Kuvendi voton shkarkimin e kryeprokurorit Sollaku, Topi e dekreton shkarkimin

[Barlet23]

Me vjen shume keq qe ka akoma njerez te indoktrinuar nga media jone e qelbur dhe qe vazhdojne te bejne opozite ne vend qe te paraqesin realitetin ke populli. Megjithate fajin e kane pushtetaret e sotem qe akoma nuk kane nje konkurence mediatike dhe kjo per faktin se ato nuk mund te liçensojne disa plehra siç jane liçensuar ne kohen e Tos Qorrit me shoke. Ky eshte nje realitet i hidhur por i vertete.
Per sa i perket temes mua me vjen te qesh me paftyresine e Sollakut qe sa vjet ne ate post nuk hapi asnje dosje per gjithe ato krime te bera perkundrazi ai e ndihmoi krimin e organizuar. Kur ato komunista (sot socialista ) ishin te bindur se lufta e 97 kishte ardhur nga demokratet athere pse nuk u hap asnje dosje dhe te denoheshin ata qe ishin gjoja shkaktaret e 97., por jo duhet te vinin perseri demokratet ne pushtet qe ato te hapen perseri. Sot ne gjendemi perballe nje investimi kolosal siç eshte ajo e rruges Durres - Morine qe do te lidhi Shqiperine me Kosoven per 2 ore dhe qe ka nje domethenje te madhe per ekonomine e vendit por ne vecanti per turizmin. Por keto gjera nuk i hyn shume ne pune Sollakut se ai e ka mendjen te posti dhe i konsultuar me te gjithe ato qe kane dhe dosje atje ne prokurori mundohet te nxjerri shkelje per rrugen sepse kjo eshte shpresa e fundit e nje njeriu fatkeq qe kaq e pati.

[ClaY_MorE]

Komisioni i Ligjeve vendos për hetimin e Kryeprokurorit. Votojnë kundër PDK e PBDNJ

"Kërkesa e 28 deputetëve për hetimin tim është antikushtetuese". Ky ka qenë thelbi i deklaratës së bërë dje në Komisionin e Ligjeve nga Prokurori i Përgjithshëm Theodhori Sollaku. Në një fjalim prej dhjetë faqesh, Sollaku me një qetësi "olimpike" ka renditur një nga një, të gjitha arsyet që sipas tij kërkesa e 28 deputetëve të mazhorancës është në kundërshtim me Kushtetutën dhe me parimet e rendit juridik në një shtet demokratik, por në të njëjtën kohë përbën edhe një zhvillim të rrezikshëm në drejtim të paralizimit të plotë të institucioneve kushtetutshmërisht të pavarura në Shqipëri dhe vënien e tyre përfundimisht nën varësinë e ekzekutivit. Sollaku theksoi se "e kam shprehur tashmë vullnetin tim për të kontribuar pa asnjë rezervë në reformimin e sistemit, edhe sikur ky reformim të sjellë pashmangshmërisht largimin tim nga detyra e Prokurorit të Përgjithshëm. Mbajtja e postit me çdo çmim nuk është pjesë e projekteve të karrierës sime profesionale. "Kërkesa e paraqitur, në thelb ripërsërit në formën e një stereotipie absurde, të njëjtat argumente të paraqitura një vit më parë, por të parashtruara në një mënyrë tjetër. Si e tillë, ajo nuk sjell asgjë të re që të meritojë vëmendje të posaçme", tha Sollaku. Kryeprokurori i Republikës deklaroi gjithashtu se kërkesa e re është parimisht jokushtetuese dhe nuk duhet të merret në shqyrtim për këto arsye themelore: "Së pari, nisma e ndërmarrë nga 28 deputetët e Kuvendit është jokushtetuese, sepse synon të ndërhyjë përsëri në kompetencat e një organi që kushtetutshmërish nuk është në varësinë e Kuvendit. Së dyti, nisma e re vjen në kundërshtim edhe me një nga parimet bazë të së drejtës, të shprehur me sentencën e njohur, që nuk ka gjykim dy herë për të njëjtën çështje. Tashmë, po paraqitet sërish një kërkesë e re në formë, por e njëjtë në përmbajtje, për të ripërsëritur të njëjtën procedurë, e mbështetur në arsyen e vetme se vendi ka një President të ri, me besimin e shumicës parlamentare se tashmë kërkesa do të pranohet.

Së treti, kërkesa e re është e paligjshme edhe në aspektin e lëndës që ripropozon për të filluar sërish procedurat e shkarkimit. Sollaku ka kundërshtuar të katër pikat mbi të cilën mazhoranca ka ngritur akuzën, duke theksuar se së pari, është për të ardhur keq që vazhdohet të operohet me shifra statistikore jo vetëm të pasakta. Së treti, në kërkesë vërehet se vetëm një numër i vogël i vendimeve të mosfillimit apo të pushimit të hetimeve ankimohen në gjykatë dhe pasojë e saj qenkan ‘praktikat e gabuara që kanë zënë vend nën drejtimin e Sollakut në institucionin e prokurorisë...‘. Ky konstatim është krejt pa lidhje, sepse të drejtën e ankimit e kanë të dëmtuarit. Vlerësoj që zotërinjtë deputetë duhet t‘i studiojnë faktet që u serviren. Së katërti, në kërkesën e re pretendohet "trajtim i papërgjegjshëm i marrëdhënieve juridiksionale me shtetet e huaja" apo "uzurpim" i pushteteve të ministrit të Drejtësisë. Asgjë të vërtetë nuk ka në këto parashtrime. Hartuesit e kërkesës së servirur deputetëve nuk mund të gjejnë dot asnjë rast për të ilustruar absurditetet që shkruajnë. Praktika administrative dhe procedurale për kërkimet ndërkombëtare nga ana e prokurorisë, ka qenë në zbatim të ligjit dhe nuk ka pasur asnjë ankesë apo humbje besimi nga homologët e huaj. Çështja e urdhrave të arresteve ndërkombëtare ka gjetur tashmë përgjigje prej kohësh dhe qëndrimi i Prokurorisë Shqiptare është i drejtë dhe i ligjshëm, mbështetur në dispozitat procedurale. Për kaq sa është shkruar në material mbetet të ripërsërisim komentet e njohura mbi mohimin jo nga Prokuroria, jo nga Prokurori i Përgjithshëm, por nga Kushtetuta dhe ligjet e vendit të mundësisë së ekstradimit të shtetasve shqiptarë, përveç rasteve kur ekziston një marrëveshje që mundëson sa më lart. Një marrëveshje të tillë, Shqipëria e ka vetëm me SHBA-në dhe ajo daton shumë vite më parë. Së katërti, nuk kanë themel në lëndën e kërkesës për shkarkim edhe rastet e përfolura të lirimit me vendim gjyqësor të personave nga vuajtja e dënimit me burgim për shkak sëmundjesh, të konstatuara nga aktet përkatëse të ekspertimit. Hetimet po kryhen me seriozitetin maksimal. Por, Prokuroria duhet të respektojë të gjitha procedurat që garanton çdo shtet i së drejtës, kur pasoja e prezumuar vjen si rezultat i një vendimi gjyqësor. Vlerësimi se kërkesa për heqjen e imunitetit të gjyqtarit duhet të ishte kryer "... të paktën 4 muaj më parë".


Mazhoranca çahet për Sollakun

Ligjshmëria e kërkesës së 28 deputetëve të PD-së për ngritjen e komisionit hetimor për shkarkimin e Kryeprokurorit Sollaku ka përçarë mazhorancën qeverisëse. Dy deputetë të koalicionit të djathtë: Tom Doshi i PDK-së dhe Spiro Peçi i PBDNJ-së kanë bashkuar votat e tyre kundër, me opozitën, duke mos qenë dakord me ngritjen e komisionit hetimor të kërkuar nga mazhoranca. Por pavarësisht këtyre votave kundër, Komisioni i Ligjeve ka arritur të miratojë kërkesën e 28 deputetëve me 11 vota pro dhe 9 kundër, duke ia kaluar kështu për votim Kuvendit. Në mbledhjen e djeshme të Komisionit të Ligjeve, ashtu siç e kërkon edhe rregullorja e Kuvendit ka qenë i pranishëm edhe Kryeprokurori Theodhori Sollaku, i cili pasi ka dëgjuar nga deputeti i PD-së, Sali Shehu, arsyen pse mazhoranca kërkon shkarkimin e tij, ka mbrojtur veten duke kundërshtuar të katër pikat e paraqitura nga mazhoranca si argument për shkarkimin e tij. Sipas Sollakut, kërkesa e 28 deputetëve të mazhorancës është antikushtetuese, sepse synon të ndërhyjë përsëri në kompetencat e një organi që kushtetueshmërisht nuk është në varësi të Kuvendit dhe që ka detyrimin që funksionet e tij t‘i përmbushë ne respekt të Kushtetutës. Sipas Sollakut, në thelb, kërkesa ripërsërit në formën e një stereotipi absurd të njëjtat argumentet të paraqitura një vit më parë, por të parashtruara në një mënyrë tjetër. Pas fjalës së Kryeprokurorit Sollaku kanë nisur diskutimet mes deputetëve të pozitës dhe opozitës, të cilat ashtu si edhe një vit më parë kanë ndarë qëndrime të kundërta. Opozita ka vazhduar të këmbëngulë në qëndrimin e saj se kërkesa për ngritjen e një komisioni hetimor për Kryeprokurorin Sollaku është antikushtetuese. Ndërsa mazhoranca, nga ana e saj, ka theksuar sërish se kërkesa për shkarkimin e Sollakut është bazuar në ligj dhe në respekt me Kushtetutën. Nënkryetari i Komisionit të Ligjeve, deputeti i PS-së, Fatmir Xhafa, u ka bërë disa pyetje kolegëve të tij në komision ku u ka kërkuar të përcaktojnë qartë se cilat janë nenet dhe ligjet e Kushtetutës mbi të cilat mazhoranca ka ngritur kërkesën e saj që Kryeprokurori nuk i ka respektuar gjatë ushtrimit të detyrës së tij. Kësaj pyetjeje është munduar t‘i përgjigjet kryetari i Komisionit të Ligjeve, Fatos Beja, i cili ka mbrojtur qëndrimin e 28 deputetëve që Kryeprokurori ka shkelur ligjin, por ai nuk ka dashur të japë shumë detaje me argumentin se puna e Komisionit të Ligjeve nuk është të bëjë një analizë të tillë, por të vlerësojë nëse kërkesa është në përputhje ose jo me ligjin dhe më pas është komisioni hetimor ai që do të merret me detajet nëse Sollaku e ka shkelur ligjin apo jo. Përpjekje për t‘u mbushur mendjen deputetëve të opozitës se nisma e mazhorancës është në përputhje me Kushtetutën kanë bërë edhe deputetë të tjerë të PD-së në Komisionin e Ligjeve. Aldo Bumçi ka theksuar se vendimi i Gjykatës Kushtetuese të dhjetorit 2006, të cilin e përdorin si argument mbrojtës deputetët e opozitës se nisma nuk është legjitime, "nuk bie ndesh me kërkesën e shumicës, pasi ky i fundit nuk shprehet për shfuqizim të nismave të Kuvendit për komisione hetimore, në këtë rast ndaj Kryeprokurorit, i cili, sipas ligjit, shkarkohet dhe me shumicë të thjeshtë votash nga Parlamenti".


Gazeta Shqip

[ClaY_MorE]

Këshilli i Rregullores së Kuvendit shqyrton shkresën e Sollakut

Kryetarja e Kuvendit, Jozefina Topalli, pas kthimit nga vizita e saj njëjavore në Kanada, ka nisur punën me shqyrtimin e kërkesës së prokurorit të Përgjithshëm për heqjen e imunitetit të deputetit të PD-së, Lulzim Basha. Dje Topalli ka mbledhur Këshillin e Imunitetit, një strukturë e cila ka përfaqësim të barabartë mes mazhorancës dhe opozitës. Kryetarja e Kuvendit u ka shpërndarë të gjithë anëtarëve të këshillit të imunitetit për shqyrtim materialin e sjellë nga Prokuroria e Përgjithshme, si dhe letrën e deputetit Basha. Gjithashtu, letra e Bashës drejtuar Sollakut u është shpërndarë dje në seancën e pasdites edhe të gjithë deputetëve të Kuvendit. Anëtarët e këshillit të imunitetit dhe mandatit janë njohur në parim me kërkesën e Prokurorisë së Përgjithshme për heqjen e imunitetit të deputetit Basha dhe pritet që në fillim të javës që vjen të bëhet një tjetër mbledhje për të nisur shqyrtimin në detaje të kësaj kërkese. Sipas nenit 118, pika 3 e rregullores së Kuvendit, "në përfundim të shqyrtimit, këshilli, brenda 4 javëve, harton një raport për në seancë plenare, në të cilin rekomandon rrëzimin ose miratimin e dhënies së autorizimit për fillimin e ndjekjes penale ndaj deputetit". Para se të bëjë raportin për Kuvendin, bazuar mbi dokumentacionin e Prokurorisë së Përgjithshme, ky këshill është i detyruar të dëgjojë edhe shpjegimet e deputetit për të cilin kërkohet fillimi i ndjekjes penale. Në bazë të nenit 118 të rregullores së Kuvendit, deputeti, për të cilin kërkohet dhënia e autorizimit, lajmërohet për kërkesën e bërë dhe dokumentet që e shoqërojnë atë, si dhe i bëhet e ditur koha në të cilën Këshilli për Rregulloren, Mandatet dhe Imunitetin do të fillojë shqyrtimin e kërkesës. Deputeti ka të drejtë të paraqesë në këshill, me shkrim ose me gojë, shpjegimet dhe vërejtjet e tij rreth çështjes. Shqyrtimi i kërkesës për dhënien e autorizimit për fillimin e ndjekjes penale ose arrestimin e një deputeti vendoset si pikë e parë e rendit të ditës të seancës së dytë pasardhëse, pas paraqitjes së raportit të Këshillit për Rregulloren, Mandatet dhe Imunitetin. Në seancë plenare fjala i jepet në fillim deputetit, ndaj të cilit është paraqitur kërkesa, për të dhënë shpjegime ose për t‘iu përgjigjur pyetjeve të deputetëve. Raporti i këshillit nuk është objekt diskutimi. Kuvendi vendos me votim të fshehtë nëse do të jepet ose do të rrëzohet dhënia e autorizimit për fillimin e ndjekjes penale ndaj deputetit. Në rastin kur Kuvendi nuk merr vendim për dhënien ose mosdhënien e autorizimit për fillimin e ndjekjes penale, ose të arrestimit të një deputeti brenda 3 muajve nga data e paraqitjes së kërkesës përkatëse, atëherë kërkesa konsiderohet e rrëzuar nga Kuvendi. Përcaktimet e bëra në këtë nen zbatohen edhe në rastet e dhënies së autorizimit për fillimin e ndjekjes penale ose për dhënien e autorizimit për arrestimin e anëtarit të Këshillit të Ministrave.


Gazeta Shqip

[Brari]

te dh.je,fsha mu ne kushtetute qe ke bere o sabri godua i arben imamit..

baza e nje shteti demokratik duhet te jete vota.. e nga vota duhet te rrjedhin gjith pushtetet..

voton populli qeverri e parlament.. dhe nje m.ut prokurori eshte mbi te gjithe..
atij ska ci ben as qeverria..as vota e popullit as parlamenti..as presidenti..
nje kanibal vlore mbasi vrau e preu ke desh nja 10 vjet rresht.. i fut dhe nje plumb shoferit te prokurorit.. ne sy te femijes e gruas..dhe me ate kobure behet i plotfuqishmi i shqiperise me rezidenc ne bruksel.. dhe tjeret ata te votuarit nga populli .. lehin e vetem lehin..
bravo altin arapi.. ti je mbi te gjithe..

[klevis2]

Ca lidhje ka ky postimi mo Brari (t`emen sje lodhur akoma duke shkruar ne kete forum or taj!) me faktin qe i jane vjedhur miliona dollare shtetit dhe popullit shqiptar nga ca pisa qe jane kushedi sesa me keq se Altin Arapi e s`pyesin as prokurori as per shtet! Te dh`jefsha tipat si Lulka e Berishka qe votat i marrin Verdovarce!

Ik or ti e ha ndonje kokoshke andej nga Tajlanda me ndonje pedofil si puna e Filip Cakullit!

[RaPSouL]

Komisioni “Sollaku 2”, Ndoka: Reforma ne drejtesi te mos fokusohet ne emra

Sipas kreut te demokristianeve Nard Ndokes PDK nuk do shkoje me syte mbyllur per te votuar shkarkimin e Sollakut. Cdo vendim sipas tij do te vije pas nje analize

Partia Demokratike duket se do shkoje e vetme ne votimin qe pas nje muaji do t;i beje konkluzionit te komisonit “Sollaku 2”, pra per shkarkimin e prokurorit te pergjithshem. Pas PBDNJ-se edhe Demokristianet jane kunder nje reforme ne drejtesi qe te fokusohet ne emra konkrete. Sipas Nard Ndokes nisur nga kjo PDK nuk do shkoje me syte mbyllur per te votuar shkarkimin e Sollakut. Cdo vendim sipas tij do te vije pas nje analize.

Po keshtu Ndoka i ben thirrje maxhorances te mos shpenzoj energji per kete ceshtje duke kerkuar nje bashkepunim me opoziten per reformet kryesore. Gjithesesi vota kunder e PDK, rrezikon seriozisht shkarkimin e Sollakut ne perfundim te komisonit hetimor. Por nisur nga deklarata te peraferta, demokristianet kane edhe 1 muaj kohe per te vendosur padyshim ne favor te koalicionit qeverises.

[Brari]

--------------------------------------------------------------------------------


Majko zbulon në Dibër se duhet të bashkohet me Edvinin
(25.10.2007)
Ish-kryeministri Pandeli Majko u ka dhënë fund dilemave të tij brendasocialiste gjatë një mitingu, dje në Dibër, kur ka kuptuar se është bir ushtaraku e se duhet të rreshtohet me Edvinin, sido që të vijnë punët brenda partisë


Afrimi i datës së largimit të Kryerprokurorit Theodhori Sollaku nga detyra që ai mban prej 5 vitesh e ku misioni kryesor me sa ka rezultuar ka qenë jo zbardhja po mbulimi i dhjetëra aferave korruptive apo e ngjarjeve të tjera kriminale që implikojnë ish-zyrtarë socialistë apo edhe deputetë aktualë në Kuvendin e Shqipërisë, po tubon në mënyrë instiktive rreth kryesocialistit Rama qëe udhëheq kursin antireformën e betejën për mosshkarkimin e Sollakut, të gjithë ata që kanë llogari të hapura në drejtësinë. Nëse javët e fundit protagonizmi i theksuar i nënkryetarit të griupit parlamentar, Erion Braçe kundër nismës së shumicës për shkarkimin e Sollakut, e ka shpjegimin tek bashkëpunimi dhe lidhjet e ngushta që ai ka pasur më eksponentë të bandës kriminale të Aldo Bares, e vertetuar kjo katërcipërisht nga përgjimet telefonike të realizuara nga drejtësia italiane, ajo e Gramoz Ruçit, tek aferrat korruptive me tregtinë e hekurit apo mosndëshkimin e djalit të tij për plagosje e armëmbajtje ma leje, rreshtimi surprizë i Pandeli Majkos, mund të shpjegohet vetëm me përgjegjësitë e rënda që ai ka patur në rolin e Ministrit të Mbrojtjes në tragjedinë e janarit 2004, ku humbën jetën në ujërat e Adriatikut të braktisur nga trafikantët e drogës 26 shqiptarë. Fill pas kësaj drame, fatkeqësisht të përsëritur njerëzore, familjarët e viktimave kanë krijuar një shoqatë ku prej afro 4 vjetësh kërkojnë që drejtësia të vihet në vend. Mjerisht edhe për këtë rast, ku mjaftonte fakti që me dijeninë e autoriteteve shqiptare, 26 fatkeqët u lanë pëer më shumë se 3 orë në mëshirë të detit të egërsuar, për të çelur një megaproçes gjyqësor që sigurisht do të fillonte nga titullarët e institucioneve. Janë pikërisht trazime të tilla të ndërgjegjes dhe droja se dosja një ditë do të zhdylloset që e çoi dje Majkon në Dibër, krah kryetarit të Asamblesë Kombëtare të PS-së, Ruçi, për t’u kërkuar socialistëve dibranë të mbështesin kryetarin aktual të kësaj partie, Edi Rama dhe njëkohësisht të shkurajojnë lëvizjen e “dezertorit Nano”. “Unë jam djalë ushtaraku, kam qenë Kryeministër dhe Ministër i Mbrojtjes dhe di një gjë, morali i atyre që bashkohen me kundërshtarin ka vetëm një emër, quhen dezertorë. Më mirë të jesh ai që je dhe të shfaqesh ai që je sesa të vesh e të lyesh flokët dhe të thuash që jam ai që nuk je në të vërtetë” - deklaroi dje ish-numri 2 në PS që vetëm pak javë më parë dha dorëheqje nga ky post pikërisht në formë proteste për mospranimin e një rezolute ku kërkohej legalizimi i mendimit ndryshe, thënë shkurt akomodimit të Fatos Nanos dhe mbështetësve të tij në selinë rozë. Ndërsa edhe Gramoz Ruçi me tone entuziaste do të shprehej se “jam sot këtu që t'u bëj vetëm një apel: le ta mbështesim të gjithë këtë njeri që ashtu siç ka administruar në këto vite Tiranën, ashtu të administrojë në vitet e ardhshme Partinë Socialiste, hallet , problemet e Dibrës dhe të gjithë Shqipërisë”. Vetë kryesocialisti Rama duke iu drejtuar të pranishmëve do të deklaronte se megjithë debatet, momentet e konflikteve apo ato të vështira, gjen në Dibër “një parti më të bashkuar se kurrë”. “Në fund të fundit, çdo parti ka një shtyllë kurrizore, pastaj pjesët e tjera ripërtërihen. Ajo që është e rëndësishme, është që jemi të gjithë bashkë sot. Jemi të gjithë bashkë kudo në të gjithë Shqipërinë . Jemi të gjithë bashkë në një përpjekje jo të vogël, në një përpjekje të madhe, të vështirë, të mundimshme, për t'u fokusuar në problemet reale të qytetarëve të këtij vendi”, tha zoti Rama.


Re.Po

55


--



nje gje dika mire majko kapterri se kobures se altin arapit nuk i shpeton dot po dolle nga istikami kanibaleve ..

[Ujku'80]

Korrupsioni 2 i Lul Bashes

• Genc Kondi

70 milionë lekë të reja, që parashikohet të shpenzohen nga Buxheti i Shtetit 2007 për rikonstruksionin e rrjetit informatik dhe elektronik të Ministrisë së Punëve të Jashtme, me një firmë nga zëvendësministrja Edith Harxhi, do të jepen me një formulë të pastër korruptive. Që, zakonisht, përdoret në rastin e blerjeve të vogla. Më datë 17 tetor, dy kompani shqiptare, që operojnë në fushën e shërbimeve informatike, kanë marrë nga zyra e zëvendësministres Harxhi një faks. Me anë të këtij faksi, ato informoheshin për faktin se Ministria e Punëve të Jashtme ka planifikuar rikonstruksionin e rrjetit informatik dhe elektronik, me fond limit prej 70 milionë lekësh, me TVSH, vënë në dispozicion nga Buxheti i Shtetit 2007. Fjala është për një sistem informatik të tipit DMS (Document Management System), të përpunimit të dokumentacionit, që parashikon modernizimin e lidhjes aktuale të Ministrisë me ambasadat dhe konsullatat e saj në të gjithë botën. Në këtë sistem kërkohet të hyjnë në lidhje 500 përdorues terminalë për shkëmbim informacioni të karakterit dokumentar.
Procedura
Zëvendësministrja u kërkon dy firmave të kontaktuara që të dërgojnë, brenda datës 26 tetor, pra deri ditën e sotme, të menduar si afati i fundit, ofertat përkatëse lidhur me këtë projekt. Zyra, që do të pranojë këto oferta, çuditërisht, nuk do të jetë ajo e ndonjë enti prokurues apo drejtori ekonomike e financiare, por Drejtoria e Shtypit dhe Diplomacisë Publike pranë MPJ. Që, duket se do të jetë përdoruesi i ardhshëm i këtij sistemi. Por, që vështirë se mund të gëzojë të drejtën për të mbledhur oferta, që i takojnë një Komisioni të Vlerësimit të Ofertave.
Fondi prej 70 milionë lekësh të reja (814 mijë dollarë amerikanë), sipas legjislacionit të prokurimeve publike në fuqi, do të kërkonte, pa dyshim, kryerjen e një tenderimi publik. Gjë, që përfshin detyrimisht shpalljen publikisht të synimit, shifrës dhe shërbimit të kërkuar nga dikasteri, që investon. Në këtë rast, zëvendësministrja përdor për një fond tepër të madh procedura, që zakonisht përdoren për blerje të vogla administrative, të tilla si letër për kompjuter, tonera, kapse aktesh, lapsa, etj. Që, edhe këto, do t’u nënshtroheshin tenderimeve, në rast se tejkalohej një shifër e caktuar.
Agjencia
Në asnjë nga publikimet elektronike të Agjencisë së Prokurimeve Publike nuk shpallet tender pas datës 25 tetor 2007 për blerje materiali dhe shërbimi informatik nga Ministria e Punëve të Jashtme. I vetmi tender nga ky dikaster aty figuron ai për blerjen e karburantit për qëllim ngrohjeje, me vlerë limit 1.600.000 lekë të reja, që duhet të zhvillohet më 1 nëntor të këtij viti. Ndërkohë, nuk ekziston asnjë “gjurmë” që të vërtetojë ekzistencën e një prokurimi publik, me vlerë 70 milionë lekë të reja për qëllimin e sipërpërmëndur. Ndërkohë që në Buletin nuk mungojnë edhe prokurime për dyer e dritare të shkollave fillore të komunave, me vlerë nga 600 mijë lekë e sipër.
Pra, APP nuk është vënë në dijeni të këtij prokurimi. Të cilin, numri dy i këtij dikasteri e ka gjetur të udhës ta porositë në një rrugë tepër “të personalizuar”. Dokumenti është i konceptuar në emër të ministrit, por në mungesë dhe me porosi të tij. Megjithatë, është e vështirë të konceptohet që titullari Basha, në qendër të akuzave për një aferë 770 milionë euroshe, të ketë marrë edhe këtë rradhë një nismë të tillë të rrezikshme.

EDITH HARXHI
Fondi prej 70 milionë lekësh të reja (814 mijë dollarë amerikanë), sipas legjislacionit të prokurimeve publike në fuqi, do të kërkonte, pa dyshim, kryerjen e një tenderimi publik. Gjë, që përfshin detyrimisht shpalljen publikisht të synimit, shifrës dhe shërbimit të kërkuar nga dikasteri, që investon. Më datë 17 tetor, dy kompani shqiptare, që operojnë në fushën e shërbimeve informatike, kanë marrë nga zyra e zëvendësministres Harxhi një faks. Zëvendësministrja u kërkon dy firmave të kontaktuara që të dërgojnë, brenda datës 26 tetor, pra deri ditën e sotme, të menduar si afati i fundit, ofertat përkatëse lidhur me këtë projekt

LULZIM BASHA
Numri dy i këtij dikasteri e ka gjetur të udhës ta porositë shërbimin e kërkuar në një rrugë tepër “të personalizuar”. Dokumenti është i konceptuar në emër të ministrit, por në mungesë dhe me porosi të tij. Është tepër e vështirë të konceptohet që titullari Lulzim Basha, në qendër të akuzave për një aferë 770 milionë euroshe, si ajo që lidhet me segmentin Rrëshen-Kalimash, të ketë marrë edhe këtë rradhë një nismë të tillë të rrezikshme, që mund të shtojë dyshimet për korrupsion. Pikërisht në kohën kur për atë kërkohet, madje, nga organi qendror i akuzës, heqja e imunitetit të deputetit për vazhdimin e procedurave të ndjekjes penale

[Ujku'80]

Ish-presidenti Alfred Moisiu, ka rrëfyer detaje të reja në lidhje me aferat e rrugës Durrës-Kukës, për të cilën Prokuroria e Përgjithshme ka kërkuar heqjen e imunitetit të ish-ministrit të Transporteve Lulëzim Basha. I ftuar në emisionin “Top Show”, ish-kreu i shtetit shqiptar ka treguar detaje të një bisede me përfaqësuesin e Bankës Botërore në Tiranë, Nadir Mohamed, zhvilluar në zyrën e tij në kohën që ai ishte president. “Përfaqësuesi i Bankës Botërore ma tha se çmimet për këtë rrugë, janë më të larta se ato reale dhe ai ishte i shqetësuar”, u shpreh Moisiu. “Ma tha Nadir Mohamed në zyrën time këtë. Ishim duke biseduar për probleme të ndryshme dhe ai më shprehu shqetësimin e tij edhe për rrugën e re”, shtoi ai. Moisiu ka bërë të ditur gjithashtu se sapo ka dëgjuar për këtë, është përpjekur të marrë kontakte me personat përgjegjës, por jo me kryeministrin Berisha. “Indirekt, kuptohet, u lidha me ministrin, të cilin e ftova dhe në zyrë, por ai nuk erdhi”, deklaroi ish-presidenti i Shqipërisë. Moisiu shfajësoi gjithashtu Prokurorinë e Përgjithshme në lidhje me kërkesën për imunitetin e ministrit akutal të Punëve të Jashtme. “Kërkesa për heqjen e imunitetit të Bashës është e vërtetë që u bë një ditë pas kërkesës për Komisionin “Sollaku 2”, por abuzimet me rrugën kishin dalë në shtyp, që do të thotë se Prokuroria punonte”, tha më tej Moisiu.
Tenderi
Si rrallë ndonjëherë, gjatë historisë 17-vjeçare të institucioneve demokratike në vendin tonë, një tender, i zhvilluar me nxitim dhe në mungesë të plotë të respektit të legjislacionit në fushën e tenderimeve dhe prokurimeve publike, ka “krisur” marrëdhëniet midis institucioneve kryesore shtetërore. Prokuroria e Përgjithshme ka konstatuar se, gjatë miratimit të fitueses së tenderit ndërkombëtar për ndërtimin e rrugës Rrëshen-Kalimash dhe gjatë lidhjes së kontratës midis shtetit shqiptar dhe konsorciumit Bechtel-Enka, ka patur shkelje të rënda ligjore. Duke filluar nga pranimi i fuqisë së ligjit anglez mbi kontratën, fillimi i punimeve pa depozitimin nga kontraktori të shumës së garancisë, klauzolat e çmimit për njësi, që janë shumë më të larta nga çmimet e tregut shqiptar për materialet dhe shërbimet e ndërtimit. E deri tek pranimi i penaliteteve të njëanshme, tepër të rënda për vonesat nga ana e shtetit shqiptar dhe mungesën e tyre për vonesa të shkaktuara nga kontraktorët e huaj. Gjithashtu, Ministria e Punëve Publike, Transportit dhe Telekomunikacionit, gjatë kohës që titullar i saj ka qenë ministri aktual i Punëve të Jashtme, Lulzim Basha, ka lejuar që konsulente të jetë një firmë holandeze, vend, ku zoti Basha ka qenë resident dhe zotëron një shtëpi banimi, e cila është në marrëdhënie ortakërie indirekte me kompaninë që ka fituar tenderin.
Të gjitha këto shkelje kanë bërë që, si fillim, shifra e parashikuar për financimin e punimeve për ndërtimin e këtij segmenti, të rritet nga 418 milionë euro në 770 milionë euro. Në rast se do të dalin probleme teknike me tunelin, shifra do të rezultojë edhe më e lartë.

[Duaje Siveten]

dhe kolltuku ku ke hipur duke hequr nderen zvarr
eshte trekembshi qe perdita varet kombi ne litar,
mbasi dora e armikut ty me shok’ të heq për hunde.
Rroftë miku yt i huaj, që për dita los e qesh ,
koha dridhet e perdridhet do vij dita qe do zgjidhet
dhe nga trasta pem e kalbur do e mos qe jasht dot hidhet.

Koha dridhet e perdridhet prej gradimit kater shkall
nuk dot mbetet gje ne dor veq se vul e zez ne ball.
Mire po ju qe skeni patur as nevoj as gje te keqe,
me perpara se te gjith I that te ligut peqe,
qe te zini nje kolltuk aq u ulet u perkulet
sa ne pragun e armikut vajtet si kopil u ngulet,
as sju hahet as sju pihet vetem titullin e doni dihet.

Tek sa fshati I varfer digjet
krye kurva nis e krihet.
Si do mos ju dredharak ju me zemra aq te nxira,
ju dinak ju shushunja ju gjahtar ne erresira ,
ohh çna pa syri çna pa syri hunda juaj ku nuk hyri
te I miri te I ligu te spiuni me I ndyri,
dallavera neper zyra dallavera ne Pazar,
dallavera me te huaj dallavera me shqiptar,
vetem vetem dallavera dhe ne dem te ketij vendi
qe ju rriti qe ju ngriti qe ju ngopi qe ju tendi.

A e dini që fitimi brenda katër vjet mizor
nuk ësht i yti, nuk ësht’imi, është i kombit arbëror,
Ësht’ i syrit në lot mekur, ësht’ i vëndit djegur, pjekur.
Ju do thoni si të doni…po e drejta dërmon hekur!

Edhe kujtoni tash e tutje, me te tilla dallavera
kukuvajka do pertype zog e zoga si perpara,
por JOOO GRUSHTIII DO TE BJER
PERMBI KRYET E ZUZAREVE
KOHA ESHTE E MASKARAENJEVE
POR ATDHEU ESHTE I SHQIPTAREVE”

(Ali Asllani)