Recenzion për librin "Prej kalit..." nga Arben Llalla

[lindi-mk]

Veshi i lexuesit shqiptar nuk duron fjalë të pista

Nga Arben LLALLA

Këto ditë lexova librin e publicistit dhe shkrimtarit Kim Mehmetit me titull "PREJ KALIT TË BARDHË DERI TE RRUGAÇËRIA PARTIAKE". Sipas autorit të gjithë aktorët e librit do të mbeten në përralla që gjyshërit do t`u tregojnë brezave të ardhshëm dhe si rrjedhim libri do të ketë fatin për pasurimin e përrallave që gjyshërit do të tregojnë për t`i zënë gjumi fëmijët. Në të vërtetë gjumi e rrit fëmijën, por populli që fle, në gjumë vdes. Ka thënë Ismail Qemali.
Më kujtohen përrallat që më tregonte gjyshi im për të më zënë gjumi. Mbaj mend më mirë përrallën e Kësulëkuqes të cilës ujku i hëngri gjyshen dhe u vesh si ajo (ka variante të ndryshme, por mua gjyshi në këtë variant ma tregonte). Rojtari i pyllit kur e vrau ujkun e nxori të gjallë gjyshen nga barku i tij. Sa herë që e rikujtoj këtë përrallë më vjen për të qeshur. Gjyshi im gjatë tregimit të përrallave nuk përdorte fjalët e pista apo fjalët e ndyta siç i quajmë disa fjalë rrugaçësh që përdorin disa njerëz të pashkolluar dhe të paedukuar mirë vend e pavend. Fjalë që shpeshherë përdoren nëpër çajtore dhe kafene të burrave duke luajtur lojëra zbavitëse.
Në librin e përrallave fëmijët do të mësojnë për disa njerëz, parti, grupe mafiozë etj. të cilët autori i librit që u shpërnda falas me gazetën LAJM, shpeshherë i etiketon me fjalë jo të hijshme, që nuk duhen të përdoren nga publicistët, shkrimtarë apo njerëzit e ndryshëm që pretendojnë me shkrimet e tyre të edukojnë lexuesit. Pra, në fjalorin e gazetarit, publicistit apo shkrimtarit të mirë nuk i lejohet të etiketojë me fjalë ofenduese personazhet e tij si: të ngjashëm me "kurvat" në shtëpi publike, fq.10, "makro" i kurvave partiake, fq.13, selitë alternative dhe bordelet partiake, fq.185, "bordelet" partiake, "kurvat" politike, fq.201, "bordelet" e nëntokës politike, "bordelet partiake", fq.202, e me mamanë "kurvë", fq.212, nëpër "bordelet" politike, fq.227, të sillesh si "kurvë" e pamoralshme, fq.261. Fjalë të pista dhe të ndyta që i lexojmë në librin e z.Kim Mehmetit.
Njerëzit dhe partitë që sado pak kanë qenë aktor pozitiv apo negativ, të mëdhenj apo të vegjël në ngjarjet politike dhe kulturore të kombit shqiptar në Maqedoni, tek e fundit ata kanë një personalitet të tyre dhe nuk është mirë të përflitet me epitete ofenduese, sepse kështu i edukojmë lexuesit me kulturë rrugaçërie. Autori fare mirë mundej të përdorte fjalët: dyfytyrësitë, pafytyrësitë, njerëz të pabesë, shpërdorues të besimit të popullit, parti të interesave ekonomike, parti të bizneseve private, etj.
Përrallat janë më shumë sajime popullore, të zbukuruara dhe vlejnë për të vënë në gjumë vogëlushët. Ndërsa ngjarjet e ndodhura nëpër shekuj dhe vite të regjistruara në mendjen e popullit dhe të shkruara në libra hyjnë në histori. Në historinë që do të shkruhet për ngjarjet e pas viteve 1990 në lidhje me shqiptarët në Maqedoni ndër të tjera brezi i ardhshëm do të mësojë dhe do të bëjë krahasime se si Hasan Prishtina ishte shumë i pasur, por që pasurinë e tij e shkriu për çështjen madhore shqiptare. Ai pat mbledhur t? holla për t? çuar në shkollën normale të Elbasanit djemtë shqiptarë nga Kosova.
Do të mësojnë se si disa shqiptarë të varfër që punonin për çështjen kombëtare pas viteve 1990, në emër të kombit dhe shqiptarizmës bënë pasuri të madhe. Brezi i ardhshëm do të mësojë nga historia se Hasan Prishtina nuk pranoi kolltukun e deputetit në Kuvendin e Turqisë, por më mirë pranoi të vdiste rrugëve të botës, duke punuar për çështjen shqiptare. Ndërsa disa shqiptarë pas viteve 1990 braktisën çështjen kombëtare për kolltukun e deputetit. Fëmijët tanë kur të rriten do të mësojnë se shqiptarët e Shqipërisë i dorëzuan armët e rrëmbyera në çmendurinë e vitit 1997 me shpërblim. Përmendim dorëzimin e armëve në qytetin e Gramshit, ku për çdo armë të dorëzuar vullnetarisht u dhurua një numër telefoni shtëpiak falas që për atë kohë ishte një luks në familjet shqiptare dhe kushtonte rreth 150 dollarë. Atë periudhë erdhi në qytetin e Gramshit aktori i madh i Hollivudit Majkëll Dagllas i cili për çdo armë të dorëzuar vullnetarisht dhuroi numrat e telefonit dhe shumën e të hollave (më duket mbi 1.5 milion dollarë) për ndërtimin e centralit telefonik të ri të qytetit. Ndërsa ish- ushtarët e UÇK-së në 2001 i dorëzuan armët e blera pa shpërblim.
Trashëgimtarët tanë do të mësojnë se Hasan bej Prishtina ka qenë një nga personalitetet dhe figurat më të shquara të Lëvizjes sonë Kombëtare. Ky ideolog i shquar, dhe udhëheqës i palodhur i kryengritjes së përgjithshme për pavarësinë e tokave shqiptare, tërë pasurinë e dha për çështjën kombëtare shqiptare. Lirisht mund të thuhet se veprimtaria e tij luftarake gjatë muajve maj-gusht 1912 e përgatiten ngritjen e Flamurit në Vlorë. Ndërsa sot ne nuk mund të japim vlerësime përfundimtare për personalitetet që ende janë gjallë. Dhe kanë punuar dhe punojnë për çështjen kombëtare, sepse ndoshta deri në fund të jetës së tyre mundet të devijojnë, të bëjnë tradhëti kombëtare.

Çfarë mësojmë nga ky libër
Nga libri i publicistit dhe shkrimtarit Kim Mehmetit me titull "PREJ KALIT TË BARDHË DERI TE RRUGAÇËRIA PARTIAKE", mësojmë se krisma e parë e luftës së 2001 nuk ka nisur më 14 mars 2001, siç e festojnë disa integristë vit për vit me daulle, por në muajin shkurt. Lufta nuk ka nisur në Tetovë, por në Tanushë. Luftën nuk e paska nisur z.Ali Ahmeti me shokë, por disa shqiptarë nga fshati Tanushë. Në libër më shumë lexojmë fjalët KURVË, BORDELO se sa emrat e personaliteteve që kanë luajtur rol vendimtar në politikën shqiptare si z.Ymer Ymeri dhe z.Kastrot Haxhirexha. Mësojmë se qendra e regjistruar e BDI nuk qenka në Reçicë të Vogël, ku punon dhe vepron kryetari i saj z.Ali Ahmeti, por na qenka në Shkup.
Autori e krahason kandidimin me partitë të PDK, BDI të prof.dr.Fadil Sulejmanit për deputet në Kuvendin e Maqedonisë me jevgun që ndërron kuajt. Autori harron se PDK dhe BDI e lutën profesorin e nderuar të kandidohet në emër të partive të tyre për përfitimin e sa më shumë votave me paraqitjen e figurës së tij madhështore. Të mos harrojmë se prof.dr.Fadil Sulejmani ka librezën e anëtarësisë së partisë më të shquar, atë të ARSMIT SHQIP, që e udhëheq kryetari i quajtur Universiteti i Tetovës, sot USHT.
Po kështu autori i etiketon njerëzit me ngjyrë me epitetin ofendues raciste JEVG. Kjo nuk është normale për publicistin dhe shkrimtarin Kim Mehmeti të injorojë qytetarët me ngjyrë, sepse vërejmë shfaqen e ndjenjave raciste.
Libri pas 50 viteve kur zakonisht hapen arkivat për studiuesit të historisë do të vlerësohet për vlerat dhe antivlerat e tij dhe vendin që do të zërë në histori.

Brenga e autorit
Autori i librit është i brengosur dhe i shqetësuar pse Tetova është qendra e partive politike shqiptare, qytet që ka dy universitete, qyteti i teatrove dhe kulturës shqiptare në Maqedoni. Qyteti që është bërë kryeqytet i shqiptarëve në Maqedoni, qytet i rëndësishëm për rëndësinë e zhvillimit të jetës politike, kulturore dhe shoqërore i krahasuar me Tiranën dhe Prishtinën. Vend që sipas mendimit të autorit duhet t`i takojë Shkupit. Sipas rëndësisë historike të viteve të mëparshëm shkrimtari ka të drejtë, sepse deri në korrik të 1908, Shkupi ishte kryeqendra e Shqipërisë etnike, atë kohë rreth 45 mijë shqiptarë të ardhur nga Çamëria e deri nga Mitrovica u tradhtuan për ta shpallur autonominë e Shqipërisë etnike me kryeqendër Shkupin. Me tej ata marshuan për në Selanik dhe ngritën flamurin e xhonturqve dhe jo të shqiptarëve. Që atëherë Shkupi e humbi vendin që i takonte. Ngjarjet e ndodhura pas atij viti tregojnë se qytetit i Tetovës ka nxjerrë burra që kanë luajtur rol të rëndësishëm në historinë e kombit shqiptar. Ministri i parë i mbrojtjes së shtetit shqiptar ishte Mehmet Pash Derralla i cili vinte nga rrethinat e Tetovës. Shqiptarët e Tetovës janë ata që organizuan aktivitetet kulturore duke e gjallëruar edhe më shumë jetën e shqiptarëve të Maqedonisë pas viteve 1990. Faji nuk është i shqiptarëve të Tetovës sepse çdo shqiptar e ndjen veten të sigurt dhe shqiptarë në më shumë në Tetovë se sa në Shkup. Por faji që Shkupi nuk është bërë deri tash kryeqendra e tretë shqiptare bie mbi një pjesë të klasës intelektuale të shqiptarëve të Shkupit, të cilët më shumë preferuan të bëhen anëtarë të shoqatave dhe klubeve të etnive të tjera, të kontribuojnë për zhvillimin e këtyre etnive se sa për zhvillimin e etnisë së tyre shqiptare. Prandaj shkrimtari Kim Mehmeti sqarimin e kësaj brenge ta kërkojë tek vetvetja dhe tek elita intelektuale shqiptare që jetojnë dhe veprojnë në Shkup.

Përfundimi
Pas përfundimit të librit kuptojmë se autori është i njëanshëm duke ngritur lart dhe tepruar figurën e mikut të tij të njëanshëm z.Ali Ahmetit (shpeshherë z.Kim Mehmeti deklaron se ai e ka mik z.Ali Ahmetin, por nuk e di nëse z.Ali Ahmeti e ka mik atë). Kështu në fq.14, ai shkruan: " kur do rrëfejnë se Ahmeti ishte njeriu i cili në vitin 2001, shqiptarëve të Maqedonisë, ua solli vlerën më të madhe historike: shenjën e kryengritjes së parë të tyre autoktone-atë të UÇK-së-dhe Marrëveshjen e Ohrit".
Z.Kim Mehmeti o nuk e njeh historinë e shqiptarëve të Maqedonisë ose ka marrë për detyrë të shtrembërojë faktet e vërteta historike. Kryengritja e 2001 nuk ka qenë as e para e nuk do të jetë as e fundit kryengritje që shqiptarët e Maqedonisë kanë bërë dhe do të bëjnë për të fituar të drejtat e tyre më elementare, për të mbrojtur gjuhën, historinë dhe kulturën shqiptare. Z.Ali Ahmeti kur erdhi në luftën e 2001 e gjeti luftën e filluar, i gjeti djemtë dhe vajzat shqiptare me armë në dorë, me veshjen e UÇK-së. Kjo është e vërteta i pëlqen apo nuk i pëlqen dikujt.
Gjithashtu dua të them se njerëzit që pretendojnë të ofrojnë kulturë dhe dije me anë të shkrimeve të tyre që i botojnë nëpër gazeta dhe libra nuk duhet në fjalor të përdorin fjalë të pista dhe të ndyta. Nuk duhet të etiketojnë njerëzit që janë personazhe në librat e tyre me epitete ofenduese, sepse tek e fundit çdo njeri ka personalitetin e tij dhe asnjëri prej nesh nuk e ka të drejtën morale të bëjë ofendime me fjalë të tilla. Fjalori i gjuhës shqipe që po pasurohet nga dita në dit ka dhe alternativa të tjera për etiketimin e personalitetet në fjalë me fjalë më edukative. Sidoqoftë libri i autorit Kim Mehmetit ka vlerat e veta, ka lexuesit që e vlerësojnë dhe e nënvlerësojnë dhe si çdo libër është mirë të jetë në bibliotekën e çdo dashamirësi të librave.
Ndjeva keqardhje si publicist dhe shkrimtar kur lexova fjalët e pista dhe të ndyta në librin e autorit Kim Mehmetit me titull "PREJ KALIT TË BARDHË DERI TE RRUGAÇËRIA PARTIAKE", sepse shoqëria jonë shqiptare ende nuk është e përgatitur të pranojë fjalor të tillë.

Mendimet e juaja lidhur me kete shkrim?

[Periodi]

Kush po i'a var analazes se ketij far psedointelektuali dhe te vet perlqyeri Arben Lalla..
Paska ardh me dy rreshta ti mbaj ders lexuesve te libirt e ne vecanti K. mehmetit per gjoja leshimet qe i paska bere ne Librin shum te lexuar dhe kekruar ne Maqedoni rreth ngjarjeve politike dhe kronologjike nga v.1990 e deri ketu.

Po nuk ia ze per te madhe, se ky Arben Llala duhet ti arsyetoj mjetet te cilet i mer her pas here nga boosat e tij te cilet kryekeput jan autor negativ ne librin e K.Memetit me ndonje shkrim alla-edukativo propagandistik.

[lindi-mk]

Periodi, se pari me vjen mire qe je nder ato qe ke lexuar kete liber, i cili mua si nje i ri me beri te kuptoj shume gjera qe kane ndodhur ne vendin tone.Sepse fatkeqsisht ky popull ende se kuptoj qe cdo lexim i librit ka peshen e vete kush me te madhe e kush me te vogel.Andaj une sjam kunder kesaj qe Arben Llalla ka shprehur mendimin e tij, sepse cdokush e ka ate te drejte, qe sipas perfundimeve te veta te jape vlersimin por nga kendveshtrimi i tij.

[Periodi]

Periodi, se pari me vjen mire qe je nder ato qe ke lexuar kete liber, i cili mua si nje i ri me beri te kuptoj shume gjera qe kane ndodhur ne vendin tone.Sepse fatkeqsisht ky popull ende se kuptoj qe cdo lexim i librit ka peshen e vete kush me te madhe e kush me te vogel.Andaj une sjam kunder kesaj qe Arben Llalla ka shprehur mendimin e tij, sepse cdokush e ka ate te drejte, qe sipas perfundimeve te veta te jape vlersimin por nga kendveshtrimi i tij.

Cdo kush paska te drejt te shpreh mendimin e tij ne boten demokratike, egzakt .. po edhe une e bere pikerisht kete gje kundrejt ketij far Arben Llules,

A , a po kupton ?

[lindi-mk]

Po, po te kutpoj plotesisht.
Respekte