Bukoshi kthehet në LDK

[Brari]

Bukoshi: Korrupsioni është armiku ynë kombëtar

Nga Tema

Intervistë me ish- kryeministrin, Bujar Bukoshi, tashmë kandidat i LDK




Çfarë nënkupton rikthimi juaj në partinë e vjetër në LDK, por si një lider i PREK? Ku shihen këtu përparësitë në raport me partitë e tjera?




Është një hap natyral në karrierën politike. Vendimi për të konkurruar nën siglën e LDK, nuk ka qenë proces përsiatjeje. Ka qenë mendimi i parë i natyrshëm që më ka lindur në mendje, kur u pa nevoja e një koalicioni. Historia ime politike, por dhe e kolegëve të mi është histori e LDK. Arsyet, përse ne qëndruam vitet e fundit jashtë saj, mendoj se nuk ekzistojnë më. Ato kanë qenë më shumë probleme të mungesës së rregullave dhe një revanshi të pakuptimtë të grupeve brenda LDK për të dominuar LDK, duke mos llogaritur shumë kontributet e tyre personale dhe vlerat politike. Por, klima që kam gjetur te lidershipi aktual i LDK, duket se premton një rikthim te vlerat historike të LDK dhe kontributin e saj politik në Kosovë. Në fund, kur të gjithë të jemi larguar nga politika, do të kthejmë kokën pas të shikojmë gjurmët që kemi lënë. Askush nuk ka aq fuqi sa të blejë të shkuarën e vet. Historia politike e LDK dhe ajo çfarë ajo ka bërë për të hedhur themelet e shtetësisë së Kosovës, është përparësia absolute që ka ajo ndaj çdo grupimi politik në Kosovë. Ata që themeluan LDK, ata që filluan të ndërtojnë ditë pas dite mëvetësinë e Kosovës, janë memoria politike e shtetësisë së Kosovës. Qofshin anëtarë të LDK apo intelektualë të lirë në profesionet e tyre, ata janë identikiti i parë i asaj që mund të quhet fillim i shtetësisë në Kosovë. Dhe 18 vjet më pas, kur shqiptarët janë te dyert e pavarësisë, nuk ka vlerë më të madhe se sa të prekësh me dorë atë që ke filluar ta ndërtosh dy dekada më parë.




Si e shikoni formulën e partive në koalicione? A mendoni se pas zgjedhjeve do të ketë fitore absolute të ndonjë partie apo një përfshirje më të gjerë në qeverisje?




Ka një strukturim natyral të koalicioneve, edhe pse në Kosovë ende nuk kemi një diferencim natyral të spektrit politik. E djathta e qendrës përfaqësohet nga LDK dhe elementet politike rrotull saj, por e majta ka probleme. Ajo ekziston në Kosovë, por është e shpërndarë, jo aq mbi atributet politike të së majtës, por mbi baza krahinore dhe klanore. Në këtë kontekst, do të gjykoja se ndarja do ta lërë të majtën në Kosovë ende larg organizimit politik dhe do ta mbajë të mbërthyer pas liderëve të rinj, të cilët janë të kompleksuar nga ideja që udhëheqin parti të majta. Partitë e majta në gjithë botën shquhen për lidership, por jo për liderë, shquhen për shumë zëra dhe jo për një zë. Në Kosovë është e kundërta. Partitë e majta kanë liderë, por jo lidership, kurse LDK tashmë ka lidership që përpiqet të mbajë peshën që ka lënë presidenti Rugova. Këto besoj janë vështirësi të natyrshme të diferencimeve politike në Kosovë, deri në momentin që të kemi një evolim normal të skenës politike.




Jeni politikan dhe aktivist i hershëm i ndërtimit të profilit shtetëror të Kosovës. Si e shikoni gjendjen aktuale, me syrin e atëhershëm, satisfaksionet dhe antisatisfaksionet?




Mendoj se Kosova ka plot probleme përpara, por kur mendon se për dy dekada ia ka dalë të mbërrijë në dyert e pavarësisë, mendoj se s’ka arsye të ulim kokën dhe të jemi të dëshpëruar. Natyrisht, shumë gjëra mund të bëheshin dhe ndryshe, por nuk duhet të humbasim kohë të gjykojmë për taktikat që duhet të kishim ndjekur. Strategjia jonë për pavarësinë e Kosovës është sot një problem ndërkombëtar dhe ne duhet të ndjehemi krenarë për këtë. Natyrisht, 18 vjet më parë, kur Kosovës i kufizohej dhe ajo pak autonomi që kishte, këto zhvillime ishin të papërfytyrueshme. Çdo gjë që na ka trishtuar këto dy dekada është shumë e vogël përballë shanseve që ka përpara shoqëria e Kosovës tani.




Zgjedhjet e nëntorit, të tri niveleve, do të fuqizojnë lidershipin politik të Kosovës edhe në raport me faktorin ndërkombëtar. A mendoni se administrata vendore do të jetë më e përgjegjshme pas kësaj periudhe?




Mendoj se ka plot arsye të shpresojmë se do të qeverisim më mirë. Dualiteti i pushtetit dhe ndarja e përgjegjësisë me faktorin ndërkombëtar ka dëmtuar demokracinë funksionale në Kosovë. Shumë liderë vendorë kanë fshehur paaftësinë e tyre, duke fajësuar UNMIK dhe shumë zyrtarë ndërkombëtarë kanë maskuar gafat e tyre dhe tendenca të tjera negative, duke iua veshur fajin shqiptarëve. Fuqizimi i pushtetit tek administrata vendore duhet parë mbi të gjitha si përgjegjësi për të verifikuar veten tonë. Mendoj se do t’ia dalim. Për fat të mirë, shumë nga kandidatët konkurrentë janë kapacitete të provuara të Kosovës. Dua të them me këtë rast, se oferta e LDK për Prishtinën, Isa Mustafa, është një emër që ka dhënë prova që di të drejtojë buxhetin e Kosovës për vite të tëra dhe të mbajë në këmbë shtetësinë e Kosovës, në kushte që as në filmat e Hollivudit nuk mund të imagjinohet.




Çfarë do t`i ofronit qytetarëve, po të fitonit ju? Ku do të përqendrohej ekskluzivisht puna juaj?




Unë nuk jam në garë për ndonjë fitore personale. Jam në garë si një kandidat për deputet i listës së LDK dhe si i tillë, duke shpresuar se jemi partia fituese, ju garantoj qytetarëve sigurinë se do të jem zëri i tyre në pushtetin e LDK. E them këtë me garancitë e politikanit që i dhemb trashëgima politike e LDK dhe e gëzojnë dhe hidhërojnë fitoret apo humbjet e saj. Qytetarët e Kosovës do të kenë te mandati im, çelësin për të qenë pjesë e pushtetit të LDK dhe mbi të gjitha, të kenë të drejtën e kontrollit mbi të. Çdo pushtet ka nevojë për kontroll dhe çdo vlerë politike që i dhimbset Kosova, i bën mirë politikës në Kosovë. Sistemi ynë elektoral është i tillë që, megjithëse unë mund të identifikohem si deputet i një zone, ka të drejtë të votojë çdo qytetar i Kosovës. Për këtë arsye, ne detyrohemi të jemi mirënjohës ndaj të gjithëve dhe t’i respektojmë të gjithë.




Qytetarët kanë pritur shumë për kurorëzimin e pavarësisë. Përkundër paralajmërimeve të shumta, kjo ende nuk ka ndodhur. Sa është obliguese që parlamenti i Kosovës t’i dalë borxhit qytetarëve të tyre për të shpallur pavarësinë, apo duhet të pritet ende për këtë?




Mendoj se ky parlament që del nga këto zgjedhje do të jetë parlamenti që do ta shpallë pavarësinë e Kosovës. Kjo jo vetëm për meritë të tij, por dhe për krijimin e kushteve ndërkombëtare. Në këtë rast, mendoj se është gabim të bësh fushatë dhe politikë me pavarësinë, por, nga ana tjetër, nuk mund të shkojmë drejt pavarësisë me një politikë kulisash. Beteja për pavarësinë është e vetmja betejë politike që ka Kosova dhe ne nuk duhet t’i shmangemi asaj për koniuktura. Unë jam i bindur, se ky parlament do t’i japë Kosovës pavarësinë zyrtare.




Lidershipi politik ka qenë i dhënë më tepër kah “politikat qiellore” për anëtarësim në NATO, OKB, në BE etj., dhe janë lënë pasdore politikat social-ekonomike, kur vendi po hyn në një krizë të thellë. A ka qenë e mundur të bëhet më shumë për qytetarët në këtë aspekt, përkundër buxhetit të limituar që ka vendi?




Problemi i buxhetit të Kosovës dhe qeverisjes së Kosovës është një dimension themelor, i cili më shumë se nga buxheti i vogël është dëmtuar nga abuzimet e mëdha. Mendoj se korrupsioni është një sëmundje primitive, që, nëse nuk e godasim qysh në fillim, do të mbetemi peng i tij. Asgjë më shumë sesa korrupsioni nuk dëmton ngritjen e shtetit të Kosovës dhe fuqizimin e tij. Ai është armiku ynë më i madh kombëtar, pasi është ndryshku që mund të gërryejë konstruksionin e parë të hekurit që do të hedhim për shtetin e Kosovës. Buxhetin e Kosovës e fuqizojnë idetë dhe projektet në ndihmë të qytetarëve, sado i limtuar që të jetë ai. Një vend qeveriset me ide dhe projekte. Paratë gjenden gjithkund. Por, nëse paratë e limitara të buxhetit të shtetit i përdorin njerëz pa ide dhe pa përgjegjësi politike, atëhere ai buxhet bëhet dhe më i vogël se ç’është dhe më i rrezikshëm për Kosovën sesa armiqtë e saj të jashtëm. Qeverisja e Kosovës ndryshe nga qeverisja e Austrisë, Italisë, apo Shqipërisë, është provë për shtetin e Kosovës dhe gjithë rreziqet e dështimit të saj janë rreziqe kombëtare. Korrupsioni është armiku ynë i parë kombëtar, i verfikuar në mes të Prishtinës.




Jeni në koalicion me LDK. A keni bërë përzgjedhjen e posteve, para se të nënshkruanit këtë marrëveshje koalicioni?




Nuk kam ardhur në LDK me kontratë. Jam kthyer në shtëpinë time si i barabartë mes të barabartëve. Nuk iu kam vënë dhe nuk më kanë vënë asnjë kusht. Ka qenë një bisedë dyminutëshe dhe jam ndjerë si në shtëpinë time. Nuk po konkurroj për të marrë poste dhe grada, por për t’i ofruar së bashku me kolegët e mi vlerat tona politike këtij koalicioni, që janë vlera të formuara nën siglën e LDK.




Si politikan me jetë të gjatë diplomatike, çfarë do të ndryshonit në udhëheqjen e tanishme politike, apo cilat përvoja do t’i ofronit skenës politike?




Politika e Kosovës ka nevojë për më shumë realizëm dhe transparencë me qytetarët për një betejë të hekurt kundër korrupsionit dhe mbi të gjitha, për një brez të ri që të gjenerojë idetë dhe frymën perëndimore në politikën e Kosovës. Është trishtim i madh, nëse politika në Kosovë mbahet peng e krahinarizmit, klaneve fisnore dhe grupeve banditeske. Ne duhet ta shkëputim politikën nga këto kurthe primitive. E di që është një betejë e gjatë dhe plot dhimbje, por ia kemi borxh shoqërisë së Kosovës dhe duhet ta bëjmë.




Si e shihni profilin e Kosovës pas zgjedhjeve të nëntorit?




Natyrisht që nuk pres mrekullira, por pres një përtëritje të lidershipit politik. Shpresoj që emra të rinj të futen në Kuvendin e Kosovës dhe në qytetet kryesore të Kosovës. Shpresoj që, mbi të gjitha, ekipet e reja të ngjallin më shumë entuziazëm për qytetarin e Kosovës, i cili ka plot arsye të jetë i dëshpëruar jo vetëm nga të huajt, por dhe nga shqiptarët.




A mendoni se qeveria e re e dalë nga zgjedhjet e nëntorit duhet që më në fund të plotësojë vullnetin e votuesve dhe qytetarëve për shpalljen qoftë edhe të njëanshme të pavarësisë?




Shpresoj se qeveria e re, ashtu si parlamenti i ri do të ketë fatin dhe përgjegjësinë të shpallë dhe të mbrojë pavarësinë zyrtare të Kosovës. Pjesa e dytë besoj është më e rëndësishme për qeverinë. Ajo nuk guxon të zhgënjejë askënd, as shqiptarët, as miqtë tanë në perëndim.




Si mendoni, a do të ketë sivjet pavarësi?




Beteja për pavarësinë nuk është betejë kalendarike, por betejë politike. Mendoj se kjo qeveri dhe ky lidership i dalë nga këto zgjedhje do të shpallin dhe mbrojnë pavarësinë e Kosovës.




Mesazhi juaj për votuesit dhe qytetarët në përgjithësi...




Nuk kam shumë gjëra për t`iu thënë, veç asaj që ata kanë të gjithë në mendje. Kosova ka nevojë për një klasë politike, që të jetë në gjendje të hedhë hapat e para të shtetit të pavarur të Kosovës. Edhe pse dukem pak si jashtë korit patriotik, unë këmbëngul se korrupsioni është një armik kombëtar, që mund të na fyejë të gjithëve në ndjenjën tonë kombëtare, pasi mund të dështojë shtetësinë e Kosovës. Unë shpresoj se këtë duhet ta kuptojë mirë çdo politikan dhe qytetar i Kosovës. Kjo ofertë ogurzezë përballohet me vlera politike dhe njerëz kurajozë. Për qytetarin e Kosovës do të ketë më shumë punë, më shumë mirëqenie, më shumë drita dhe rrugë, kur të ketë më pak njerëz që abuzojnë me fondet e tyre dhe mbi të gjitha më shumë ide dhe vlera për të qeverisur Kosovën.




tema

[ARIANI_TB]

"Bukoshi: Korrupsioni është armiku ynë kombëtar"

Atehere sipas Bukoshit- Armiku i tij qenka vete Bukoshi.

[Llapi]

bukosh toptani i vodhi paret e popullit dhe iku prej kdk-se
tani pasi i hargjoi u kthye ne ldk qe ta merr nji post e te vjedhi perseri

[derjansi]

si nuk doli kush me ia fut ni plum kti Bukoshit mer?

[Alienated]

bukosh toptani i vodhi paret e popullit dhe iku prej kdk-se
tani pasi i hargjoi u kthye ne ldk qe ta merr nji post e te vjedhi perseri

Ate mendova dhe une. I paskan mbarru leket Buk(ur)oshit te shkrete!

[biligoa]

Korrupsioni është armiku ynë kombëtar:ky eshte vete Bukoshi

[Brari]

billigo..

ju fbksh e armata a kini fonde?
ne se i kini ku i kini.. ?
a ju ka bere idajeti ndonjehere sqarim se ku jan parate?

derjans.. ti dhe arkani kini deshir me pa shqiptar te vrare..

[Daja-GONI]

Bukoshi eshte :hajn,rrenacak,mashtrues dhe demagog shume i madh.Mire qe u fut ne LDK,sepse aty edhe pershtatet me se miri.

[ABytyqi]

Prej vitit 1993 Bujar bukoshi ishe larguar nga Ldk per arsyen se skishte dorzuar 80000 ero ne at koh 16 milon marka rugovs klyshit te serrbis, qe prej ather ai skishte fol ma me klyshat e ldk rugovistat shpihunat e Udbes.
RRnoft benafat si i bukoshit kush ka pare ban politik

[laguna blu]

Bujar Bukoshi u zgjodh në krye të Qeverisë së Kosovës në egzil në momentin kur ate detyrë nga frika prej Serbisë e kishte refuzuar Akademik Qosja dhe ndonjë "patriot" tjetër më i madh.
Rreth veprimtarisë së tij dhe shpenzimeve(pas luftës) ai ka dhënë llogari para Parlamentit të Kosovës. Deri tash, pos tij, këtë nuk e ka bërë askush nga fondatorët e fondeve për gjoja çlirimin e Kosovës. Ai dhe ekipi i tij (ndonëse gjysmak e me shumë dezertorë në vazhdim) e mbajti jo vetëm gjallë rezistencën politike e edhe atë biologjike ndaj Serbisë por derdhi edhe mjete të mëdha për njësitë e armatosura të Republikës së Kosovës.Bile nja 3 milionë DM i'a ka vjedhë edhe komandant Rremi i LLapit e Xhavit Haliti (nja 8 milionë) të holla të dhëna për UçK-në. Pse komandantat ishin hajna dhe ishin krijuar dy ushtri(njëra nga TVSH-ja e asaj kohe kur qeveriste vendin Zoti Nano (një hajdut tjetër ky akoma më i madh) ai nuk ka faj. Fajet i ka populli që hyri me dy ushtri në luftë...Ndaj para se të flisni kujdes e maturi sepse politika e vërtetë nuk bëhet me të dëgjuar e me halucinacione apo duke pirë çaj rusi në ndonjërën nga çajtoret e pista të Kosovës...