Greqi: Ikona e Krishtit qan që kur Cipras fitoi zgjedhjet

[Albo]

Misteri, ikona e Krishtit që qan që kur Cipras fitoi zgjedhjet (FOTO)

Një ikonë e Krishtit që i përket fillimit të Nëntëqindës dhe që gjendet në shenjtëroren e Shën Nikollës në Asprokambos, Peloponez, po nxit misterin pasi që prej ditës kur Alexis Tsipras fitoi zgjedhjet në Greqi, ka filluar të qajë pa u ndalur.


Mediat kanë publikuar lajmin

Nëse dikush në fillim kishte menduar për një fenomen të lidhur me motin kapricioz të asaj nate, tani, pas pothuajse prej një muaji, nuk duket më një shpjegim i pranueshëm, raporton “Il Giornale” dhe mediat e tjera italiane.

Por askush nuk guxon të japë shpjegime. Në televizion, patriarku Dionis, ka rrëfyer se si një lëng transparent dhe vajor zbret nga sytë e Krishtit, duke përshkuar gjithë trupin.

Në internet ka plasur ironia, dhe ka nisur të flitet për mrekullinë e Syrizës, e cila në një muaj ia doli të bëjë edhe Krishtin për të qarë.

Njerëzit e aquajnë një mrekulli dhe autoritetet fetare ende nuk arrijnë të shpjegojnë këtë fenomen.



Ikona e Krishtit

Panorama

[Albo]

Greqi, Krishti nxjerr lot nga sytë, dukuria misterioze (Video)

Ikona e Krishtit në një kishë të Greqisë ka nisur që të nxjerrë ‘lot’ nga sytë që prej datës 25 janar, ditë e cila përkon me ardhjen e qeverisë Syriza në pushtet. Metropolitani i Korintit, Dionisi Mantalos, rrëfen se si një lëng transparent dhe vajor zbret nga sytë e Krishtit, duke përshkuar gjithë trupin.

Pavarësisht kësaj, metropolitani kërkon që të mos nxitohet me deklaratat dhe se do të informojë Sinodin e Shenjtë grek rreth kësaj dukurie. “Lëngu do të merret për tu analizuar. Nuk duhet të nxitohemi derisa të dalin përgjigjet e testeve”, thotë ai. Ndërkaq, Dionisi Mantalos konfirmon se Krishti ka nisur të ‘qajë’ që me 25 janar, ditën e zgjedhjeve të parakohshme, ku populli grek solli në pushtet të majtët e Syrizas, me në krye Aleksis Cipras.

Ky i fundit është deklaruar ateist dhe kur erdhi në krye të shtetit, theu traditën duke mos u betuar nga kreu i kishës ortodokse të Greqisë. Ikona që ‘qan’, e cila është rreth një shekull e vjetër, është cilësuar nga disa si “Mrekullia e Syrizas”, por Peshkopi Mantalos bëri thirrje për lutje, duke shtuar: “Në çështjet e besimit, ne duhet të jemi shumë të kujdesshëm”. Njerëzit të habitur nga fenomeni, janë duke vizituar kishën për t’u lutur në vendin e shenjtë.



Shqip