Shoqata "Ballistet" apelon tek Ballistet dhe qytetatert te perkrahin protestat
Me moton "Kosova e pavarur, Maqedonia në Nato"
Tubimi do të mbahet në sheshin e Tetovës, më 19 tetor në ora 15 ku do të promovohet vullneti i lartë politik i shqiptarëve të Maqedonisë rreth Kosovës së pavarur dhe integrimit të vendit në NATO
“Kosova e pavarur, Maqedonia në NATO” është motoja e tubimit paqësor që do të mbahet në sheshin e Tetovës, më 19 tetor nën organizimin e Partisë Demokratike Shqiptare. Këtë vendim e ka marrë kryesia qendrore e PDSH-së të shtunën në mbrëmje dhe me anë të të cilit do të promovohet vullneti i lartë politik i shqiptarëve të Maqedonisë.
Pas mbledhjes, nënkryetari i partisë Imer Selmani, ka deklaruar se kriza rreth Kosovës për Partinë Demokratike Shqiptare nuk ka për objektiv vetëm atë, por tërësinë e procesit që zhvillohet në Ballkan.
“Lidhur me paqen, stabilitetin dhe integrimet në NATO dhe BE, për Maqedoninë dhe gjithë shtetet e Ballkanit, kohëve të fundit janë krijuar shqetësime për problem tashmë të zgjidhur, e ajo është çështja e pavarësisë së Kosovës, ku në fakt nga disa qarqe synohet, të parandalohet edhe hyrja e Maqedonisë në BE”, ka deklaruar Imer Selmani. Këtë çështje PDSH-ja, veç më e ka konfirmuar nga vullneti i shumë shprehur i gjithë qytetarëve të Maqedonisë, në shumë raste në formën më konfigurale, tha Selmani. Sipas tij, kryesia e partisë e analizoi edhe politikën destruktive dhe të dështuar të Serbisë, e cila, siç tha Selmani gjithmonë tenton të krijojë kriza globale.
”PDSH, duke bërë analizë të qartë dhe precize, vlerëson se nuk mundet të rijmë duarkryq dhe të tolerojmë zhvillime të killa të cilat para së gjithash janë të rrezikshme, prandaj kryesia qendrore e PDSH-së mori vendim të rëndësishëm për mbajtjen e një tubimi paqësor, senzibilizues”, deklaroi nënkryetari i PDSH-së, Imer Selmani. Ai tha se tubim i cili do të në orën 15.00 në sheshin e Tetovës, organizohet në emër të synimeve dhe interesave kombëtare shqiptare dhe interesave të qytetarëve të Maqedonisë.
”PDSH-ja, fton të gjitha partitë tjera politike, bashkësitë fetare, organizatat joqeveritare, unionet e studentëve dhe gjithë ata të cilët i`a duan të mirën popullit shqiptar të Maqedonisë dhe Ballkanit që t`i bashkëngjiten këtij tubimi, të ditës së premte ku në këtë tubim, do të promovohet edhe njëherë vullneti i lartë politik i shqiptarëve të Maqedonisë dhe njëherit do të konfirmohet se ardhmëria e Ballkanit është Kosova e pavarur dhe Maqedonia në NATO dhe anëtare e Bashkimit Evropian”, tha Selmani.
Ai më tej bëri të ditur se kryetari i Partisë Demokratike Shqiptare, Menduh Thaçi,
ka konfirmuar pjesëmarrjen dhe përkrahjen e Partisë për Prosperitet Demokratik, përkrahjen e bashkësive fetare islame, unionet e studentëve të UEJL-së dhe USHT-së dhe disa organizatave tjera joqeveritare.
Postuar më parë nga bufii
Krijoni Kontakt