Veliaj: Parti e re, aleancë me Edi Ramën

[Dr Rieux]

Une personalisht jam skeptik ne rastin me te mire dhe paragjykues ne rastin me te keq ndaj Mjaftit dhe Erion Velise. Mgjth, eshte me e ndershme per te dhe analistet e pavarur qe te beje politike te mirefillte ne favor te forces/rrymes qe perfaqson sesa ta beje ate ne menyre te nendheshme pas imazhit te OJQ-se e fondeve te te huajve. Ne fund te fundit per mua personalisht eshte me mire qe nje parti si PS-ja (mgjth aversionin qe kam ndaj saj si vazhduese zyrtare e PP(K)-se) te perfaqsohet me Veliajn sesa me Gramoz Rucin. Mosdalja si parti me vete dhe mosperfshirja ne PS duket te jene manover politike per te maksimizu prurjen e votave po ne fund te fundit e pranueshme per mocalishten qe eshte politika jone.

[Dita]

Po lexoja artikullin e meposhtem nga Gazeta 55.
Kush eshte Muçoja i neokomunizmit?



Erion Veliaj si alternativë e Gjinushit

(05.02.2008)

I bindur se “politikë të re” me Skënder Gjinushin dhe Fatos Nanon nuk mund të ketë, Edvini vendosi të nxjerrë nga kutikula e Shoqërisë Civile bash më pikantin dhe më simpatikun e OJQ-ve majtiste, Erion Velinë. Dhe Erion Velia, që për bashkëshoqërim idesh të kujton Veli Pashën e Beratit, dërguar në krye të “pashallëkut nga Porta e Lartë me mandat të Sulltanit”, po për bashkëshoqërim idesh të kujton gjithashtu edhe misionarin e shërbimeve inteligjente dhe të llagëmeve nën rrogoz, Rikard Sorge-n, dërguar me detyra të fshehta nga “Stalini i së majtës kominterniste” shqiptare, Edvin Rama


I bindur se “politikë të re” me Skënder Gjinushin dhe Fatos Nanon nuk mund të ketë, Edvini vendosi të nxjerrë nga kutikula e Shoqërisë Civile bash më pikantin dhe më simpatikun e OJQ-ve majtiste, Erion Velinë. Dhe Erion Velia, që për bashkëshoqërim idesh të kujton Veli Pashën e Beratit, dërguar në krye të “pashallëkut nga Porta e Lartë me mandat të Sulltanit”, po për bashkëshoqërim idesh të kujton gjithashtu edhe misionarin e shërbimeve inteligjente dhe të llagëmeve nën rrogoz, Rikard Sorge-n, dërguar me detyra të fshehta nga “Stalini i së majtës kominterniste” shqiptare, Edvin Rama.
Që Shoqëria Civile ka si areal të veprimit dhe të ndikimit shoqërinë që mbulon, apo që ajo interferon në të gjitha fushat ku jetësohen politikat, këtë e dinë tashmë edhe fëmijët.
Por edhe që Shoqëria Civile e furnizon politikën, (pra klasën politike dhe arsenalin e ideve korrente politike), si dhe shoqërinë në tërësi me projekte, zgjidhje, rekomandime dhe alternativa prioritare, edhe këtë e kanë mësuar gjimnazistët dhe gjysmë të shkollepsurit tanë. Pra, si të parët ashtu edhe të dytët e kanë mësuar tashmë se Shoqëria Civile, pavarësisht se nuk është pjesë dhe nuk përfaqëson mirëfilltazi institucionet politike të një vendi me demokraci të konsoliduar apo në tranzicion, është gjithsesi një prapavijë e sigurt e politikës. Eshtë një kuzhinë e ideve politike, është një repart shërbimi në funksion të politikës dhe shoqërisë, por jo detashment në vijë të parë të sulmit, ndonëse mund të qëndrojë edhe pranë “shtabeve”...
Parë në këtë këndvështrim, askush nuk e keqkuptoi Erion Velinë kur krahas një lideri politik të një partie të djathtë dhe të një ish lideri politik të partisë më të madhe të së djathtës aktuale, u paraqit para një komisioni të Kongresit të SHBA-ve për të pasqyruar zhvillimet antidemokratike në Shqipërinë e drejtuar asokohe nga socialistët dhe ramizistët e lashtë Nano, Gjinushi e Ruçi.
Edhe që Erioni iu ngjit si ferrë Nanos për ta larguar nga pushteti për llogari të Edvinit, as këtë nuk ia keqkupton askush, sepse megjithëse u bë palë në konfliktin politik, tek e fundit ndihmoi për largimin e një të keqeje të madhe nga pushteti. Madje edhe pse doli kundër qeverisjes së re të pas 3 korrikut 2005, po për llogari të Edvinit, me të cilin dhe me Gramoz Ruçin e Skënder Gjinushin u bë palë dhe bëri kazuzë të përbashkët, sërish nuk ia mori dhe nuk ia merr askush për të keq. Sepse nuk ka bërë ndonjë delikt të rëndë, përderisa shfrytëzon ndikimin e tij politik për të bërë antipolitika kundër “politikës së vjetër” e në shërbim të “politikës së re” të padronit të tij dhe njëkohësisht shefit politik të partisë së Ajolës-lidere.
Por gabuam kur pandehëm se Erioni do të bënte gjithë kohën “katalizatorin politik”, (çka nënkupton përshpejtuesin e “reaksioneve” pra të zhvillimeve politike), pa u bërë pjesë e produktit përfundimtar të “reaksionit” që është ndryshimi i pushtetit. Pra pa u bërë pjesë e pushtetit të ri..., majtist.
Por Erioni dhe nëntëdhjetenëntëshat e doksan-dokuzit që ka tubuar, nisur nga fjalët e Muços së neokomunizmit, ka vendosur të futet në politikën aktive (pra në reaksion, si njëri nga komponentët e tij) dhe të “nxjerrë nja 10 deputetë”... Ndër të cilët padyshim që njëri do të jetë Muçua, që ka deklaruar në sy të Erionit se e pranon ftesën, ngaqë vetë Muçua beson se me 10 deputetë alla-mjaftistë do të mund të “sjellë ndryshime të konsiderueshme në politikën shqiptare, duke e transformuar atë...”.
Po përse Erioni nuk e regjistron partinë e tij politike në Gjykatën e Tiranës, e kësisoj t’u dalë shqiptarëve me program politiko-zgjedhor e qeverisës, me statut, me lidership dhe me zgjedhje demokratike të tij e të drejtuesve të strukturave, që nga Londra, mbarë diaspora e deri në skutat më të largëta të Shqipërisë?
Jo këtë ai nuk e bën dot, sepse do t’i duhej të zbatonte standarde demokratike, të cilat nuk i zbatoi kurrë sa kohë që kryesoi “Mjaft”-in, në të cilin drejtuesit i zgjidhte vetë, fondet i miratonte vetë dhe i kontrollonte po vetë, dhe ndonëse përlau e llupi miliona euro të donatorëve, nuk bëri kurrë transparencë për shpenzimet marramendëse, për të na treguar se do të jetë po aq transparent me taksapaguesit shqiptarë nëse merrte përsipër detyra shtetërore.
Thjesht Erioni kërkon të bëhet deputet dhe më pas ministër në kabinetin e ardhshëm majtist, pa i vënë vetes detyrime politiko-programore dhe pa marrë përgjegjësi politike konkrete, vetjake e partiake, por thjesht synon të parazitojë mbi kurrizin e pushtetit qeverisës, apo si opozitar me votat që do të marrë e majta në zgjedhjet e ardhshme parlamentare.
Unë jam i bindur se ErioninVelinë, Edvin-shefi po e katapulton në politikë për të larguar nga politika Gjinushin që ka një furgon-parti, por për të larguar gjithashtu edhe Nano “krahëthyerin”, natyrisht pasi më parë Erioni dhe 99-at e tij të bëjnë aleancë mbi bazat e “politikës së re” me të lashtin demokrato-pushtetar, Gramoz Ruçin e Edvinit.
Duke sulmuar gjoja gjithë klasën politike, krahas muçove, Erioni dhe mjaftistët e tij nuk po bëjnë tjetër veçse po imitojnë, sikundër shkruante edhe Andrej Myler, (jo Andrej Vishinski apo Andrej Stefani), dikur në “Indipendent”, bash “situacionistët e Parisit të vitit 1968…”.
Natyrisht që ishte Andrej Myler ai që në korrik 2006 në shkrimin e tij mburrës për Velinë dhe Maznikun, shkruante se “Edi Rama, që është duke bëre fushatën për rizgjedhje në krye të Bashkisë së Tiranës, është parë duke mbajtur si simbol një shënjë të Mjaft-it”. Dhe është po Myler ai që, duke cituar Erionin me Maznikun, shkruan se ata i deklaruan se “ne nuk i mohojmë ato që Edi Rama ka bëre. Sepse Edin e lëvdojnë kudo për rregullimin e rrugëve dhe për lyerjen e pallateve - këto janë ato që kryetarët e bashkisë duhet të bëjnë…, dhe prandaj Edi duartrokitet…”!!?
Eshtë pikërisht shtypi i huaj perëndimor, dhe bash gazeta “Zondag”, që në një shkrim të 19 dhjetorit të vitit 2004 e krahasonte “Mjaft”-in e sapokrijuar me “Otpor”in serb, dhe me OJQ-të mirëfilltazi misionare politike të ish republikave sovjetike sikundër “Zubr”, “Kmara”, “Pora”, që realizuan revolucionet e “Fadromës”, atë “portokalli”, atë alla-“jeshil-japrak”, atë “të kadifejtë” e atë prej “dok-teritali”…, që nisën fillimisht në Serbi dhe më pas në Ukrainë me “revolucionin portokalli”.
Tashmë Erioni është shndërruar në “Mikhail Saakashvilin” anglishtfolës të Gjeorgjisë, të cilin Edvin Rama po e përdor për të larguar nga politika “Stalinistin Eduard Shevardnadze”, i cili nuk është tjetër veçse Skënder Gjinushi ynë legjendar dhe promoskovit, që tanimë e kreu misionin në politikë qysh prej vitit 1986, dhe që tash i prish punë të majtës sonë, që është pozicionuar si proamerikane pas pavarësimit të Kosovës me ndihmën e SHBA dhe NATO-s.
Përdora këtë krahasim sepse edhe “Kmara” e famshme gjeorgjiane përkthehet “Mjaft” dhe është ndërtuar sipas modelit të paraardhëses “Otpor”-rezistenca, në Serbi. Madje aktivistët e saj gjeorgjianë morën kontakte dhe përvojë të drejtpërdrejtë nga sivëllezërit serbë, sikundër na bën me dije Ian Traynor, korrespondenti i gazetës “Guardian” për Europën Qëndrore. Apo sikurse vepruan aktivistët bjellorusë, alias “Mjaft”-istë të “Zubr” kundër Viktor Lukashenkos, për ta larguar nga politika, e që rolin e të cilit në Shqipëri, sipas edramistëve dhe Erionit, po e bën sot Fatos Nano.
Por Erioni nuk na bind dot se rolin e stalinistit Viktor Janukoviç të Ukrainës, të cilën e rrëzuan sivëllezërit e “Mjaft”-istëve tanë në Kiev, (ata të “Pora” – që përkthehet “Eshtë Koha”), në politikën shqiptare nuk e bën sot ramizisto-stalinisti i vjetër Gramoz Ruçi.
Tashmë Erion Veliaj është shndërruar në një “George Kandelaki” të mirëfilltë, shqiptar, që ishte shefi i “Mjaft”-it ukrainas “Kmara”-s.
Me gjasë, me daljen e nëntëdhjetenëntëshave në politikë, Erioni po synon të përmbysë pushtetin aktual në zgjedhjet e ardhshme me stilin e “Revolucionit të portokallinjtë” të këtyre 99 revolucionarëve që ka tubuar dhe mijëra të tjerëve që do të ngrihen e tubohen pas tyre, bash sipas asaj që Jonathan Steele e cilëson si “postmodern coup d’etat” për llogari të Edvin Ramës.
Nga Astrit KOLA

[Duaje Siveten]

sa mire i njeh ki astriti ata ukrahinsit e gjeorgjinskit ...

perbrenda i ngatrron leshnat ...

sa te jete sali berish komunisti me post shteteror, dhe kryetar i perhershem i pd-se, skender gjinush stalinistin e shoket e tij nuk ka per ta gjetur gje ...

astriti mire e ben fature, por adresimin e ngaterron pa dashje ...

dhe zgjetet qendrimi i komunisteve ne pushtet ...

[adibela]

Miredita!
Pasqyra e shtypit te dites

Tërmet tek 99-shat, pjesa dërrmuese pendohen, tërheqin regjistrimin
(06.02.2008)
Presioni i ndërkombëtarëve shkakton një valë tërheqjesh nga radha e eksponentëve të shoqërisë civile dhe fraksioneve mediatike, të cilat e akuzojnë Erion Velinë, se u ka cenuar imazhin, duke publikuar një listë themeluesish të një partie politike apo llozhe masonike, për të cilën ata s’ishin dakord. Nis një hetim për të gjetur burimin që dekonspiroi skemën, duke u përpjekur të ndalin një dëm të tillë, në përpjekjen e dytë, që Erioni dhe Edvini pritet ta shpallin në fillim të marsit


Pavarësisht dëshirës për të mbajtur sekret përbërjen e grupimit të 99-shave, publikimi i pjesës dërrmuese të anëtarëve që e popullojnë këtë milici qytetare, ka shkaktuar jo pak probleme për shumicën, në angazhimet e tyre të deritanishme në mjaft prej organizatave të huaja joqeveritare. Drejtuesit e këtyre të fundit janë alarmuar nga hedhja e nëpunësve të tyre në krahët e politikës, ndaj dhe kanë vënë, ashtu sikurse pritej, para dy mundësive: të zgjedhin mes militimit ndër OJF dhe angazhimit në strukturën gjysmë partiake G 99. Në këto kushte një pjesë e mirë e atyre që iu përgjigjën pozitivsht ftesë së ish-drejtusit të MJAFT, Erion Veliaj, janë stepur, bile e kanë etiketuar si një hap të nxituar pjesëmarrjen e tyre në mbledhjen sekrete të 27 dhjetorit të vitit të kaluar në një nga ambientet e hotel Tiranës. Flegmatizmi i vazhdueshëm i Erion Veliaj, mungesa e dukshme e një lobimi të organizuar nga ana e vetë Partisë Socialiste apo e drejtuesit te saj
Edi Rama dhe skepticizmi pse jo edhe paranoja e xhaketave të vjetra
në selinë ylberiste apo tek partitë e tjera aleate ndaj revolucionit të paralajmëruar, ka shkaktuar fillimin e një tërheqje masive nga G99.
Mjaft prej pjesëmarrësve të tryezës kanë nxituar të sqarojnë kolegët e tyre të shoqërisë civile se gjithçka ka qenë një keqkuptim, se ata asistuan atë natë në atë takim supersekret duke menduar si për seminarin e radhës ku tirren vazhdimisht çështje nga më të ndryshmet. Disa të tjerë, më të sinqertë, pranuan se ishin rrëmbyer më shumë se ç’duhet nga pasioni dhe nga publiciteti mediatik i këtij grupimi, në një kohë që kanë deklaruar se ndërpresin ccdo marrëdhënie të metejshme më të.
Paralelisht me këto tërheqje masive, Erion Veliaj është vënë nën akuzë edhe për dekonspirimin e listës, përpara se ajo të shpallej publikisht, si parti politike, si paraparti apo si llozhë malonike. Shumë prej të dorëhequrve kanë kërkuar llogari për dëmin e shkaktuar në imazhin e tyre, ndërkohë që s’është ende e qartë se si do të përfundojë një hetim privat që ka nisur milicia qytetare për të gjetur fiks “fytin e thellë” që publikoi lajmin në të njëjtën ditë të 1 shkurtit, në dy të përditshme, dhe prishi për ditë me radhë gjumin e Edvinit dhe Erionit

[Dita]

adibel, e ke ne fund te faqes 2, postimin tend. S'ta ka hequr njeri jo, pastaj ti pergjysem i kishe lavderuar ata te G99 jo plotesisht. Dhe pikerisht duke pasur parasysh sesa ke shkruar ti, se kush jane mbledhur aty, mjafton per ta bere skepticizmin te triumfoje.
A thua do t'i kerkohet Veliajt e krejt familjareve te tij ne media te deklarojne pasurite?

Kush eshte Muco i neokomunizmit?

[Xhuxhumaku]

Kush eshte Muco i neokomunizmit?

e kush tjeter se pervec Muc Nanos, Dita

apo ti mendon se Muco eshte sinonim i fjales cirak

[Dita]

nga Xhuxhumaku

apo ti mendon se Muco eshte sinonim i fjales cirak

Kesaj i thojne te te lexojne mendimet. Me thene te drejten po mendoja mos ishte ndonje pseudonim. Duket qe s'kam njohje me njerez me emrin Mustafa, se ndryshe do ishte e ditur per mua qe Muco eshte shkurtim i Mustafa. E tani duke e vrare mendjen ca me shume m'u kujtua filmi "Tela per violine" ndodhej nje personazh Muco, anetar i komisionit te pranimit ne konservator. Vune Met Begen ta ruante dhe i thane: "Mucos mos iu nda. Hije, hije..."

E njeh kengen me numrin 99 brenda ti Xhuxhumak?

[Xhuxhumaku]

Kesaj i thojne te te lexojne mendimet. Me thene te drejten po mendoja mos ishte ndonje pseudonim. Duket qe s'kam njohje me njerez me emrin Mustafa, se ndryshe do ishte e ditur per mua qe Muco eshte shkurtim i Mustafa. E tani duke e vrare mendjen ca me shume m'u kujtua filmi "Tela per violine" ndodhej nje personazh Muco, anetar i komisionit te pranimit ne konservator. Vune Met Begen ta ruante dhe i thane: "Mucos mos iu nda. Hije, hije..."

E njeh kengen me numrin 99 brenda ti Xhuxhumak?

e ke llafin per ate kengen gjermane,

99 lustballon, te nena?

[Dita]

Xhuxhumak,

kenga e Nenes eshte me 99 Luftballons, 99 tullumbace ne shqip. Por nuk eshte kjo kenga ne fjale. Ajo per te cilen e kam fjalen une ka per personazhe 99 elefante, nje fije merimange dhe veprimi qe zhvillohet eshte kolovitja.

[Xhuxhumaku]

Xhuxhumak,

kenga e Nenes eshte me 99 Luftballons, 99 tullumbace ne shqip. Por nuk eshte kjo kenga ne fjale. Ajo per te cilen e kam fjalen une ka per personazhe 99 elefante, nje fije merimange dhe veprimi qe zhvillohet eshte kolovitja.

ta dija Dita, qe ti kishe ne mendje kto 99 elefantet qe koloviteten, do isha bo si Nostrodamus,...lol

Ne te vertete s'e kam idene kete film vizatimor. por njoh dike qe eshte e vdekme per kshu filmash.

P.s S'ma merr mendja qe ndonje nga kto te g99 te jete elefant, apo ka ndonje metafore