Varfëria dhe mizerja.

[shoku_tanku]

Ne fakt Shqiptari ka nje natyre vertet te vecante...sa bujar eshte kur i kref bishtin e i ledhaton sedren,aq armiqesor behet kur i vihesh kunder,qofte edhe kur i thua dicka te vertete... mjafton ta kundershtosh,dhe e lendon keq ne seder..

[oliver55]

Ti kerkon dhe ben thirrje per drejtesi,
drejtesia nuk ekziston.
E verteta eshte e hidhur, po per mendimin tim , shume here mizerja eshte produkt i karakterit te njeriut se sa e padrejtesive sociale.

DREJTESIA NUK EKZISTON PER ATE QE NUK E DON.SE AI QE E KERKON I DREJT ESHTE DHE DO TE MBETE PER GJITHMON.

[oliver55]

Edhe nese nuk jep asnje lek per te ndihmuar te tjeret.. te pakten hudh fjalen e mire.

Shqiptari shquhet per bujari, mikpritje edhe Burreri.
Jo per Egoizem, edhe per te shtyp te vegjlit.. e ke gabim!




Kte thote Europa.. nese je i zoti puno edhe jeto, nese jo.. vdis. (Tipike Egoizem Europian Jo Burreri shqiptare)



Asnje nuk do te meshirohet jo vetem shqiptari, por jetes kurre nuk i dihet, ka dite te bardha, por ka edhe plot dite te zeza..


pastaj un po flas per njerzimin, spo flas per shqiptarin, se shqiptari ska zbrit nga qielli qe ta trajtojne si zot.. eshte njeri.

Ndaj avash Mujo Ulqinaku se bie vete brenda me kembet e tua.

NE RRADH TE PARE. NUK JAM DAKORT ME TY, SE ATO QE THUA, I THUA NE NUMRIN SHUMES.TE GJITHE SHQIPTARET shquhen per burreri , mikpritje dhe bujari. po ti kishim te gjithe .nuk do te kishim kaq shum nam te keq neper bote.

[Hyj-Njeriu]

Cfare quan luftarake ti?
Cfare quan te forte?
Te duket normale ky lloj egoizmi dhe ky lloj mentaliteti per te cilin ti flet?!
Burreria e shqiptarit nuk eshte vetem forca,nuk te ben leku te fuqishem,ashtu si te ka thene edhe dikush tjeter,fuqija me e madhe eshte ajo e mendjes dhe e zemres!
Nuk quhet burre ai qe merret me lufte per fuqi dhe shkakton varferi dhe mizerje.
NUk eshte budallallek te duash te luftosh varferine dhe te mposhtesh cmiren dhe ambicjen qe kane disa per tu pasuruar ne kurriz dhe me gjakun e te tjereve.
Migjeni shume bukur e ka pershkruar varferine dhe shume bukur na ka treguar si ta luftojme.
"Nene Tereza",ishte figura qe simbolizon besnikerine dhe bujarine shqiptare,ajo po ishte "burrerore",sepse luftoj per te ndihmuar te tjeret.
Te gjithe e kemi njohur varferine,jemi popull teper i vuajtur dhe habitem me disa sesi mund te flasin me kaq egoizem!!

Ti Diana ndonjehere me duket sikur flet percart,je ne nje bote imagjinare dhe nxjerr konkluzione duke u bazuar ne te....

Varferia dhe mizerja nuk mund te mposhten,sepse nuk mposhtet dot kurre natyra njerezore per te qene me i pasuri,me i mencuri me i dituri....Keto kerkojne sigurisht
nje shtrese te keputur qe do shfrytezohet..kjo eshte A-ja....

Lufta eshte mjeti me i mire qe eshte shpikur per pembysjen e nje sistemi pacifist...
Cdokush pasi pasurohet e ka njefare pushteti,do te konsolidoje paqen qe ka vene me forcen e vet... Paqja me e famshme eshte PAX ROMANA....

Gjithcka ne kete bote ka qene vertitur dhe vertitet ende rreth forces e deshires per te qene i forte...Forca e menjehershme quhet Ushtri .... Aty eshte perqendruar historikisht vemendja e te forteve..edhe sot Amerika,Anglia e Franca qe mbahen si demokracira te forta,kane ushtri shume te forta....

Sidoqofte e dashur Diana,varferia dhe mizerja jane baza e pasurise....pa varferi e mizerje nuk ka pasuri....duhet te kete te varfer qe te kete te pasur....
Ne SHQIPTARET jemi te vuajtur sigurisht e per te mos qene te tille ne vazhdim ka vec nje menyre...
Te marrim nga jashte nese s'gjejme dot brenda,ashtu sic ben amerika franca anglia hollanda etj apo sic bene edhe gjermanet,japonezet ,spanjollet deri dje e bejne me ane te firmave mafioze qe shfrytezojne vendet e botes se trete me imperializmin ekonomik...Per kete duhet nje ushtri e forte dhe shpirt luftarak e agresiv....Lufte dhe Urtesi...
Sigurisht qe mund te zgjedhesh edhe te jesh pacifist e barkthare...eshte ne doren e secilit....Une per vete zgjedh te paren....

[DI_ANA]

Banka Botërore: Rritet niveli i varfërisë në Shqipëri
Raporti i fundit i Bankës Botërore cilëson se rreth 75 për qind e të varfërve në Shqipëri jetojnë në fshat. Rreth 100 mijë shqiptarë jetojnë në skamje të plotë

Erald Kapri

Varfëria për Shqipërinë duket se do të jetë damka e saj e përjetshme. “Sëmundja” e përjetshme e shqiptarëve duket në pamje të parë se nuk do të shërohet asnjëherë. Shqipëria cilësohet si një nga vendet më të varfëra dhe, pavarësisht arritjeve të saj në vitet e fundit, një pjesë e madhe e popullsisë jeton në skamje të plotë dhe e shkëputur nga realiteti, gjë që të kujton vetëm poemat e Migjenit. Shifrat e varfërisë mungojnë dhe ato më të fundit janë të vitit 2005, por Banka Botërore ka tentuar të zbardhë se si është situata e mirëqenies në Shqipëri. Përtej shifrave zyrtare se sa është ulur varfëria, një tjetër dramë duket përpara që e ka emrin Fshat. Zonat rurale në vendin tonë po varfërohen gjithnjë e më shumë. Varfëria po shkon gjithnjë e më shumë në zonat rurale. Banka Botërore ka nxjerrë një shifër ku shprehet se 75 për qind e të gjithë të varfërve jetojnë në fshat.
Sa të varfër ka Shqipëria?
Kjo është një pyetje e vështirë pasi nisur nga problemet që ka vendi ynë kryesisht me infrastrukturën e mbledhjes së informacionit dhe me regjistrimin e popullsisë shifra e varfërisë është vështirë të kalkulohet. Shifra e fundit e Bankës Botërore dhe e PNUD-it ishte në vitin 2005 kur u publikua se në Shqipëri rreth 18.5 për qind e popullsisë është e varfër. Sipas këtyre shifrave del që në Shqipëri ka rreth 600 mijë të varfër nga të cilët 450 mijë prej tyre jetojnë në fshat. Kjo do të thotë se rreth 40 për qind e popullsisë së fshatit jeton në varfëri. Ndërkohë një tjetër shifër është se rreth 5 për qind e popullsisë jeton në skamje çka do të thotë afërsisht mbi 100 mijë njerëz jetojnë sa për të mbajtur frymën gjallë. Sipas këtij studimi, kjo popullsi jeton me nën 5.270 lekë në muaj. Në studimin zyrtar të INSTAT bëhet e ditur se në tre vitet e fundit, niveli i varfërisë është ulur me 8 për qind, pasi në vitin 2002 në vend 25 për qind e popullsisë jetonte në varfëri. Ndërkohë 235 mijë shqiptarë kanë kaluar kufirin e varfërisë, duke pasur jo më pak se 5.270 lekë të reja për frymë gjatë vitit 2005. Rritja ekonomike, qëndrueshmëria makroekonomike, përmirësimi i sektorit privat dhe rritja e investimeve ka ndikuar drejtpërdrejt në uljen e saj.
Ulja e varfërisë
Përgjithësisht varfëria ka pasur reduktime në Shqipëri, por varfëria në fshat ulet me ritme shumë të ngadalta. Sipas raportit më të fundit, varfëria në fshat reduktohet dy herë më pak se në qytet. Kryeqyteti shqiptar ka uljen më të madhe të varfërisë, deri në përgjysmimin e saj. Migrimi drejt Tiranës nuk ka ndikuar në uljen e varfërisë, por si një cilësi në tregun e punës. Rritja e vazhdueshme ekonomike ka ndikuar në rritjen e konsumit të brendshëm deri në 6 për qind më shumë se në vitin 2002, që do të thotë se shqiptarët kanë mundësi më shumë për të blerë mallra. Afërsisht, tri të katërtat e të varfërve vazhdojnë të jenë në zonat rurale. Pavarësisht se hendeku midis zonave malore dhe pjesës tjetër të vendit është ngushtuar, përhapja e varfërisë ka mbetur siç ka qenë në vitin 2002. Rezultatet tregojnë nivelin e varfërisë në vendin tonë, indeksin e hendekut të pabarazisë, si dhe konsumin final të familjeve shqiptare.
Politikat qeveritare
Kjo pjesë e rëndësishme mund të cilësohet si e dështuar pasi ndërhyrja e qeverisë ka qenë minimale me skemat sociale sidomos për fshatin. Ulja e varfërisë, sipas ekspertëve, i dedikohet rritjes ekonomike dhe sektorit privat, emigracionit, por jo në masë të lartë të politikave qeveritare. Eliminimi i varfërisë ekstreme, urisë dhe dimensioneve të tjera të varfërisë, përbën të parin e objektivave të mijëvjeçarit. Ky objektiv i madh dhe shpresëdhënës në paraqitje në rastin shqiptar është ndarë në 6 objektiva specifikë. Së pari, përgjysmimi i numrit të të varfërve ekstremë në harkun kohor deri në 2015-n, së dyti ulja e numrit të njerëzve që vuajnë nga kequshqyerja, së treti ulja e papunësisë në standardet europiane, së katërti një treg gjithëpërfshirës për të siguruar rritje ekonomike, së pesti futja e teknologjive të komunikimit dhe së fundi rritja e aksesit për furnizim me energji. Në këtë drejtim, shteti shqiptar i ka ngritur duart lart para të huajve.


25 Dhjetor 2007 Gazeta Albania

[DI_ANA]

Rama ne Martanesh: “Varferia po mbyt shqiptaret”


Kryetari i Partise Socialiste, Edi Rama, ka vazhduar turin e tij “Dialog me Shqiperine” ne viziten qe ka zhvilluar ne zonen e Martaneshit. Ne takimet e zhvilluara me banoret e kesaj zone, Rama ka ndeshur ne varferine ekstreme te kesaj zone dhe ne fjalen e tij perpara banoreve ka premtuar nje realitet te ri dhe nje zbutje te varferise ne Shqiperi. “Ndihem ne veshtiresi te madhe per t’ju pare ne sy dhe per t’ju folur, se ç’mund t’ju them une ne keto kushte! Ç’mund t’ju them une, qe pavaresisht se nuk kam qene asnjehere pergjegjes perpara jush ne kuptimin e kontrates elektorale, pavaresisht se nuk kam qene asnjehere pergjegjes perpara jush ne kuptimin e raporteve administrative, mes atyre sektoreve te shtetit qe duhet te administroj pasurite natyrore qe ka zona, pavaresisht se nuk kam qene asnjehere pjese e asaj mendesie qe i shikon zonat rurale, e shikon fshatin thjesht si magazine elektorale, prape se prape ndihem keq sepse ky eshte nje realitet vertet shume dramatik. Eshte nje realitet qe te paralizon, i cili te pret krahet, i cili te ben te pendohesh jo 2 apo 10 here perpara se te flasesh. E une ju admiroj per forcen shpirterore me te cilen ju e perballoni kete realitet, me te cilen ju vazhdoni te qendroni ne kete realitet dhe me te cilen ju keni ende shpresa se ky realitet mund te ndryshoje. Une ju siguroj qe ky realitet mund te ndryshoje”, - tha Rama.

17 Janar 2008

Gazeta Albania

[IL__SANTO]

Varferia edhe Mizerja qe po mbizoteron ne Shqiperi u hap rruge edhe shume veprimeve te keqija.Depresioni,dhume etj.

Por si veshtire qe te ndryshoj sipas fjaleve te Rames sepse kemi shume kohe qe e degjojme kete shprehje.
Gjithsesi mundohemi perhere te enderrojme me bukur se me pare.

[alda09]

Nuk egziston ne shqiperi varferia sa ne vendet afrikane. ka numrin e vdekjeve me te larte ne gjithe boten,nga uria e jetesa e keqe. dhe kjo mendoj se ndodh nga klasifikimi i keq i pasuris njerezore. ekzistojn klasa shume shume te pasura dhe antonimi ketyre(perjashtoj ketu pjesen normale). kjo ka per te egzistuar per sa kohe te ekzistojne te kamurit,korrupsioni, dhe"uni"

[niktironci]

Qe te kerkosh te hysh ne NATO, si edhe anetare te komunitetit Europian ne radhe te pare duhet tu afrohesh, standarteve minimale te jetes,e cila as qe mund te behet fjale.
Grumbullimi i pasurise kombetare, ne duart e pushtetareve dhe klanit te tyre duket qarte, si edhe pasurimi i tyre ne menyre mjafte te shpejte le shume per te deshiruar? Perse zyrtaret e larte nuk bejne shpallje te pasurise se tyre???????????.
Keto jane tema qe duhen te shqetesoje c`do Shqipetar te ndershem.
E kuptoj qe s`mund te ndryshoj boten, por perfitoj nga rasti qe si presidenti, dhe kryeministri mos te na mburren se bejne nje pune te shkelqyer.
Detyra e presidentit, dhe Qeverise eshte rritja e mireqenies se popullit .
Si? Ata e dine qe kane karriket duhet ta justifikojne qendrimin ne te.

[DI_ANA]

Mjerimi eshte çeshtje perceptimi.

Që të tregosh mjerimin të duhet një pikë. Një pikë që të shërbejë si qendër e rëndesës rreth së cilës mjerimi të trupëzohet dhe të bëhet i prekshëm. Se mjerimi nuk është gjalpë, që ta presësh me thikë e ta hashë. Mjerimi nuk hahet, madje qëllon që të të hajë.

Dhe pika të mjera gjen sa të duash. Mjerimi, ashtu si edhe ca dukuri të tjera shoqëruese, si trishtimi, zvetënimi, bjerrja shpirtërore, etj., kanë qenë të gjendura me bollëk rrotull nesh. Nuk duhet të lodheshe shumë t'i kërkoje. E megjithatë, nuk mundem as të imagjinoj, e jo më të kujtoj, ndonjë vend ku mjerimi është më i pranishëm sesa në ato vende që me aq zemërgjerësi ne i quajmë kazino (ita., casino).

Mjerimin aty mundet gati ta prekësh. Ai merr format e njerëzve që hyjnë e dalin nga këto vende. Mjerimi mbush zgavrat e syve, është i dëgjueshëm në timbrin e zërit, pulson në lëvizjet e njerëzve që më shumë se sa rrinë në një ambient me ajër të kondicionuar, duket sikur notojnë në ndonjë kënetë të qelbur, erën e së cilës e dinë të gjithë, por e injorojnë sepse nuk u bën më përshtypje.

Nëpër Shqipëri ambiente të tilla kanë lulëzuar në çdo cep. Dhe duke biseduar me ndonjërin nga ata që këto vende i drejtojnë, mund të mësosh që sa më i varfër të jetë një komunitet, aq më i suksesshëm është biznesi i kazinosë. Dëgjon nga vetë goja e atyre që pasurohen me të këtilla sipërmarrje histori që të ngjethin mishtë. Histori në kufijtë e absurdit, të cilat e ke të vështirë edhe t'i besosh, sikur mos të dije që ai që po t'i tregon nuk ka asnjë leverdi të të gënjejë. Si historia e atij që vjen gjithjnë me të ëmën deri tek kafja ngjitur me kazinonë, e lë të ëmën të pijë kafen duke i thënë që i duhet të takojë një shok për rreth 20 minuta dhe futet drejt e në Roulette (Ruletë). Ose historia e atij çiftit në moshë të tretë, që megjithëse janë në borxhe dhe kanë shitur shtëpinë, një herë në muaj, kur vijnë paratë e fëmijëve nga emigrimi, rendin t'i luajnë në Black Jack. Për të ardhur pastaj tek mprehja dhe perfeksionimi i metodave të vjeljes, duke krijuar lojra ku mund të luash edhe me 100 lekë, në ditët kur je ngushtë dhe xhepi nuk t'i lejon shumat e mëdha. Mëson madje që kohët e fundit në këto lojrat 100 lekëshe ka radhë të madhe. Njerëzit presin deri me orë për të luajtur. Histori që duken si përralla me shtriganë dhe kuçedra, por që zhvillohen as 200 metra nga dyert e shtëpive tona.

Ç'mund të thuash për këtë dukuri? Asgjë. Të habit verbëria dhe mosinteresimi për të tilla realitete. Në vazhdën e idesë që neve tashmë nuk na habit më asgjë, kjo puna e kazinove është vetëm një tjetër pikë rreth së cilës mjerimi ynë grumbullohet. Është një mënyrë si një tjetër për të trupëzar mjerimin tonë. Të të gjithëve ne.

Nëse perceptimi është realitet, jam vërtet kurioz të di ky i mësipërmi ç'është?

Marre nga "Njeriu i çuditshem"