Myslimanët: Nene Tereza jo ne karten e identitetit

[Korcar-L1]

Myslimanët: Nene Tereza jo ne karten e identitetit

• Perfaqesues te 4 shoqatave islamike në Shkodër kanë shprehur qëndrimin kundër vendosjes së figurës së shenjtores në kartën e identitetit të shqiptarëve

SHKODËR -Shoqatat myslimane të Shkodrës, sërish "kundër" Nënë Terezës. Një vit e gjysmë pas debateve të ashpra e që zunë faqet e para të mediave në Shqipëri për vendosjen e bustit të shenjtores shqiptare në hyrje të qytetit të Shkodrës, dje përfaqësues të tri shoqatave dhe një forumi islam në kryeqendrën e veriut janë mbledhur në një konferencë për shtyp. Drejtues të Shoqatës Bamirëse Islame; i degës së Intelektualëve të Kulturës Islame; klubit Kulturor "Drita" si dhe i degës së Forumit Islam në Shkodër, kanë shprehur qëndrimin e tyre kundër vendosjes së figurës së Nënë Terezës në kartën e identitetit të shqiptarëve. Ata kanë deklaruar se vendosja e figurës së shenjtores katolike në kartën e identitetit i jep një goditje të fortë karakterit laik të shtetit shqiptar, që është i sanksionuar në Kushtetutë. Gjatë fjalës së tyre, krerët e këtyre shoqatave kanë bërë publike shqetësimin e tyre, duke reaguar kundër projektit të qeverisë për vendosjen e figurës së nobelistes në kartën e identitetit të shqiptarëve. Ndërkohë, shoqatat islame i kujtojnë qeverisë se Kushtetuta kërkon qartë që të respektohen të gjitha fetë, dhe jo të ketë njëanshmëri në trajtimin e tyre, siç është rasti i dhënies së kartës së identitetit një ngjyre të krishterë.
REAGIMI I SHOQATAVE
Rreth orës 11:00, përfaqësuesit e shoqatave myslimane janë mbledhur në takim në ambientet e hotel "Argentit" në Shkodër. Deklaratat e tyre kanë qenë në një linjë, duke mbështetur qëndrimin e Këshillit të Përgjithshëm të Komitetit Mysliman Shqiptar dhe Forumin Mysliman Shqiptar, të cilët dy muaj më parë protestuan kundër vendosjes së figurës së Nënë Terezës në kartën e identitetit të shqiptarëve. "Ne jemi të bindur se qeveria e po e përdor figurën e Nënë Terezës me pikësynimin për ta kthyer atë në një figure mitike fetare, duke u përpjekur t'i japin Shqipërisë një pamje të krishterë. Në kuadër të kësaj duhen parë dhe festimet që u organizuan për dhjetë ditë kushtuar kësaj zonje të nderuar, të cilat kulmuan me vendosjen e një busti të saj që ka pamjen e qartë të kryqit në aeroportin 'Nënë Tereza'", - thuhet mes tjerash në deklaratë. Sipas shoqatave myslimane, përpjekjet që po bëhen për të çuar shqiptarët në Evropë me kartë të krishterë, janë në kundërshtim me pohimin e Presidentit Bush dhe të eurodeputetes Doris Pack, që kanë theksuar se Shqipëria ka popullsi me shumicë myslimane, e cila nuk i pengon për t'u integruar në Evropë".
AKUZAT
Gjithashtu, katër shoqatat myslimane theksojnë se këto veprime janë një goditje për tolerancën fetare në Shqipëri. "Janë ata pushtetarë që flasin për këtë tolerancë, por që në të vërtetë në terren veprojnë ndryshe, duke hequr maskën e hipokrizisë", - citohet në deklaratën për shtyp të përfaqësuesve të shoqatave islame në Shkodër. Ndërkaq, në deklaratë përmendet dhe rasti i shtetit italian, ku ka selinë qendra botërore e krishterimit, Vatikani, dhe ku qytetarët kanë një kartë identiteti pa simbole fetare, por vetëm me flamurin italian dhe atë të Evropës së Bashkuar. "Kjo na bën të dyshojmë se ka një prapavijë fetare në hartimin e një karte të tillë për qytetarët shqiptarë". Ndërsa, pohohet se çështja e kësaj karte ka të bëjë me mbrojtjen e identitetit të myslimanëve shqiptarë. Ata e kanë quajtur spekulativ faktin e publikuar, sikur kryesia e KMSH-së është në një linjë me qeverinë për një kartë të tillë identiteti, me figurën e shenjtores katolike. Në fund të konferencës, tri shoqatat myslimane në qytetin verior janë shprehur se kanë nisur mbledhjen e firmave të qytetarëve që kundërshtojnë këtë kartë identiteti.

[Borix]

Une nuk jam islamik, e as i ndonje feje tjeter. Por, nuk arrij ta konceptoj se c'lidhje ka Nene Tereza me kartat shqiptare te identitetit. Pse nuk vene nje figure tjeter? Pse me Nene Terezen identifikohemi ne?

[Clauss]

megjithese reagimi, vecanarisht arsyetimi dhe qellimi sic shprehet ne artikull, me duket pak si kot fare, nen tereza eshte nje figure fetare apo jo. pa mohuar/nenvleresuar vepren e saj humanitare eshte nje figure fillimet e te ciles dhe kuadri ne te cilen veproi i perkasin nje feje te caktuar. si e tille nuk ka vend ne dokumente shteterore te nje shteti laik.
le te vene nje simbol tjeter, nje pillar me ... te madh psh. shteti, dokumentat, filozofia e administrates duhet te jene laike.

[shkodrani1982]

Tham qe duhet te vehet Skenderbeu ose Ismail Qemali ne kartat e identitetit e jo Nene Tereza

[Borix]

Tham qe duhet te vehet Skenderbeu ose Ismail Qemali

Po pra, ka figura disa here me te medha. Nuk po flasim ketu per humanizem boteror, gje qe ka vetite e veta te larta, por per kombin shqiptar. Pra, duhet nje figure qe ka kontribuar, nje hero kombetar, si Kastrioti, apo nje figure e larte kombetare, si Qemali (Ismaili).

[Alienated]

Une nuk jam islamik, e as i ndonje feje tjeter. Por, nuk arrij ta konceptoj se c'lidhje ka Nene Tereza me kartat shqiptare te identitetit. Pse nuk vene nje figure tjeter? Pse me Nene Terezen identifikohemi ne?

Imagjino. Ngaterrojne pune ata te gjendjes civile dhe ne vend te fotografise tende, ke karta jote e identitetit vene fotograifine e Nene Terezes.

Ne fakt muslimanet e Shqiperise jane kunder imazhit te Nene Terezes ne kartat e identitetit sepse fotografia qe duhet te vendoset aty ka dhe kryqin ne qafe te Nenes Tereze.

Mendoj se kjo eshte pak si e tepert.

[Korcar-L1]

Kurse une nuk e kuptoj, perse duhet te vihet ndonje figure historike ne kartat e indentitetit?! Eshte karte identiteti personale , dhe nuk ka nevoje te vihet ndonje pamje tjeter pervec /flamurit/emblemes shqipetare. Do benin mire te vinin shenjat e gishtave ne vend te ketyre luleshankave.

[Renea]

Un nuk po e kuptoj cka ka nevoj te vendosesh ndonje foto aty, flamuri edhe aq

[Borix]

Kurse une nuk e kuptoj, perse duhet te vihet ndonje figure historike ne kartat e indentitetit?! Eshte karte identiteti personale , dhe nuk ka nevoje te vihet ndonje pamje tjeter pervec /flamurit/emblemes shqipetare. Do benin mire te vinin shenjat e gishtave ne vend te ketyre luleshankave.

Un nuk po e kuptoj cka ka nevoj te vendosesh ndonje foto aty, flamuri edhe aq

Ketu nuk po diskutohet venia e ndonje figure historike, por venia e nje figure historike krahasuar me venien e Nene Terezes!

Ne fund te fundit, le te vihet c'te dohet...

Imagjino. Ngaterrojne pune ata te gjendjes civile dhe ne vend te fotografise tende, ke karta jote e identitetit vene fotograifine e Nene Terezes.

Ju ne Maqedoni ruani flamurin se po jua heqin, ne vend qe te kujtoni se po beni humor...

[Alienated]

***
Ju ne Maqedoni ruani flamurin se po jua heqin, ne vend qe te kujtoni se po beni humor...

Rrofsh per kujdesin Borix... ka kush merret me to. Me duket se do abrogohet vete abrogimi i ligjit (nese mund te quhet keshtu). Ligji nuk eshte nenshkruar nga kryetari i Gjykates Kushtetuese (shqiptar) i cili para ca ditesh dha doreheqje dhe si i tille nuk futet dot ne funksion. Do duhet ta diskutojne nga fillimi - dhe tashme e dine se cfare mund te ndodhe, meqe u shfaqen dhe grupet e para te armatosura ketej.

Ju kerkoj falje moderatoreve qe dola nga tema pak.

Jam dakord me antaret me siper qe thone se do ishte shume mire dhe shume normale qe ne kartat e identitetit te vihet emblema, shqiponja, ku di gje ... si gjithkund ne bote.