Përdhunimi

[vetem per ty]

Perdhunuesit jane maniake seksuale dhe nuk e dine rendesine e asaj qe bejne, kete jua them nga eksperienca, dhe meritojne nje denim.

[Klevi]

Gjeja me e keqe qe nje personi mund ti ndodhi ..

[Izadora]

Në më të shumtën e rasteve përdhunuesi nuk përdhunon nga dëshira për seks por nga dëshira për tu ndjerë superior, me pushtet ndaj viktimës së tij.

Kjo eshte e vertet,megjithse nuk e justifikon veprimin.

[gloreta]

me keta njerez nuk rrihet se jane te fiksuar shume pas seksit

[martini1984]

me keta njerez nuk rrihet se jane te fiksuar shume pas seksit

Keta ja ne te semure organikisht,kane ngrene caj mali dhe sot spageti me pilaf.
Zgjidhja:kam blere nje kukull tullumbac,pra e fryj me ajer dhe ajo s'ndihet.
Te shkruaj me teper eshte jo patriotike,apo kombetare.
lg

[ilia spiro]

Nuk votoj per asnjerin nga variantet. Une them se jane sadiste (kenaqen kur vuan tjetra).
Keshtu thote edhe psikolgjia.

[Aikido]

Përcaktimet për përdhunimin janë të ndryshme dhe variojnë sipas shteteve. Departamenti Amerikan i Drejtësisë në 1988, e ka përcaktuar përdhunimin si një “marrëdhënie e paligjshme seksuale me një femër, e ushtruar mbi të forcërisht ose pa konsensus ligjor faktik”. Termi “ përdhunim me forcë”, ka të bëjë me zhbirimin njohës të trupit të një femre, forcërisht dhe pa dëshirën e saj.

Përfshin sulmet dhe përpjekjet për të kryer përdhunim me forcë, ose kërcënimin për të arritur drejt këtij veprimi. Përdhunimi statutor përfshin zhbirimin njohës. Elementi kritik në këtë të fundit, ka të bëjë me moshën e viktimës, që është një limit moshor i vendosur mbi baza ligjore ose morale, nën të cilin vajzat, quhet se nuk kanë maturinë e duhur për të qënë të përgjegjshme e për të pranuar marrëdhënie, apo për të kuptuar pasojat të sjelljes.

Kufijtë moshore në shtete të ndryshme kuptohen e pranohen ndryshe, por limiti zakonisht prek grup moshat 16-18 vjeç. Pra, nëse një i rritur përfshihet në marrëdhenie seksuale me një të mitur, ai ka kryer një përdhunim statutor. Përdhunimi mbi bazën e mashtrimit, ka të bëjë me përfshirjen në marrëdhënie seksuale në kushtet e një mashtrimi ( p.sh. një psikoterapist ose psikolog mund të kryejë marrëdhënie seksuale me klientin, nën maskën e trajtimit që ofron; hetuesi mund të bëjë të njëjtën gjë me ndjekësit e tij, për hir të detyrës apo rolit të tij mbrojtës, etj.).

Përcaktimet e mësipërme mbeten për viktimat femra, sepse ata meshkuj përmënden pak ose aspak në statistikat e lidhura me përdhunimet. Kjo tregon se përdhunimi i meshkujve, ende është një tabu për shoqërinë njerëzore, pasi ata janë pjesa më dominuese, e fortë, agresive e shoqërisë, që vështirë se ndërron vendin e rolet në këmbim të pozicioneve të kundërta.
Nga ana tjetër, historikisht flitet për meshkujt si organizatorë të përdhunimit, mashtrimit dhe sulmeve të tjera seksuale. Shpesh në literaturë dhe në praktikë, përcaktimi i terminologjisë për përdhunimin paraqet vështirësi. P.sh. sulmet seksuale të viktimave nga bashkëshortët apo partneret e tyre, nuk raportohen si sulme përdhunimi dhe nuk bëjnë pjesë në incidencat e rastit.


Modelet e përdhunimit

Janë identifikuar katër kategori të përdhunuesve:

1. Përdhunuesit që shpërngulin ( zhvendosin) agresivitetin - janë të dhunshëm dhe agresivë në sulmet e tyre dhe posedojnë një minimum ose aspak dëshirë për seksualitet me viktimën. Ata ia atribuojnë sjelljen e tyre, "impulseve të pakontrolluara". Zakonisht këta individë nuk japin qartë idenë se po sulmojnë viktimën vetëm për seksualitet, por shpesh kërkojnë nga viktima manipulime orale ose masturbime. Rezistenca ndaj tipave të tillë, s’bën gjë tjetër, veçse shton agresivitetin e tyre. Një agresor i tille mund të demonstrojë karakteristikat e mëposhtme gjatë sulmit:

• Mungesa e arsyeve për të lidhur sulmin me seksualitetin. Prezantimi i dhunës e sulmit fizik,që sjell kompliancën e viktimës.

• Fakte të qarta të sjelljes verbale që vërtetojnë qëllimin për të dehumanizuar e përbuzur viktimën.

• Mungesa e fakteve që tregojnë se sjellja agresive është e erotizuar ose që kënaqësia seksuale arrihet përmes akteve të lëndimit.

• Aktet lënduese nuk fokusohen në pjësët e trupit që shprehin e lidhen me seksualitetin.

2. Përdhunuesit kompensues - njihen edhe si përdhunuesit e vërtetë. Ata e lidhin sulmin me një qëllim që duhet plotësuar. Motivi bazë që i shtyn ata drejt sulmit është dëshira për të provuar një pushtet dhe mjaftueshmëri seksuale.Ata jetojnë me fantazinë që qendërsohet tek imazhi i viktimës, me të cilën duan të kenë një marrëdhënie, nga e cila viktima të konfirmojë përsosmërinë e qëndrimit te përdhunuesit për të arritur kënaqësinë e marrëdhënies, gjë që sipas fantazisë se mëtejshme, do të sillte nje. Qëndrueshmëri në marrëdhënien e nisur. Ata këmbëngulin në kontaktet e mëtejshme me viktimën, ndonëse ajo kundërshton sulmin seksual. Ata e ndjekin viktimën, e vëzhgojnë, pavaresisht se janë të panjohur për të. Nëse viktima reziston qëndrueshëm, përdhunuesi kompensues, ia mbath e zhduket, nëse viktima reagon pasivisht, përdhunimi realizohet pa shumë dhunë fizike e agresivitet. Në këto raste përdhunuesi zakonisht ejakulon spontanisht, edhe pa patur kontakt fizik me viktimën. Përgjithësisht nuk demonstrohen sjellje të tjera antisociale nga kjo kategori. Përdhunuesit kompensues janë të urtë, të qetë, burra të mirë që u pëlqen vetmia. Ka autorë, që i përcaktojnë ata si individë me sjellje introverse, nivele të ulëta të vetë-vlerësimit, nivele të ulëta të nevojave për arritje akademike, të punësimit apo suksesit social. Ndërkohë, që të tjerë mendojnë se, krahasuar me tipat e tjerë të përdhunuesve, kanë adaptim të mirë heteroseksual dhe mund të arrijnë nivele të larta të aftësimit në punë.

3. Përdhunuesit sadistë - janë personat tek të cilët tiparet agresive duket se bashkëjetojnë në nivele normale tek individi. Ai përdhunon për shkak të kombinimit të dhunës me eksitimin dhe elementët seksuale gjatë aktit dhe është i bindur se kënaqësia seksuale femërore duhet të arrihet përmes përdhunimit, me forcë dhe të jetë e dominuar dhe e kontrolluar nga burri. Sipas tij, gruaja është pjesë e natyrës. Inati dhe agresiviteti nuk shoqërojnë që në fillim sulmin. Ata e konsiderojnë qëndresën femërore, si një pjesë e proçesit të arritjes së kënaqësisë, pra, ajo që duan femrat është të jenë të përdhunuara forcërisht dhe të sulmuara seksualisht.

4. Tipi i përdhunuesvë impulsive – nuk demonstrojnë as tipare të agresivitetit të fortë dhe as seksualitetit të fortë, por përfshihen në përdhunime spontane, siç ua prezantojnë rrethanat. Zakonisht përdhunimi, është në vazhdën e ndonjë krimi tjetër, si vjedhja dhe viktimat përdhunohen me një minimum të përdorimit të forcës dhe në përgjigje të një minimumi te ndjesive seksuale. Përgjithësisht, ky keqbërës përfshihet në histori të tjera kriminale, më tepër se në përdhunime

Përdhunimi dhe pornografia

Lidhja midis përdhunimit dhe pornografisë, ka njohur vazhdimisht diskutime e debate. Dy nga komisionet më të mëdha të ngritura për shqyrtimin e çështjes, kanë dhënë konkluzione të kundërta. Në 1967, komisioni nuk mund të vërtetonte se kontributet materiale seksuale, lidheshin domosdoshmërisht me krimet seksuale dhe kjo u përkthye në faktin se pornografia nuk është e dëmshme. Komisioni i dytë në 1984, rekomandoi masa shtrënguese ndaj materialeve pornografike. Ky komision u kritikua për mungesë të objektivitetit shkencor. Studimet kanë treguar se pornografia, në disa rrethana të caktuara mund të favorizojë e lehtësojë sjelljen seksuale agresive ndaj grave.
Ka tre faktorë që ndikojnë në marrëdhënien midis erotikës dhe agresivitetit njerëzor.

• Niveli i zgjimit që nxitet nga filmat erotikë.

• Niveli i agresivitetit që përmbajnë këto filma.

• Reagimet e viktimës të portretizuara në këto filma dhe fotografi.

Faktikisht, niveli i dhunës së shfaqur në filma duket se është ndikues. Portretizimet e grave që sulmohen, seksualisht ose jo, rrit mundësitë për sjellje agresive të burrave kundrejt grave, edhe kur ata nuk janë të nevrikosur apo të mërzitur. Aq më tepër, ravijezimi i akteve të sjelljes agresive nga media, mund të lehtësojë përdhunimin, për kategori të caktuara meshkujsh. Sekuencat ku femrat shihen të abuzuara fizikisht, inkurajojnë burrat për të suportuar sjelljen e tyre agresive seksuale deri edhe në përdhunim. Skenat filmike, ku femrat portretizohen si viktima që pëlqejnë përdhunimin, inkurajojnë pranimin e mitit të përdhunimit dhe prodhojnë dhunë kundrejt femrave.Marrëdhenia midis pornografisë së dhunshme dhe agresionit seksual mbetet e turbullt. Ndonëse pornografia jo e dhunshme, mund të jetë e vlefshme për një shoqëri të lirë, të hapur dhe argumentohet me vlera sociale, pornografia e dhunshme nuk ka vlera të tilla. Efektet e dëmshme kanë veshtirësi për t’u dokumentuar, përjashto rastet kur kemi kategori e subgrupe të identifikuara individësh.

P.s Duke parë që ishte një temë nuk e mora inisiativën për të hapur një të re. Mendojë se dhe këtu ka vend për diskutim, duke parë që tema nuk kishte asnjë spjegim mbi rastet e vendosur më sipër në sondazh. Mblodha disa materiale dhe i përpunova nxorra disa gjëra interesante duke shtuar dhe disa nga njohurit e mia personale mbi psikologjin, që mund ta pasuronin më tepër këtë temë.

[MijnWonder]

Keta ja ne te semure organikisht,kane ngrene caj mali dhe sot spageti me pilaf.
Zgjidhja:kam blere nje kukull tullumbac,pra e fryj me ajer dhe ajo s'ndihet.
Te shkruaj me teper eshte jo patriotike,apo kombetare.
lg

plastic fetish ?? uau

[MijnWonder]

Shpresoj qe rezultatet e sondazhit te jene shtyse per bashkbisedim.

pak a shume nga rezultati i sondazhit shikohet dhe mendimi per keta *monstra*

me sa kam lexuar shumica kan probleme psikollogjike qe nga femijeria dhe kjo arsye rendomti perdoret ne mbrojte kur gjykohen ,
per mua ska asnje excuse per dike te kryeje apo te dhunoje dike .
keta njeres jan llumi i kesaj bote perfshi dhe ata qe mund te jene me shkolle e familje te mire etj etj ...me kete veprim hedhin gjithcka poshte prandaj mbneshtes ligjin ne disa vende qe i sterilizojne si (qente ) e meritojne

[Safka]

Unë do të thoja vetëm diçka duke mos hyrë shumë thellë në psikologjinë e njerëzve që përdhunojnë sepse më duket gjë shumë e komplikuar.

Femra duhet t'i besojë vetes së saj dhe instinktit,
nëse një person i duket i dyshimtë, asesi të mos e lejojë as të bisedojë me të, e jo më të mbetet e vetme me të në ashensor, apo në taksi, apo në parking apo në sallat e pritjes etj etj etj.

E di se kjo që fola është shumë e vështirë për tu praktikuar, dhe nuk është kollaj të "dyshojmë" në dikë, se zakonisht përdhunuesit janë aq mirë të përgaditur dhe si dallon dot, vetëm unë besoj shumë në instinktin dhe mendoj se një femër mundet, sadopak, kur nuk ka si ndryshe, të mbështetet në instinktin e saj, dhe disi, t'ia dali në krye.

Shpesh ndodh që femrat nga mirsjellja dhe nga naiviteti bien pre e përdhunuesve.

Mendoj se është më mirë të flasim për femrat se si të sillen, si ti njohin, si të shpëtojnë dhe si të përballen me këtë problem, e jo për ata kafshë, që sua gjen dot fillin e problemit sikur ta mbushim forumin duke fol për to. Janë të çmendur, janë manijankë, janë kështu, janë ashtu, për mua as që ka rëndësi, mund të jenë çfarë të duan, kryesore s'janë normalë dhe ta prishin jetën ndoshta.