Varfëria dhe mizerja.

[Henea]

Frika nga varfëria është gjendje e vetëdijes, asgjë tjetër! Por edhe kjo frikë mjafton që t'ju shkatërrojë gjasat të sukesoni në çdo gjë që ndërmerrni. Kjo frikë e paralizon aftësinë e rezonimit, shkatërron aftësinë e imagjinimit, vret vetëbesimin, nënshtron entuziazmin, dekurajon iniciativën, lindë hezitimin, zhdukë ngazëllimin dhe e pamundëson vetëkontrollin. Kjo frikë ia merr sharmin personalitetit tonë, pastaj e zbehë mundësinë e mendueshmërisë precize, zhdrejton koncentrimin e orvatjeve, ngadhënjen këmbëngulësinë, e shndërron fuqinë e vullnetit në asgjë, zhdukë ambicien, mjegullon kujtimin dhe nxitë dështimin në të gjitha format e mundshme, ngulfat dashurinë dhe emocionet tjera këndellëse, dekurajon miqësinë dhe nxitë pafatësinë në qindra forma të ndryshme, pastaj e nxitë pagjumësinë, mjerimin dhe palumturin - dhe të gjitha këto përkundër të vërtetës së dukshme se ne jetojmë në botën e bollëkut të gjithë asaj çka zemra dëshiron, botë në të cilën mes neve dhe dëshirave tona të zjarrta nuk qëndron asgjë penguese, pos mungesës së qëllimit të përcaktuar.
Frika nga varfëria padyshim është më destruktivja prej të gjitha gjashtë frikave kryesore. Kjo frikë është e vendosur në krye të kësaj liste, sepse kjo më së vështiri mund të mposhtet. Frika nga varfëria doli prej aftësisë së lindur të njeriut që ekonomikisht ta gllabërojë të afërmin e vet. Gati të gjitha kafshët janë të motivuara me instinkt, dhe aftësia e tyre të "mendojnë" është e kufizuar, kështu që ato njëra tjetrën e gllabërojnë edhe fizikisht. Njeriu, me ndjenjën e vet superiore të intuitës, me aftësinë e vet të mendojë e të rezonojë, nuk e gllabërim të afërmin e vet fizikisht, por ka kënaqësi të veçantë ta "përbijë" financiarisht. Njeriu është aq lakmitar sa të gjitha ligjet e mundshme që ekzistojnë janë bërë vetëm e vetëm që ta mbrojmë çdokënd prej të afërmit të vet.
Asgjë nuk i sjell njeriut aq vuajtje dhe mjerim sa varfëria! Vetëm të varfërit e kuptojnë nocionin e plotë të varfërisë.
Nuk është aspak çudi se njeriu i frikohet varfërisë. Me ndihmën e një vargu të gjatë të përvojave trashëguese, njeriu mësoi se, njëherë e përgjithmonë, disa njerëzve nuk mund t'iu besohet kur bëhet fjalë për para dhe për prona të kësaj toke.
Njeriu ka aq afsh për pasuri sa që është i gatshëm të vijë deri te ajo pa e zgjedhur mënyrën - me rrugë ligjore nëse është e mundshme - dhe me metoda të tjera nëse është e domosdoshme ose e këndshme.
Vetanaliza mund t'i zbulojë dobësitë tona të cilat nuk dëshirojmë t'i pranojmë. Ajo është një lloj gjurmimi, e cila është me rëndësi thelbësore për të gjithë ata që prej jetës kërkojnë më shumë se mesatarja dhe varfëria. Mbani mend se, deri sa e gjurmoni vetveten pëllëmbë për pëllëmbë, ju jeni këtu edhe gjykatës edhe porotë, edhe i akuzuar edhe mbrojtës, edhe i akuzuari edhe akuzuesi. Në mënyrë të hapur ballafaqohuni me faktet. Vendosni vetes pyetje konkrete dhe kërkoni përgjigje konkrete. Kur hetuesia të përfundojë, do të dini më tepër për veten. Nëse, deri sa e hulumtoni veten drejtpërdrejtë, ndjeni se nuk mund të mbeteni gjykatës i pa anshëm në këtë vetëhetuesi, atëherë thirreni dikën që ju njeh mirë që të bëhet gjykatës. Ajo që dëshironi ta zbuloni është e vërteta. Zbulojeni, pa e marrë parasysh çmimin, qoftë edhe ai çmim përkohësisht i pakëndshëm!
Shumica e njerëzve, nëse pyeten se prej cilës gjë frikohen më së shumti, do të përgjigjen: "Nuk i frikohem asgjëje". Kjo përgjigje është e pasaktë, sepse vetëm një numër i vogël i njerëzve kupton se ajo apo kjo formë e frikës ata i lidhë, i hendikepon, i shkatërron fizikisht e shpirtërisht. Ndjenja e frikës është aq e pabesë dhe aq thellë e rrënjosur sa njeriu mund ta kalojë tërë jetën ndër peshën e saj dhe kurrë t'mos jetë i vetëdijshëm për praninë e saj. Vetëm analiza e guximshme do të mund ta zbulojë këtë armik universal. Kur e filloni një analizë të këtillë, hyni thellë në karakterin tuaj. Kjo është lista e simptomave të cilat duheni t'i gjurmoni.

[Henea]

Asgjë nuk i sjell njeriut aq vuajtje dhe mjerim sa varfëria! Vetëm të varfërit e kuptojnë nocionin e plotë të varfërisë.

A nuk eshte me vend kjo fjalia.Kur njeriu eshte teper i varfer mendja e tij pyet pse une? Jeten nuk e shijon aq shum, lumturia e tij eshte vetem te mund ta largoje varferine per disa kohe, te sjell para femijve dicka per te ngrene,ti shohe femijet e tij si cdo femije tjeter te pasur.Varferia shkaterron jeten e njeriut dhe lumturine e tij.

[ilia spiro]

Varfëria, adoleshenti vetëvaret në pemën e ftoit
ILIRI prej Fri Feb 08, 2008 4:45 pm

Varfëria, adoleshenti vetëvaret në pemën e ftoit

Aleksander Hysenllari

Korçë, Aleksandro Hysellari, 16 vjeç, vuante prej kohëshnga kushtet e këqija ekonomike në të cilat jetonte familja e tij


Kushërira: S'e kam besuar ende, por mendoj se drejt këtij fundi të llahtarshëm e çoi varfëria


KORÇË- Një 16- vjeçar nga një fshat i Korçës është vetëvarur dje nga kushtet e këqija ekonomike. Aleksandro Hysellari ka vendosur t'i japë fund jetës së tij duke u vetëvarur në një pemë ftoi në oborrin e fqinjit të tij në një depresion të thellë. Djali që ëndërronte të punonte për të ndryshuar realitetin e dhimbshëm të familjes së tij, synonte Greqinë vendin ku dëshironte të prekte realizimin e ëndrrave të shumta, por nuk ka mundur të shkelë asnjëherë në shtetin fqinj, por dhe as të jetojë si gjithë të tjerët në atdheun e tij. Orët e fundit të jetës së tij, të afërmit dhe miqtë i tregojnë si shumë të gëzuar me një hare që kishte përfshirë pa kuptuar adoleshentin, por asgjë nuk dihet se çfarë ka ndodhur më pas me saktësi për të arritur deri të vendimin ekstrem.


Ngjarja


Zbulimi i tragjedisë për familjen Hysellari ka qenë i rastësishëm, pas kërkimeve të shumta që familja e të riut ka bërë gjatë gjithë natës. Aleksandri ka dalë nga shtëpia gjatë pasdites për të mos u kthyer më. Nga rindërtimi i skenës nga ana e policisë kriminale mësohet se ai ka qenë jashtë me disa shokë të tij, por pas ndarjes me ta, nuk është parë nga askush. Kërkimet kanë vazhduar edhe gjatë orëve të natës së kaluar, ndërsa rreth orës 08.00 të mëngjesit të së enjtes babai i adoleshentit ka vendosur të hipë në çatinë e shtëpisë së vet nga ka parë të birin të varur në një pemë ftoi. Askush në familjen Hysellari nuk ka dashur të besojë për skenën e llahtarshme që iu është dashur të shohin, ndërsa menjëherë janë përpjekur ta largojnë nga pema fëmijën e tyre që kishte disa orë që kishte vdekur. Pas këtij momenti që duket se ka tronditur jashtëzakonisht dhe fshatin e vogël vetëm 18 kilometra larg qytetit të Korçës, policia lokale ka nisur dhe hetimet. Sipas saj nuk ekziston asnjë konflikt i të riut me ndonjë individ, dhe aq më tepër me familjen e tij, ndaj mendohet që kushtet e vështira ekonomike në të cilat 16- vjeçari jetonte ta kenë shtyrë drejt vetëflijimit.


Familja


Familjen Hysellari e tronditur nga varfëria e tejskajshme, është në zi ndërsa shtëpia në të cilën kanë nisur të jetojnë tetë vite më parë, kur zbritën nga një fshat malor i zonës së Gorës, ka pritur bashkëfshatarët e tyre. Familja e madhe me tetë anëtarë, gjashtë prej të cilëve fëmijë, jetonte me vetëm pak të ardhura që nuk mund të kalonin shumën e 50 mijë lekëve të vjetra në muaj, ndërsa fëmijët e saj ushqeheshin vetëm një herë në ditë me atë ushqim të pakët që mund të siguronte nëna e tyre. Djali ndonëse shumë shtatvogël dëshironte të punonte dhe kryente çfarëdo lloj pune që kishte në fshat, por që gjithsesi ishin shumë të rralla. Ndërsa prindërit e viktimës nuk kanë pasur fuqi të tregojnë dhimbjen e tyre, dy kushërinjtë e parë të djalit vajza dhe djali i xhaxhait kanë treguar gjithçka ka ndodhur. Brunilda Drizaj, kushërira e parë e viktimës ka rrëfyer për gazetën se djali ishte zhdukur pa lënë gjurmë një natë më parë, ndërsa ka qenë një djalë i urtë dhe model madje për familjen pasi ishte shumë punëtor, ndonëse nuk kishte mundësi ku të punonte. Sipas saj, atë e ka gjetur babai i tij në pemë të vetëvarur, ndërsa askush nuk do të besojë këtë gjëmë që i ka ndodhur familjes së tyre. "Aleksandri ishte një fëmijë i urtë dhe pa fjalë dhe bënte çmos të punonte të mbante familjen, ndonëse kishte dëshirë të shkonte dhe në shkollë-ka pohuar kushërira e parë e tij Brunilda Drizaj.- S'e kam besuar ende, por mendoj se drejt këtij fundi të llahtarshëm për të gjithë e çoi varfëria". Ndërkaq kushëriri tjetër i parë i Aleksandrit, Romi Dulellari ka rrëfyer përmes lotëve se ai ëndërronte të shkonte në Greqi. "Në çdo moment ai ka dashur të shkojë në Greqi për punë-thotë Romi Dulellari-por ai ishte shumë i vogël në shtat dhe ndaj prindërit e tij nuk e lejonin këtë gjë. Madje ai insistonte duke ia kërkuar këtë gjë dhe vëllait të tij 20 vjeçar, Eljonit që jeton pa dokumente në Greqi, të shkonte bashkë me të, por ai e ka ndaluar të mos udhëtonte në këmbë nga mali, ku mund të mbetej në dëborë." Familja Hysellari duket se është e shokuar, ndërsa nuk kanë forcë as t'i bëjnë apel shtetit për ndihmë, për ata fëmijë, më e vogla e të cilëve është pesë vjeç. Romi Dulellari thotë se apeli ndaj shtetit është i pavlerë, ndaj nuk mundet të kërkojë asgjë nga ky shtet që nxiti adoleshentin të vetëvritej.

[pranvera bica]

Sa cudi! Predikohet " tolerance zero" ndaj varferise nga qeveritaret ,kurse raste te kesaj natyre na degjojne veshet pothuajse perdite...Ah varferia...

M'u kujtua nje thenie e Dante Aligerit:-

S'ka mjerim me te madh se sa kur kujton kohen e lumtur ne mizerje.

[ilia spiro]

Pak minuta me pare nje femije 12 vjec i komunitetit rom ne Shkoder gjen vdekjen nen ngarkesen e hedhur nga makina e plehrave. Femija shkonte shpesh ne ate vend per te mbledhur kanace me te cilen ushqehej familja e varfer e tij. Nje gjest jo i mire ishte ai i shoferit i cili u largua mbas ngjarjes.

Sigurisht pak i intereson nje femije rom pushtetareve tane te nderuar.

Vazhdoni o pushtetare dhe shpenzoni 1 miliard e me shume dollare nga parate e shqiptareve per rruget tuaja "patriotike"! Dhe vidhni sa me shume mundesisht sepse 250 milion USD te vjedhura jane pak! Le te vdesin njerezit, ju vazhdoni, vidhni...vidhni...

Le te vdesin edhe romet se jane "race e ulet", ju vazhdoni orgjite tuaja,...

[ilia spiro]

Mungesa e nje vendi pune, por edhe e nje strehe ka bere qe gjate ketij viti numri i punonjeseve te seksit ne kryeqytet te rritet.
Ne kembim te 500 deri ne 1 mije lekeve, ato prostituojne edhe ne vende publike, si prane stacionit te trenit, tek parku kombetar, por edhe pas ish-Pallatit te Kultures.
“Jane femra me femije te ndara nga burri, ose qe i kane burat neper burgje dhe detyrohen te dalin”, shprehet nje prostitute qe ka zgjedhur te mbaje anonimatin.
Nderkohe, fakti vertetohet edhe nga autoritetet sociale. “Numri i prostitutave eshte rritur ne Shqiperi por edhe ne vendet e tjera te Evropes. Ato trajtohen ne menyre barbare”, thote doktori Kahreman Harxhi.
Nje pjese e ketyre femrave te cilat jane ndare nga bashkeshortet dhe kane femije, prostituojne edhe ne prani te femijeve. “Dalin me femije dhe femijet qajne. Edhe kur e bejne me klientet ne makine, femijet i lene tek sedilja e pasme”, shton prostituta.
Doktori i shkencave Kahreman Harxhi pohon se numri i punonjeseve te seksit eshte rritur. Sipas te dhenave te qendres “Aksion Plus”, nje pjese e madhe e punonjeseve te seksit, qe rrine ne keto zona vijne kryesisht nga qytete si Shkodra dhe Elbasani.

[ilia spiro]

Babai i Ermirit: Djali vdiq sepse jemi të varfër
ANILA DUSHI | 05/06/2009 | Lajm i fundit | 74 KOMENTE | SHARE | - +

SHKODËR- "Varfëria bënte që djali im të shkonte atje ku humbi dhe jetën. As nuk më ka ikur pa leje dhe as nuk ka shkuar kot atje. Ai shkonte për të gjetur skarp e kanaçe që ti shiste, ndaj duhet që pushtetarët e politikanët kushdo qofshin të mendojnë për familjet e varfëra dhe ti ndihmojnë ato". Këto kanë qenë fjalët e nxjerra mes lotësh nga babai i Besmir Ujkës, 13 vjeçarit që humbi jetën aksidentalisht dje në vendgrumbullimin e mbetjeve urbane të qytetit të Shkodrës.

Familja prej 6 anëtarësh (tashmë 5) e Agron Ujkës kishte ardhur nga Tropoja dhe prej 10 vitesh jetonte fshatin Bardhaj afër qytetit të Shkodrës. Kushtet e vështira ekonomike, bënin që dy djemtë e familjes të gërmonin çdo ditë për kanaçe e skarp tek vendi i grumbullimit të mbeturinave, pranë varrezave të Dëshmorëve. Nëna e papunë dhe babai emigrant i paligjshëm në Greqi mezi mbijetonin. Ndaj Besmiri sëbashku me shokët dhe të vëllanë ecte çdo ditë rreth 500 m larg banesës së tij për të gjetur material për të shitur. Siç thotë më lart i jati, ai shkonte me lejen e prindërve dhe çonte lekët në shtëpi.

Dhimbja dhe zia për fëmijën e mitur që vdiq duke punuar ka pllakosur në familjen Ujka. Ndaj apeli për ndihmë për të varfërit është më se normal. "Dali im shpresoj të jetë viktima e fundit e varfërisë ", thotë mes lotësh Agron Ujka.

Varrimi i Besmir Ujkës do të jetë të shtunën. Ndërsa drejtuesi i mjetit që kreu aksidentin, Agron Zenelaj, 51-vjeç ka dale nga policia për tu ndjekur në gjende të lirë për veprën penale 'të shkeljes së rregullave të mbrojtjes në punë'. Ai shkarkoi rimorkion e makinës mbi trupin e fëmijës, pa e vënë re se ai gjendej në pirgun e mbeturinave.


******


Varfëria, vdes i mbytur nga plehrat fëmija 13 vjeçar


data 4 qershor ora 19:30

SHKODËR- Ka humbur jetën në mënyrë tragjike 13 vjeçari Ermir Ujka banor i lagjes 'Mark Lula' në Shkodër. Djaloshi i cili ka qenë duke kërkuar për skarp pranë vendit të grumbullimit të mbeturinave urbane të qytetit kur makina e plehrave ka shkarkuar mbi trupin e tij tonelata me mbetje urbane. Fëmija nuk është parë nga drejtuesi i mjetit të Ndërrmarrjes së Pastrimit. Sipas fëmijëve të tjerë dhe personave që kanë qenë të pranishëm në vendin e ngjarjes, Ermiri ka qenë pas mjetit të pastrimit dhe në atë moment mjeti ka hedhur shkarkesën e cila ka rënë mbi trupin e tij. Një grua dhe disa fëmijë që kanë qenë aty duke bërë të njëjtën punë kanë dhënë alarmin dhe është njoftuar edhe policia.

Fëmija është mundur të nxirret i gjallë nga pirgu i mbeturinave që kanë rënë nga mjeti mi trupin e tij dhe është dërguar me shpejtësi në spitalin e Shkodrës, ku pas rreth 30 minutash , pavarësisht nga ndihma e mjekëve nuk ka mundur të jetojë. Florian Dardha, shok me viktimën që ka qenë i pranishëm në momentet e aksidentit tregon se kanë qenë si çdo ditë duke kërkuar për kanaçe e skarp tek vendi ku shkarkohen mbeturinat. "Ermiri ka qenë pas makinës dhe shoferi nuk e ka pa se po ecte prapa për të shkarkuar plehrat. Ermiri ka parë një 200 lekëshe në tokë dhe është ulur ta marrë në këtë moment hodhi plehrat", rrëfen Floriani.

Persona që jetojnë në këtë lagje të varfër të krijuar pas viteve 90-të, kryesisht me banorë të ardhur nga zonat e thella malore, tregojnë se Ermiri i përket një familjeje shumë të varfër që për të siguruar bukën e gojës dalin çdo ditë për të gërmuar në plehra për të gjetur diçka që mund të shitet. Të njohur të familjes shtojnë se djali i vdekur ka qenë dhe i sëmurë dhe ka patur probleme me zemrën, por megjithatë nevoja për të jetuar e bënte të dilte çdo ditë për të gjetur kanaçe apo skarp mes mbeturinave që hidhen afër varrezave të Dëshmorëve.

Varfëria ka shkaktur kështu viktimën e radhës në Shkodër, viktimë e cila ka qenë një fëmijë 13 vjeçar. Ngjarja ka ndodhur rreth orës 18.30. Prej vitesh, fëmijë e të rritur që jetojnë rreth varrezave të Dëshmorëve në Shkodër kanë si mënyrë të vetme jetese atë të grumbullimit të kanaçeve apo skarpit në mbeturinat urbane të gjithë qytetit që hidhen çdo ditë këtu. Në mjaft raste ato u shkojnë prapa mjeteve të pastrimit, në përpjekje për të qenë të parët kur ato shkarkoken, pasi vetëm kështu mund të gjejnë më shumë material për ta shitur.

Policia ka shoqëruar drejtuesin e mjetit të ndërrmarrjes së Pastrimit.

[ilia spiro]

28 mars 2009
Varfëria si problem serioz i shoqërisë kosovare!
Ferdi Kamberi

Njëri ndër problemet serioze që i kanoset shoqërisë kosovare, padyshim se është varfëria. Varfëria sot edhe pse është lënë pak sa anash, ajo meriton një vëmendje të veçantë me faktin se mund të krijon një problem serioz për shoqërinë tonë në një të ardhme të afërt.

Zakonisht matja e varfërisë fillon me konceptin e mjeteve të domosdoshme për ekzistencë, nga kjo rrjedh se njerëzit janë të varfër sepse nuk kanë mjete materiale për një jetë të përshtatshme. Edhe pse sot sociologët për varfërinë mendojnë se duhet debatuar vetëm në kuadër të mënyrës së jetesës. Megjithatë sot varfëria ndahet në: varfërinë relative dhe varfërinë absolute.

Varfëria relative tregon që një person ose një grup personash janë të varfër në krahasim me të tjerët, ose në krahasim me atë që konsiderohet të jetë standard i drejtë për jetesë, ose nivelin e konsumimit në një shoqëri të caktuar. Ndërsa, varfëria absolute tregon që njerëzit janë të varfër në krahasim me atë që konsiderohet të jetë standard i kërkesave minimale.

Një person i cili sipas standardeve amerikane konsiderohet i varfër absolut, sipas standardeve të themi të Kosovës, mund të konsiderohet i varfër relativ. Andaj, në çdo shoqëri, ekziston varfëria pavarësisht nga ajo se a ka një zhvillim ekonomik të lartë apo jo në atë vend! Mirëpo, secili shtet edhe pse ka politikat e tij të mirëqenies sociale, padyshim se ka edhe një kategori të njerëzve që përballen me varfëri dhe normalisht që kjo varet nga shteti në shtet, politikat e ndryshme sociale të shteteve etj.

Megjithatë, sot është e pa mundur që në shoqëri të mos ekzistojë varfëria, duke marrë parasysh shumë faktorë që nga niveli i ulët i shkollimit e deri tek faktorët tjerë siç janë ardhurat jo të larta të shoqërisë në raport me standardin e jetës në atë shoqëri.

Kosova tani më shtet sovran, ende nuk ka një politik sociale, rreth zbutjes së varfërisë sepse në bazë të hulumtimeve të shumta varfëria gjithnjë po ekzagjerohet, dhe kjo normalisht që po reflekton një hije jo të mirë në shumë sfera.

Është më se e vërtet që qeveria aktuale nuk mundet që për një ditë t’i zgjidh të gjitha problemet dhe preokupimet e shoqërisë tonë. Por, megjithatë ka një influencë që të hartojë të paktën disa politika të mirëqenies sociale, që parimisht ato politika të jenë sa pragmatike ashtu edhe praktike.

Varfëria si një problem serioz vazhdimisht po paralajmëron se mund të eskalojë situatën dhe të manifestohet me forma të ndryshme nëse nuk menaxhohet ashtu si duhet, sepse pas pavarësimit të shtetit tonë, sytë janë drejtuar kah një zhvillim ekonomik, në mënyrë që të krijohen vende të reja të punës dhe të zbutet papunësia, ku kjo e fundit do të rezultojë në reduktimin e varfërisë.

Siç dihet sot nëse kemi reduktim të varfërisë, do të kemi padyshim një kthesë pozitive në shumë çështje si: ulja e nivelit të krimit që padyshim lidhet me varfërinë për shkak të papunësisë, ulja e numrit të vetëvrasjeve që tani ka marrë një kthesë negative dhe çdo herë e më tepër po zhvillohet si pasojë e faktorëve ekonomiko-social, e pikërisht nga varfëria e të tjera.

Kultura e varfërisë duke qenë mënyrë e jetesës së imponuar për shtresat e varfra, është bërë pengesë serioze në riorientimin e sigurt në tregun e punës, dhe kjo kontradiktë shfaqet si krizë e personalitetit të njeriut të varfër.

Se sot shumë hulumtime tregojnë se njerëzit në aspektin psikologjik përjetojnë një krizë të identitetit social, andaj si shkak i varfërisë vije deri të abuzimi në familje, dhuna, abuzimi me fëmijët, pastaj narkomania, prostitucioni, trafikimi i qenieve njerëzore si dhe shumë sjellje devijante të shoqërisë, që padyshim se mund të jenë një apokalips i rrezikshëm për shoqërinë tonë. Andaj, shteti sot edhe pse synon të jetë hallka e zhvillimit të sektorit privat në zgjerimin e aktivitetit të tij si burim themelor për zbutjen e papunësinë, ai (shteti) duhet të krijojë politika sociale të favorshme, për reduktimin e këtij fenomeni.

Pavarësisht, nga këto shteti ka një obligim moral dhe përgjegjësi direkte si dhe indirekte në zbutjen e parametrave kërcënuese të varfërisë.

Sipas një raporti të Bankës botërore, 45 për qind e popullatës në Kosovë përballet me varfërinë, ndërsa 15 për qind e saj jeton në varfëri të skajshme. Ekspertët thonë se me një rritje vjetore të zhvillimit ekonomik prej 5 për qind, do të duhen dhjetë vjet për zvogëlimin e kësaj shkalle të varfërisë, e cila është rrjedhojë e shkallës së lartë të papunësisë në vend. (Shih: L.Shehu: http://www.voanews.com).

Mirëpo, varësisht prej statistikave ku ato mund të ndryshojnë, megjithatë termi varfëri ekziston, edhe atë si pasojë e shumë faktorëve që nga korrupsioni, që shpeshherë del alarmues, papunësia tejet e madhe e sidomos nga të rinjtë, si dhe shumë faktorë tjerë. Prandaj, është e nevojshme që qeveria aktuale të krijon politika, së pari për stimulimin e investitorëve të huaj në mënyrë që të ketë një zhvillim ekonomik sa më favorshëm, ku do të ishte një element pozitiv në punësimin e shumë njerëzve që do të rezultojë më zbutje të varfërisë, së dyti është e nevojshme që të ketë bashkëpunime të shumta në sferën ekonomike, në mes të Kosovës dhe shteteve të rajonit lidhur me importin dhe eksportin e prodhimeve kosovare, në mënyrë që Kosova të zhvilloj ekonomin e saj.
Hapat e mëtutjeshëm që duhet ndërmarrë Kosova

Varfëria është bërë një problem sot më i debatueshëm dhe më evident në çdo shtet, por si duket elita politike kosovare nuk e ka preokupim dhe në rend të parë këtë çështje, por duhet kuptuar se varfëria sot nuk është vetëm problem ekonomik, por është problem edhe social dhe politik. Andaj, trajtimi, njohja, zbutja dhe reduktimi duhet fokusuar nga këndvështrime të ndryshme dhe me një hiper-reduktim të një sërë masash preventive.

Varfëria është një problem serioz, dhe tejet shqetësues për shoqërinë tonë që meriton vëmendje të veçantë, edhe pse statistikat çdo herë ndryshojnë, padyshim se ajo ekziston dhe normalisht që nuk mund të zbutet apo reduktohet vetëm me deklarata, të cilat shpesh i dëgjojmë në mediat tona që realisht kanë një prapavijë krejt tjetër.

Ndërsa në anën tjetër është tejet normale që udhëheqësia jonë nuk mund të zgjidh të gjitha problemet brenda një kohe të shkurtër, apo që këto probleme të zgjidhen me ndonjë “llambë magjike”, brenda ditës. Megjithatë, është e nevojshme që të bëjmë një rekomandin lidhur me disa politika sociale apo elemente që do të qojnë në zbutjen e varfërisë, krijimin e vendeve të reja të punës si dhe një zhvillim ekonomik, edhe pse fatmirësisht kriza globale ekonomike ende se ka prekur shtetin e Kosovës, por nuk përjashtohet një prekje e tillë, nëse nuk krijohet një menaxhim afatgjatë më herët.

Andaj. qeveria së bashku me ekspertët duhet analizuar gjendjen e krijuar dhe kaosin e varfërisë që tani mbretëron tek ne, dhe se duhet hartuar një sërë projektesh konkrete.Duke u nisur që nga zhdukja dhe eliminimi i analfabetizmit, pastaj hartimi i projekteve konkrete për zhvillimin ekonomik, hapjen e vendeve të reja të punës, një strategji afatmesme dhe afatgjatë për stimulimin e investitorëve të huaj, një standard më të lartë jetese, një politikë dhe strategji të re për mirëqenien sociale si dhe shumë elemente tjera që do të reduktonin varfërinë.

Prandaj, këto janë vetëm disa nga ato elemente që në parim secili shtet i krijon dhe i harton, në mënyrë që të ketë zbutje të varfërisë apo reduktim të saj. Ku sot varfëria paraqet një shqetësim tejet të madh tek ne, andaj është e nevojshme një reduktim apo zbutje të saj me politika sociale dhe projekte konkrete, në mënyrë që të mos merr ndonjë kahe tjetër.

[ILMGAP]

Varfëria si problem serioz i shoqërisë kosovare!

Ilia Spiro dhe të tjerët ; çdo postim imi është në lidhje me varfërinë dhe 2-3 pika të tjera të cilat nuk ia vlen të përmenden,por fatkeqësisht askush nuk më përkrah (të pakt janë ata që më përkrahin),dhe kështu shoh (arrita në konluzion) që Shqiptarët duan ta shohin popullin e tyre në varfëri .


Me Rrespekt : ILMGAP

[ilia spiro]

Durres, vetevriten dy burra nga depresioni e varferia
08/01/2009 08:25

Dy burra vetevriten ne Durres, duke regjistruar dhe rastet e para te vetevrasjes per kete vit ne qytetin bregdetar.

Selami Rexhepi, 45 vjec, eshte ndare nga jeta pas konsumimit te nje sasie lende helmuese te llojit fostoksine. Viktima vuante prej kohesh nga depresioni
dhe ka ndermarre aktin tragjik, ndersa ka gjetur vdekjen ne Spitalin Ushtarak. Viktima nga Kavaja, me banim ne Durres, ishte baba i dy femijeve.

Ngjarja e dyte e rende ka ndodhur ne Lagjen 14 te qytetit, ne Shkozet, ku eshte vetevrare nje tjeter person; 32-vjecari Xhevahir Vata. Ai ishte vetevarur me litar ne pjesen e pasme te shtepise, ku jetonte me qira se bashku me nenen dhe motren.

Nga hetimet rezultoi se viktima ishte i papune, ne kushte te renda ekonomike dhe disa here ishte shprehur se do te vriste veten nga varferia. Dy vetevrasjet e ndodhura ne Durres e cojne ne pese numrin e pergjithshem te
vetevrasjeve ne Shqiperi gjate diteve te para te ketij viti.