Hapet panairi i librit "Tirana 2007"

[engjellorja]

Oh, faleminderit Kreksi, per te gjitha fjalet e mira...! (nuk meritoj kaq shume)

[engjellorja]

Rastesisht mesova se, tek e njejta shtepi botuese, me te cilen kam bashkepunuar une "Scanderbeg Books" eshte edhe perkthimi i oiseau en vol, i romanit te Beckett "Udhetim i mbyllur" (Mercier et Camier).

perkthimi i tij fatmiresisht e arriti panairin, ndersa libri im mund t'a arrije (ose jo) ditet e fundit te panairit, per fat te keq...

[mondishall]

Per fat te mire thuaj, pasi me sa di koha nuk ishte kaq ne favorin tend, engjellore. Do gezohem shume qe te ndodhe paraqitja e librit tend ne panair, qofte dhe diteve te fundit. E di ti, qe ne fund mbeten me shume syte dhe vemendjet e vizitoreve? Une besoj qe kjo shtepi botuese, qe e njoh dhe ja kam vene syrin per botimet e mia, ka per te vazhduar reklamimin e librit tend, sic ka vepruar deri me sot. E mirepres kete liber dhe ne rastin me te pare te ardhjes ne Tirane(se shpejti) kam per ta blere. Pac suksese dhe la e me la, engjellore!

[ajzberg]

Mbreme Kadareja i shoqeruar nga e shoqja Helena shperndau autografe ne stenden e botimeve te tija .Ashtu i thjeshte, xhentelmen ,dashamires me te gjithe, firmosi plot libra te tij .U mata disa here ta takoj ,ti shtrengoj doren.ta pergezoj,por jo ,e kundroja artistin e madh te letrave shqiptare qe kishte hapur dyert e shtepise dhe priste e priste miq e dashamires dhe ndjeva qe nuk kisha fjale ti thoja vetem ta shikoja ta shikoja me admirim.
Tirane 16=11-2007

[engjellorja]

qe thoni ju mor shokeni

libri im eshte tani ne panair (si kofini pas te vjelit i thone llafit)

po nejse

[mondishall]

Une prape te uroj per kete pjesemarrje, engjellore. Mire do ishte te ndodhej me pare, por mos u merzit, se dhe tani, ti prezantohesh aty me librin tend te dashur. Dikush e shikon, dikush e prek dhe shfleton, dikush e kerkon per ta patur ne shtepi. Vertet ne fund te panairit, por jane fillim hapash ne panairin e madh dhe te pakufizuar te jetes. Suksese!

[Dita]

Si titullohet libri Engjellore?
Pergezime per publikimin!

[engjellorja]

Flm Ditke!

titulli eshte:"I kuq buzesh i pergjysmuar" , e kam shkruar para disa vjeteve...


eshte nje liber i holle, qe lexohet per nje ore...
nuk doli ashtu sic mendoja une, ka ca mangesi qe nuk ishin ne doren time....

[EDUARDI]

Hapet Panairi i 10 i Librit “Tirana 2007”
15.11.2007 15:03 Kulture - Burimi: SOT Kulture
Mbrëmë u çel në Qendrën Ndërkombëtare të Kulturës Edicioni i 10- të i
Panairit të Librit “Tirana 2007”.Të paktën 130 shtëpi e ente botuese,
agjenci shpërndarjeje libri, studio grafike, institucione, organizata e
subjekte të tjera që kanë si objekt punën me librin, u prezantuan në këtë
eveniment të rëndësishëm të kulturës së librit. Panairi i Librit i Tiranës
është bërë aktiviteti dhe vendtakimi më i madh dhe më i rëndësishëm i
autorëve shqiptarë nga të gjitha trevat ku jetojnë e punojnë shqiptarët,
por edhe atyre që vijnë nga diaspora dhe emigracioni.“Numri i titujve të
ekspozuar në panairin “Tirana 2007” arrin në mbi 50.000 tituj ndërsa tituj
të rinj të ekspozuar janë mbi 1500” – u shpreh kryetari i Shoqatës së
Botuesve Fatmir Toçi. “Ndonëse kemi hasur shumë vështirësi në organizimin
e tij pasi kemi pasur mungesë fondesh përsëri ky aktivitet arriti që të
finalizohej me sukses”- pohoi ai. Panairin e Librit “Tirana 2007” e hapi
me një fjalë përshëndetëse drejtori i Qendrës ndërkombëtare të Kulturës
“Arbnori” Mujë Buçapapaj i cili u shpreh se -“ Shkrimtarët, poetët dhe
botuesit shqiptarë kanë kontribute të mëdha në themelimin e shtetit
shqiptar edhe pse të përgjysmuar e të cunguar siç ndodhi 95 vjet më parë.
Ata kanë qenë dhe janë edhe sot në këtë sallë, gjithnjë ndërgjegje e
kombit, dhe si të tillë, shkrimtarë, poetë, botues i shprehin sonte
mbështetje të plotë popullit të Kosovës për Pavarësi si një e drejtë e
pashmangshme dhe legjitime për të qenë të lirë dhe të bashkuar si të
gjithë popujt e tjerë të Evropës. Pavarësinë e kuptojmë si të vetmen
zgjidhje që siguron paqe dhe stabilitet në rajon dhe më gjerë. Kjo ngjarja
e madhe kulturore, siç është panairi i dhjetë i librit, shkon në
përshtatje me politikat e qeverise demokratike për politikat kulturore,
për bërjen me të lirë të tregut të librit si dhe vetë librin më të afërt
me të rinjtë shqiptar. Kombi shqiptar është një komb i ri dhe ne duhet të
shpenzojmë më shumë për edukimin dhe kulturën në tërësi, por edhe për
librin në veçanti. Ne po kërkojmë që libri të shpëtojë nga tatimet dhe ky
është një tjetër shqetësim i botuesve shqiptarë. Vërtet jetojmë një sistem
të tregut të ashpër, por shoqëria dhe posaçërisht ata që kanë diçka në
dore në administrate, duhet të bëjnë diçka për tregun e librit i cili
ndodhet përveç të tjerash edhe në vështirësi shpërndarjeje etj. Një libër
që botohet në Prishtinë, apo në Tetovë nuk e gjen dot në tregun e Tiranës
dhe anasjelltas dhe kjo përbën një precedent të papranueshëm. Tregu
shqiptar i librit duhet të komunikojë dhe të konkurrojë lirisht. Po kështu
ndërsa sistemi i botimeve në hapësirat shqiptare është modern dhe dinjitoz
vetë sistemi i librave më së shumti është në nivelin e kioskave dhe kjo
përbën një tjetër pengesë të komunikimit të librit me lexuesit. Vetë libri
aktualisht gjendet nën një agresion të vërtetë nga konkurrente
tradicionalë si televizioni apo konkurrente të rinj si interneti,
transmetimet digjitale, etj. Eksiton një shqetësim i gjerë Evropian
përfshirë edhe struktura si Këshilli i Evropës për ta shpëtuar librin nga
rreziku i informacionit të sipërfaqshëm, nëpërmjet përmirësimit të
politikave të librit, me synimin e afrimit të lexuesit me librin dhe të
inkurajimit të shtëpive botuese”. Lexuesit e librit do të kenë mundësi që
gjatë ditëve të panairit librat e preferuar t’i blejnë më një shifër që do
të ketë një ulje rreth 20 deri në 30 % të çmimit aktual të librit. “
Panairi nuk ka qëllim komercial. Ai do të jetë pranë lexuesve për disa
ditë me radhë ku do të ketë libra me vlerë më të ulët por ndryshe nga vjet
siç e shikoni edhe vetë ka hapësira edhe jashtë QNK-së për këtë eveniment,
gjë që tregon se nga vitit në vit ky aktivitet po prezantohet edhe më
fuqishëm pranë lexuesit”- u shpreh Toçi. Është bërë traditë dhënia e
çmimeve të ndryshme letrare gjatë ditëve dhe në përfundim të panairit të
librit. Çmimet më të rëndësishme janë ato që jep Shoqata e Botuesve
Shqiptarë për shkrimtarin dhe përkthyesin e vitit. Por do të ketë edhe
çmime dhe vlerësime për paraqitjen më të mirë të stendës, për librin më të
realizuar, për autorin më të dashur për fëmijët etj. I konsideruar si
panairi më i madh që zhvillohet në hapësirën mbarë shqiptare në këtë 10
vjetor të tij, për propagandimin sa më mirë të veprimtarisë së
pjesëmarrësve në panair, është hartuar dhe botuar dhe një katalog ku
pasqyrohen të dhënat e të gjithë ekspozuesve që marrin pjesë në këtë
veprimtari. Sipas organizatorëve qëllimi kryesor i organizimit të kësaj
veprimtarie është ekspozimi dhe bërja publike në mënyrë sa më të gjerë të
botimeve shqiptare, kryesisht atyre të vitit të fundit. Gjatë ditëve të
panairit, nga organizatorët dhe ekspozuesit në mjediset e QNK-së do të
organizohen edhe konferenca shtypi, paraqitje librash, debate me lexues të
librit si dhe takime me shkrimtarë.

Urime dhe per ty engjellore