Çentrali Bërthamor- vargje

[wittstar]

Mbi ceshtjen nukleare- Fjalim imagjinar i Wittstar para Parlamentit Shqiptar

Ju mbase e dini po une po e them
Ne s’kemi me asnje problem
Dritat nuk fiken,cezmat kane uje
Kemi dhe gazeta qe bejne buje
Per deputet me tre dashnore
Per ate ne shtepi ,e per ato ne oborre
Jemi dhe shembull ne medicine
Nuk shohim parane por shohim njerine
Kemi teknik e moral ne mjekesi
Shume te levduar e per zili

Kush thote se truri mbet ne emigrim
S’do as Partite as Shqiperine
Kemi specialist per cdo zanat
Me te zotet i kemi ne lojrat me fat
Trafik femijesh nuk njohim me
Shume po lanitemi po nuk bejme ze

Kur punet shkojne kaq vaj,e fundit fare
N’a mbeti teknika nukleare
Per nje stacion nuklear
Projektin t’a bene cdo pushtetar
Vertet qe kemi shume pak fizikant
Por te pakten do kemi shume vende vakant
Edhe ata qe kemi jane shpesh tape
Po nuklearja do te durosh vape

E po atehere punet jane mire
Ti vihemi nukleares me plot deshire
Ta bejme, ta bejme e pse jo
O projektues vec na ndero
Na bej ate nuklearen ne nje ferre
Aty diku ne Prespe,qe po mbajti ere
Te mos ngazellojme vec Shqiperine
Por dhe Serbine dhe Greqine
Se po te mendojme per vehten dhe jo per komshite
Mund te na merziten e te na leshojne turrite
Qe te mos na mbetet vetem ngrehina
Eskpertet t’i marim nga Ukraina
Duket se i pershtaten buxhetit shqiptar
A nuk i therrasim sa here kemi zjarr?

A po terhoqet trurin pa dhune
Qofshi levduar eshte tjeter pune.
Ne nuklearen ne ekipin teknik
Me vini dhe mua ekspert ne fizike
Nuk kam diplome s’ja them teknikisht
Po do gjendet ndonje salle ku si shahist
Te kaloje kohen pa bere zarar
Me nje rroge eksperti nuklear
Kjo arrihet lehte nuk ka shume zor
Mjaftojne ca verdhushka mbi dore e nen dore
Per desh harrova per rojtar besnik
Zgjidhni arabe fanatike
Si i e kemi zgjidhur dhe keto probleme
T’i vihemi punes,pa thashetheme.

Author-Wittstar,12 November 2007,Hadleyburg,

[Agim Doçi]

Te lumte penda wittstar!

Po e vazhdoj temen tande me nje material te vargezuar

ZOT I MADH

Zot i madh gjithmonë t'jam lutë
Se i jemi po m'a futë!
Unë që t' lutem jam shqiptarë.
A ke kohë pak, me ma varë.

Tek ky Glob që rrotullohet
Asht dhe toka e shqiptarve.
Zot, pash nderin a t'kujtohet?!
Ku i kam trojet e t'parëve?

Se jam komb nën 5 flamurë.
Komb që han mishin e vet.
Komb që vdes për diktaturë!
Trim, hajdut, dinsëz milet.

Për inatë të mullixhiut
Shkoj e flejë me vjehrrën tande.
Jam me tru të sherraxhiut
Që ngacmoj grenzat me krande.

Fol pra Zot! Ma zgjat pak dorën!
Më thotë bota:- qen bir qeni!
'Ej shqiptar, shko pyete Vlorën!
Brenda vehtes dreqin keni!

Ke kulturë, por shkolla dogje!
Ke flori, por je zhelan!
Veç kur flenë s'merresh me llogje.
Vet me vehte del n'mejdan!

Ti që mbrojte Krishtërimin.
Ti që Fé ndrrove tre herë.
Ti që Babë bëre Stalinin.
A ke besë? Atdhe e Nderë?


Zëri i Zotit bubulloj.
Tundi kodër, fushë e male.
Pyes vehten dhe mendoj
A kanë fund o Zot k'to halle?

Kam n' Flamur zog me dy krena
Një zog-monstër, shenj Sllavije.
Prej aty merr cakun rrena
Bash aty vjen erë tradhtije!

Fluturo shqiptar drejt qiellit.
Çaj hapsirat anë e mbanë!
Galaktikat mbrapa diellit,
Me dy krena shqipe s'kanë!

Ku e gjete atë farë simboli?
Që Flamuri jonë e mban?
Me dy krena kush e polli?
Katolik e mysliman!

Nji Kosovë. Tjetra Shqypni
Njëra plagë e tjetra kockë.
Me dy krena kuq e zi.
Njëra Gegë e tjetra Toskë

Eh mallku qoftë kush e shpiku
Me coptu vehten me dy.
500 vjet Turkia të fiku
500 vjet brinjët t'ka thy!

Gjer' në Jemen shkove ushtarë
Tokën tande e le në zor.
Shkodra s'kishte buk me hangër
Ti në Bejrut, guvernator!

Si do e bëje Nënë Shqiprinë?
Ti që s'njeh as Ligj as Shtet!
Kur të vdiqën jashtë Atdheut
Burrat me cironka n' xhep!

Je i vetmi komb me huqe.
Që s'e don kulmin e shpisë.
Popull - Dem, që bojën e kuqe
Shkon ia merr uha komshisë.

Sot që rrugët e Evropës
Me gjak tandin i ke hapë.
Prap drejtohesh prej eskortës
Që vjedh Ditë e që vjedh Natë!

Mos pash gjakun e martirëve!
Mos pash hatrin e lirisë!
Mos ia prish të ardhmen fëmijve!
Mos ia hap vorrin Shqypnisë!


Je mallku nga Historija.
Je shqiponjë, s'je korb, as sorrë!
Nji formulë e ka Shqypnija:
Je bashkvuajtës e bashkfajtorë!

[wittstar]

Te lumte penda wittstar!

Po e vazhdoj temen tande me nje material te vargezuar

ZOT I MADH

...

Tek ky Glob që rrotullohet
Asht dhe toka e shqiptarve.
Zot, pash nderin a t'kujtohet?!
Ku i kam trojet e t'parëve?
...
Fol pra Zot! Ma zgjat pak dorën!
Më thotë bota:- qen bir qeni!
'Ej shqiptar, shko pyete Vlorën!
Brenda vehtes dreqin keni!

Kam n' Flamur zog me dy krena
Një zog-monstër, shenj Sllavije.
Prej aty merr cakun rrena
Bash aty vjen erë tradhtije!

Fluturo shqiptar drejt qiellit.
Çaj hapsirat anë e mbanë!
Galaktikat mbrapa diellit,
Me dy krena shqipe s'kanë!

Ku e gjete atë farë simboli?
Që Flamuri jonë e mban?
Me dy krena kush e polli?
Katolik e mysliman!

Eh mallku qoftë kush e shpiku
Me coptu vehten me dy.
500 vjet Turkia të fiku
500 vjet brinjët t'ka thy!

Je i vetmi komb me huqe.
Që s'e don kulmin e shpisë.
Popull - Dem, që bojën e kuqe
Shkon ia merr uha komshisë.

Je mallku nga Historija.
Je shqiponjë, s'je korb, as sorrë!
Nji formulë e ka Shqypnija:
Je bashkvuajtës e bashkfajtorë!

Pershendetje,

Lexova keto vargje dhe shkrime te tjera nga ty A.Doci.

Dy jave me pare ne vargje te tjerat te tuat je shprehur krejt ndryshe,nuk ke qene kaq i rrepte me kombin tend:

JAM SHQIPTAR! -Autor Agim Doci

Edhe të lindesha 12 herë
Si vemie kurr s'do hiqesha zvarrë!
Edhe të vdisja bile pa u lerë
prap do kërkoja të isha shqiptarë!

Të jesh shqiptar është krenari
S'ka gjë se shekujt e vërtetuan
Që kjo Europë na ka zili
dhe na urren që MBIJETUAM!

Ndaj s'jam pishman për kohën e shkuar
Bile nuk jam as pesimist.
Se kombi ynë gjithmonë është shquar
Si liridashës dhe komb fisnik.

Lexoni Librat e botës mbarë
Askurrë shqiptarët s'kanë qenë pushtonjës!
Një pëllëmb toke kurr s'kemi marrë
Se s'janë hajdutë Bijt e Shqiponjës!

Por shihni hartën e kontinentit
Lexoni kombet që na rrethojnë!
Ne Bijt e Shqipes...ata të Dreqit.
Ne liridashës...ata mallkojnë!

E di dhe kurr s'e kam harruar
Kur bëmë MËKATIN përpara ZOTIT.
Faltoret prishëm si të harbuar
zagarë të bindur të Fuqiplotit...

Tani paguajm haraçin e vjetër
Deri në Ditën që do të harrohet!
Mohuam Zotin si askush tjetër
ndaj presim çastin që do BEKOHET

Dhe do BEKOHET prap Shqipërija!
Dhe do BEKOHEN të gjithë shqiptarët
Do vij shpëtimi nga Perëndija
Kur t'i dënojmë vetë mëkatarët...

.................................................. .................

Keto vargje i ke shkruar vetem dy jave me pare.Ve re nje ndryshim te madh midis kesaj qe shkruan sot dhe atyre vargjeve qe ke shkruar vetem dy jave te shkruara.Ndryshime kaq te forta brenda nje kohe kaq te shkurter meritojne vemendje te vecante.Po t'a kisha vene re tek shkrimet e mija nje ndyshim kaq te madh ne nje kohe kaq te shkurter do ndalesha te mendoja per shkaqet.

Vec kesaj te kujtoj se Shqiponja eshte simbol kombetar dhe per shume shqiptar me dy koke ne flamur nje simbol i shenjte.Shqiptaret kur mblidhen ne ceremoni te perbashketa e nderojne ate simbol dhe kendojne himnin:

Rreth flamurit të përbashkuar,
Me një dëshirë dhe një qëllim,
Të gjithë Atij duke iu betuar,
Të lidhim besën për shpëtim
Prej lufte veç ai largohet,
Që është lindur tradhëtor,
Kush është burrë nuk frikohet,
Po vdes, po vdes si një dëshmor
Në dorë armët do t'i mbajmë,
Të mbrojmë Atdheun në çdo vend,
Të drejtat tona ne s'i ndajmë,
Këtu armiqtë s'kanë vend
Se Zoti vet e tha me gojë,
Që kombet shuhen përmbi dhè,
Po Shqipëria do të rrojë,
Për te, për te luftojmë ne

................................
Ti thua:
Je mallku nga Historija.
Je shqiponjë, s'je korb, as sorrë!
Nji formulë e ka Shqypnija:
Je bashkvuajtës e bashkfajtorë

Eshte mendimi yt.
Shqiponja eshte nje nga simbolet me te fuqishme jo vetem te shqiptareve por te Njerrezimit.
Ajo nuk mund te jete kurre e mallkuar sepse eshte simbol Perendije.Edhe ateist po te jesh nuk mund te mos t'a pranosh se eshte nje nga simbolet me te fuqishme te njerrezimit.
Shqiponja eshte si te thuash ne kodin gjenetik te Shqiptareve,te Amerikaneve.
Armiqte e Shqiperise e dinin shume mire kete te vertete te psiqikes kolektive te Shqiptareve.
Enveri i zgjidhte kuadrot e sigurimit te shtetit qe te kishin ne fizionomi dicka nga Shqiponja,syte,hunden,etj.Pse? Qe shqiptaret te kishin frike nga arketipi i tyre,qe etnia apo individet te kishin frike nga vetja e tyre,si te thuash,qe vecanerisht intelektualet te thyheshin psiqikisht.Kush fluturoi lart i shpetoi atij mallkimi te diktatures dhe nuk ka sot asnje problem me Shqiponjen.
Ajo qe thua ti se eshte formule e Shqiperise nuk mund te jete formule e Shqiperise.
Po te fluturosh vetem lart e te zbresesh vetem kur sheh ndonje zog qe mund t'a shpetosh nga ndonje zvarranik grabitqarr nuk felliqesh kurre,jeton ne nje tjeter dimension,pra nuk mund te jesh bashkefajtore ne asnje faj.Jo mister flamuri shqiptar nuk eshte fajtor,fajtore jane diktatoret,burokratet e maqinerive te tyre vrasese,dhe kalemxhinjte qe u thurrnin vargje e u mbanin iso.
Keto fjale nuk jane ftese per polemike,po shpreh vetem nje mendim timin te ndryshem nga i yti.

[Agim Doçi]

Ke shume te drejte wittstar!!!!!!
Kandveshtrimi jot asht objektiv. Une si dhe ti, mbasi ta lexosh edhe nje here duhet te kuptosh qe thaniet per Simbolin dykrenesh, ne vargje nga ana ime, ironizojne pikerisht ata qe mendojne se SHQIPJA ASHT MONSTER.
Prandaj mos kujto qe brenda 14 ditev mdrroj mendim.
Te falenderoj per komentin dhe te uroj gjithe te mirat.
Me respekt te sinqerte Agimi

LAVDI FLAMURIT!
RRNOFSHIN SHQYPTARET KUDQOFSHIN ATA!