Humanisti i madh, Kirurgu Ferit Hoti

[Brari]

Ndahet nga jeta ish-deputeti i PD, Ferit Hoti


U nda nga jeta ish-deputeti i Partisë Demokratike dhe kirurgu i njohur Ferit Hoti. Ish-deputeti i PD, Ferit Hoti, ndërroi jetë në moshën 64-vjeçare, në shtëpinë e tij në Shkodër, mesditën e të premtes, pas një sëmundje të rëndë. Megjithëse ai u kurua në një spital të Romës, nuk mundi të mbijetojë. Ferit Hoti njihej në qytetin e tij për aftësitë profesionale në fushën e kirurgjisë dhe si një njeri human dhe i dashur, ndërsa nuk mund të harrohet kontributi i tij në fushën e politikës. Ferit Hoti ka qenë deputet i Partisë Demokratike në vitet 2001-2005 dhe drejtonte Komisionin parlamentar të Shëndetësisë. Pas kësaj periudhe, në qeverinë e re të pas 3 korrikut, Hoti u emërua këshilltar i kryeministrit Sali Berisha për shëndetësinë. Ndërkohë, Presidenti Bamir Topi kishte firmosur emërimin e tij si ambasador të vendit tonë në Mal të Zi, por vdekja e parakohshme e bëri të pamundur realizimin e kësaj detyre.

Kryetarja e Kuvendit, Jozefina Topalli, i shprehu ngushëllimet më të thella familjes së ish-deputetit Ferit Hoti për ndarjen e tij nga jeta. "Ndarja e parakohshme e kolegut me të cilin kemi punuar për vite të tëra, na hidhëroi të gjithëve. Bashkohem me ju në dhimbjen tuaj për humbjen e mikut të mirë dhe njeriut me vlera të mëdha, Ferit Hoti", u shpreh Topalli.

Ferit Hoti lindi më 21 nëntor të vitit 1943, në qytetin e Shkodrës. Ai ishte i martuar dhe kishte dy fëmijë. Në vitin 1967 diplomohet "Mjek i Përgjithshëm", Fakulteti i Mjekësisë, Universiteti i Tiranës, ndërsa në vitin 1971 kualifikohet si "Kirurg i Përgjithshëm", Ministria e Shëndetësisë, Tiranë. Ai ka kryer disa specializime si: në vitin 1993 - Kirurgji të Përgjithshme dhe Kirurgji Vaskulare, Centre Hospitalier Avraches - Granville, Francë. 1986 - Kirurgji Urologjike, Spitali Nr. 2, Tiranë. Në vitin 1981 - Kirurgji Torakale, Departamenti i Kirurgjisë Torakale, Sanatorium, Tiranë. Në vitin 1977 - Kirurgji Urologjike, Spitali Nr.2, Tiranë. 1975 - Anestezi Endotrakeale, Klinika Nr.1, Tiranë. Në vitet 1986-1990 -ka qenë Pedagog i Jashtëm, Fakulteti i Mjekësisë, Universiteti i Tiranës. Në vitet 1977-1981 ka qenë anëtar i Këshillit Shkencor, Ministria e Shendetesise, Tiranë. Ai shquhet për disa veprimtari kërkimore në fushën e mjekësisë. Në vitin 1983 ka publikuar një material shkencor. "Adenomektomi e prostatës me teknike të modifikuar" dhe mjaft artikuj të tjerë me vlera si "Flebekstraktori Degni", "Dy rezeksione stomaku me anastomoze Y të modifikuar tek njeriu", "Rezeksion stomaku në qen me anastomoze të modifikuar", "Eksperimentim i narkozave endotrakeale në qen", "Përbërja kimike e gureve të vijave urinare", prezantuar në sesionin shkencor, Spitali Kirurgjik, Tiranë, etj.

Vdekja e parakohshme e mjekut të njohur dhe ish-deputetit të PD, Ferit Hoti, është një humbje e madhe për familjen e tij, miqtë, të afërmit dhe për Partinë Demokratike.






RD

[goldian]

Ngushellime Te Sinqerta Familjes Hoti Per Humbjen E Njeriut Te Zemres
Humbja E Tij Eshte Humbje E Madhe Per Shkodren.
Nuk Jam I Politizuar Por Vertet Ferit Hoti Ishte Njeri Me Vlera Per Politkien Shqiptare Dhe Nga Te Vetmit Qe Ja Vlente Te Perfaqesonte Qytetin Tone Shkodren:

[-Alda-]

Ngushellime familjes

U preht ne paqe.

[bili99]

Ngushllime familjes , miqve, bashkepartiakve -bashkeveprimtarve te te ndjerit z.Ferit Hoti.
Per familjen : te kene shendoshe dhe me jete te gjate ata qe ka lene pas i ndjeri.
Per bashkveprimtaret: te vazhdojne te cojne Shqiperine perpara edhe nga nje detyrim ndaj bashkeveprimtareve qe s'jane me ne mesin e tyre.

Ngushllime te sinqerta,
Xhabir Alili

[abnk]

Dr. Hotin e kena pase mik t'familjes e lajmi na ka trishtue.

I pushofte shpirti n'paqe.