Asgjë nuk e shuan - "Buzëqeshjen Lëkunda "

[Kallmeti]

Asgje nuk e shuan "Buzeqeshjen Lekunda "
-kushtuar artistit shkodran me origjine Mirditore Mark Lekunda



Askush nuk e beson.Te gjitheve ju duket si enderr e keqe,por ja qe jeta shpesh here sjell mjafte te papritura te dhimbshme.Keto dite u nda nga jeta nga nje atak ne zemer ne Jacksonville Florida artisti i estrades profesioniste te Shkodres Mark Lekunda.Kush ishte Marku?Vertete mergimi shpesh here vlerat dhe meritat ne kulturen e nje kombi i mbulon me nje vese te trishte harrese, por nuk mund ti zhduke.Marku vinte prej nje babe nga Lekunda e Kurbneshit aktorit te madh "Artistit te merituar" Preng Lekunda qe la ne fondin e kultures artistike ne teater dhe ne kinematografi role te medhaja si"
Vata-Toka Jone
Gjetoja-ne dramen "Cuca e MAleve"
Morelli-ne shfaqjen Njerez te brezit tone
Bajram Curri-ne dramen "Plaku i Maleve"
Radisti Ndreke-ne filmin "Detyre e posacme"
Gjetoja-tek drama "Nora"
Gjelosh Nika -tek drama "Fisheku ne paje"etj.
Rolet e Mark Lekundes ishin te shumta -kujton nje bashkemoshatar i Markut ne Danimarke-dhe ai me kryesori eshte ne rolet komike.Per shume vite e mbajti gjalle jeten humoristike te qytetit ,te humorit me nje talent te spikatur dhe ishte nje humorist profesional jo i roleve joprefesionale sic quheshin rolet e rendomta.Ai ishte nje artist i madh qe perpos roleve te shumta la ne kujtesen e shkodraneve gjene ma improsionise "Buzqeshjen Lekunda", ku per njeriun ka shume rendesi buzeqeshja sepse eshte nje fllad shpirteror i ritmit te jetes qe te vret ose te largon plotesisht stresin e dites.Ndaj jo me kot shkrimtari i madh shqiptaro-amerikane Naum Prifti e quan Markun -"...njeriun me te qeshur dhe me zemerbardhe qe kam njohur"..Pervec bashkshortes Franceska Lekunda , femijeve dhe miqve te tij mungesen e madhe te Markut do ta ndieje edhe komuniteti shqiptar i Jacksonvilles dhe ne vecanti kafeja shqiptare "Kafe Roma" ka per te pase nje mungese te madhe,s'ka per te degjuar me humorin e cilter te ketij artisti te madh.Markun e njihnin ne perkushtimin e madh qe kishte qe te ringjallte sadopak jeten kulturore-artistike te shqiptare ketu ne Jacksonville .Jane me dhjetera koncerte te kengetareve te mirnjohur shqiptar si : Frederik, Ndoci,Merita Halili,Vjollca Luka, Eli Fara,etj qe i ka organizur dhe drejtur plot talent dhe korrektese Marku me shoket e tij.E di se jeta serishmi do te vazhdoje por thellesit ne shpirtrat e shqiptareve nuk do te harrohen kurre artistet shqiptare ku njeri nder to eshte edhe Mark Lekunda qe gjithmone do te kujtohet per "Buzeqeshjen e pavdekshme , Buzeqeshjen LEKUNDA"

Lek Gjoka
Jacksonville Florida Tetor 2007
(Botuar ne Gazeten Illyria New York e premte 26 tetor 2007)

[Kallmeti]

Foto 1-Mark lekunda ne skene i dyti majtas.
Foto 2-Ne mes artisti Mark Lekunda ndersa anash artisti i merituar Zef Deda dhe Drande Xhai

[Labeati]

Po me vjen shum keq per vdekjen e papritun te Mark Lekundes, artist i shquem i humorit shkodran, i clili ndonese i pavleresuem e i pa-perkrahun sa duhet ne kohen e komunizmit, mbetet nji nder ma te miret e qytetit te Shkodres.

Drite paste, e ngushellime familjes ne Amerike e Shqipni.

[Brari]

ngushellime..

Po nji foto me te qarte te Lekundes a kini se hic spo me kujtohet..

[MI CORAZON]

Ahhh... si nuk e paskam ditur qe paska qene i biri i Preng Lekundes. :(

Ju prehte shpirti ne paqe te ndjerit Mark.
Gjithashtu falenderoj z. Leke Gjoka per shkrimin, megjithese mund te kishte shtuar edhe me...

Ngushellime familjes .

[Brari]

spo me kujtohet as prenga as marku..
na sillni foto o miq..

[MI CORAZON]

spo me kujtohet as prenga as marku..
na sillni foto o miq..

Si nuk te kujtohet Prenga ?
Nuk e mban mend tek "Toka jone", qe ra ne dashuri, jo...ne fakt ishte i fejuar me Filen ( Roza Anagnostin ) dhe atje tek gardhi a tek pemet...i tha Filja ketij " Ne qoftse m'don nji pllam , un te du nji pash " i hodhi lulen e vrapoi. Ky ishte shume simpatik, dhe me mjekren me vrime . Me mustaqet si te B. Zekthit...
Shume aktor i mire ka qene ! Ndersa Marku s'ka qene ne nivelin e ketij. Mbase ngaqe nuk luante role dramatike...

[Kallmeti]

PËR NJË ARTIST TË MADH...

20 vjet jetë artistike (1948-1968),mbi 50 role në skenë dhe film, na bëjnë me dije se kemi përpara një aktor të kompletuar me përmasa kombëtare, që ka lënë gjurmë të pashlyeshme në artëdashësit shqipëtarë dhe në rrethet artistike të vendit.

Pluhuri i harresës bie mbi këdo, por kur është fjala për Prengë Lëkundën, duhet pak vullnet dhe dashamirësi për ta pastruar pluhurin rreth 40-vjeçar, për t'ia rikthyer publikut ashtu siç ishte dhe për t'i dhënë vendin që i takon në altarin e kulturës kombëtare.

“Artisti i Merituar” Prengë Lëkunda ka hyrë në panteonin e kulturës shqipëtare si një personalitet, figurë komplekse e artit skenik, si një artist që tërë shpirtin krijues, forcën dhe ndjenjat e tij i vinte në shërbim e funksion të rolit, veprës dramatike a filmike që luante. Fuqia krijuese e interpretimit të tij pasqyrohej në stilin e lojës, plastikën, bukurinë e gjestit, hijeshinë e trupit dhe magjinë e zërit që zotëronte. Plastika rrokte dhe shprehte çdo gjë njerëzore, që nga delikatesa e ëmbël me pamjen e një shenjëtori të përvujtuR, deri te egërsia e ftohtë e njeriut të trishtuar e të dëshpëruar nga jeta e vrazhdë, e sertë gjithsesi.

Aktori Prengë Lëkunda hynte në botën e personazheve me forcë të brendshme transformuese, ku çdo gjest a lëvizje, çdo shikim a pauz e shkurtër përçonte tek spektatori një ide, një mendim, si dhe një synim të qartë artistik.

“-Kam ardhur në teatrin “Migjeni”një vit pas Prengës” -kujton “Artisti i Merituar” Bep Shiroka. -Prej tij kam mësuar shumë, se Prenga ishte njeri krijues, aktor i formuar, që nuk priste shumë nga regjzorët.Që në lexim të parë të pjesës që do të luante, të imponohej dhe e krijonte siluetën e rolit të ardhshëm. Kishte shpirt artisti, krijuesi e poeti. Kjo besoj se lidhet dhe me krahinën nga vinte, Mirditën, që është një truall, ku është shkrirë organikisht poezia me tokën dhe njerëzit e zgjuar që bartin mbi vete historinë, kulturën dhe doket e veta të veçanta nga krahinat e tjera të vendit. Nuk e preferonte lojën aktoreske që i sillte kënaqësi vetëm aktorit, ai bënte gjithçka që kënaqësinë ta ndjente e përjetonte spektatori, i cili e ndoqi dhe e duartrokiti me dashamirësi gjatë gjithë karrierës së tij artistike”.

“-Tek artisti Prengë Lëkunda vërtetësia jetësore ngjeshej fort me vërtetësinë artistike, -kujton regjizori “Artisti i popullit” Lec Shllaku. -Çdo rol që i jepja Prengës e “qante” atë”. Kjo pasqyrohet qartë tek loja plot shkathtësi, intuitë e vërtetësi në rolet:

Vata – “Toka Jonë”

Gjeta -në dramën “Cuca e maleve”

Moreli –në shfaqjen “Njerëz të brezit tonë”

Bajram Curri –në dramën “Plaku i Maleve”

Radisti Ndrekë- në filmin “Detyrë e Posaçme”

Gjetoja – tek drama “Nora”

Gjelosh Nika –tek drama “Fisheku në Pajë”etj.

“Forca interpretuese e aktorit Prengë Lëkunda shprehej veçanërisht në zërin e tij magjik. Ai e vlerësonte artin e të folurit skenik si një nga elementët thelbësore te mjeshtërisë së aktorit. Duke punuar me fjalën, Prenga bënte që në çdo fjalë të shqiptuar të ndjeheshin jo përfytyrime të shkurtëra, por jeta e vërtetë, e plotë dhe e gjallë. Me forcën e fjalës, me interpretimin e saj të bindte me imazhet, me ndjenjat dhe veprimet e matura në skenë, të cilat shpesh e bënin aktorin të paarritshëm”, -kujton aktori Elez Kadria, i cili ka punuar më se 4 vjet me Prengën në teatrin “Migjeni”, e që ruan mbresat më të mira për shokun dhe bashkëpunëtorin e tij.

35 vjet më parë në skenën hyjnore të teatrit “Migjeni” luhej drama “Plaku i maleve” me regjizor “Artistin e Merituar” Esat Oktrova. Prenga luante rolin kryesor, rolin më të dashur, rolin më të realizuar në karierën e tij, rolin e tribunit të lirisë, birit të Gjakovës “Heroit të Popullit” Bajram Beg Currit. Një zë i kumbueshëm, i natyrshëm, i ashpër, i ngrohtë, një zë tipik malësori, me vërtetësi shqiptari.

Me gjithçka që ka bërë në jetën e tij të shkurtër, Prengë Lëkunda mbetet midis nesh, mik e shok i artëdashësve shqiptarë, simbol i artit skenik me mendim të kthjellët, aktor i talentuar, prind i kujdesshëm, njeri i mrekullueshëm, që koha nuk do ta mbulojë me pluhurin e harresës, përkundrazi do t'i japë shkëlqim figurës së tij. Dhe ky është shpërblimi më i madh për një artist si Prengë Lëkunda, të cilin s'do ta harrojë Lëkunda, Mirdita birin e saj dhe Shkodra e lashtë e qytetëruar qytetarin e nderuar, Shqipëria “Artistin e Merituar” të skenës dhe ekranit.