Tentativa për të hyrë në shtëpi, duke u kacavjerrë përmes tarracës i ka kushtuar jetën një 32-vjeçarjeje nga Gjirokastra. Ngjarja e rëndë ndodhi pasditen e djeshme në qytetin e gurtë, ndërkohë që viktima e aventurës së rrezikshme është Majlinda Ponde. Gruaja, nënë e dy fëmijëve, është kthyer nga puna për në banesën e saj, në lagjen "Puntore" të Gjirokastrës. Sipas dëshmitarëve që janë gjendur krejt rastësisht në vendin e ngjarjes ora shënonte 16.35 minuta, kur gruaja është shfaqur në tarracën e pallatit ku banonte. Gruaja, mësohet se kishte humbur çelësat e shtëpisë dhe për këtë është kujtuar kur ka mbërritur në afërsi të hyrjes. Duke mos menduar tjetër zgjidhje më të shpejtë për të hyrë në apartament, nuk e ka bërë të gjatë. Kështu, pasi është ngjitur në tarracë, sipër katit të pestë është munduar të zvarritet poshtë, për të hyrë në ballkon. Për fatin e saj të keq, gjërat nuk shkuan si i kishte menduar. Ka qenë një moment, kur është gjetur gati në rënie dhe ka kërkuar ndihmë. Për disa çaste është mbajtur në kabllot që gjendeshin në këtë anë të tarracës, por kjo nuk ka zgjatur shumë. Pesha e trupit e ka tërhequr poshtë, ndërkohë që gjithçka ka ndodhur sa hap e mbyll sytë dhe 32-vjeçarja fill pas rënies nuk kishte më shenja jete. Dëshmitar i ngjarjes së rëndë ka qenë babai i 32-vjeçares si dhe shumë fqinjë të gruas. Sipas burimeve zyrtare të policisë dhe dëshmisë që babai i Pondes dha për policinë, vajza e tij nuk ka pasur asnjë arsye që t'i jepte fund jetës. Pas marrjes së dëshmive nga familjaret dhe të dëshmitarëve që kanë parë skenën e tmerrshme, grupi i ekspertëve që punon për këtë ngjarja ka arritur në përfundimin se vdekja ka qenë aksidentale.
Përgjigju Duke Cituar
Krijoni Kontakt