atdheu, të kujtëdoqoftë ane, t’i presin me gosti! T’i ftojmë për ta kaluar netët! Dhe të shmallemi duke dëgjuar se si është situata e, si shkojnë rrjedhat e rritës e të zhvillimit në Atdhe!

Për të gjitha këto, mërgata shqiptare e Amerikës ma mirë se të gjithë, bile, ma fuqishëm se shtetësia dhe diplomacia shqiptare e vendit e ka luajtur rolin se si të bëhet ndërkombëtarizimi shqiptarë, i cili gjatë shekullit njëzet shpeshherë u ndodh në zgripe e katandi! Sa herë Atdheu mori një trajtë të përçudnuar nga faktorët e fuqishëm të okupimit sllav, dhe u rrudh, gjegjësisht u vu në aktet e heshtjes dhe të nënshtrimit, doli si jehonë kushtrimi zëri i largësisë së kësaj mërgate dhe me origjinalitetin e kërkesave u vu në mbështetje të asaj që rrënohej dhe pati synim të zhbërjes totale! Ajo ia ktheu ndryshe hesapet pushtuesit, duke ia pamundësuar realizimin e ëndërrave bishare! Ishte ajo mërgata shqiptare e cila u përballë gjithkah që ajo copë Shqipëri të bëhej e pranuar në mekanizmat ndërkombëtarë. Ashtu siç u përballën Mid’hat Frashëri, Konica e Noli! Ishte po ajo mërgatë e shqiptarëve të Amerikës që dolën rrugëve të Uashingtonit, Nju Yorkut e Qikagos për t’i thënë stop thundrës së egër të federalizmit titist, perandorisë së kuqe të vëllazërimbashkimit vrastar e cila, nëpërkëmbi Kosovën, Pollogun dhe Pellagoninë, Preshevën e Medvegjën, Plavën dhe Gusinë! Ishte po ajo mërgata shqiptare, e cila, u doli përballë gjithë sfidave dhe luftoi me pendë e me pushkë për t’u realizuar e drejta legjitime e natyrore e shqiptarëve që për hirë të regjimeve përjetonin okupimin bizantin në të drejtat themelore të komunikimit dhe integrimit të vlerave kombëtare!

Për gjithë këto, mërgata shqiptare e Amerikës, atje larg në kontinentin e një zhvillimi të çuditshëm ku shpejtësia e komunikimit dhe liria e veprimit janë pa cak, ka një peshë të definuar e cila bëhet manifest i përhershëm i Atdhetarisë. Ajo e ka pushtuar linjën e parë të vrojtimit dhe haptas dallohet në historinë e tronditjes shqiptare! Ajo rrjedhat e atij lumi shtegtues i ka vënë në blic - kujtimet e shkuljes nga vatani i Atdheut, dhe për ato çaste prekëse kthehet e rikthehet të flasë për ta zbardhur misterin i cili i detyroi të nisen shtigjeve, që në kujtesën e tyre është pasqyruar si realiteti më i hidhur i një dëshmie të madhe që ka marrë dimensioni i mallit për Atdheun e ndarë !

Në këto binarë endet trendi i vlimit prej ku përvëlohet bima e shqiptarisë, dhe me këmbëngultësi vepron në Amerikë t’a shpërndajë për të mirë aftësinë e Albanëve siç i dijnë në çdo shtet të kësaj federate të madhe! Gjegjësisht , mërgata shqiptare në Amerikë ka shpërndarë rrënjët e mbijetimit, dhe ata në çdo strukturë të jetës krijojnë dhe veprojnë nga punët e krahut e deri tek punët me peshë mendore! Nga mërgata e këtyre shqiptarëve, Amerika ka pasur mundësi të përfitojë, dhe ajo sipas gjithë asaj se si ka vepruar, ka ditur si ta bëjë përfitimin e dyfishtë! Nga njëra anë ka pasur dobi se shqiptarët me përkushtim dhe me kualitet kanë kryer shërbime të ndryshme, dhe nga ana tjetër, duke krijuar rrethana të një vlere materiale ka krijuar unitetin e domethënies Amerikë ku jetojnë qytetarë të çdo përkatësie kombëtare, por janë të barabartë në çdo sferë jetësore !

Njëkohësisht, në këtë bashkëveprim, Amerika dhe shqiptarët e mërguar janë nisur tok për betejën strategjike t’i çlirojnë nga brengat të gjithë të ngujuarit nga ideologjitë që iu vërsulën Atdheut të përçarë për ta bërë kockë e lëkurë nga varfëria dhe për ta lënë në terr nga dituria e përparimi! Ashtu siç është gjithë realiteti , ashtu e kanë përjetuar edhe shqiptarët e kësaj mërgate ankthin për Atdheun dhe mundimet e kurbetit i cili në skenën e akteve jetësore ua ka sjell befas dhembjet dhe vuajtjet, ndërsa shumë rrallë u ka trokitur gëzimi! Megjithatë , kjo mërgatë e fuqishme, duke krijuar lidhjen e gjakut, në mungesë të farefisnisë dhe largësisë së vatanit, i ka dalë kohës përpara t’i thotë se ne jemi e do të mbesim të pagjunjëzuar dhe do të veprojmë në bazë të traditave të të parëve tanë!

Me një fjalë, ata duke e parë rrezikun e shpërbërjes kombëtare, janë kthyer me shpirtë nga Atdheu dhe në funksion të mbijetesës kanë vënë shenjat e idetitetit heroik nëpër çdo dhomë e paradhomë të banesave që shoqërohen me shqiponjën dykrenore! Pothuajse, nuk ka shtëpi e banesë të mërgatës shqiptare pa figurat heroike të shqiptarisë! Skenderbeu, Ismail Qemali, Abdyl Frashëri, dhe shumë të tjerë rilindas luftëtarë e krijues i kanë zënë vendet si në hapësirë poashtu edhe në shpirtin e tyre. Gjithsesi, bashkëjetojnë edhe heronjtë e lavdishëm të Ushtrisë së Bacës Adem Jashari, siç rrijnë bashkë Mefailat e Xhemë Gostivari! Dhe në sytë e mërgimtarëve del vezullimi që i shëmbëllen mallit dhe gatishmërisë që të flijohen për idealin e bijëve heronj që e dhanë jetën për liri e pavarësi!

Gjithë kjo, tek mërgata shqiptare e Amerikës është bërë kulmi i revoltës së madhe qyshkur janë nisur për në mërgim. Kthimi i shpinës për tu larguar nëpër rrethana të ndryshme, tek ata është bërë fiksim i një çudie të madhe. Pesha e ndërgjegjës prej mallit nga ndarja e parë ka rrezatuar dashurinë e përhershme që pastaj, nga largimi i gjatë, është kthyer në kulm rrëfimesh ku mbushet fatura e kalvareve dhe mundimeve krahas asaj të kapitalit material që mblodhën ta sjellin në Atdheun e përflakur nga varfëria! Është pikërisht ky momenti ma madhështor që e ka zhvilluar dhe e ka mbajtur mërgatën shqiptare e cila, ka ditur ta çojë lart flamurin e fitores! Vetëm me punë të madhe ajo ka arritur ta krijojë kapitalin material krahas kapitalit moral dhe atij kombëtarë! E gjithë kjo, me një krenari mundet të hyjë në analet e përshkrimeve për mërgatën shqiptare në Amerikë e cila luan rolin domethënës në çdo sferë të jetës shoqërore! Ata sot i gjen edhe si zyrtarë që drejtojnë organizata të ndryshme të ndërtimtarisë, hotelierisë, industrisë! I gjen në mjekësi, arkitekturë, informim dhe diplomaci. I gjen edhe në ushtri si ushtarakë shumë të respektuar e të aftë në shërbim!

E gjithë kjo është biblika më e çuditshme e analeve jetësore! Atyre që në Atdheun ku lindën nuk u mundësohej asgjë të bënin për kafshatën, Amerika ua dha të gjitha, që jo vetëm për vete por edhe për Atdheun të dërgonin! Kjo i ngjan jetës së feniksit që sa herë e shkrumosin dhe e bëjnë hi ai ringjallet dhe fluturon lartësive! Kjo i ngjan edhe teatrit ku në skenë bëhet aktrim me aktorë që vriten e priten me shpata dhe dalin nga plagët edhe më të fortë ! Kjo i ngjan përballjes së Titanikut me dallgët e detit që e fundosin të mbesë pa nam e nishan! Megjithat, gjithçka e ka marrë trajtën e rikthimit në mërgatën shqiptare dhe ajo hy në analet e përshkrimeve e rivitalizuar ! Ashtu siç i bën punët e përditshmërisë me kualitet dhe me disciplinë, ajo me ndershmëri i kryen edhe obligimet që ia ka vënë vetvetes për kultivimin e traditës kombëtare! Për këtë bashkëbiseduam me shumë mërgimtarë të këtij nënqielli të gjërë, ku ata për çdo ditë, pushtojnë hapësira dhe për një kuvendim, si shqipet turren rrugëve të Amerikës të bëhen tok në Kuvende kombëtare, në dasma e në morte! Ata turren për gjithçka që e kërkon nevoja dhe që është në të mirën e gjakut dhe gjuhës, në të mirën e At - Dheut ...!

[EDUARDI]

Protesta në NY, Londër, Prishtinë në mbrojtje të pavarësisë së Kosovës


Londër


Komuniteti shqiptar në Mbretërinë e Bashkuar organizon të dielën me 9 Dhjetor ora 11.30 para 10 Down Street protestën më të madhe paqësore në Mbrojtje të Pavarësisë së Kosovës.
Sipas organizatorëve janë bërë të gjitha përgatitjet e nevojshme që kjo protestë paqësore të realizohet me sukses.
Në mbështetjen dhe përkrahjen e plotë të shoqatave shqiptare në Britani kjo prostestë e para që nga koha e luftës, do të jetë më e madhja e organizuar ndonjëherë nën moton
"Të gjithë së bashku për pavarësinë e Kosovës"


Shoqata "Ardhmëria"
Shoqata "Edith Durham"
"British Culture of Britain"
Shoqata "Dituria"
"Centre for Albanian Studies"
"Albanian Association for mental Health"
"Skenderbeu"
"LSE Albanian Society"
"Sfida"
"Albanur"
"UK Albanians"
"Tifozat Kuq e Zi"
"London Mjaft Club"








NY

I bëjmë thirrje të gjithë anëtarëve dhe vizitorëve tanë në çdo cep të botës, që në datën 10 dhjetor 2007, të organizojnë protesta paqësore sensibilizuese mbi nevojën e zgjidhjes përfundimtare të çështjes së Kosovës, njohjen dhe mbështetjen e pavarësisë së shtetit të ri të Kosovës në Ballkan.

10 dhjetori është dita kur treshja e diplomatëve do të paraqesin raportin final mbi statusin e bisedimeve në OKB, raport të cilit do t'ia dorëzojnë kreut të OKB. Është një ditë historike në të cilën të gjithë së bashku duhet të ngrejmë zërin në mbrojtje të interesave tona kombëtare.

Më poshtë do të njiheni me tubime të planifikuara për tu mbajtur në New York, Londër dhe Prishtinë.

TE GJITHE TE BASHKUAR NE DEMONSTRATE PAQESORE PER NJOHJEN E MENJEHERSHME TE PAVARESISE SE KOSOVES

Komunitetit Shqiptar në Amerikë, i udhëhequr nga Këshilli Kombëtar Shqiptaro-Amerikan se bashku me shoqata dhe organizata te tjera Shqiptaro-Amerikane si dhe me mbështetjen e plotë të Kishës Katolike Shqiptare, Qendrës Islame Shqiptare, Kishës Ortodokse Shqiptare, i bëjnë thirrje të gjithë vëllezërve e motrave tona nga të gjithë trojet shqiptare të Shqipërisë, Kosovës, Maqedonisë, Malit të Zi, Preshevës dhe Çamërisë të bashkohen në një demonstratë madhështore paqësore me moton TE NJIHET PAVARESIA E KOSOVES MENJEHERE ne sheshin Dag Hammarskjold në Avenue 1 dhe rrugën 47, të hënën në datë 10 dhjetor, në orën 12 pa pese.

Në demonstratë janë ftuar dhe anëtarë të kongresit e senatit Amerikan, miq të dëshmuar të çështjes shqiptare.

Në 10 Dhjetor treshja negociuese Wizner-Ishinger- Harchenko do të dorëzojë raportin rreth bisedimeve të dështuara Shqiptaro-Serbe Sekretarit të Përgjithshëm të Organizatës së Kombeve të Bashkuara, zotit Ban Ki Mun. Serbia dhe miqtë e saj vazhdojnë perpjekjet për ta shtyrë pafundësisht njohjen e pavaresisë dhe për rikthimin e shqiptareve në zgjedhen sllave.

Eshtë shumë e rëndësishme që komuniteti Shqiptar në Amerikë, një pararojë e përhershme e çështjes kombëtare, qe me dinjtet dhe veper e ka deshmuar thirrjen 'MBAHU NENO MOS KE FRIKE SE KE DJEMTE NE AMERIKE', të dalë në këtë tubim në mënyrë masive për ti treguar Kombeve të Bashkuara dhe komunitetit ndërkombëtar se pavarësia është zgjidhja e vetme dhe se ç'do shtyrje tjetër e njohjes se pavaresisë së Kosovës është e papranueshme. Ka ardhur koha që sakrificat e atyre që ranë në luftë për lirinë e Kosoves të kurorëzohen me njohjen e menjëhershme të pavarësisë së saj.

Derisa të njihet pavarësia e Kosovës, askush që e quan veten Shqiptar nuk mund të rrijë i qetë. Për mëmëdhenë edhe një herë Shqiptar, mos rri, po duku, Shqiptar!