Sekreti i madh i bashkepunimit te nje ballisti me partizanet.

[DYDRINAS]

Sekreti i madh i bashkepunimit te nje ballisti me partizanet.

Nga Ylli Polovina

…Hysen Terpeza…Ne vitin 1976 ishte punonjes i ambasades amerikane ne Vjene. Njeriu qe pohon kete holesi nga jeta e Hysen Terpezes shton se ne kryeqytetin austriak ishte me detyren e nje punonjesi te CIA-s.
Ky pohues me autoritet te plote per ta deklaruar kete te vertete per Terpezen quhet Dilaver Goxhaj.
…Rrefyesi i kesaj historie, koloneli ne lirim Dilaver Goxhaj, nga disa vite jete e pune ne Kosove e vecanerisht pas bisedes intime me Terpezen ka kuptuar se “anetaret e Ballit Kombetar ne Kosove kane qene per ceshjen nacionale pothuaj si anetaret e Partise Komuniste ne Shqiperi. Kishin pikepamje te ndryshme ideologjike, por ne pasionin nacionalist gjenin ndermjet njeri-tjetrit shume pika te perbashketa”.
Sipas ish-shefit te Shtabit te Pergjithshem te UCK-se balistet bashkekombas ne Kosove ishin patjeter antikomuniste, ca me shume te tille edhe sepse komunizmi u vinte me pamjen e nje shteti shoven dhe antishqiptar si ai serb e jugosllav. Pertej kufirit, ne shtetin ame, vertet sundonte ideologjia e urryer prej tyre, por gjithsesi ne Tirane bashkekombasit komuniste ruanin pavaresine e vendit dhe nuk shkonin aspak mire me regjimin e Beogradit. Aq mjaftonte jo per ta bere te admiruar diktaturen shqiptare, por per ta iferencuar ate e rregullin e thjeshte se mes dy te keqijave nga halli zgjidhet e keqja me e vogel. Mes Beogradit dhe Tiranes, te frymezuar fort nga deshira per te zgjidhur sa me shpejt ceshtjen kombetare, nje aleance e perkohshme e ballisteve nacionaldemokrate me komunistet e Shqiperise mund te behej per te shpetuar nga sundimi sllav.
Ishte ky nje kolaboracionizem i terthorte apojo?
Besojme se pergjigja mohuese eshte me realja. Nuk mund te quhet kolaboracionizem nje alence e perkohshme me nje ideologji te papranueshme kur ajo behet per te shpetuar kombin nga nje pushtues.
Ka qene teresisht ne manover. Ka qene patjeter venja ne jete e nje bashkepunimi te paster politik, i cili neser, pasi nga trojet e Kosoves te zbohej regjimi serb, mund te shkonte gjer ne nje ndarje e mosperputhje te plote e regjimin bolshevik te Tiranes.
Hysen Terpeza me ate qe do te tregojme me poshte, gjithnje sipas rrefimit te sinqerte te zevendesshefit te Shtabit te Pergjithshem te UCK-se, ka bere thjeshte je loje politike. Ai ka zbatuar idene e nje aleance taktike.
Por sic do ta mesoni ne rrefimin e meposhtem, shume te shkurtuar per aresye te kufijve te natyrshem qe nje shkrim ne nje reviste mund te kete, pas tij nuk ka qene vetem ajo qe vete ai personalisht gjykonte. Kane qene te nje mendjeje edhe te tjere. E gjitha ka qene ne thelb nje manover e lojes se madhe, nga me intrigueset ne historine e Shqiperise e mbase te te gjithe periudhes se Luftes se Ftohte ne Ballkan.
…Pas festes (mitingu i madh i mireseardhjes) Hysen Terpeza e ftoi « shqiptarin e Tiranes » qe te ishte mik i tij per dreke. Kur me ne fund u ulen prane njeri-tjetrit (dikush solli dhe nje mikrofon) ballisti nacionalist i cilesuar si nder atdhetaret me te medhenj te Kosoves, nisi t’u thoshte te pranishmeve te shumte : « Sot une po tregoj nje te vertete. Ne emigracion kam qene 54 vite dhe te pakten 54 intervista i kam bere. Ne 54 intervistat une kam genjyer vetem ne nje pike. Kur me thohin se kush ma ka djegur shtepine une pergjigjesha se ma ka djegur shkau. Por sot po e them per here te pare : shtepine ma dogjen partizanet e Enver Hoxhes. Ishin partizanet e brigades se Shefqet Pecit. Po e them ketu pas 54vitesh ».
Keshtu nisi te tregonte.
« Ne vitin 1976 isha me sherbim ne Vjene dhe nje dite te bukur ne kutine postare gjeta nje leter. Ajo nk kishte adresen e derguesit. Kishte vetem marresin dhe kjo me beri pershtypje. E grisa zarfin me te shpejte per te pare ne fund te letres se kush e bente, cili e kishte firmosur.
Kur c »te shoh ? Letra nenshkruhej nga Mehmet Shehu dhe kadri Hazbiu, te cilet me ftonin te shkoja ne Shqiperi dhe per kete mund te takohesha me ambasadorin shqiptar ne Vjene ».
Une thashe : « Ky eshte nje provokim, eshte kurth i jugosllaveve ». Dhe mund te jem menduar nje muaj apo dy. E analizoja letren ne cdo kend. Me ne fund vendosa te plotesoaj kureshtjen.
Ishte kurth apo nje ftese serioze. Dhe vendosa te shkoj ne ambasade, por e bera kete dite te shtune, qe ishte pushim. Vajta. Roje ne ambaade ishte nje kosovar. E pyeta “Ka ardhur ambasadori?”. “Po” m’u pergjigj. “Ka mundesi t’i thoni ka ardhur nje plak nga Kosova dhe deshiron t’ju takoje?”.
Rja me refuzoi, sic e kemi ne shqiptaret nga fodulleku. Me ne fund e binda dhe ai me kembet zvarre hyri brenda. Pas pese minutash pashe se po i zbriste shkallet me vrap.
Kuptova se kishte dicka serioze. Ma hapi porten me butonin elektrik qe lart, ne katin e dyte dhe me beri shenje te hyja menjehere. Ne krye te shkalleve qendronte ambasadori.
Me priti sikur ishim miq te vjeter, sikur kisha shkuar dhe here tjeter e jo sikur e shihja per here te pare. Me uli ne tavoline, me qerasi, beme goxha muhabet. Vetem pasi kaloi nje kohe e mire (ishte e shtune dhe nuk na bezdiste njeri) me beri te njejten kerkese e me tha te njejtat shprehje qe kishte letra. Dhe ne fund te propozimit shtoi: “Ne e dime se diku duhet te merrni leje. Ketu ne tavolinen time ka tre telefona, dy pergjohen, por ky tjetri jo » ;
Dhe me vuri para nje situate qe une duhej te merrja vendimin ne cast. Nuk mund te thosha jo. Edhe pse manovrova dhe ja ndryshova biseden, ai perseri me tha « Mund te bisedojme ».
Atehere ngrita telefonin qe nuk pergjohej dhe andej ku duhej te merrja leje me thane : »Gjykojeni vete ».
Ne rrethana te tilla thashe me vete « Edhe ata, shefat e mi, dicka dine. Dicka luhet deri sa me thane menjehere se mund te vendosja vete. Nuk me thane dale ta mendojme kete pune, sepse mora ne telefon kryesorin, nuk mora ndonje nepunes te zakonshem. Sidoqofte nuk i thashe ambasadorit se cfare me thane, por nje “Do te mendohem”. Kur me percolli ambasadori me propozoi “Kur te vendosni mund te vini te takohemi, te takohemi qofte dhe per nje kafe”.
“Faleminderit qe me pritet” ju pergjigja, shternguam duart dhe keshtu u ndame.
Pas nje fare kohe vendosa qe te shkoj perseri. Vajta e kontaktova ambasadorin dhe ai me tha
“ Faleminderit! Na duhet nje fotografi juaja”. Une e cova fotografine dhe pas ca kohesh me ftuan “Ejani te pijme nje kafe!”. Kur vajta me thane “Pasaporta eshte gati. Jeni me emer dhe mbiemer tjeter, i lindur ne Shkoder ne vitin 1921, tani emigrant ne Siri”. Ambasadori me tha edhe « Urdhero bileten ! Eshte e paguar. Vetem se do te shkoni ju ne agjenci per te iksuar daten ; Nga Vjena do te shkoni ne Stamboll ».
Dhe keshtu bera, vendosa e ika ne Stamboll. Mirepo nuk sqarova dot se kush do te me priste, megjithate thashe me vete keta me siguri e kane organizuar pritjen. Zbrita ne Stamboll dhe pasi kalova doganen u bera kurioz se kush do te me priste. Dallova nje burre te gjate qe ma bente me dore nga larg dhe une u drejtova tek ai. Kur iu afrova pashe se ishte djali i axhes.
Ishte refugjat ne Gjermani. Sa e takova, sa i dhashe doren, nuk vonova ta pyesja « Edhe ti me te kuqte qenke ? ». « Po » me tha « Me te kuqte ».
« Epo ne dreq te veje kjo pune! ». thashe me vete. Kjo pritje me njeriun tim me beri te qarte se komunistet e Tiranes nuk do te me dorezonin te serbet. Djali i axhes me mori, me futi ne hotel dhe me porositi “Te lutem mos dil, sepse te njohin shume kosovaret. Ata nuk duan ta dine qe je ketu”. Dhe nuk dola nga hoteli. Pas tre ditesh me mori dhe me coi ne aeroport “Tani do te nisesh per ne Athine. Ne Athine do te shkosh ne filan hotel, te eshte prenotuar dhe dhoma e do te vijne te takojne persona qe do te shoqerojne aty ».
Vajta ne Athne. Gjeta hotelin dhe sa bera nje dush e isha duke fshire trupin kur trokiti dera.
Cela deren me ate zinxhirin qe e mban pak te hapur, kur pashe dy djem te rinj. Me folen ne emrin tim dhe me thane “Duam t’ju takojme”. Hapa deren dhe i futa. Me lane porosi “Shih te lutem, mos dil jashte se edhe ne Athine ka shqiptare qe mund te te njohin”.
Ketu njelloj, mbeta ne hotel. Ata erdhen nje dite tjeter, prene bileten e me derguan ne aeroport. Mora avionin e linjes Athine-Tirane. Me shoqeruan dhe me thane “Rruga e mbare”.
Me lane kete porosi “Te lutem kur te zbrisni ne Rinas do te hiqni kapelen, do ta mbani ne dore dhe do te kruani koken qe t’ju njohin personat e duhur”.
Keshtu bera, por nuk na zbriten ne Rinas por ne nje aeroport afer Tiranes, ne ate te Laprakes. Ishte e organizuar ajo pune. Sapo zbrita me dolen perpara, me thane « Mireseerdhe ! » dhe me cuan ne Hotel Dajti. Me mbajten nje jave ne hotel, me than se diten nuk duhej te dilja, kurse ne mbremje, ora 20.00, me merrnin dhe me shetisnin ne Durres, ne Kruje dhe ne Elbasan.
Nje nate te bukur, pasi me bene nje xhiro ne Tirane, me thane se « Tani do te shkojme te kryeministri ». Nga ora 10 deri ne dy te nates une kam bere bisede me Mehmet Shehun. Ne dyzet vite ne sherbim te CIA-s, mund te kemtakuar 40 burra shtetesh, por ajo bisede me ka mbetur ne mendje ne menyre te vecante. Ne fund me tha « Bace Hysen, kemi vendosur te shperthejme kryengritjen ne Kosove. Ne duam vetem sebepin qe te shpertheje kjo kryengritje, duam shkakun qe te mund te nderhyjme. Ndryshe nuk e justifikojme dot ne Kombet e Bashkuara. Kete kryengritje deshirojme t’ua ngarkojme juve. E merrni persiper ? Mbrapa keni shtetin shqiptar ». Dhe une pranova.

Marre me disa shkurtime nga revista Shqip, Nr 56 (3) 2007.


Une nuk e besoj permbajtjen e ketij shkrimi dhe ruaj bindjen se rrefimi eshte nje manipulim pasvdekjes se Hysen Terpezes.
Eshte nje shkrim qe vetem te verteten nuk ka brenda, por ka vetem nje perpjekje per te lartesuar aktivitetin "patriotik" te komunisteve te vjeter dhe te rinj shqiptare ne te dy anet e kufirit!
Kurre nuk e besoj se Hysen Terpeza, nje antikomunist i bindur, nje person i cili eshte ndjekur per t'u asgjesuar nga bandat komuniste shqiptaro-jugosllave, qe te kete ardhur ne Shqiperi e te jete takuar me Mehmet Shehun per te nisur nje "kryengritje" ne Kosove ne vitin 1976, kur marredheniet jugosllavo-shqiptare kane qene te zbutura dhe kur Kosova kishte fituar nje status me te larte autonomie ne ish-Jugosllavi.
Viti 1976 ka qene nje vit i "zjarrte" i luftes se klasva ne Shqiperi dhe i luftes brenda llojit dhe rrefime te tilla kur nje agjent i CIA-s me aq lehtesi bindet qe te behet nje agjent i komunisteve shqiptare!

[DYDRINAS]

Ne pranveren e vitit 1981 shperthyen demonstratat ne Kosove, me kerkesen e krijimit te Republikes se Kosoves, nen kuadrin e Jugosllavise.

Ne pranvere te vitit 1981, ne ambasaden jugosllave ne Tirane shpertheu nje bombe dhe per kete qeveria jugosllave akuzoi shtetin shqiptar si organizues te kesaj ngjarje, ne bashkepunim me "kriminele shqiptare ne perendim" ne krye me Hysen Terpezen.

Ne dimer te atij viti, Mehmet Shehu "vetevritet" dhe me pas i njejti fat do ta prese dhe Kadri Hazbiun.

Enver Hoxha e akuzon Shehun si "poliagjent"!

Cfare informacionesh ka derguar sherbimi sekret jugosllav tek Enver Hoxha? A i dinin ata levizjet e Hysen Terpezes? A i dinin ata takimet me Shehun dhe me Hazbiun? A ishte Hoxha ne dijeni te ketyre takimeve?


Ka shume pikepyetje???

[DYDRINAS]

Pjese nga shkrimet e Enver Hoxhes:


23 maj 1981
Provokacioni i ambasadës jugosllave

Sot në mbrëmje ambasada jugosllave në Tiranë bëri një provokacion. Ambasadori njoftoi se në orën 21 e 17 në tarracën e kuzhinës së ambasadës ndodhën dy plasje bombe.

Ai kërkoi që në vendin e ngjarjes të shkonin përfaqësues nga Ministria e Jashtme dhe lejuan që të marrin pjesë edhe ekspertë nga tanët, për hetime. Hetimet filluan dhe do të vazhdojnë edhe nesër, ditën.



24 maj 1981
Do të përballojmë me sukses provokacionet e armiqve revizionistë

Hetimet e ekspertëve tanë rreth plasjes që ndodhi dje mbrëma në ambasadën jugosllave vazhdojnë. Ato bëhen në praninë e personelit të diplomatëve dhe teknikëve të vetë ambasadës jugosllave.

Konstatimet e para vërtetojnë se shpërthimi nuk duhet të jetë shkaktuar nga bomba, siç pretendon ambasadori jugosllav, por nga dy "llokume" dinamiti, plasja e të cilave kishte shkaktuar gërvishtjen e asfaltit të çatisë 1 cm, dhe rënien e një cope të vogël të suvasë së kuzhinës. Kuzhina është brenda oborrit 14 metra larg murit rrethues të ambasadës, 2 metra i lartë. Nga të dyja anët e godinës së ambasadës qëndrojnë roja policë, të cilët nuk kanë parë asnjë lëvizje në rrugë, veç kanë dëgjuar plasjen. Pra, ekspertiza, e cila vazhdon punën, vërteton se nuk është fjala për plasje bombash.

Ne besojmë se objektet që plasën janë vënë nga vetë jugosllavët për të na akuzuar ne se, përderisa "sulmojmë ambasadën e tyre këtu në Tiranë", jemi shkaktarë edhe të gjithçkaje që po ndodh në Kosovë.

Të qarta janë qëllimet e tyre armiqësore. Ambasadori jugosllav, sot, më 24 maj, protestoi në Ministrinë tonë të Punëve të Jashtme. Zëvendësministri ynë ia hodhi poshtë protestën si shumë të nxituar përderisa ekspertiza që kanë kërkuar vetë ata vazhdon punën.

Jugosllavëve do t'ua hedhim poshtë protestën edhe sikur një për qind të vërtetohet mundësia e hedhjes së objekteve plasëse nga jashtë, pasi edhe ai që mund ta ketë bërë këtë, nuk mund të jetë tjetër veçse një agjent i jugosllavëve, i sovjetikëve ose i bullgarëve. Çdo provokacion të tyre ne do ta përballojmë me sukses. Këto punë të ndyra kanë bërë kundër Shqipërisë tërë jetën këta armiq të egër të vendit e të popullit tonë.



27 maj 1981
Përgjigje protestave të revizionistëve jugosllave

(Shënime për përgjigjen që duhet t'i japë një përfagësues i Ministrisë sonë të Punëve të Jashtme ambasadorit jugosllav në përgjigje të protestës jugosllave të datës 27.5.1981, bërë në Beograd ambasadorit tonë Sokrat Plaka.)

1. Ne hedhim poshtë me indinjatë protestat tuaja të ripërsërirura e pa baza.

2. Ne asnjëherë nuk kemi sulmuar dhe as do të sulmojmë ambasadën jugo-sllave në Tiranë. Çdo gjë në këtë drejtim është shpifje dhe trillim nga ana juaj dhe bëhet me qëllime të paracaktuara që nuk na trëmbin aspak.

3. Ne jua dhamë përgjigjen tonë për çka ju ngjau në aneksin e ambasadës suaj dhe nuk lëvizim asnjë presje nga deklarata jonë, pse është hetuar, e kontrolluar dhe e faktuar.

4. Për sa i përket Konventës së Vjenës s'kemi nevojë të na e përmendë kush, se e njohim dhe e zbatojmë me përpikmëri, e kemi zbatuar dhe do ta zbatojmë edhe ndaj ambasadës jugosllave në Tiranë, ashtu kërkojmë ta zbatoni dhe ju ndaj ambasadës së Shqipërisë në Beograd.

5. Ne pranojmë të vijnë ekspertët tuaj, po të dëshironi, që të hetojnë për veten e tyre ngjarjen në vend, me kusht që në këtë ekspertizë që do të bëni për veten tuaj, duhet të asistojnë dhe ekspertët tanë që u thirrën nga ambasada juaj, si edhe ambasadori i juaj në Tiranë tok me këshilltarin, që asistuan kur u bë ekspertiza e jonë. Nga ana e jonë ekspertiza është e plotë , e fotografuar dhe e filmuar.

6. Artikujt e "Zërit të popullit" janë tre, mund të bëhen edhe 33. Kjo çështje është në kompetencën e KQ të PPSH dhe jo tonën. Ne theksojmë për të njëmijtën herë se as kemi ndërhyrë dhe as do të ndërhyjmë në punët e brendshme të Jugosllavisë. Ne do të mbrojmë kurdoherë të drejtat e vëllezërve tanë shqiptarë, kur këto shkelen kaq brutalisht, derisa mbyten edhe me gjak.

7. Për sa u përket përrallave të Hanit të Hotit dhe një tullumbaceje të lëshuar në qiellin e Tiranës ditën e 1 Majit dhe që gjoja mbërriti në qiellin e Strugës, as që dua t'i zë në gojë, pse janë shumë qesharake.



31 maj 1981
Mbi ngjarjen e ambasadës jugosllave në Tiranë

Përgjigje gazetës "Politika" të Beogradit

- Shënime -Teza

1. Në datën 26 maj 1981 ju botuat një artikull plot me trillime, shpifje e shtre-mbërime të paturpshme mbi çka ju ngjau në ambasadën jugosllave në Tiranë. Asgjë politike nuk kishte në këtë artikull, përveç një botimi tipik të sigurimit të shtetit jugosllav (UDB-së). Pra "Politika" pasqyronte në të politikën e kryepolicit serb Hërljeviç.

2. Ministria jonë e Punëve të Jashtme ju ka deklaruar zyrtarisht se Konventën e Vjenës ne e zbatojmë etj., etj., kurse ju në shtypin tuaj shkruani krejt të kundërtën. Ne themi se as e kemi sulmuar dhe as do ta sulmojmë kurrë ambasadën jugosllave. Në artikull shkruhet krejt e kundërta. Ne themi se do ta mbrojmë ambasadën jugosllave, ashtu siç kërkojmë që të mbroni dhe ju tonën në Beograd.

3. Gjithë kjo intrigë tragjike në ambasadën jugosllave në Tiranë duam të theksojmë se u kurdis dhe u krye në mungesën e titullarit të Sekretariatit të Shtetit të Republikës Socialiste Federative të Jugosllavisë, zotit Verhovec. Dikush tjetër i lëvizi fijet.

Eshtë e qartë dhe e njohur se kryepolici jugosllav Hërljeviç ishte i pari që akuzoi publikisht ambasadën shqiptare në Beograd, si dhe ambasadat tona në vendet e tjera të botës dhe më në fund akuzoi RPS të Shqipërisë sikur ajo nxiti turbullirat në Kosovë. Opinioni botëror dhe kancelaritë e botës nuk e hëngrën këtë gënjeshtër të madhe të jugosllavëve. Kjo tragjedi e tmerrshme e Kosovës, shkaqet e vërteta të së cilës i analizoi cilido dhe nxori cilat ishin shkaktarët e kësaj gjëme që ka emrin gjenocid, e diskreditoi keqas Jugosllavinë e Titos dhe vuri në dukje rrezikshmërinë e saj.

Ministria e Punëve të Brendshme të Jugosllavisë implikoi në këtë komplot të madh gati gjithë udhëheqjen jugosllave dhe çështjen e bëri ndërnacionale për gjithë RSF të Jugosllavisë. Këtë komplot serb kundër Kosovës, kundër RSF të Jugosllavisë dhe kundër RPS të Shqipërisë asnjë udhëheqës jugosllav nuk u tregua i guximshëm ta dënonte përveç rinisë dhe inteligjencies së Kosovës, të cilat përnjëherë u burgosën.

Në këtë komplot shumë të rrezikshëm për të ardhmen e Federatës Jugosllave kosovarët dhe RPS e Shqipërisë jo vetëm mbrojtën të drejtat e tyre, por ishin të vetmit që mbrojtën edhe unitetin e Federatës Jugosllave. Kurse sulmi serbomadh ndoqi dy objektiva: gjenocidin në Kosovë dhe sulmin kundër RPS të Shqipërisë. Me një të goditur ai donte të vriste dy zogj, por vrau veten dhe plaga do të ketë konsekuenca të rënda.

Politika famëkeqe plot bujë dhe falsitet u demaskua. Çirakët s'e ndoqën dot ustanë që u vdiq dhe vazhdojnë t'i këndojnë himne të padëgjuara kurrë në botë për një person që e solli Jugosllavinë në buzë të greminës. Kultet e pompuara me zor, marrin fund shpejt dhe me lehtësi. Dhe ata që ishin të gënjyer nga parullat e politikës titiste "botërore dhe të brendshme" u zhgënjyen. "Madhështia" jugosllave, që rronte në ëndërrime se ishte bërë "kërthiza" e botës, u bë pluhur e hi.

4. Megjithatë ne kemi menduar dhe mendojmë se duhet shpëtuar Jugosllavia. Por këtë vepër të madhe nuk mund ta bëjnë as UDB-ja dhe as njerëz si Hërljeviçi, Stamboliçi, Rankoviçi dhe Vukmanoviçi.

"Zëri i popullit", organ i KQ të PPSH, shkroi tre artikuj bazë, ku fliste të vërtetën dhe bënte thirrje për moderacion, për gjakftohtësi, për meditime, që të uleshin gjakrat dhe të vendosej qetësia në Kosovë, të rishikoheshin me drejtësi dhe me objektivitet kërkesat e shqiptarëve.

Organi i KQ të PPSH theksonte shqip dhe botërisht se "Shqipëria nuk kishte ndërhyrë dhe nuk do të ndërhynte në punët e brendshme të Jugosllavisë", se "nuk kishte bërë kurrë rivendikime territoriale", se "populli shqiptar nuk ishte për minimin e RSF të Jugosllavisë dhe se do të luftonte krah për krah me popujt e Jugosllavisë, në qoftë se këta atakoheshin, nga kushdo goftë".

U duk që ne thoshim gjëra të vërteta dhe jetike, por në shkretëtirë. Gjithë udhëheqja jugosllave e të tëra rangjeve dhe e të tëra llojeve dhe diplomacia jugosllave gjykonin dhe flisnin me kokën dhe me gjuhën e policisë sekrete jugosllave nën drejtimin e dukshëm të serbomëdhenjve.

Ne ruajtëm gjakftohtësinë përpara korit të turpshëm anembanë Jugosllavisë që çirrej kundër shqiptarëve: "Eureka!", e gjetëm fajtorin! Por kori ishte fals dhe opinioni botëror, deri dhe ato shtete që s'na e duan të mirën, na dhanë hak neve dhe jo jugosllavëve. Vetëm armiqtë e betuar të popujve, revizionistët sovjetikë, heshtën, kur gjithë bota fliste. pse heshtën ata, do të kthehemi një herë tjetër dhe do të zbulojmë fijet e komplotit ruso-*serbomadh.

Përpara kësaj disfate të bujshme, kryepolici Hërljeviç organizoi me njerëzit e tij, në mungesë të sekretarit të shtetit për Punët e Jashtme të RSF të Jugosllavisë, Verhovec dhe pa dijeninë e ambasadorit jugosllav në Tiranë, Komatina, ngjarjen në ambasadën jugosllave në vendin tonë, për "të lyer pak me flori" bakrin e tij, të cilit i doli kallaji.

Ekspertët tanë, tok me nëpunës të MP të Jashtme të RPS të Shqipërisë, të thirrur nga ambasadori jugosllav, vajtën në vend dhe, në praninë e gjithë personelit të ambasadës jugosllave, bënë imtësisht ekspertizën, të cilën Ministria jonë e Punë-ve të Jashtme ia dorëzoi zotit Komatina. Kjo përgjigje dhe kjo ekspertizë nuk u pëlqeu jugosllavëve. Ata kërkuan të vinin në Tiranë ekspertët e tyre, që ne i lejuam. Por kanë kaluar kaq ditë dhe ata s'po duken. Në vend të tyre u duk artikulli në fjalë i gazetës së Beogradit "Politika". Ne i themi gazetës "Politika", organ i UDB-së, në përgjigjen tonë ekskludohej kategorikisht që lëndët plasëse, dy llokume TNT speciale dhe me djegie speciale, që s'ka Shqipëria, të ishin hedhur nga jashtë. Ne, për politesë, nuk deklaruam se ato janë vendosur nga brenda. Jugosllavët s'deshën të reflektonin në deklaratën tonë. Atëherë, meqenëse ju kërkoni të na e hidhni fajin neve për të gënjyer opinionin botëror, ne po ju themi se në ambasadën jugosllave në Tiranë gjenden dy veta dhe një e tretë me origjinë ruse që i kanë bërë këto gjëra. Emrat i gjeni vetë. Theksojmë, gjithashtu, se çdo gjë që ka lidhje me ngjarjen e 23 majit në ambasadën jugosllave është e dokumentuar, e fotografuar dhe e filmuar.

Ne i themi, po ashtu, gazetës "Politika" se faktet e përditshme tregojnë se fryma e Helsinkit ishte një flluskë sapuni. Këto fakte i dhanë të drejtë Shqipërisë socialiste. Po ashtu me fakte do t'i tregojmë botës se Shqipëria socialiste nuk është një rrezik për Evropën, siç pretendoni ju, kasnecë të Beogradit, por është Jugosllavia titiste një rrezik për Ballkanin, për Evropën dhe për botën.

http://www.enver-hoxha.net/content/content_shqip/librat/kosova_eshte_shqiperi/librat-kosova_eshte_shqiperi-09.htm