Jo negociata vetevendosje; Konferenc Albin kurti Glauk Konjufca

[ABytyqi]

Konferenca e mbajtur me 16.11.07 Albin Kurti dhe Glauk Konjufca

1. http://youtube.com/watch?v=5nPT-k9nbWI
2. http://youtube.com/watch?v=WyMI1LaFvAQ
3. http://youtube.com/watch?v=SX7jOGkMHgc

JO NEGOCIATA, VETËVENDOSJE!
20 Nentor 2007

nga konferenca e djeshme për shtyp


Akterët që kanë marrur pjesë në organizimin e zgjedhjeve të 17 nëntorit,
qofshin qeveritar apo joqeveritar, janë duke gënjyer dhe duke i fryrë përqindjet e pjesëmarrjes së qytetarëve të Kosovës në zgjedhje. Sipas informatave që na janë dhënë nga njerëzit brenda koalicionit "Demokracia në veprim" pjesëmarrja ka qenë vetëm 37%. 40 deri në 45% është përqindje e cila është vendosur më vonë.
Kjo përqindje është vendim politik pra jo vullnet i qytetarëve, por dëshirë e imponuar nga regjimi politik.

Në zgjedhjet e kaluara në vitin 2004 patën dalur 49.5% në zgjedhje. Edhe
atëherë të dhënat preliminare flisnin për një përqindje më të madhe, deri në
53%. Më vonë, pasi që u krijua përshtypja se shumica e qytetarëve iu paska
përgjigjur daljes në zgjedhje, u publikua shifra e vërtetë e pjesëmarrjes. Të
njëjtën gjë po e bëjnë edhe këtë herë: qëllimi është që të krijohet efekti
psikologjik dhe nga qytetarët fillimisht të pranohet shifra 45%, që pastaj e
vërteta të mos ketë vend në mendjet e njerëzve.



Megjithatë tash është më vështirë: njerëzit po e dinë se pjesëmarrja ka qenë
e ulët, për shkak se vetëm çdo i treti ka dalur të votojë. Vetë KQZ-ja nuk po e
tregon numrin e vërtetë të votuesve. Në konferencën e fundit për shtyp zyrtarët
e KQZ-së katër here i ikën pyetjes së gazetarëve për mosshpalljen e numrit të
vërtetë të pjesëmarrjes në zgjedhje. KQZ-ja tha që rezultatet nuk do të shpallen
deri më 1 dhjetor. Kjo po bëhet qëllimisht në mënyrë që shpallja e rezultatit të
bëhet aq vonë kur efekti i pjesëmarrjes së ulët të qytetarëve në zgjedhje të
jetë mbuluar plotësisht prej çështjes kush i fitoi këto zgjedhje, cilat do të
jenë koalicionet, kush e fitoi cilën komunë…



Kjo është hera e parë që nga qytetarët e Kosovës u kërkua një mendim, sado
formal, për procesin politik që e ka karakterizuar skenën politike në Kosovë
qysh prej vitit 2006. Dhe qytetarët e Kosovës i thanë JO këtij procesi politik.
Qytetarët e Kosovës i thanë JO decentralizimit dhe ‘eksterritorialetit’. Ata i
thanë JO negociatave me Serbinë. Qytetarët e Kosovës i thanë JO cilësdo lidhje (federale
apo konfederale qoftë ajo) me Serbinë. Mirëpo, mosdalja në zgjedhje është
përmbushja e aspektit negativ.



Kjo JO në zgjedhje nuk e ndal procesin. Tash është koha t’i themi PO
vetëvendosjes dhe referendumit. Këtë do e bëjmë me demonstrata masive,
gjithëherë paqësore, të përqendruara dhe të vendosura. Kjo do të jetë përmbushja
e aspektit pozitiv të luftës për drejtësi dhe dinjitet.



Sipas analizës sonë, këto janë arsyet pse qytetarët e Kosovës nuk i janë
përgjigjur ftesës së zhurshme për të dalur në zgjedhje:







Politikanët bashkëpunëtorë me Serbinë
– kjo është hera e parë
që po dilet në zgjedhje pas fillimit të negociatave dhe pas koncesioneve
marramendëse që këto politikanë ia kanë bërë Serbisë, duke ia rrezikuar kështu
të ardhmen secilit qytetar të Kosovës. E tëra kjo në emër të pavarësisë e cila
nuk po duket gjëkundi. Në këtë aspekt nuk kanë dalluar asnjëri prej politikanëve
për shkak se ata ose kanë qenë drejtpërdrejt të përfshirë në procesin
negociator, ose nuk e kanë kundërshtuar atë në parim, por e kanë kundërshtuar
rrallëherë vetëm ndonjë modalitet të negociatave, apo vendin ku janë mbajtur
ato! Njëkohësisht aferat korruptive të të gjithëve pa dallim, si dhe potenciali
korruptues i ‘politikanëve’ të rinj, kanë bërë që qytetarët e Kosovës të
neveriten nga kjo ofertë politike.



Fushata e Lëvizjes VETËVENDOSJE! –
ne kemi qenë kundërshtarë të të gjitha të këqijave që iu kanë përgatitur Kosovës
përmes këtyre negociatave, dhe kemi qenë pranë popullit për ta vetëdijësuar atë
për këto të këqija. Kjo fushatë vetëdijësimi më shumë se dyvjeçare po i jep
frytet e veta.



Natyrisht se nuk jemi duke deklaruar se të gjithë që nuk kanë dalë në
zgjedhje pajtohen plotësisht me Lëvizjen VETËVENDOSJE!, por gjithsesi secili që
nuk ka dalë në zgjedhje nuk pajtohet me këta politikanë dhe këto institucione.



Këto zgjedhje kanë qenë zgjedhje për tri shtresa të ‘pushtetit’ (kuvendi i
Kosovës, kryetari komunal, kuvendi komunal). Kjo është bërë qëllimisht. Në
bashkëpunim me listat e hapura, këto tri palë zgjedhje kanë angazhuar shumë më
shumë kandidatë të agjitojnë për zgjedhjet. Kanë qenë diku afër 8000 kandidatë
që kanë punuar që t’i masovizojnë këto zgjedhje. Nëse secili prej tyre i ka nga
50 vetë farefis ose të njohshëm të cilët i ka bindur të dalin në zgjedhje,
atëherë fitohet numri 400 000. Shtoja kësaj shumat marramendëse të parave për
fushatë (të cilat shumë më të dobishme kishin qenë po të investoheshin në
bujqësi), ndihmën maksimale të mediave, pjesën më të madhe të shoqërive civile,
të gjitha zyrat e huaja –
asgjë nuk e bindi qytetarin të dal në zgjedhje. Për shkak se dështimet e kësaj
politike janë shumë më të mëdha, dhe natyrisht se nuk mund të fshihen me
fotografi dhe video me ngjyra të mira.



Qëllimi kryesor i këtyre zgjedhjeve ka qenë legjitimimi i institucioneve si
të tilla, përmes të cilave strukturat e pushtetit shpresonin që rrejshëm ta
legjitimojnë procesin politik. Këtu u votua për Rezolutën 1244 (sovranitetin e
Serbisë) dhe Kornizën Kushtetuese (pushtet të UNMIK-ut dhe institucione pa
sovranitet). Prandaj e keni vërejtur se gjatë fushatës, veçanërisht gjatë ditës
së zgjedhjeve shumë më shumë është folur për domosdonë e daljes në zgjedhje se
sa për atë se kush po fiton. Me 37% humbën të gjithë. Kjo është e rëndësishme.
Prandaj janë dëshpëruar akterët e zgjedhjeve. E ky dëshpërim po shpërfaqet në
deklaratat kuturu dhe në paaftësinë e tyre për t’u ballafaquar me të vërtetën
(LDK thoshte 40%, Demokracia në veprim 45%! A nuk ishte dashur të jetë e
kundërta, partitë ta fryejnë e OJQ-të të jenë reale? Kush ka dal në zgjedhje:
partitë apo OJQ-të?).



UNMIK-ut dhe faktorëve të ndryshëm ndërkombëtar u duhej një legjitimitet
formal i freskët për deputetët, ministrat, kryeministrin dhe presidentin e
Kosovës para marrëveshjes për kompromis fatal me Serbinë. Të nënshkruhej një
marrëveshje e tillë me njerëz për të cilët kanë votuar më pak se gjysma e trupit
zgjedhor para 3 viteve thjeshtë nuk pinte ujë.



Fatmirësisht këto zgjedhje dëshmuan se tash kjo pi ujë edhe më pak.



Lëvizja VETËVENDOSJE!



--



REFERENDUM PER LIRI!



LIRI PER ALBIN KURTIN!

[biligoa]

ORE DOST KY ARTIKULL DUHET POSTUAR TE TEMA, LEVIZJA VETVENDOSJA hahahahahahahaha

[ABytyqi]

Kam Me Postu Ne Qdo Nentem Dhe Flaken Ka Me Ja Shti Krejt Forumit Nese Dojn Edhe Ne Mejdan Ka Me I Dal Se Askuj Si Frigohem Se Shqiptar Jam
Rrnoft Aksh_vetvendosja E Shqiptarve

[dibrani2006]

ABytyqi. Kam Me Postu Ne Qdo Nentem Dhe Flaken Ka Me Ja Shti Krejt Forumit.

O Bytyq ça pate me forumin

[Apollyon]

Kam Me Postu Ne Qdo Nentem Dhe Flaken Ka Me Ja Shti Krejt Forumit Nese Dojn Edhe Ne Mejdan Ka Me I Dal

Rri aman mos e bej...

Ore na fute friken se jemi njerez me zemer te dobet, ca na ben muhabete vrasjesh djegies therjesh etj etj.. rri aman se skemi gjak per kte pune ne, e kemi gjakun uje.. lol

viva la revolusion.. viv le liberte

[ABytyqi]

ABytyqi. Kam Me Postu Ne Qdo Nentem Dhe Flaken Ka Me Ja Shti Krejt Forumit.

O Bytyq ça pate me forumin

Po e sheh se si naj largoj shkrimet, gjdo shkrimè qè èshte Kunder armiqve ton dhe tradhtarve ton largohet nga Moderatoret me urdhra te armiqve te shqiptarve
qe quhet Staf i ambasades greke .

Dhe ju kam then edhe prap po e perseris shikoni shkrimet atje cfar ju kam then dhe cfar do ju pret ,per interesa e juaja shitene edhe bothen por per interesat shqiptare Globale nuk te lejon Kombi !!!

E komb quhet gjdo njeri qe esht shqiptar,pra plumbi te vjen prej shqiptari e jo prej serbit e grekut kaq .