Libri i Noel Malcom "KOSOVO A SHORT HISTORY"

[kleos]

Rastesisht pashe ne gazeten SHEKULLI te dates 23.10.07 nje artikull me titullin 'Pretendimet serbe nuk jane te verteta' dhe ku ishte intervistuar nje historian anglez i quajtur Noel Malcom anetar i akademise britanike i cili eshte dhe autori i nje libri me titullin 'KOSOVO A SHORT HISTORI' . Autori , sic mund ta kuptoni nuk eshte as shqiptar e as serb por nje anglez dhe si i tille besoj se nuk ka interes te mbroje asnjeren nga dy palet por thjesht te thote te verteten . Artikullin po e botoj te plote si me poshte .

Z.Malkom , ç'fare ju shtyu te shkruani librin "Kosova , nje histori e shkurter"?

Sapo kisha perfunduar nje histori te ngjashme te Bosnjes , qe e fillova pas fillimit te luftes atje dhe m'u desh ta perfundoja shpejt . Me mbarimin e luftes , e kuptova qe lufta e radhes do ishte ne Kosove . M'u duk e rendesishme qe te ekzistonte nje liber , i cili do te 'shkaterronte' ose me sakte do te 'sfidonte' mitet dhe teorite e paverteta per historine e Kosoves . Vura re ne rastin e Bosnjes , qe ne fillimin e luftes propaganda e Beogradit dhe e Pales , selia e serbeve nacionaliste , bazohej me se shumti ne pretendime historike ; ishte e qarte qe argumentet per statusin dhe te ardhmen e Kosoves , do te bazoheshin kryesisht mbi faktet historike te pretenduara , prandaj ishte e domosdoshme te jepej nje pasqyrim objektiv i historise se atij rajoni .

Dhe ç'fare zbuluat per pretendimet serbe dhe shqiptare

Libri perpiqet te mbuloje te gjithe historine , nga fundi i Perandorise Romake e deri ne ditet e sotme . Aspekti me i rendesishem eshte se kur hulumutova dhe hetova per te gjetur prova , zbulova qe disa nga pretendimet kryesore te bera nga historiane nacionaliste serbe ne te shkuaren , ishin te rreme ; d.m.th pretendimet kryesore te cilat jane botuar si te mireqena ne tekstet standarte te çdo vendi , perfshi Britanine dhe Ameriken. Me historiane nacionaliste e kam fjalen per historiane nacionaliste serbe , dhe ne disa raste dhe historiane nacionaliste shqiptare . Por shumica e pretendimeve te paqena qe kam gjetur , u perkisnin historianeve serbe dhe kjo per faktin se shume nga puna historike ne kete rajon deri me sot , eshte bere nga Serbia . Kjo eshte e kuptueshme , pasi serbet kishin universitet ne kohen kur shqipetareve nuk u lejohej hapja e shkollave nga autoritetet otomane . Prodhimi i monografive historike ka qene me intensiv ne Serbi dhe jane ato monografi qe ndikuan ne tekstet perendimore . Keshtu per shume pretendime themelore serbe mbi historine e Kosoven , kur hetova provat , zbulova qe nuk ishin te verteta .

Cilat jane disa nga faktet qe kini perfshire ne librin tuaj , si argumente qe vertetojne qe Kosova eshte toke shqiptare dhe rendesine e ndarjes totale nga Serbia ?

Libri im eshte thjesht liber per historine dhe jo polemizues , pra nuk kam bere kerkesa ne ate qe kam shkruar , dhe ua le lexuesve te nxjerrin vete perfundimet nga provat qe kam paraqitur aty . Ne lidhje me argumentat serbe kunder pavaresise se Kosoves , ne liber gjeni disa pika thelbesore qe vertetojne se pretendimet e serbeve nuk qendrojne . Se pari , eshte pretendimi qe Kosova eshte djepi i serbeve ne Ballkan , dhe kjo dihet qe eshte e pavertete . Serbet erdhen ne Ballkan ne shekullin e 7 , ne kete territor , u zevendesuan nga sundimi otoman ne shekullin e 15 . Kemi nje periudhe 800-vjecare atje , dhe sa nga kjo periudhe Kosova u sundua nga serbet ? Vetem ne 250 vitet e fundit nga 800 . Po ku ishin serbet para kesaj periudhe ? Pergjigja eshte : jashte Kosoves . Ishin ne nje territor qe ata e quanin Ras , Rasia , qe eshte pak a shume zona e Sanxhakut te sotem , Novi Pazarit . E gjithe ideja se aty eshte djepi i qyteterimit serb ne Ballkan eshte teresisht e pavertete . Pastaj kane argumentin e levizjes se popullsise ; thone se nuk kishte shqiptare gjate mesjetes ne Kosove , qe nuk kishte shqiptare deri nga fundi i shekullit te 17 , kur pati nje eksod te madh te serbeve dhe u krijua nje vakuum dhe ky vakuum u mbush nga shqiptaret e ardhur nga malet e Shqiperise veriore . Ka plot prova qe tregojne se ky argument eshte i pavertete , ka shume prova qe vertetojne se ka pasur shqiptare qe kane jetuar ne Kosove pergjate gjithe epokes mesjetare; ndoshta nuk perbenin shumicen ne Mesjete , por ka pasur nje popullate te vazhdueshme shqiptare atje . Dhe historine e eksodit masiv te serbeve ne 1690 , e kam vertetuar qe eshte e pavertete . Pastaj jane argumentet e diteve te sotme per levizjen e popullsise ; ata pretendojne se nje numer i madh shqiptaresh u dynden ne Kosove nga Shqiperia ne mes te Luftes se Dyte ; ky eshte nje "nonsense" dhe kurre s'eshte paraqitur qofte dhe nje prove per ta mbeshtetur kete. Pra, shohim qe te gjitha pretendimet serbe mbi Kosoven , bazohen ne argument te paqena historike , dhe ne fund dua te shtoj se po te shohesh gjithe historine e Kosoves qe pas 1912-es , sheh qe Kosova nuk eshte trajtuar si nje pjese e nje shteti demokratik - u trajtua ne fillim si territor i kolonizuar - kolonizim ishte termi i perdorur nga serbet per ate proces , pra ata derguan koloni atje .Dhe ne shume aspekte ajo qe Serbia beri ne Kosove nuk ishte shume e ndryshme nga ajo qe francezet bene , le te themi ne Algjeri . Tani , a mund te themi ne qe Algjeria eshte pjese esenciale e territorit francez ? Besoj se jo.

C'mesime jep historia per statusin e ardhshem te Kosoves ?

S'kam as me te voglin dyshim qe Kosova do e fitoje pavaresine dhe do ndahet nga Serbia . Por sigurisht ka shume dyshime se si ky proces do te zhvillohet . Shume nga hapat kryesore kane ndodhur tashme , dhe eshte e pamundur te imagjinohet inkorporimi i Kosoves ne ndonje forme shteti serb . Eshte e pamundur , per shume arsye te dukshme por dhe per shume arsye te tjera qe s'jane aq te dukshme : vete serbet nuk e duan nje gje te tille . Po te ekzistonte mundesia qe serbet te absorbonin popullsine shqiptare , domethene tu japin te drejten e votes postet ministrore ne qeverite e tyre , te rekrutojne djemte shqiptare ne ushtrine e tyre ... serbet nacionaliste do ta refuzonin kategorikisht. Pavaresisht pretendimeve se ata nuk heqin dore nga ky territor , ne te vertete nuk e duan , ose ... te pakten duan ate qe Milloshevici u perpoq t'u jape , qe eshte territori pa popullaten shqiptare , por kjo filozofi shkaktoi nje nga krimet me te renda ne historine moderne . Pra , une jam absolutisht i bindur qe Kosova do ta fitoje pavaresine , por problemi eshte vetem nderkombetar dhe ka te beje me Rusine dhe , po te mos ishte ajo , pavaresia e Kosoves do kishte ardhur automatikisht kete vit. Por a mund te vije vitin e ardhshem ?
Kjo varet nga loja qe do beje Putin , loje qe ne themel nuk ka shqetesimin per Kosoven , por per ceshtje qe i interesojen Rusise , mbi te gjitha Mburoja e Raketave Amerikane . Per keto arsye , Putin kerkon ta veshtirsoje ceshtjen e Kosoves , vetem e vetem qe te fitoje me teper pozita per te negociuar me amerikanet . S'e di si do shkojne negociatat mes Rusise e Amerikes , por ne fund Amerika bashke me fuqite kryesore evropiane do ta humbin durimin dhe do ia japin pavaresine Kosoves.

Pra nuk mendoni se me 10 dhjetor , Keshilli Sigurimit do te gjeje nje zgjidhje perfundimtare per Statusin e Kosoves , pasi Trojka te raportoje mbi bisedime te reja ndermjet Prishtines e Beogradit ?

T'ju them te drejten , do habitesha nese zgjidhja do te vinte kaq shpejt .
Raportimi do jete i pakenaqshem per shume pale sepse s'do kete progres per te raportuar , dhe dihej qe pa filluar ky proces se sdo kishte progres . Ishte e qarte qe palni "Ahtisaari" perfaqsonte rezultatet e nje procesi te gjate negociatash , proces ku pala shqiptare ka bere shume leshime , shume me teper sesa deshironin te jepnin . Ata dhane maksimumin e leshimeve , me mirekuptimin qe ne shkembim te ketyre leshimeve , ata do te fitonin pavaresine . Prandaj tu thuash kosovareve , pas mbarimit te ketij procesi qe "o burra , hajdeni ta nisim nga e para !" dhe te bejne leshime te tjera apo te hyjne ne negociata prape , do ishte padrejtesi karshi tyre . Te gjithe e dinin qe Beogradi s'do thoshte kurre "OK , tani po ju japim pavaresine !" , dhe te gjithe e dinin qe pala kosovare s'do thoshte kurre "OK jemi dakord , se duam pavaresine" . Pra , kjo procedure 4-mujore mendoj se ka qene thuajse e kote . Po çfare do ndodhe me 10-dhjetor ? Do kemi nje raportim qe thote se eshte arritur asgje ose pothuajse asgje . Thjesht perseritem situaten qe kishim ne vere . Ama , nese shenohet progres ne pazarin e Rusise me Ameriken , athere do kete shanse per nje zgjidhje te miratuar ne Keshillin e Sigurimit ; por deri tani nuk shoh ndonje sinjal te tille , dhe ne kushte te tilla , jam i bindur qe do kete vonesa te tjera , por ndoshta per disa muaj , jo per vite . Ndoshta nga pranvera e vitit 2008 , fuqite kryesore evropiane bashke me Ameriken , do te organizojne tranzicionin drejt pavaresise . Dhe per kete , ne fund te fundit , nuk eshte e nevojshme nje rezolute ne Keshillin e Sigurimit.
Rezoluta eshte e rendesishme sepse plani "Ahtisaari" kerkon qe BE te hyje pas UNMIK-ut dhe te marre ne dore keto pergjegjesi ose shumicen e tyre .
Dhe shume vende te BE-se nuk duan ta bejne kete hap pa nje rezolute te Keshillit te Sigurimit . Por , per njohjen e pavaresise , mjafton qe shtetet e BE-se ta njohin , pra OKB s'ka ndonje procedure per njohjen e shtetit . Po e njohu Amerika , po e njohu Britania , Gjermania , Franca dhe Italia , do behet e qarte qe ky hap tashme u mor , s'ka kthim mbrapa , dhe Kosova do jete shtet i pavaruar .

[GL_Branch]

Rrofsh Noel !

[D@mian]

"Kosovo: a short history" eshte gurthemel akademik i te drejtes historike te shqiptareve mbi Kosoven. Arsenali i fakteve te paraqitura perben nje baze sh. te mire argumentative ne favorin tone ndersa emri i N. Malcolm eshte ne vetvete nje reference kredibiliteti. 3 pikat kryesore (por jo te vetmet) qe shqyrtohen dhe sqarohen qarte ne faqet e librit jane:

1. Autoktonia e shqiptareve ne rajon qe prej lashtesise (dhe sigurisht para shfaqjes se serbeve).

2. Prania e panderprere shqiptare ne Kosove, edhe gjate Mesjetes se vonshme.

3. Miti i "shpernguljes masive serbe" nga Kosova pas luftes austriako-otomane.


Per ata qe interesohen ta inspektojne ose ta blejne, le te hedhin nje sy ne webfaqen e amazone

http://www.amazon.com/Kosovo-Short-History-Noel-Malcolm/dp/0060977752

Aty mund te lexoni dhe 85 komente te lexuesve (pro dhe kundra)...

[D@mian]

Btw, tema transferohet ne seksionin e historise!

[imodhjom]

Me thene te drejten kti tipit duhet me i thene faleminderit,nga 10 here ne dite!Shpresojme te dale dikush tjeter e te beje ndonje liber per Camerin,se te jete per keta te tanet,aha!

[kleos]

Ishte data 10 qershor e vitit 1878. Në Prizren u mblodh Lidhja Shqiptare, për të cilën historia na ka mësuar se u bë epiqendra e luftës çlirimtare. Sot, pas 130 vitesh nga ajo datë e shënuar, historiani anglez Noel Malcolm deklaron se Lidhja e Prizrenit nuk u mblodh si një lëvizje për çlirimin kombëtar, por për të mbrojtur territorin nga serbët e malazezët. Pasi ka lexuar dokumente osmane në arkivat perëndimore dhe raportet e konsujve të huaj, si atij austriak apo britanik që i kanë njohur mirë personalitetet e Lidhjes, ai ka arritur në konkluzionin se çlirimi nuk ishte qëllimi kryesor, ai erdhi më vonë. Të gjitha këto, Malcolm i ka shkruar në librin e tij "Kosova, një histori e shkurtër". Libri, që u vlerësua dje me çmimin "Libri më i mirë nga një autor i huaj", nga Qendra e Studimeve Albanologjike, mbulon historinë e Kosovës nga fundi i Perandorisë Romake e deri në ditët e sotme. Në faqet e tij, përmes fakteve e dokumenteve bien poshtë shumë prej pretendimeve kryesore të bëra nga historianë nacionalistë serbë, pretendime që kanë shtrembëruar historinë e Kosovës e që për shumë kohë, janë marrë si të mirëqena në tekstet standarde të çdo vendi, përfshi Britaninë dhe Amerikën. Në këtë intervistë, Malcolm rrëfen zbulimet e tij më të mëdha mbi historinë shqiptare dhe kosovare, të gjitha këto të mbështetura në dokumente.

Libri juaj është botuar në vitin 1998. Si është pritur ai nga historianët kosovarë dhe ata serbë?
Në Kosovë besoj se është pritur mirë, por historianët atje nuk janë dakord me të gjitha argumentet e librit, sepse në disa pika unë kam dalë kundër traditës historiografike shqiptare. Për shembull, për Lidhjen e Prizrenit ka një traditë nacionaliste shqiptare se kjo lidhje nga fillimi ka qenë një lëvizje për çlirimin kombëtar. Por unë them se në fillim ishte më e kufizuar dhe kishte një karakter më konservativ për të mbrojtur territorin. Për Lidhjen e Prizrenit kam lexuar dokumente osmane që janë në shqip dhe në arkivat perëndimore kam lexuar raportet e konsujve të huaj, si austriakë apo britanikë, që i kanë njohur mirë personalitetet e Lidhjes. Në fillim ishte një lëvizje që donte të mbronte sistemin tradicional dhe territorin kundër serbëve apo malazezëve, por jo për çlirimin kombëtar. Ky qëllim erdhi më vonë. Në Kroaci, Bosnjë dhe Maqedoni, besoj se e kanë pranuar mjaft mirë, por jo në Beograd. Madje më kanë bërë një lojë. Organizuam një konferencë të veçantë për të diskutuar librin tim dhe në atë moment botojnë një libër kundër timit, dhe në fakt prezantojnë pikërisht këtë të fundit aty. Ishin ftuar 12 historianë serbë dhe secili prej tyre kishte detyrë të më kundërshtonte mua. Është një libër rreth 200 faqe dhe është e çuditshme se e kam lexuar dhe nuk kam gjetur asnjë argument që të kundërshtojë çështjet që unë kisha shkruar, apo ndonjë gabim timin në histori. Unë njoh disa intelektualë serbë që janë pro librit tim, por nuk mund t'i them emrat e tyre, sepse do t'i dëmtoja shumë. Çështja e Kosovës është shumë problematike atje.
Në çfarë dokumentesh jeni mbështetur për të sjellë këtë botim?
Ka qenë pak e vështirë, sepse nuk ka biblioteka ku mund të gjenden libra për historinë e Ballkanit. Unë kam punuar në Londër, në Paris dhe në Romë, por kryesisht në Vjenë, Vatikan, Uashington dhe në Venedik. Në librin tim ka një mungesë, unë nuk kam studiuar në arkivat e Turqisë, sepse nuk e njoh gjuhën osmane. Në arkivat e Austrisë dhe të Italisë kam gjetur dokumente dhe besoj se kam gjetur ato që duheshin.
Një botim i rëndësishëm, i sjellë nga një pikëpamje joserbe. Cilat janë disa nga faktet më kryesore që sjell ky libër?
Shpërngulja e serbëve drejt Kosovës në vitin 1690, kur forcat austriake kanë ardhur në Ballkan dhe në Kosovë, është një fakt me rëndësi. Sipas pretendimeve të Beogradit, pas disfatës së austriakëve, Patrik Arsenie ka ikur me një masë të popullsisë serbe rreth një gjysmë milioni nga Kosova deri në Hungari. Sipas tyre në atë kohë, Kosova ka qenë një territor bosh dhe vetëm pastaj kanë ardhur shqiptarët për të jetuar aty. Kam studiuar dokumentet e Patrikut në arkivat e Vjenës dhe kam parë se kur ai ka shkuar në Hungari, ka shkruar se me vete kanë qenë vetëm 30 mijë njerëz e jo një gjysmë milioni. E dimë se shumica e tyre nuk kanë ardhur nga Kosova, por nga rajoni i Nishit e Beogradit. Shpërngulja masive nuk ekzistonte dhe shqiptarët kanë qenë në Kosovë para shpërnguljes. Sipas tyre, nuk kishte shqiptarë në mesjetë në Kosovë dhe nuk kishte shqiptarë deri nga fundi i shekullit të 17-të, kur pati një eksod të madh të serbëve. Në histori ata shkruajnë se vendi ishte bosh, boshllëk që u mbush nga shqiptarët e ardhur nga Shqipëria veriore. Ka plot dokumente që tregojnë krejt të kundërtën, sepse ka dokumente që vërtetojnë se ka pasur shqiptarë që kanë jetuar në Kosovë përgjatë gjithë epokës mesjetare dhe ka pasur një popullsi të vazhdueshme shqiptare atje. Edhe historia e eksodit masiv të serbëve në 1690-ën, nuk është e vërtetë. Çështja tjetër është ajo e statusit të Kosovës në fillimin e shtetit jugosllav pas Luftës së Parë Botërore. Në çdo libër serb mund të lexoni se kur Kosova ishte e pushtuar nga serbët në Luftën e Parë Ballkanike, ka qenë e integruar në territorin e mbretërisë serbe dhe pas luftës ka qenë një pjesë e Jugosllavisë, sepse ishte pjesë e Mbretërisë serbe. Nga pikëpamja ligjore kjo nuk është e vërtetë. Në pikëpamjen ligjore dhe kushtetuese nuk e kanë integruar në shtetin serb, ishte vetëm një territor i pushtuar. Ajo çka është e vërtetë, është se serbët e kanë qeverisur Kosovën për 250 vjet derisa erdhën në Ballkan trupat e para osmane, në shekullin e XV-të. Nuk mund të themi se ka qenë një pjesë e Jugosllavisë, ata mund të kenë nënshkruar traktate, por nuk i kanë ratifikuar. Ligjërisht Kosova nuk ishte e përfshirë në mbretërinë serbe në vitin 1912. Ajo vazhdoi të ishte territor i okupuar deri pas 1918-ës, kohë kur Kosova u "fut", jo në shtetin serb, por në Jugosllavi dhe përveç një periudhe gjatë Luftës së Dytë Botërore, ajo mbeti pjesë e Jugosllavisë deri në vitin 2006.
Çfarë ju ka nxitur ju të botoni këtë libër mbi Kosovën?
Unë si historian jam shumë i interesuar për historinë e Ballkanit dhe kam shkruar një libër për historinë e Bosnjës gjatë luftës së saj. E kam shkruar librin me qëllim që të kundërshtoj propagandën serbe për luftën e Bosnjës. Duke shkruar atë libër, mendova se ishte i nevojshëm një libër edhe për historinë e Kosovës sepse problemi ishte i njëjti. Çështja politike ishte e përzier me pretendime historike të serbëve, të pabazuara në fakte. Nuk ekzistonte asnjë libër në perëndim për historinë e Kosovës, përveç librave që ishin botuar në përgjithësi për ish-Jugosllavinë dhe ishin sipas pikëpamjes së Beogradit. Shpresoj se kam shkruar jo si ideologjist, por si historian. Sepse për të ndihmuar situatën politike ishte e domosdoshme një histori objektive.
Një libër i shkruar gjatë luftës së Bosnjës dhe një libër para luftës së Kosovës...
Librin e Bosnjës e kam shkruar shumë shpejt, dhe menjëherë vendosa të bëja kërkime për librin mbi Kosovën dhe kisha shumë kohë në dispozicion. E botova në vitin 1998 dhe ia dhashë edhe Veton Surroit për ta botuar në Prishtinë. Më vjen mirë që e botova para luftës, sepse politikanët në Uashington dhe Londër kishin mundësi ta lexonin kur morën vendimin për të ardhmen e Kosovës. Shpresoj të kem ndikuar për mirë.

http://balkanweb.com/gazetav5/artikull.php?id=49994

[Bizantin]

Librin në fjalë e zotëroj unë në anglisht. Kush do referenca, faqe etj mund të më kërkojë.

Nga sa di ka qarkulluar edhe përkthimi në shqip.