Promovimi i Shoqates kulturoro-fetare "BURIMI" - Shkoder

[Archicad]

Promovimi i Shoqates kulturoro-fetare "BURIMI" - Shkoder

Profeti Muhamed a.s thot: "Jam dërguar që t'i tuboj vlerat e mira
dhe t'i përsosi ato!".

Duke jetuar në një shoqëri multikulturore, të hapur, multifetare, me
ide dhe koncepte të ndryshme, atëherë i detyrohemi kësaj shoqërie që
t'i japim diçka nga vlerat tona, si kontribut për zhvillimin e saj...

Hapet ne Shkoder Shoqata fetaro-kulturore "BURIMI".

Ideja e themelimit dhe Qëllimi:

Shoqata "Burimi" është një iniciativë e intelektualëve muslimanë, të
cilët dëshirojnë t'i japin vlerat që i mungojnë shoqërisë në të cilën
jetojmë, duke marrë shkas edhe nga një thënie e të dërguarit të
fundit, Muhamedit (a.s): "Jam dërguar që t'i tuboj vlerat e mira dhe
t'i përsosi ato!".
Është motivi ynë që t'i jetësojmë virtytet, moralet dhe vlerat
pozitive të krijesës njerëzore!
Duke jetuar në një shoqëri multikulturore, të hapur, multifetare, me
ide dhe koncepte të ndryshme, atëherë menduam se ne i detyrohemi
kësaj shoqërie që t'i japim diçka nga vlerat tona, si kontribut për
zhvillimin e saj…
Kompleksiteti i problematikave me të cilat haset shoqëria jonë si:
droga, alkooli, sida, shthurja e familjes, humbja e identitetit
njerëzor, gjakmarrja, varfëria e shumë probleme të tjera sociale kanë
qënë një shtytje që të marrim përsipër sado pak, të bëhemi
rregullatorë, kontribues dhe faktor pozitiv në lehtësimin dhe
zgjidhjen e këtyre problemeve.
Ne mendojmë se, të gjithë sëbashku do të punojmë në mënyrë që të
përhapet e mira e të ndalohet e keqja!
Bëhu edhe ti pjesë e projektit tonë!

Objektivat e Shoqatës "Burimi"

- Realizimi i projekteve edukativo-arsimore si, hapja e qendrave
kulturore të informimit e trajnimit, hapja e kopshteve, shkollave dhe
institucioneve, të cilat ndihmojnë zhvillimin arsimor të vendit.
- Realizimi i projekteve të bamirësisë si: Ndihmë për familjet në
nevojë, jetimët, të moshuarit e braktisur, ndihmë zonave të goditura
nga fatkeqësitë, etj.
- Realizimi i programeve të cilat kultivojnë për shoqërinë, traditat
e mira, qytetarinë, harmoninë dhe tolerancën ndërfetare; kjo
nëpërmjet takimeve, bisedave, seminareve, simpoziumeve, publikimeve
të materialeve të botuara si: broshura, gazeta, revista apo libra.
- Të krijojë kushte për të rinjtë me anë të programeve të veçanta
arsimore dhe edukative, me qëllim minimizimin e veseve, sjelljeve të
ulta dhe sëmundjeve që janë të pranishme në shoqërinë tonë.
- Të krijojë projekte të përbashkëta me shoqata të tjera jo
fitimprurëse, me institucione shtetërore vendase dhe te huaja, në
mënyrë që të bashkepunojë në dobi të shoqërisë dhe komunitetit.

Kurset dhe sherbimet qe qendrakulturore "BURIMI" ofron.

Kurse te gjuhes angleze
Kurese te gjuhes gjermane
Kurse ndihmese per parapergatitje te provimeve te matures matematikë
dhe letërsi
Kurse kompiuteri dhe interneti
Internet kafe
Bibloteke dhe salle leximi

Adresa:

Shoqata Kulturore "Burimi",
L: Kongresi Përmetit, Rr: Ali Kelmendi, Vila Kashi/Zdrale,

www.burimi.org
E-mail: burimialb@gmail.com

Nr.llogarie: 100242 UBA (Banka e Bashkuar e Shqipërisë),

Shkodër - Albania