Ekspertet kane zbuluar nje varreze masive ne fshatin Kamenice ku mendohet se ndodhen eshtrat e 616 myslimaneve te vrare gjate masakres se Srebrenices.

Ekspertet mjeko ligjore kane perfunduar punen per zbulimin e varrezes me te madhe massive ne Bosnje per kete vit. Pas nje pune nje mujore, ekspertet kane zbuluar nje varreze masive ne lindje te Bosnjes dhe pikerisht ne fshatin Kamenice ku mendohet se ndodhen eshtrat e 616 myslimaneve te vrare gjate masakres se Srebrenices. Me shume se 8000 myslimane, mes tyre edhe femije, u vrane kur enklava e mbrojtur nga paqeruajtesit e Kombeve te Bashkuara ra ne duart e serbeve te Bosnjes dhe ushtrise se drejtuar nga gjenerali Ratko Mlladic, i cili ende vazhdon te jete i lire.

“Kemi zbuluar shume fakte ne kete varreze masive. Fisheke, shami per mbylljen e syve dhe litare qe na tregojne qarte per menyren e vrasjes se ketyre njerezve te pafajshem” tha Ismet Music, zyrtari i komisionit rajonal per personat e zhdukur. Ai shtoi se “mes sendeve te gjetura kishte edhe nje numer dokumentesh dhe sende personale te viktimave dhe nga te dhenat qe kemi ne arkiv, jemi te sigurt se trupat e gjetur ne kete varreze masive u perkasin atyre personave qe u perpoqen te largohen nga Srebrenica drejt qytetit te Tuzles ne vitin 1995”.

Ekspertet bene te ditur se disa nga trupat e gjetur ne gropen dy metra te thelle ishin ende te pademtuar per shkak te ujerave qe kalonin ne ate zone. Kjo eshte e nenta varreze masive e zbuluar ne kete zone prane qytetit lindor te Zvornikut.


(News 24/balkanweb)