Qeveria: Transplantet, miratohet hapja e bankave të organeve

[Albo]

Kryeministri Berisha viziton pacientët e transplantit të parë të veshkave në Shqipëri

Kryeministri Berisha vizitoi sot ambientet e Spitalit Ushtarak në Tiranë, ku u krye transplanti i parë i veshkës në vendin tonë.

Gjatë vizitës së tij në ambientet e këtij spitali Kryeministri Berisha vizitoi dy pacientët dhe prindërit e tyre, të cilët ishin dhuruesit e veshkave, dhe u uroi atyre shërim sa më të shpejtë.

Gjithashtu Kryeministri vizitoi edhe pajisjet dhe laboratorët modernë në klinikën private “Balkan Alliance Medical Center”, e cila realizoi këtë transplant.

Kryeministri e cilësoi realizimin e transplantit të parë të veshkës në vendin tonë si një ngjarje të madhe për mjekësinë shqiptare dhe për vendin dhe shprehu bindjen se me mbështetjen e qeverisë ekipi i mjekëve të spitalit “Nënë Tereza” do të realizojë transplante të tjera të veshkave në muajt që vijnë.

Duke e vënë theksin në faktin se transplantin e parë në vend e realizoi sektori privat, Kryeministri vlerësoi se krahas konsolidimit të shërbimit shëndetësor publik, mbështetje më të madhe do të marrë edhe sektori privat.

Në këtë kontekst Kryeministri theksoi se së shpejti do të inaugurohet një spital tjetër privat, duke i dhënë këtij sektori hapësirë gjithnjë e më të madhe në shërbimet jetike ndaj qytetarëve.

Në këtë vizitë Kryeministri shoqërohej nga Ministri i Mbrojtjes, Fatmir Mediu dhe Ministri i Shëndetësisë, Nard Ndoka.


Më poshtë vijon fjala e plotë e Kryeministrit Berisha:


“Së pari dua të uroj edhe njëherë të dy pacientëve dhe prindërve të tyre që u bënë shkak i kësaj ngjarje të madhe për mjekësinë shqiptare dhe për vendin, shërim të shpejtë.

Dëshiroj të falënderoj me shumë mirënjohje ekipin e shkëlqyer të mjekëve të cilët bashkuan të gjithë ekspertizën e spitaleve më të njohura të Shteteve të Bashkuara, Texasi në njëfarë mënyrë është kryeqyteti i mjekësisë botërore, Vjenës traditës së madhe europiane dhe Turqisë vendi me një zhvillim shumë të shpejtë.

Dëshiroj të falënderoj Dr. Seilkaly, Dr Miller dhe Dr. Sadik dhe të gjithë ekipin shqiptar që asistoi në këto dy ndërhyrje jashtëzakonisht të rëndësishme.

Këto janë dy transplantet e para të veshkave në historinë e vendit. Në këto dy transplante ju jo vetëm ndihmuat dy të rinj për të patur një perspektivë të re jete, por çelët edhe siparin e transplantit të veshkës dhe organeve të tjera në këtë vend si një metodë radikale mjekimi, por që ka shpëtuar dhe shpëton me mijëra e mijëra jetë në botë.

Ky ishte hapi i parë dhe shumë i rëndësishëm. Qeveria po punon dhe kam bindjen më të thellë se shumë shpejt me mbështetjen e qeverisë ekipi i mjekëve të spitali “Nënë Tereza do të realizojë transplantet të tjera të veshkave në muajt që vijnë.
Unë kam besim të plotë në ekspertizën përkushtimin talentin dhe aftësitë e mjekëve shqiptarë, por kjo eksperiencë është një eksperiencë e çmuar dhe një nxitje e madhe për ta.
Dua të theksoj se transplantin e parë në Shqipëri e realizoi sektori privat në mjekësi dhe në të gjitha fushat e tjera të vendeve të lira sektori privat është sektori i zhvillimit i progresit dhe kjo ndodhi edhe në vendin tonë.

Kjo kërkon nga ne si qeveri që të shtrijmë të gjithë mekanizmat e mbështetjes së këtij sektori dhe ne do ta bëjmë këtë.

Vizitova qendrën kardiologjie ka realizuar 1200 koronografi me zero komplikacione, ka realizuar 320 bypase me rezultate nga më të lakmueshmet të qendrave më moderne. Ky është një realitet që zhvillohet në Shqipëri dhe që do të përhapet gjithnjë e më tej.

Së shpejti ne do të inaugurojmë një spital tjetër më të madh privat dhe duke konsoliduar sektorin publik, duhet t`i japim hapësirë gjithnjë e më të madhe sektorit privat në këto shërbime jetike për qytetarin.

Unë vizitova një laborator ultra-modern me një kapacitet prej mijëra analizash në 24 orë, një laborator që bën analizat më të rëndësishme imunologjike të domosdoshme për t`u hapur rrugë llojeve të tjera të transplanteve, të palcës, mëlçisë dhe zemrës, transplante që i kanë bërë një shërbim të jashtëzakonshëm njeriut.

Dua të falënderoj përzemërsisht ekipin e mjekëve, bashkëpunëtorët, por dua të përgëzoj edhe punonjësit e Spitalit Ushtarak në tërësi për këtë partneritet publik privat që vendosi me ekipin që kreu këto operacione një shembull që duhet ta ndjekin dhe qendra të tjera shëndetësore të vendit”.

17/11/2007
Kryeministria

[RaPSouL]

Vertet lajm pozitiv, gezohesh kur degjon gjera te tilla, te cilat japin si rezultat nje kendveshtrim me pozitiv per popullin tone posacerisht mjekesine. Shpresojme qe ne te ardhmen te behen edhe hapa ende me te medhenje dhe te arim ne nivel te cilin duhet te arijme pasi jem shume larg, mendoj se ky eshte nje hap i madh pe mjekesin shqiptare ne pergjithesi dhe se ky hap do te na afroj shume afer per tu bere nje nder popujt me nje mjekesi me te zhvilluar, edhe pse jemi mirepo ende nuk jemi treguar.

Gezohem dhe shpresoj ne hapa ende me te medhenje dhe te guximshem me te cilet do te ben ndonje reforme ne mjekesin shqiptare deri me tani.


RaPSouL

[Dorontina]

Nje hap i madh pe mjekesin shqiptare ne pergjithesi dhe se ky hap do te na afroj shume afer per tu bere nje nder popujt me nje mjekesi me te zhvilluar.

Gezohem dhe shpresoj ne hapa ende me te medhenje dhe te guximshem me te cilet do te ben ndonje reforme ne mjekesin shqiptare deri me tani.
------------------------
urime
ishalla nuk duhet me shit shtepit mu sheru ne shqiperi !

[FierAkja143]

Shyqyr qe po mesojn se me para kishe gurr ne veshk dhe nevend te hiqnin gurin, te hiqnin gjith veshken.

[Hero i Popullit]

Dale pak ta sqarojme kete punen e transplantit.... Vertet eshte nje hap i madh per mjekesine shqiptare, por ky zedhenesi i qeverise Berisha ne Forum kur rras deklaratat e qeverise copy paste te marr mundimin qe te na sqaroje. E verteta eshte se transplanti u krye ne ambientet e Spitalit Ushatarak, nga mjeke turq. Pra ne kemi leshuar vetem ambientin se mjeket nuk jane tanet. D.m.th jane kursyer dis shpenzime per te cuar dhe shtruar pacientet ne Turqi etj si keto, kur dhe mjeket turq rrine ne Shqiperi.
E di kur do te quhej sukses: kur dhe transplanti kryhet nga stafi kirurgjik i yni.. Se ja u mbushet mendja ketyre turqve te ikin?? Atehere cdo behet me transplantet e veshkave../. Pra i gjithe ky skooop mediatik u be per reklamen ndaj qeverise berisha. E di kur te mburremi, kur mjeket tane do ta bejne kete transplant. Nuk eshte e veshtire per te gjetur ambiente dhe salla operacioni, problem jane keto mjeke te specializuar..

[Albo]

Ngrihet qendra, transplantet e organeve edhe në Tiranë

Jonida Tashi

Në vjeshtë të këtij viti do të rifillojnë transplantet e organeve, që megjithëse do të nisin me veshkat, do të përfshijnë një gamë të gjerë ndërhyrjesh. Për këtë arsye, për herë të parë në vendin tonë do të ngrihet një Qendër Transplantesh, e cila do të monitorohet në mënyrë të rreptë për aktivitetin e saj. Kjo do të bëhet e mundur falë bashkëpunimit me Qendrën Kombëtare të Transplanteve në Itali, e cila do të ndihmojë për vënien në zbatim të ligjit të miratuar korrikun e vitit të shkuar në Parlament “Për transplantimin e indeve të qelizave dhe organeve në Republikën e Shqipërisë”, duke mundësuar krijimin e një rrjeti kombëtar transplantesh. Ministri i Shëndetësisë, Petrit Vasili ka firmosur dje marrëveshjen mbi transplantet me drejtorin e Qendrës Kombëtare të Transplanteve të Italisë, Dr.Alessandro Nanni Costa. Drejtuesit e Qendrës së Transplanteve në Itali pohuan se organet do të sigurohen nga dhuruesit e gjallë, por edhe nga personat që kanë humbur jetën. Sipas ministrit Vasili, një bashkëpunim i këtij niveli pritet të zgjidhë kërkesat jetike të shumë pacientëve. “Ne kemi ambicien për të ecur shpejt në këtë fushë, pas miratimit të ligjit për transplantet, ku mekanizmat themelorë ekzistojnë në ligj, qoftë për mënyrën e organizimit dhe të administrimit të këtij procesi, qoftë dhe për elementet teknikë për të pasur proces të koordinuar dhe shumë special. Institucionalizimi i këtij bashkëpunimi hap rrugën për perfeksionimin e mekanizmave tona, por dhe formimit të grupit të ekipit të transplanteve që mundëson zgjidhjen e këtij problemi dhe u jep përgjigje kërkesave jetike të pacientëve që kanë nevojë për ndërhyrje të tilla”, – u shpreh ministri Vasili. Ai theksoi se parësor në këtë marrëveshje mbetet transplanti i veshkave dhe në vitet që pasojnë, duke formuluar ambicie të tjera të mëdha. Objektivi i palës italiane është të ndihmojnë që të ndërtohen struktura me elemente profesionale sipas standardeve europiane. “Kërkojmë të transferojmë elementet e eksperiencës sonë në këtë kontekst dhe të krijojmë struktura me mjekë të formuar”, – tha Dr. Costad, duke vlerësuar këtë marrëveshje dypalëshe për të forcuar dhe transplantin midis donatorëve të vdekur dhe të gjallë. Nga studimet e bëra, 50-60 persona për 1 milion banorë në vit, humbasin plotësisht funksionin e veshkës, pra rreth 175 raste të reja në vit kanë nevojë të trajtohen nëpërmjet dializës. Sipas të dhënave zyrtare të Ministrisë së Shëndetësisë është rritur numri i të sëmurëve që trajtohen me dializë, nga 120 në vitin 2005, në rreth 500 vitin e shkuar. Në klinika private brenda dhe jashtë vendit janë realizuar rreth 30 transplante renale familjare, të financuar nga shteti. Katër vite më parë në QSUT u krye transplanti i parë i veshkave nga mjekë shqiptarë, ndërsa i dyti u bë në bashkëpunim me mjekë të huaj dhe nuk vijoi më.



Të dhëna

30 transplante renale janë realizuar në klinikat private brenda dhe jashtë shtetit

50-60 persona për 1 milion banorë në vit humbasin plotësisht funksionin e veshkës

120 raste ka qenë numri i të sëmurëve që janë trajtuar me dializë në vitin 2005

175 raste të reja në vit kanë nevojë të trajtohen nëpërmjet dializës

500 është numri i të sëmurëve që janë trajtuar me dializë gjatë vitit të shkuar

MAPO

[Albo]

Transplantet, miratohet hapja e bankave të organeve

Pak muaj pas miratimit të ligjit të ri për transplantet, qeveria ka vendosur kriteret për hapjen dhe mbylljen e bankave të indeve, qelizave dhe organeve. Bankat e indeve, qelizave dhe organeve do të jenë strukturat shëndetësore që do të kryejnë përzgjedhjen, vlerësimin, testimin e indeve, qelizave dhe organeve; ekzaminimin dhe përpunimin e tyre; konservimin, ruajtjen, etiketimin dhe paketimin e indeve, qelizave e organeve dhe dokumentimin e të dhënave për to; shpërndarjen e indeve, qelizave dhe organeve të destinuara për transplantim. Sipas vendimit të miratuar dje nga qeveria, hapja dhe mbyllja e bankave të indeve, të qelizave dhe të organeve do të bëhet me urdhër të ministrit të Shëndetësisë, në përputhje me kriteret e përcaktuara. Krahas përcaktimeve në ligjin e transplanteve, në vendim thuhet se “banka e indeve, e qelizave dhe e organeve duhet që: të ketë parashikuar në statusin e saj objektin e veprimtarisë, që do të kryejë në përputhje me legjislacionin në fuqi; të ketë një plan të shërbimeve që do të ofrojë, i cili të përmbajë llojin e indeve, të qelizave dhe të organeve që do të mbledhë e përpunojë”. Ministri i Shëndetësisë urdhëron mbylljen e bankës së indeve, të qelizave dhe të organeve në rastet kur vërtetohet një nga këto situata: nuk plotëson kushtet e nevojshme për ushtrimin e aktivitetit të saj sipas kritereve të përcaktuara në këtë vendim; ka shkelje të ligjeve dhe akteve nënligjore në fuqi; nuk zbaton brenda kushteve dhe afateve detyrat e lëna nga Ministria e Shëndetësisë për korrigjimin e shkeljeve.

MAPO