Hapat e mëtejmë vetëm në koordinim me BE-në dhe SHBA-në, thonë Sejdiu e Thaçi

[biligoa]

Kryetari i Kosovës, Fatmir Sejdiu dhe kryetari i Partisë Demokratike të Kosovës (PDK), fituese e zgjedhjeve të 17 nëntorit, Hashim Thaçi, i siguruan të enjten diplomatët ndërkombëtarë se institucionet e Kosovës do të shpallin pavarësinë vetëm në koordinim të plotë me SHBA-në dhe BE-në.

[biligoa]

Kryetari Bamir Topi shprehu përpara 700 të ftuarve në Pallatin e Brigadave vendosmërinë e madhe të Shqipërisë në mbështetje të pavarësisë së Kosovës. Zoti Topi e bëri deklaratën në pritjen që dha mbrëmë rreth orëve 19:30 deri 20:30, për nder në Ditës së Flamurit, 95 vjetorit të shpalljes së Pavarësisë në Vlorë në 1912 nga Ismail Qemal Bej Vlora.

[biligoa]

Dështimi i bisedimeve po e rrezikojnë paqen në Ballkan, thonë diplomatët. Sipas mediave ndërkombëtare, shpallja e pavarësisë mbetet e vetmja zgjidhje pas 10 dhjetorit. Mirëpo, derisa Uashingtoni besohet se do ta njohë pavarësinë e Kosovës, kjo rrezikon ta përçajë Bashkimin Evropian.

[qafezezi]

Patjeter qe pavaresia do shpallet ne koordinim me Ameriken dhe disa shtete te Evropes. Sepse pas pavaresise Kosova do kete nevoje per ndihma te medhaja ekonomike.

[biligoa]

Përfunduan bisedimet treditore, që u mbajten në Baden të Austrisë ndërmjet delegacioneve të Prishtinës dhe Beogradit me ndërmjetësimin e Treshes: Vizner, Ishinger dhe Harçenko. Nuk është shënuar asnjë përparim në këto bisedime dhe nuk është arritur ndonjë marrëveshje konfirmuan palët negociatore pa mbarimit të bisedimeve.

[biligoa]

Kreu i PDK-së dhe anëtari i Ekipit të Unitetit, Hashim Thaçi, pas përfundimit të bisedimeve në Baden të Austrisë ka konstatuar se Prishtina dhe Beogradi nuk mund të arrijnë kompromis rreth statusit. Thaçi ka paralajmëruar me këtë rast se Kosova do të jetë shtet i pavarur dhe do të garantojë paqe e stabilitet, duke përjashtuar mundësinë që sërish të ketë luftë dhe vrasje. Pas takimit me delegacionin e Beogradit dhe me Treshen ndërmjetësuese Thaçi ka konstatuar se pozicionet e Prishtinës dhe Beogradit, janë krejësisht të kundërta.

[Taulant_it]

sot pashe ne sky ,nje interviste qe i bene presidentit francez dhe kryeministrit italjan per çeshtjen e kosoves dhe qe te dy u pergjigjen qe nuk ka zgjidhje tjeter perveç pavaresise
.eshte nje gje shume e mire kjo

[biligoa]

Senatorja amerikane Hillary Clinton ka deklaruar se mbështet fuqishëm njohjen e pavarësisë së Kosovës nga Shtetet e Bashkuara nëse qeveria në Prishtinë vendos të shpall pavarësinë.
Derisa Rusia kërcënon me veto në Këshillin e Sigurimit, ne duhet të jemi të gatshëm që të mbështesin fuqishëm vullnetin e shumicës në Kosovë. Nëse qeveria në Prishtinë vendos të shpall pavarësinë, fuqimisht do të mbështes njohjen nga ana e Shteteve të Bashkuara të pavarësisë dhe do të ftojë Bashkimin Evropian të bëjë të njëjtën gjë, ka deklaruar Hillary Clinton.

[biligoa]

Pasiguria rreth statusit të ardhshëm të Kosovës mund të cojë drejt paqëndrueshmërisë dhe mund të nxisë dhunën në Ballkan, tha kreu i opozitës konservatore britanike, David Cameron në Institutin Brookings në Uashington.
Në Ballkan po ngjizet një krizë dhe ne duhet të veprojmë tani për ta penguar një gjë të tillë, tha Kameroon i cili ka mbështetur kërkesën amerikane për pavarësinë e Kosovës.
Ai shtoi se vendet evropiane dhe Shtetet e Bashkuara nevojitet të jenë të vendosura ndaj Serbisë. Cameron tërhoqi vëmendjen se Serbia nuk duhet të lejohet të nxisë trazira në pjesë të tjera të Ballkanit për të zhvleftësuar aspirtatën e Kosovës për pavarësi.